—類投稿

屯門學校

#NSS學業 [屯門學校] 希望可以抽中po IG啦🥲 ##簡單講返個背景先,我小學係中上嘅小學,咁我就升咗去一間band1中下嘅中學,有個朋友佢係我小學同學,中學唔同學校,但係中學係同我同一間補習社,佢小學成績都係好過我,佢升咗去屯門最勁嗰幾間中學,我哋兩個嘅阿媽都識嘅,都算係幾frd,但係我同佢唔frd。(下稱Y) ##事緣就係咁嘅,近排我學校派咗第二次考試嘅成績,咁我喺全班嘅排名係倒數第四名,不過我算係精英班所以下面都有人墊底,跟住家長日嘅時候個老師就踩到我好似地底泥咁樣(中學第一個家長日我唔知係咪間間學校嘅老師都係咁),又話乜嘢上堂發夢、唔積極答問題、超過一次遲交功課、隻襪太長…….總之就好多唔同嘅奇怪嘢啦。咁我都算啦佢鍾意點講就點講,反正我屋企人聽到老師講呢啲嘢之後冇鬧我。但係之後佢哋夜晚食飯嘅時候,阿媽無端端就話:「喂!你睇吓Y啦,佢上次成績差俾佢阿媽鬧醒咗啊,你睇吓人哋同你同一間補習社人哋都好你咁多,人哋積極向上,唔識嘅就問,咁有上進心又成日溫書,你喺度做乜嘢啊?我唔係攞你同佢比囉,只不過係俾你睇吓人哋有幾努力囉。」嗰一刻我心諗:「其實我有溫書㗎囉…我同佢又唔同學校,份卷又同佢唔同,我哋兩個個腦又唔同,屋企環境又唔同,點可以攞我同佢比㗎。。」跟住食完飯之後我就自己走入房喊……. ##到咗下一日返到補習社,補習社啲Miss知道咗我嘅成績,咁啱嗰一日Y都喺度,個補習Miss又話:「唔係啩你哋小學同一間學校㗎咩?我唔信囉,Y好你咁多,你點入到黎呢間Band one中學㗎?你咁蠢。」跟住Y係個miss講緊呢堆嘢嘅途中都不停咁話:「唔好咁講啦!唔好咁講啦!」 ##雖然Miss同Y講呢啲嘢嘅時候都係笑笑口咁樣講,但係我都係覺得好唔開心囉……點解我成績差就要係咁俾人串。。雖然都係預咗但係都係咁難受。呢件事我冇同人講過,因為我覺得我講咗俾人知佢哋一定話我玻璃心🥲 唉我嘅人生啊……唔知而家可以點做好,明明我都有勤力溫書點解就係會成績差,點解成日都要俾人攞嚟同其他人比。因為我唔知可以同邊個講所以我喺呢度投稿,多謝你睇到呢度🧎🏻‍♀️Sor for 1999

閱讀更多

GUEST

#NSS學業 [GUEST] 篇嘢有小小長,希望你會睇晒佢🙏🏻 Admin po ig please🙏🏻& sor for 1999 小妹係呢間學校嘅f4學生,講返小小背景先,事緣我哋學校放完復活節假之後(4月12號係放完假第一日上堂,咁4月15號至4月20號係要返去考unified Test)咁就有f1、f3、f4、f5要返去考,咁f2就五月先考。 咁問題嚟喇,濕9教育局喺3月26號講咗復活節假後可以比全校2/3嘅學生返學校上堂,但係我哋呢間搞笑學校呢竟然冇安排比f4返去上堂!考完ut 之後照舊淨係得f4 上online lesson,其他級返去學校上面授。我哋呢一級對上一次返去上堂係由2月22號返到3月15號,總共返咗16日面授(唔計禮拜六日同公眾假期)。 不過呢,最可笑嘅係五月先考ut 嘅f2可以一直返面授。你可以話f1返去係適應中學生活,f3返去因為要揀科,咁點解f2要返去上面授?佢哋仲要係五月先考ut ,我真係百思不得其解。好啦,咁正苦啲政策係咁樣就要跟㗎啦,咁咪要輪住嚟返囉,但係返16日面授對我哋有咩幫助?嗰16日基本上只係返去補返晒啲默書、quiz同test,根本學唔到啲乜嘢。啲堂仲要隔2、3日先有堂上,分分鐘開咗個新topic教到中間又轉返online lesson。而且我諗大家都知online lesson都冇可能會專心聽書㗎啦,咁到頭來根本同裸考冇分別。 加上我哋兩年後考dse,如果今年第一年高form連個基礎都打唔好,咁兩年後考到成pat屎係咪你呢個做校長嘅負責? 咁因為呢個緣故呢,所以我哋學校安排復活節假嘅非公眾假期返去補課。咁聽啲老師講應該全部普通日子要返去應該補課應該走唔甩。咁補課嘅原意係好嘅,都係想學生考好啲,之但係如果3月中嗰陣冇將我哋f4同低form調(冇記錯好似係同f1調)上堂嘅話,咪唔使搞咁多嘢囉。 最後最後,直至3月29號呢間學校都仲未出今次ut 範圍!好彩都有啲老師有同我哋講範圍,如果唔係等佢個範圍應該死得人多。

閱讀更多

Admin 加油

#NSS家庭 [Admin 加油] Admin pls po ig 究竟我同邊個訓?🧐😩 小妹12 二哥14 大哥17 小妹雖然屋企唔箅窮,但係空間唔算大 (Ps 三房兩廳) 本身我地三個都有自己張床,但係某D原因,小妹冇咗張床,要同兩個啊哥瞓 唔知點解,佢地兩個爭住同我瞓🙄🥱 雖然我都知佢地想抽水 其實我冇所謂 同埋 兩個都試過 只係大哥抽水抽多D咁解 Sor for 1999

閱讀更多

Guest

#NSS家庭 [Guest] Admin please post IG tksss >< 是咁的,話說我有個friend就嚟生日,佢好鍾意多啦a夢,咁我買咗個差唔多$150嘅多啦a夢公仔畀佢。 買之前我問過屋企人,因為其實$150買一個公仔真係有啲貴(我今年中二,女仔),佢哋個個都叫我自己揸主意啦。 點知到我真係買咗返嚟嘅時候,佢哋又喺度話我做乜買一個咁貴嘅公仔,話咩就算送生日禮物畀friend都唔需要買咁貴嘅嘢,又問我知唔知$150對我(一個中學生)嚟講其實已經好貴。 嗰下真係有啲嬲,買之前問佢哋嘅時候又唔出聲,到買咗之後先喺度問長問短,如果真係覺得買咗會好嘥錢咪一早出聲,咁我咪唔買囉。 其實我想問下$150嘅禮物(毛公仔)係唔係真係太多 多謝各位喺度聽我呻 Sorry for 1999

閱讀更多

社大

#NSS個人 [社大] 毒撚半年交友app感 2字頭喇,仲A0呀…TT, 又就快生日老一歲了。我上年10月開始用交友app, 識到唔同人,想知自己正唔正常,少唔開心。 1,家庭背景 上到交友app, 識到d女個個住靚裝私樓, 好似好有米咁🤷🏻‍♂️雖則唔知租定點,不過我講到自己住公屋就即比人88!唔明點解咁睇唔起住公屋,係嫌我窮定其他?買樓租金回報又唔係好高,有樓真係威d咩…有價無市,二手市場場邊多成交呀🤷🏻‍♂️銀行借錢都借比一手市場啦⋯相反,公屋生活開支低 草到錢就一定。 2,消費價值觀 小弟就好慳既,好多野都唔追新,當電子野為例,我就唔買唔得/有用先買,買黎就真係諗點樣chur 爆部機,就無話因為其他乜野,但D 人就話我好唔惜物。飲食開支上,細個就好慳$10-40,依加$50-80。咁我無零用了 2x歲靠自己$5-80覺得都好唔錯啦,點知比人話cheap🤦🏿‍♂️話食飯3位數好基本🤷🏻‍♂️我真係唔知係佢要我請佢餐餐3位數 定佢自己習慣真係餐餐3位數~ 咁樣食法 一日2餐 月月都6千,2個人咪萬2,10幾歲 20歲頭又未有正職,點解覺得理所當然… 咁我就唔係窮到無錢食,只係覺得價錢高唔代表好🤷🏻‍♂️仲有係一定要有錢剩草到錢。另外,我個人18就已經拎哂d 毒撚錢去炒股既,由細草到大,炒炒下係覺得感覺唔錯,即係我會為左買大d 唔食唔玩唔洗, 全副身家買哂落去都無問題,但仆街話我唔上進

閱讀更多

GUEST

#NSS學業 [GUEST] Hello 大家。我想問大家一個問題,就係你哋係可以點樣認真溫書。因為呢排考試成績炒咗,所以想問大家溫書有冇啲乜技巧可以認真啲溫?

閱讀更多

Sum狠淚學校🏫

#NSS家庭 [Sum狠淚學校🏫] 希望admin抽中我🙆🏻‍♂️🙆🏻‍♂️🙆🏻‍♂️ 唔知大家有冇試過生活系一個被冤屈的家庭?[知道嘅人就扮唔知啦~~] 我生活左系呢個家庭十幾年 每一次家庭聚會同D表弟表妹一齊玩 都唔知點解一定有人會王子/公主病發作 就上一次gathering,表弟A系咁破壞我哋玩緊個D康樂棋,又將啲垃圾扔黎扔去,感情佢就嗰陣時我哋梗係鎖好晒門,之後佢系咁拍門,過咗一陣我哋諗住開門睇吓個情況係點,跟住佢就衝咗入嚟打交,我全程都其咗系一邊望住佢哋打架,表弟A郁手先,表弟B(P.3)自然就打返佢,跟住表弟A(ps F.1)佢無啦啦鎖住自己喺房然之後喺度喊。我哋個陣全部都出晒系廳 跟住啲大人就去了解件事(完全冇問過我哋件事系點 就信晒個仔)舅父就公眾話系我策劃件事 仲剩機打我,咁好啦我認晒 之後舅母同佢個仔傾完計 就叫我哋道歉 仲話表弟A已經讓左比表弟B 如果唔系表弟B已經死咗 佢個種態度真係令人勁嘔心 我心諗 我都冇做錯 點解要道歉,咁最後我哋都道咗歉兩次 佢都未肯原諒我哋,講得難聽D佢系真係扮晒蟹 呢個都唔係問題 重點系佢背後仲有個包庇佢個仔嘅慈父慈母。我成日都覺得佢哋教仔嘅方式錯晒,但係我又唔夠膽指證佢哋。佢哋真係體現出有困難嘅時候屋企人都企埋同一邊,我個家庭?係冇佢哋咁衰,但係都唔好得去邊… 自呢件事候我都覺得自己真係有唔啱嘅 但係表弟A點解仲要吊高嚟賣,明明都道哂歉仲喺度扮高貴唔肯原諒我哋。我個日直接就黑口黑面

閱讀更多

guest

#NSS家庭 [guest] thanks admin🙏🏿 hello我屋企個老豆 我覺得佢真係好討厭 可能淨係我咁覺得。 話說我屋企有個細妹 讀緊幼稚園。雖然咁講好衰 但佢真係好拽,要教嘅我都明,我成日都控制自己唔好鬧佢,俾啲耐性。咁其實教完佢,下次佢都唔會記得,不過呢個唔係重點。我老豆佢成日都好大聲鬧佢,打佢。用衣架打到佢紅曬,用電線打到佢一條條痕。上次我記得我呀嫲,好大力打落佢塊面到,又紅曬,細妹係到喊,又叫佢即刻收聲,再喊繼續打。 我覺得佢好慘,次次佢俾人打,我都會話返佢哋唔好咁大力,佢哋會話返我,不過咁又點,佢哋又唔會打我,因為佢哋知道我識反抗而我細妹唔識。打完細妹,我會抱我細妺入我間房,安慰佢,幫佢印乾啲眼淚,我唔知我咁啱唔啱,我係咪寵緊佢,但佢俾人打到咁,我好難唔心痛,應該講唔忍心見到佢咁慘。 我細個嗰陣,其實都係咁,但只不過係冇人幫我,搞到我依家神神化化咁(我覺得),(但呢啲可能唔關佢哋事,純粹我自己嘅問題,例如我可以一日唔食野,淨係飲水,冇胃口,唔鍾意同其他人講野,冇咩表情,平時情緒主要係唔開心為主,都會開心但可能係幾秒咁…對唔住唔多講廢話) 講返點解我唔鍾意佢,佢會收工返到屋企即刻鬧人,邊個都好,爆曬粗,每句一定起碼有兩個撚,三句不離一句屌你老母。我好討厭呢啲,我唔鍾意啲人成日講粗口,我覺得好冇素質好恐怖,當然平時開玩笑講一兩句係絕對冇問題。 另外,佢對住佢呀爸呀媽,啲態度真係好差,差到我覺得佢係要落地獄嘅程度,我真係好唔明,好聲好氣咁講嘢係咪好困難?但佢對我特別好,可能我成績好,定可能佢驚佢第時老左冇人養佢,冇人幫佢供樓,我唔知喇,但我覺得好虛假,根本就係扮嘢。 我好唔鍾意咁,我好想等我有錢,我自己同埋細妹搬出去住,我細妹真係好慘,佢咁樣會影響佢心理健康,我好想努力守護我細妺。另外講返,母親有時會幫手出聲,但通常都係俾我老豆鬧返。

閱讀更多

Guest

#NSS愛情 [Guest] 一個月前分左手 但係我仲係放唔低對方 佢近排唔舒服 份人好似變自卑左 我好擔心 但係佢好似真係已經放低左我同佢之間嘅感情 好正常咁生活 我問佢咩事 都係普通回覆 就真係朋友之間同朋友之間嘅關係 我由原本暗戀 拍拖 再返去暗戀 原本以為自己可以擁有 但我再次失去 我明白我性格唔好 成日無端端發脾氣 但係我每次發完真係好後悔 點解自己把口咁賤 我地嘅嗜好明明一樣 唔係玩唔埋 我成日覺得 係咪因為我把口太賤

閱讀更多

GUEST

#NSS家庭 [GUEST] 我真係好憎我阿哥 由細到大 佢都好似有暴力傾向咁 成日打我 鬧我 叫我做野 話我肥 話我生好多暗瘡好醜樣 每次屋企人都會同我講佢係愛我 只係唔同方式 佢今年23歲都嚟緊 仲讀緊IVE repeat左唔知幾多次 次次都萬幾萬幾 晒左屋企好多錢 我屋企唔有錢 為左供佢讀書 我媽咪每日返工返到好辛苦 周身病痛 但佢就可以日日唔洗返學返工咁樣 係屋企打機瞓覺出街 因為屋企房唔夠 由我出細已經申請大屋

閱讀更多