—類投稿

Guest

#NSS個人 [Guest] To my best friend. 好快,你就會喺一個全新嘅環境展開全新嘅生活。可能對你嚟講,呢個轉變唔係好重要;但係對我嚟講,呢個咁嘅轉變,意味住喺我一生中最重要嘅一個人,剩係留低俾我一啲回憶、一啲遺憾,就咁走左去。 好彩,我諗宜家我終於準備好面對一個殘酷嘅現實;呢個現實,就係你根本冇在乎過我。就算你每次都否定呢件事,但我諗大家心底裏都知道,我對你嘅重要性,係遠遠低於你對我嘅重要性。但係,咁多年過去,我終於學識接受啦。每一段友誼都會漸漸離散,我終於明白。 可能,你會覺得我又悶又煩,一日到黑剩係識呻苦。我唔會怪你咁諗,而你選擇寧願同啲更加好玩嘅朋友去相處,從而忽略左我,亦都完全合情合理。但係,我從來冇一刻,忘記過你 — 我第一個朋友。 好啦,我認錯。我有妒忌過,質問過點解你唔肯當我係一回事,但係只係我嘅愚蠢一直地盲目欺騙自己;欺騙自己,去諗你有在乎過我。宜家真相算係水落石出,我唔會咁蠢㗎啦。你值得一啲更加好嘅朋友。而我呢?我唯一可以做嘅嘢就係嘗試接受。 我希望,我地兩個可以各有各走,喺一個更加美好嘅地方過一個更加好嘅生活。你可能知道前路有乜等緊你,但係冇人知我嘅下一站會係點。我今日可能仲在生,聽日可能就走左㗎啦!人生無常嘛。我唔想繼續煩擾到你。 所以,拜託拜託拜託你應承我一樣嘢。應承我,你會過一個美好、開心嘅生活,同嗰啲你在乎嘅朋友玩得開心啲。而我… 我求下你忘記左我啦。反正,我活著嘅唯一一個原因都已經離棄左我。 我地將來,喺第二邊再見。我一定會等你。宜家,好好享受你嘅生活啦!我唔阻你啦。 我地嘅旅程就到此為止。 享受啦。 一個陌生人,上。 圖Link: https://ibb.co/K7KMd0N

閱讀更多

Guest

#NSS個人 [Guest] 辛苦晒admin🙏 事情嘅原由係當我諗住做功課嗰陣一定會有股神秘嘅力量阻止緊我去做功課。 就好似今日,我本身諗住坐低做功課,突然肚餓就用咗半個鐘去煮麵。等我煮完麵返嚟食完。功課寫完個日期,突然手機又有條訊息彈出嚟,我覆覆下又變咗同人傾偈,就咁又傾咗半個鐘⋯⋯傾得夠耐啦係時候要做功課啦!退出個介面又唔小心咁入去YouTube度。就咁有睇咗一個鐘嘅YouTube。好啦睇完YouTube之後終於可以做功課喇!做到一半阿媽嗌食晚飯喇!因此我又出去食咗一個鐘⋯⋯食完飯又要煲劇,煲咗一個鐘之後去咗沖涼。功課呢啲嘢就俾我遺忘喺隔離⋯⋯ 想問大家有冇呢個問題?🙏

閱讀更多

GUEST

#NSS其他 [GUEST] 突發奇想其實小編個小係邊個小,應該係小弟小妹個小定小明小強個小🤔

閱讀更多

椚丘中學3年E班

#NSS家庭 [椚丘中學3年E班] 純分享 小妹今年F3 。有個小六嘅阿妹, 我一直都覺得佢好mk(? 之前喺佢ig story po左張係廁所仲要着住露腰嘅衫影嘅相,寫住咩一但錯過就無法挽回之類嘅野。wtff 要挽回啲乜嘢,你上學期唔合格嘅考試? 仲有仲有 有次我上zoom小息去拎水飲,見到阿妹仲係度上緊堂打緊王者榮耀,望住佢係度用大陸普通話口音講:小哥哥~帶人家上分嘛~最好笑嘅係佢冇熄mic老師同學聽到曬 跟住就比老師鬧 我笑到癲左xdd 有冇咩方法可以救返我阿妹QQ sor for 1999 po ig thx

閱讀更多

Guest

#NSS社會 [Guest] 小弟今年f3,冇政治立場,而身邊啲同學大多數都係黃 尤其係friend嗰班,有時佢哋喺度傾緊啲有關政治嘅嘢嘅時候,我都唔可以出聲, 因為我之前試過諗住比下我嘅意見,但係佢哋只係係度話 算吧啦你乜野都唔知。好似唔係黃嘅就唔可以同佢哋講政治野咁,我唔想因為要融入佢哋,而去迫自己變成黃,但係佢哋咁樣同我講嘢真係好難聽。 Admins po ig pls

閱讀更多

Guest

#NSS社會 [Guest ] 你要玩到幾時?😂 One Ocean Gaming 講真,你都已經大,讀緊VTC,你仲網絡欺凌人? 你開個YouTube Channel 攞嚟公開人地電話號碼? 攞嚟爆人地讀咩學校? 攞嚟寫投訴信去人哋學校? 講真你成日恐嚇人 又成日話人 又係度用YouTube channel 去侮辱人 呀有樣嘢最搞笑 話說網上有個game 叫Roblox 入嚟你個game 行左又要罰錢行右又要罰錢 頂你笑9死我 你唔好話[我剛才講笑咋!]

閱讀更多

Guest

#NSS社會 [Guest ] 你要玩到幾時?😂 One Ocean Gaming 講真,你都已經大,讀緊VTC,你仲網絡欺凌人? 你開個YouTube Channel 攞嚟公開人地電話號碼? 攞嚟爆人地讀咩學校? 攞嚟寫投訴信去人哋學校? 講真你成日恐嚇人 又成日話人 又係度用YouTube channel 去侮辱人 呀有樣嘢最搞笑 話說網上有個game 叫Roblox 入嚟你個game 行左又要罰錢行右又要罰錢 頂你笑9死我 你唔好話[我剛才講笑咋!]

閱讀更多

GUEST

#NSS學業 [GUEST] 今年已經中五 中文好差 今次考試淨係得卷三合格 背野ok 閱讀理解差到一半分都冇 文言文仲要0分 有咩方法可以係下年DSE前追到 同埋如果中史冇基本知識係咪好輸蝕,十二篇範文會好難明

閱讀更多

GUEST

#NSS家庭 [GUEST] 希望admin抽中po IG pls🙏 長文慎入!! 我有一個讀緊F.3嘅15歲細佬,我發覺佢嘅學習態度同埋成個人都好有問題。 話說今日就學校家長日,跟住我細佬就攞到左個成績表啦。咁個成績真係令人堪憂,中英數三科主科得中文採線合格,英文同數學嘅分數我睇到之後真係令到我開始懷疑佢係咪完全未讀過。其他副科都慘不忍睹,得中史、世史、VA同埋另外一定兩科合格(但系佢全部要讀嘅科加埋有大概12-13科)。所以個班主任就開始講啦,叫我細佬“要努力,要加油”之類嘅說話,同埋有向我老豆反應佢上堂嘅時候好似魂遊太虛咁。 我老豆系聽完之後冇鬧都冇打,只系一直話“求及格係咪真係咁難啊?我想要你合格姐,又唔係叫你攞高分!”。我細佬就一直唔出聲,成個人又呆滯咁坐系度,搞到我老豆激到唔使點講。 跟住我細佬平日都唔會溫書,亦試過有好多次被老師打電話比老母催佢交功課。佢日日就真係打機同督機,我明白遊戲或者網路嘅吸引力真係好大,我自己都好沉迷。 有陣時我同老豆都會叫佢溫書,都有問要唔要教佢或者幫佢補下,但系佢都系拒絕或者系唔回應。其實我同我老豆真係好擔心,雖然我明我細佬,知佢對學習冇乜興趣純粹系出於對香港呢個戇鳩嘅教育體制嘅厭惡。但系個問題系,系香港,你唔順住個教育體制來你真係永無出頭天。我真係好怕佢繼續咁樣落去唔單止系讀唔到書,遲啲大個之後連工都搵唔到(宜家金拱門嘅普通職員都要中五學歷啦😔)。同樣我都好擔心佢個心理狀態,有陣時佢會好易嫐同埋好易喊,之前都有講過話要跳樓之類嘅話。我有嘗試去同佢和平交流,但系都唔係好成功。 想問下大家有乜方法可以開解我細佬同埋另到佢願意學習?我真係唔係想佢攞高分讀名校跟住大個做醫生律師個啲職業,我只系想佢大個之後唔會後悔自己點解當初唔好好讀書,同埋可以搵到一份養到自己嘅工作姐。 p.s.我知你會睇到呢個post,唔理你宜家點諗都好,我真係希望你可以平心靜氣咁坐低同我傾下你點諗。可能你唔信我系真係擔心你,但系老豆老母日日鬧你真係系有原因架,佢地都真係擔心你。你可能會厭我地煩,但系我地只不過系唔想你到時候後悔,跟住成為好似大伯個種人。你想改變想好好讀書我地真係會幫你,好多野都系你肯講我就會努力咁幫。我認我有陣時真係衰格,持住我系你家姐就系度搞搞震,令到你覺得心理唔平衡或者系感到不被理解,我大你兩年我都有過呢段時期。我唔希望你以後就咁頹廢咁過落去,你之前小學個陣可以讀好書,我相信你宜家都有能力去改變自己,只系睇你自己願唔願意去做。我講咁多我都知你煩,但系講到尾,都真係擔心你。 再p.s.你真係唔好再做縮殼烏龜啦😔 sorry for 1999

閱讀更多

Guest

#NSS愛情 [Guest] 小弟今年f2,呢排突然對個女仔好似有d感覺(f1,2都同班),成日留意住佢,又想主動撩佢傾計,但係唔清楚我係咪真係鐘意咗佢。大家覺得我應該直接同佢講,定係睇定d好?

閱讀更多