—類投稿

Guest

#NSS其他 [Guest] 承上一篇,講完旅款讀咩之後,就講中史。我相信唔少嘅中史老師喺F3嗰陣可能都會講下高中中史大概讀咩,但小妹都會喺到講吓究竟係讀咩,同埋有咩要求。 首先,就講下要讀咩。有好多人都話中史好多嘢背,的而且確係嘅😂。我讀中四嗰陣就要由周代封建讀到去清朝民族政策,中間要背嘅嘢固然唔少。周代封建、春秋戰國、秦始皇統治措施、漢武帝統治措施、王莽、孝文帝胡漢融和、隋文帝統治措施、唐太宗統治措施、唐玄宗統治措施、安史之亂、宋朝同元朝中央集權、明朝同清朝(康熙同雍正)君主集權、仲有清朝民族政策。中五就讀鴉片戰爭、英法聯軍之役、洋務運動、甲午戰爭、列強劃分勢力範圍、維新運動、八國聯軍之役、辛亥革命、民初政治亂局、第一次國共合作及分裂、日本侵華、第二次國共合作、抗日戰爭、國共分裂、1949中共一堆政治運動、民革、對外開放、對外關係。中六就讀選修單元,我嗰陣就讀制度史(老師揀),都係死背居多。 其次,喺考試要求方面。中史一定係咁多科選修科裏面寫字速度要求最高嘅一科。我嗰陣讀F4,miss話一條25分題,限時40分鐘要寫至少2版半。一開頭我都覺得好恐怖好難好癲,但慢慢鍛鍊下就慣,而且讀中史嘅人普遍寫字速度有返咁上下,可以幫到自己作文、中文聽綜、通識,以致英文作文都幫到,因為讀中史嘅人寫字速度會更快練成😂。不過,中史dse從來係冇固定MC題,所以要預25分全部都係要寫好多字。如果你好彩嘅話,可能會預到啲配對題,加上而家dse將中史啲分整碎咗,2020dse 25分題中都有啲1分2分題,係啲短答/填充題嚟嘅。 不過,小妹覺得讀呢科都有好處。如果你讀中史,你就算唔明其中一個課題,你後面嘅課題都唔會唔明,因為中史前後兩個topic通常冇咩關連,所以有唔少課題都可以獨立一個咁讀。同數學唔同,數學你可能斷咗課factorization,後面你就可能會唔識用唔明,跟住後面嘅課題都斷哂。 希望以上嘅資訊幫到大家🙏🙏🙏sor for 1999 最後,祝F3嘅同學揀到自己心儀嘅科。仲有一班就嚟考dse嘅同學,加油呀!知道你哋受咗好多壓力,又唔知點溫書,個心又好驚溫唔切。作為喺網上po文嘅小妹都冇咩可以做到,只可以鼓勵下大家。不過,無論發生咩事,都總有解決方法🙏🙏🙏🙏dse不是人生的一切,而且出到嚟見工,僱主都甚少睇你dse考成點(除非考醫生等等嘅狀完科)。所以希望你哋可以諗通啲,就算dse考衰咗,個天都唔會跌落嚟,因為呢個世界仲有唔少人會撐住你!小妹考dse嗰陣都考得唔好,比預期之中差好多,但最後個天都畀咗個適合嘅路我行。因為只要肯撐住就得,所以小妹即使dse考得唔好,而家都覺得讀得幾開心。希望大家唔好有「dse就是人生」,「考得唔好人生就唔洗繼續行」等等嘅呢啲諗法。仲有,最緊要係大家身體健康!!見字飲水同溫書☕️☕️☕️🔥🔥🔥

閱讀更多

GUEST

#NSS愛情 [GUEST] 麻煩晒admins 小妹今年15,A0。平時都有睇開愛情戲、劇、小說等等。感覺愛情呢樣嘢好複雜。身邊朋友都唔少有拍拖經驗,但係好多悲劇收場。搞到我好驚俾人hurt,有過有好感既男仔但係因為太驚所以無主動。加上自問唔識睇人,有d蠢,但係都想搵個好鍾意既人,陪伴一生。想問點解決呢種驚被人背叛既恐懼?

閱讀更多

GUEST

#NSS個人 [GUEST] 麻煩晒各位辛苦做嘢嘅Admins~🙏🏻 小妹今年f.3,f.3要揀科,自自然然就會有壓力,但係我學業進度跟唔到,功課又做極都做唔晒,又要追返喺上次exam落後嘅成績所以要成日溫書,一啲休息嘅時間都冇,屋企人又成日都煩住我,搞到我個人好忟,再加上自己本身情緒已經唔係好穩定,搞到我呢排壓力爆煲,但係又唔係好識點樣去釋放啲壓力(本人有追星,但係追星嘅時候只可以忘卻當時嘅煩惱,喺做返平常嘢嘅時候嗰種心塞嘅感覺又會返返嚟),所以近排情緒都好低落 喺有一次我摸緊自己條頸嘅時候(唔好問我點解要摸條頸,我都唔知),自己嘗試捏住自己條頸,我莫名覺得好爽,但係當我意識到自己做緊啲咩嘅時候,啲眼淚標晒出嚟,唔係因為抖唔到氣,都唔係因為痛,係因為我覺得自己已經有自殘傾向,啲壓力搞到我好似有少少問題,我唔係話自殘係問題,但係自己當下係覺得,我已經去到呢一步啦,我應唔應該要同父母講(父母知道我壓力大,但係唔知我情緒開始有啲問題),但係我又驚我阿媽擔心過頭(佢自己本身都有情緒病),我好驚佢覺得係佢自己照顧唔好我,所以我先會搞成咁,之後佢自己個病又可能嚴重咗,所以我一直都唔夠膽同佢講,然後我又係嗰種可以自己搞掂嘅就唔會搵人幫手嘅人,我亦都係嗰種唔係好想人哋關心自己啲私人嘢嘅人,而且我驚我啲負能量會影響到佢哋,所以到而家為止,我都冇搵過任何一個人求助/幫手 但係喺琴晚發生咗件事,我喺臨瞓前聽一啲放鬆嘅音樂,等自己可以易瞓啲,喺佢播其中一首歌嘅時候,我嘅情緒好似跳咗掣咁,成個人突然變到超sad,之後就忍唔住爆喊,然後我個心又好似俾人抽咗上嚟咁,嗰種感覺好奇怪,心口嗰度會好那,用力㩒住個心口先至好返少少,跟住仲會呼吸困難,成個人震晒,行路好似會飄起咁,我喺崩潰之後個人冇嚟精神、冇晒力,行路要扶牆,拖住隻腳行路,總之成個人就係好唔對路啦 最後其實我想問下我應唔應該同父母講?如果要講,應該要點講?我份人唔中意講自己嘅敏感嘢,所以我唔知點算。同埋有冇人試過有嗰種個心俾人抽咗上嚟嘅感覺,可唔可以分享吓你哋嘅經歷,唔該晒🥺 sor for 1999 錯字勿屌🙇🏻🙇🏻

閱讀更多

Guest

#NSS個人 [Guest ] 小弟今年中一。我近排發現自己情緒好似波幅好大(細個都有,但係冇咁誇張)例如喺學校。 同啲friend會玩到好癲~突然間就呆滯左~再之後就傷心(個重點係冇受到任何刺激)。連我自己都唔知點解會咁 我想問下有冇人都係咁~定還是得我自己一個咁唔正常 😔

閱讀更多

hk

#NSS其他 [hk] 請問香港有冇得拎返貓嘅蛋蛋?可以點樣保存?🥸 我計劃緊幫屋企隻貓做絕育,因為會長命啲。 但係佢點長命都會死,我想佢遲啲死左之後,我可以還返蛋蛋比佢(姐係帶埋去火化/冰葬個啲) 我有上過網搵過資料,但多數係台灣個邊嘅經驗教學,香港好似好少人講同做呢樣野,咁就唯有出嚟問下。 ps.我唔係想佢死,不過我負責照顧佢成世,死後嘅事係走唔甩架啦~ 回正題 咁如果想達成保存蛋蛋呢個目標,就想問下廣大嘅貓奴朋友們啦 首先,香港可唔可以同醫生講拎返個兩粒蛋?(我打算拎隻貓去愛拹做,如果拎都無後拎就吾洗諗之後點保存..🐵) 其次,應該點樣處理保存佢個兩粒蛋? 如果同醫生講🤔佢會唔會幫我處理埋呢?(btw我估吾會,不過問左先) 另外除左浸福馬林仲有冇其他方法? 因為聽講會好臭又有毒,屋企細都吾太方便處理佢。 之後我有印象我睇過我出世個時嘅臍帶乾,係keep左係細細地嘅盒到。 咁以前啲人係點keep臍帶架?我都想放隻貓嘅蛋係個盒到保存住先。 如有錯誤錯字之類so sorry 無論點都好啦,都呢度講定唔該曬各位先🙏🏻🙏🏻🙇🏻‍♀️🙇🏻‍♀️ 圖Link: https://images.app.goo.gl/nUhR9ta3Gq1mWQss9

閱讀更多

school

#NSS個人 [school] 唉幹!穿山甲欸!嗚呼,這可以養嗎?

閱讀更多

W TH

#NSS學校 [W TH] 汪汪汪,停軒,咁鍾意寫人地點解唔寫自己?

閱讀更多

寶糧局🕊️中學

#NSS個人 [寶糧局🕊️中學] 我個妹好煩🤦🏻‍♀️ 感謝Admin 幫我出po Sorry for 1999 + 錯字多 + 都算係長文請慎入🙇🏻‍♀️🙇🏻‍♀️🙇🏻‍♀️ 對唔住我平時無得發洩自己嘅煩惱,所以嚟呢度投稿發洩,請見諒🙇🏻‍♀️ 小妹今年中六,有個就快升中一嘅細妹。咁其實我真係好憎佢,憎佢原因有幾個: ①佢好煩,把口唔識停 ②佢成日亂講嘢 ③佢有公主病 ④佢從來無當我係家姐,似住母老虎撐腰就日日嘈 ⑤佢好小氣+野蠻+小學雞 ⑥日日扭曲事實,搞到咩嘢都係我錯 ⑦成日覺得自己係受害者 ⑧日日講中國作品有幾好有幾正,中意用簡體字,愛上大陸 ⑨強逼人哋去聽你有幾中意中國,一唔聽/反對你嘅言論就看得人哋歧視中國 (仲有好多憎佢嘅原因,真係一言難盡) 其實你有幾愛國有幾中意po

閱讀更多

Guest

#NSS個人 [Guest] 小妹由細到大都好矮,而父母一直都係因為我好細粒,擔心我嘅安全,所以監管我嘅一切。今年已經15歲,佢都係唔俾我去演唱會,又話唔安全。見到身邊嘅朋友都好自由,想去邊就去邊,但係每次我問阿媽,佢大多數都係拒絕咗先,可能有時都會比嘅,不過有時如果要去遠啲嘅話就真係唔俾。我知道佢嘅出發點係好,其實我平時都有交帶,都有打電話俾佢,但係佢仍然好唔放心。想問吓大家有冇咩解決辦法?

閱讀更多

GUEST

#NSS學校 [GUEST] 小妹好鍾意大熊貓,鍾意左好多年,但係最近 D同學笑我鍾意大陸,重要唱通街 我好唔開心,我覺得佢地係為笑而笑。鍾意大熊貓有罪咩?我覺得大熊貓好可愛 同埋,今年世界各地都有好多熊貓BB出世。例如 美國嘅小奇迹、台灣嘅圓寶、韓國嘅福寶、日本嘅楓浜……佢地係世界各地都有好多fans ,唔通世界各地所有fans都鍾意大陸? 我好唔開心,我平時睇熊貓片係為左舒壓,但係D同學不停咁笑我,請問有冇方法令到佢地唔好再笑我,thx! Sorry for 1999 圖Link: https://pic.pimg.tw/kason2047/1516256791-4216154724_l.jpg

閱讀更多