GUEST
#NSS其他 [GUEST] 其實真係冇人係一定要去了解、鐘意你隻狗 啲喺街上面、大廈附近或者多人活動嘅地方放狗嘅人就好心拖番條狗繩先好放啦! 我不嬲驚狗,所以我都盡量避免喺多人放狗嘅時段出街,亦都唔去多人放狗嘅地方 但即使做到咁都會有一次撞到有人放狗嘅情況 當時我喺行去屋企附近嘅商場買嘢嘅路上遇到有人放狗 咁啱嗰狗主放狗唔拖狗繩,任由隻狗周圍走 然後隻狗就追住喺附近行緊路嘅我 雖然我都知道俾狗追嗰陣唔應該跑,但我嗰陣因為太驚所以控制唔到自己唔去逃走 嗰狗主已經叫隻狗唔好追住我,但隻狗根本冇聽 仲要同我講佢隻狗唔咬人!!!! 你同我講佢隻狗唔咬人?我點知你隻狗唔會咬人?我睇落似你隻狗肚入面蟲,知你隻狗嘅諗法? 更何況隻狗都唔聽主人指令,點知佢會唔會突然咬人 係邊個規定人一定要鐘意狗,唔可以驚狗或者唔鐘意狗? 我係老奉要鐘意你嘅狗架? 後嚟係有其他人介入,隻狗先識停 好心啲狗主放狗拖繩啦! 你隻狗真係唔係想像咁討人歡喜咁無害㗎! 呢嗰世界都唔係人人都係愛狗人士 有唔少人真係驚狗㗎 為己為人,放狗請拖返狗繩啦唔該