#NSS個人 [GUEST] 我唔明白點解屋企好似完全禁止咗唱歌呢樣嘢。 15分鐘之前，阿妹走入嚟我間房鬧我，話我唱歌好大聲，重錄埋片俾我睇，阿爸就係阿妹鬧我嗰陣喺隔離啤住我。 我屋企人一向休息嘅時間大概係10點至10:30。我明白係我錯，我唔應該唱歌咁大聲，影響到佢哋休息。 我問佢「咁我係朝早唱又話我阻住你做嘢，我食飯唱你又話我阻住你食飯，而家我夜晚唱你又話我阻住你瞓覺，你究竟想我點？」佢啞口無言，然後「bang」門返房 雖然我唔係認叻話自己唱歌好好聽，但我覺得佢哋喺度抹煞緊我嘅才華。我覺得好委屈，得閒放鬆吓唱吓歌仔點解仲要比你哋鬧？😢（利申：本人唱歌並不難聽，至少屋企人都係咁覺得） 我係咪真係要搬出去住你哋先開心？ （要diu 就diu，不需要手下留情）
#NSS學業 [GUEST] 大家講緊補習社,我都講補(功)習(輔)社(班) 因為實在太耐之前(10-11/2013,仲係P.1)如有不實隨意指點 嗰陣係華富智x補習社,貪近學校,但有3宗罪令我陰影由2013留到2022 1.上課時間死板 正常補習社例如16:00-18:00你15:55到係好appreciate,但係呢度,早到係會比人屌,但遲又冇野,so weird 其次,你無論有咩事都要坐足2hrs,就算做完功課都一樣(P.1冇手機),唔準早到當然唔準早走,就算家長接都一樣要係出面等夠鐘 本人住得遠,死都要:30先準走就追唔到:20班巴士,唯有等多半個鐘或者比貴$3坐小巴(要轉車) 2.環境狹窄 間野窄仲要塞咁撚多人,仲迫過9卡車 可以想像成課室一行12-15人,根本冇位放野 仲要壞(冇)冷氣,11月仲可以流汗 3.miss超惡 平均每5mins屌人一次,懷疑食左核彈(雖然d人真係好唔乖)(我比較乖,冇被屌過)但屌人把聲仲大聲過飛機,完全干擾做功課/溫書 屌人理由真係史上最離譜,細聲傾計(隔2人聽唔到)都仲比人屌,wtf?! 反正2018見到有人派傳單仲要有人肯去都已經服了,點解2013ge垃圾2022(好似)仲未執??? sor for 1999 圖Link: https://ibb.co/4TfV3Ct
#NSS愛情 [ccsc] 小弟今年f3 上年暑假俾老母逼咗去嗰啲羽毛球課外活動 之後就鍾意左個f2嘅女仔 佢平時望落好cool 但傾多幾句就好似變左第二個人咁 笑到成個大笑姑婆咁🙉 同埋佢好有童真 好得意 佢成日上堂分組練打嗰陣 特登同老師request同我一組 但我只不過係普普通通 唔係特別勁唔係特別廢 佢都係咁上下 佢會唔會係想製造機會同我多啲interaction？？🤡🤡 之後有次我地放學我地交換咗ig 我主動加咗佢入我密友 同一日佢都加返我 之後有時我repost啲ig語錄 我見到佢睇到我story之後有like個post 唔知點解會好興奮🙈 每次佢有新story我都會心跳加速🙉🙉 但因為疫情羽毛球嗰個興趣班停左 我成2個月冇見過佢😓
#NSS愛情 [GUEST] 純發洩.我喊住打依篇文 sor 1999 同男朋友一齊一年 同佢屋企人關係一直都唔錯 去到某日 我去咗佢屋企訓 佢呀媽突然拉住佢去廚房 之後男朋友返到嚟唔出聲咁 我嗰時都唔為意 去到另一日 我男朋友同我講佢呀媽發現咗之前我比人強姦嘅事 嗰時係因為佢呀媽搵到我男朋友部舊手機入咗佢個ig搵到聊紀先知 (唔好問點解lonin到 我都唔知)佢呀媽知道咗之後就話我唔潔身自愛 我同佢個仔之後結婚無未來 叫個仔同我拍拖就好 結婚唔好諗 點解佢個仔唔care我畀人搞 仲話佢個仔係男 有第二個同佢知仔扑冇問題 男仔唔會蝕抵 仲問佢個仔點解唔搵多幾條女
#NSS社會 [Scgs] 本人係一個摩星嶺山區老屎忽，其實同好多人諗法一樣 我真係過得三年前開始個疫情開始爆，奪走左我哋好多嘢，尤其是啲聯校田徑、聖誕聯歡會、陸運會水運會乜都冇晒…屌……我地d青春fucked up了 我記得F1嗰陣時，我哋嗰班可以去聯校田徑嗰度幫啲師姐打氣，隔離全部都係拔萃喇沙華仁啲長腿靚仔，當時身邊有好多傻妹都係咁犯花痴，諗起都覺得好好笑😂 當時覺得聖誕聯歡會啲燒賣魚蛋菠蘿吉腸仔普普通通，仲有其他人整啲甜品又係普通布甸啫喱，而家唔知點解特別懷念果種味道，你叫我而家去自己整個布甸，都完全冇嗰種感覺，係大家成班人一齊開心咁食嘢影相，先覺得特別有意義 之後嗰啲Christmas Ball 謝師宴乜都冇啦 呢兩年嘅 Dser 辛苦晒 受罪嘅係你地 都好多謝啲老師嘔心瀝血咁樣教我哋 我覺得呢幾年特別唔開心 2019發生咩事大家都知 呢兩三年比疫情搞到一鑊泡 冇嘢好講啦⋯⋯屌 btw 777幾時死 鵝頸橋打給多小人都冇用 我想屌柒嘅人已經好撚多 有撚排講 Dse
#NSS學校 [GSLC] 《雖然我得中三，但我總覺得下一秒已經係中六，然後畢埋業，完咗我嘅中學生活》 是咁的，小弟今年F3，距離中六畢業好似仲有一段時間呀可？之前嘅我都係咁諗(i mean f1-f2) ，覺得初中仲有大把時間俾我過呢個中學生活啦，諗住疫情呢家嘢好快過嘅啫，好快可以正常番返學。但係直到form3，先上得嗰9月-1月，跟住又停課喇，又放暑假喇，每日留喺屋企唔知做乜嘢，做功課溫書又唔係打機又唔係，我好想返學去享受我嘅中學生涯呀，可以見番班fd同學，可以面授堂聽老師講書，以前嘅我唔珍惜，依家後悔莫及。 另外恕小弟問吓各位喺你哋form3-4嘅moment會唔會覺得自己殊一聲就覺得自己已經係中六，覺得好快就要同學校同埋同學道別呢？請問如果有嘅話你哋係用咩心態去面對呢？ 到最後，我希望我嘅中學生活唔好咁快就完，我仲想製造多啲中學回憶，可以同成班同學一齊9up吓吹吓水咁instead of texting in WhatsApp and Instagram,同埋都好想襯住可以面授嘅時候識多啲中學朋友。 本人第一次投稿 Sorry for 1999
#NSS愛情 [GUEST] 大家好，小弟今年十八歲。最近打LOL既時候識左一個女仔，佢好搞笑，自己打得唔好會攬哂所有錯，從來都唔會怪隊友，久而久之佢成日都唔開心。有一次，我忍唔住，同佢講左一句:「it’s okay,你已經打得好好了。」 可能就係呢一句簡單嘅句子，令佢開始對我產生好感？！ 我初初都冇在意，因為我真係純粹想call住同人玩，牌位低或者玩得差我都覺得唔緊要，只要想進步便可以了。好啦，之後每日佢同佢啲朋友差一個齊人時，永遠都會等埋我，唔比其他人入。 每一次打完機都會繼續call住，可能係檢討下表現或者大家圍爐講下笑咁，由講講下遊戲嘅野，佢會分享佢啲生活事，無意中比我知道對方大我足足8年。。。 玩下玩下 我哋都慢慢對 對方產生好感，有一次佢喊到停唔到口，無論我點安慰佢都繼續喊，咁我就括出去，同佢表白。佢亦都接受左。 同一個星期大家都好癡實對方，但我都與此同時係到諗，我都冇經濟能力，點樣先可以照顧到佢呢？而且，我讀緊asso，每日都用好多時間去溫書，想上返U，所以只有好少時間陪同佢。 或者你哋會話，車！返PartTime咪有錢囉 講到尾都係你懶啫！如果你哋咁講，我都冇野好講。或者諗深一層，就算上到U,佢都起碼要等我5年，我先叫做出到黎，揾到錢養佢（利申:夢想係護士）你地話啦，唔通要一個女仔等男仔五年咩，佢到時都三十一歲，咁樣浪費一個女仔青春好咩？當我諗到女仔時間有限，我就無奈咁放低佢，祝福佢搵一個照顧到佢嘅好男人。 唔知睇到里到，大家覺得我咁做係自私？情有可原？定係覺得我係渣男呢？感謝你哋細心閱讀，感謝你哋。 Sorry For 1999.
#NSS家庭 [guess] [超長文慎入] 我好撚憎去某某親戚屋企 我今年16歲。喺我好細個嗰陣我唔係我啊爸啊媽湊大嘅，一直由uncle同auntie湊我（佢地見我啊爸啊媽雞手鴨腳咁就索性接左我去佢地屋企住）喺佢地屋企仲有我表哥一齊住。直到4歲嗰陣我啊爸啊媽先接返我返屋企住。 我以前就算跟返啊爸啊媽都會成日weekend去下auntie喺何文田嘅屋企住，因為嗰時我真係好鐘意喺佢嗰度，就算由跑馬地嘅屋企咁遠過去都要去。佢屋企又有好多零食表哥又當我親生妹咁錫，有時仲玩到唔肯走。不過呢幾年我越黎越唔鐘意去佢地度。可能因為有左自己想發同埋父母同uncle佢地嘅管教真係好唔同。 啊爸啊媽雖然管教比uncle佢地嚴啲不過我越黎越鐘意跟佢地多啲。喺uncle度我最頂唔順嘅係我開始發覺佢地好鐘意乜都鬧一餐咩都怨一餐。尤其係啲racism同sexism同反lgbtq嗰啲得好嚴重，到一個唔尊重嘅地步。有次我話同個friend出街玩我表哥就話 下？又係死gay佬啊？ 我心諗人地gay關你鬼事咩佢又唔係溝你。我真係接受唔到佢地咁人身攻擊我啲朋友，仲要係曾經救過我一命對我黎講好重要嘅朋友。之後仲恐怖到連睇BL會比佢話、次次打機輸/做project唔順就講哂粗口話咩一定係啲女性嘅teammate累佢。佢對我個friend homophobic嘅言行真係連有時會上黎訓嘅婆婆都頂唔順叫佢收聲積返啲口德。 由於同佢地一齊真係太大壓力，所以我決定我盡量唔去佢地度訓。之後嗰排佢地雖然成叫我去我都攞好多籍口推。即到上個禮拜五屋企wifi壞左要整，我啊媽見我要online補課就叫我出去住幾日。 我本身鐘意睇泰劇，咁有次我自己插住個headset睇又冇騷擾到人uncle無啦啦走過黎話 睇x國x國都唔會話泰仔靚仔啦 泰文咁難聽 講完就走左去。佢明知我睇緊我最鐘意嘅演員佢講啲咁嘅野其實真係好哽耳，何況我又冇迫你一齊睇。冇話迫你一定要認同我，不過就尊重下我鐘意嘅野好難咩？嗰陣我已經唔出聲。過多陣auntie返到黎佢又講多次話有咩好睇啊泰國野點點點話泰國野一定係垃圾，係咁比說話我聽。我嗰陣真係好唔開心就講左句 我自己鐘意睇又迫你睇咩？ 呢個時候比較唔歧視人嘅auntie就話咩 講下笑咋麻做咩咁大反應 咁。佢地就係唔明唔係樣樣野都講得笑。我都明auntie係想做和事老，但係offensive嘅笑話會傷到人呢啲野我真係笑唔出。我有諗過會唔會真係自己overreacting但係就算我平心靜氣咁同佢講我唔鐘意佢咁話我睇嘅野佢次次都話 講下咋麻 我咒你死老母死全家話講下笑得唔得？ 仲有uncle成日食食下飯食煙嗰啲我真係頂唔順。因為佢地屋企唔夠房我就要訓廳啦。聽隔離就係個open kitchen。另一個我唔再上去嘅原因係成日訓訓下比啲煙味臭成。平時佢食我都冇乜所謂，最恐怖係佢喺我訓左3am走出黎喺廚房食煙、個個喺廳食飯走去食煙，成日喺啲我避唔到行唔開嘅時間喺我面前食煙。臭都唔係問題，問題係佢自己都知我老豆啊媽接返我返去係因為我氣管有病，聞到煙味會好辛苦嚴重嘅會唞唔到氣，醫生話我要盡量避呢啲野，我老豆都特登為左咁戒煙接我走。我都知就算你話當我女咁湊我始終都唔係你個女，我又冇資格叫你唔好食，但係食少陣或者遲啲先食會死架咩？至少等人食完飯都唔係等好耐姐，食緊飯咁想走又走唔到。 到最後我係衰啲都要講埋。佢真係好多野講，仲要高人一等咁睇人唔起。開口埋口叫人黑鬼死gay佬真係好剋人憎。唔明點解人身攻擊係ok。係街見到又用啲鄙視嘅眼光望住人算係點？成日話自己有幾西化又話人政苦藍絲幾衰幾賤，轉過頭去買starbucks食藍店，同你理由你駁唔到就一定係我錯我態度差，又話同我講都嘥氣唔講，講埋啲野合符哂藍絲啲思維。相比返跟啊爸啊媽，有唔同意見都會互相尊重，有分歧嘅就互就，有商有量。至少佢地對我啲唔同種族/性取向嘅人唔會人身攻擊先（仲傾到下計幾friend添）。 最後多謝睇到黎呢度嘅你先啦。其實我打呢篇文出黎都唔係想點特登出文鬧佢地。我想問下我應該點處理同uncle同表哥嘅關係？因為我發覺同佢地相處真係好辛苦，呢排真係成日嗌交。我已經試過無數咁多次向佢地prove我嘅point結果都冇用。話唔提起呢啲野又好難，因為其實我敢肯定次次都係佢地提起呢啲topic先。不過我又唔想原全cut