#NSS家庭 [GUEST] 我覺得自己有個好衰既阿哥。基本上佢有D咩要我幫,我無一次拒絕過,次次都用盡曬D方法幫佢,仲緊張過自己D事咁。(雖然我份人係好鐘意幫人,見朋友要幫都盡力幫)。但佢就成日都因為要同佢班朋友或佢女朋友出去就唔得閒幫。一開頭都覺得佢有野做唔得閒都無辦法,無理由逼佢幫左我先。但我開始覺得個反差愈黎愈大。佢幾次加埋借左我成萬蚊俾佢,但我同佢都係屋企人到攞咁多零用錢(係我眼中已經算唔少,大個左仲開始有D唔好意思攞),而阿哥仲有份part time,成70蚊個鐘個鐘咁多。唔明點解佢可以個個月洗突唔少錢,我就辛辛苦苦儲埋借俾佢。想佢幫返我少少野都唔制,我學急救想揾你做練習,約好左然後個晚出左去同朋友玩,想你幫我揸機拍幾分鐘片交功課又話唔得閒,叫我自己set架拍啦。除左尼D小事之外我1蚊都無問過佢攞。 依加諗緊我仲應唔應該仲繼續幫佢,畢竟佢係我阿哥,唔借錢俾佢出去玩又怕佢係D朋友面前7,但我就無係佢身上攞返少少回報,唔好話回報啦,報答我少少姐。係咪都咁難,咁阻你同班朋友,女朋友出去?
#NSS家庭 [GUEST] 我好撚憎我老豆。 (少長,有粗口,孝義撚,道德撚慎入) 是咁的,我有一個藍屍老豆,唔計習近平同鄭月娥嗰啲魔頭,佢係我成世最憎嘅人,沒有之一。 作為一個藍屍,智商低,信哂假新聞基本上佢嘅特徵嚟,佢好撚鐘意睇CCTVB,特別係啲嘅fake news,我屋企除咗我哋兩個,仲有我老母同我阿哥,其實自從2019年6月開始…嗯,應該話由我有記憶開始,佢都係一個仆街,每次我做咗一啲純粹佢自己一個唔滿意嘅事嘅時候,例如細個做錯功課,整爛唔貴重嘅嘢,佢都會大發雷霆,阿媽成日都要叫我兩兄弟忍,但係我哋間唔中都會忍唔住,你知啦,人係有底線,冇可能成日忍,不過呢啲就算啦,講嚟都嘥氣。 我同佢嘅政治立場絕對係相反,但係我一直都知佢冇得救,所以我同我阿哥都甚少會同佢講政治,我去發夢,都會話係返學,練波。不過呢,呢件藍屍就好鐘意睇完CCTVB啲弱智嘢之後打飛機嘅,睇完之後就會發表偉論,大多數嘅時間,我兩兄弟都會忍。但係有時呢隻藍屍講嘅嘢,嗰副咁嘅死人樣,我真係忍唔落,但係我最多都係笑下佢,用平靜嘅語氣講返個真相出嚟,目的當然唔係為咗令佢正常,藍屍邊撚度有得救。但係偏偏呢隻死藍屍,智商低嘅同時,EQ更低,佢每次聽到我同我阿哥講咗啲佢聽唔落耳嘅言行嘅時候,佢都會大聲屌柒我哋兩個,再用佢啲反智論點進行所謂嘅反駁,當然係仆街前仆街後咁稱呼呢兩個所謂嘅「仔」啦,有時有啲嘢一撻就着,我亦都唔會再忍,因為實在忍無可忍,正如上面講到,人係有底線,而阿媽,佢係一隻豬到不能再豬嘅中国香港豬,佢嘅訴求除咗係返工之外,就係叫我哋三個唔好嘈,當然,隻藍屍點會收聲,永遠都係我哋兩兄弟停先,但係隻藍屍都會繼續嘈,講埋啲勁乞人憎嘅說話,有啲內容,比一国兩制,港人治港更加難聽,已經唔係政治層面嘅事。呢個情況,loop咗唔知幾多次,唔好問我點解唔閂埋房門令自己耳根清靜,公屋窮撚邊有自己一間房,就算有,隻藍屍咁撚大聲,隔住5道門都聽到啦。熄電視?提議過啦,條食屎狗又話我憑乜佢阻撚住佢,喂屌你我都係想解決問題,你唔接納當然係你嘅選擇,我亦都會尊重,但係你可唔可以唔好用埋啲死人語氣屌返你個「仔」轉頭。 我而家16歲,冇能力搬出去住,你話我點都好,我真係覺得自己頂唔撚順條食屎狗藍屍,我可以點樣解決… 如果你睇到呢到,好多謝你,我真係好撚憎我老豆。 利伸本人情緒管理能力良好,絕無自殺傾向,唔使留啲咩防止自殺會電話畀我。
#NSS個人 [SKHTSKSS] 大家好,今年小弟中二,我由細到大都算係嗰一種比較開朗嘅人,係嗰一種平時都成日笑嘅人。但係自從前嗰一排停課開始,我有陣時會突然間覺得好唔開心,做咩都冇興趣,有陣時嚴重到會突然間喊到出嚟,但過咗一排,呢一種狀況都越嚟越少。但前幾日嗰種感覺又開始返返嚟,喺學校上上下堂會突然間感覺到好空虛,做咩都冇心情,悶悶不樂,一返到屋企就會即刻喊咗出嚟,但喊完心情就會好好多,但有陣時即使喊完心情都係會好差,我一直都想解決呢個問題,但我本身性格係嗰一種自己唔開心唔鍾意影響到人嘅人,所以我想喺度問下會唔會有啲意見可以解決到呢個問題,thx
#NSS愛情 [俾個辦法令到我忘記佢] 小妹今年中三,係中二嗰陣時有個男朋友, 但係我哋冇同過班,冇點講過嘢咁濟, 我同佢一齊係因為佢就send嘢俾我類似’同唔同我係咪一齊’之類啦,然後我幾個同學見到佢哋就攞咗我部電話,覆佢好 我都係完全唔知點做好,我本身嘅性格偏內向 所以同啲唔熟嘅人,完全冇嘢講 喺埋一齊嗰陣時,佢每一次都係主動嗰一方我就係被動 我哋大約喺埋左一齊一個月左右我就提出左分手 咁因為武肺,有半年都無返過學 我以為我真係完全咁樣放低咗佢, 點知都係冇,上年我一復課見到佢 我仍然有過早心動嘅感覺,我過咗一兩個月我真係發現我仲係好鍾意佢 咁我就同佢講返復合,咁佢應承咗 但係我哋復合左一個禮拜都冇就我又提出左分手, 因為我發現我對住佢真係好緊張,唔知講咩好 我對住佢我好驚,唔知點算好 我都知我仆街,同佢講完復合自己又提出分手😓 咁呢排返返學考試,又見到佢 我又會不知不覺咁樣望住佢,我真係好想快啲忘記佢 雖然其實我覺得佢對我真係好好,佢好似俾我玩左兩次咁 其實係咪我真係要改內向呢個性格,因為內向所以我身邊真係好少朋友 Sorry for 1999🙏🏻🙇🏻♀️