#NSS學業 [Guest] Hello~小妹 F.3,想請教下咁多位師兄師姐一啲揀科嘅意見同個人經歷,萬分感激! 如果唔想睇咁多字嘅話,歡迎碌落去最底嘅問題<3 因為小妹仲未揾到人生方向,唔知到將來做咩職業好,所以小妹想問吓如果讀bio chem係咪一個好選擇呢?小妹呢兩科嘅成績算係中間,有啲興趣。但係上到高中,啲嘢會深好多,我驚自己讀唔掂,加上我啲數學都麻麻地,所以我係度猶豫緊,希望咁多位師兄師姐可以俾啲意見我。 有人話唔好為career而讀啲唔擅長或者無興趣嘅科,究竟係點分擅唔擅長?因為聽講話初中啲分數唔可以作準,初中考第一,高中跌到五十幾名。我都唔希望讀一啲自己唔叻嘅科,廢時讀得辛苦又低分。而且小妹呢屆揀三科好重要,唔希望揀咗科。 最後,各位師兄師姐介唔介意分享下一啲嘅揀科經歷,會唔會揀錯科,辛苦到drop咗、滿唔滿意依家揀咗嘅科,當年係點樣揀科(根據咩準則:interest? ability? career?)、揀咗咩科、有無啲輕鬆或者易拎高分好正好玩嘅科推薦讀(雖然無咩可能)、絕對唔會推介人讀嘅科、揀科成功/失敗嘅經歷 ? 總結: 1.讀bio chem係咪一個好選擇? 2.如何分辨自己適唔適合/擅長讀某科? 3.擁有咩特質嘅人適合讀bio chem? 4.揀科經歷分享(咩科都得) 多謝俾意見小妹嘅每一位,你哋嘅意見對我好重要、多謝睇度呢度嘅每一位,我都知我好煩,好多問題又可能有啲重複,可能有啲錯字咁,請大家多多包容,唔我鬧我、同埋多謝同辛苦admin 最最最後,祝大家前程似錦,學業進步!
#NSS學業 [Admin pleaseeee post ] 小妹今年F3 band1 school,雖然係band1但係成績好差,因為懶,資質冇咩問題。因為一直搵唔到理想所以放pea自己,呢排希望自己大個咗做大狀。但係聽講大狀之路好辛苦,英文要好好。所以想向大家請教如何快速提升英文嘅方法。我知大狀讀文理都得,啲人話揀鍾意或者叻啲嗰科,咁樣會易啲攞星星。有冇絲打或者巴打讀緊law,或者做咗barrister?可唔可以指點下我,咁我應該點做hehe?仲有係咪可以中途轉做法官?我有好多嘢想知)如果唔介意我dm你,麻煩喺下面「講請dm」ಠ∀ಠ,小妹感激萬分!
#NSS個人 [guest] 小妹今年中三,一直有個困惑左好耐嘅問題,就係好三分鐘熱度。唔係啲咩興趣,而係鍾意一件事物好三分鐘熱度。 小五小六個時唔係幾知道咩係鍾意,但個次係我唯一一次鍾意一個人維持左兩年。 上到中學一直都無再有個種感覺,可能係遇唔到適合嘅人,但係係半年前唔知係咪戀愛類動漫睇得多同身邊嘅人嘅影響,我有一排有啲迷戀一個師兄。 但係問題就黎,我好似以前好多次咁,個份心情唔持續得耐。 朋友方面亦如是,識左無耐嘅frd會成日玩,但一耐左就會開始淡,唔係friendship方面,而係以前一有佢地msg會好快咁覆而且期待佢地嘅reply,但而家就放置5-8h都懶得覆。 想問有無解決方法?或者有無人都好似我咁…我好驚如果我以後都係咁,可能會傷害到我身邊嘅人。
#NSS其他 [guest] 警世文——考dse嘅同學見到考場門口嘅問卷黨可以直接問候佢娘親 懶人包左先: 佐敦有間黑店掛名英文教育中心,用不良銷售手法專呃學生錢,氹人報名話有政府津貼一萬蚊之後叫人報佢萬三蚊嘅課程,第一期學費四千,等人局住報落去,聲稱自己之後就講話佢地中心under British Council但其實唔係,第一次打嚟坤你話你個電話係學校俾/參加升學講座留嘅,其實就係當時dse考場出面問卷黨同你攞嘅,當你傻下傻下信左佢報左名你就已經俾人呃左了。 話說上年我考dse個陣就係因為傻下傻下,開考前同考完後見到考場門口有d人好誠懇咁訪問我要寫問卷之類,我就天真咁俾左自己嘅電話佢地,結果今年二月有人打俾我 打嚟個人好似好好心咁關心下我dse考成點,之後介紹下考IELTS有幾重要,話宜家有個一堂ielts英文班可以俾我上,如果覺得學到野可以準備$300留位費到時再報名繼續上堂。問佢試堂個d係邊個搞嘅活動佢就話成個活動係政府搞嘅,要鼓勵人學英文有持續進修基金可以claim錢有一萬蚊津貼,問佢邊度攞我嘅電話佢就話係學校俾嘅或者參加講座留低俾佢嘅,當時我半信半疑,覺得上堂學下英文啫,冇野嘅咁就同佢預約左時間上去。 當日佢一早就wts就提我去,去到就俾份Ielts paper我做,做做下就有個好似好pro阿嬸過嚟同我吹水,話咩叫我讀書要揀興趣,考完ielts就多選擇d,佢自己又係tvb做過,有兩個仔有得讀law唔濟要跟佢讀傳理blablabla。阿嬸講完冇耐有第二個所謂tutor行過嚟follow我,帶我上去第二層嘅課室,咁啱個人有個frd一樣俾佢地坤左上去,個tutor見到我同個frd講野之後特登借d意孤立我,帶返我落去🌝 佢同我講佢係專業嘅導師,英國讀完書好勁抽教返鬼仔英文點點,同埋佢地中心d人好nice,老師同學生關係好好,又懶係熟咁同我吹水,一路講就一路扮frd咁同我拉近距離。 成個過程大概有1/3時間佢真係教書,都教得ok,但係其他時間同我懶係熟之後就開始sell佢個課程,不停咁叫我應承佢我肯自己每日用半個鐘溫英文?之後就情緒勒索道德勒索,話我如果唔學英文就對唔住屋企人對唔住自己,其實我明明已經考過一次ielts佢就話我成績差冇用要考多次,我話我好懶好hea佢就話其實冇”懶”呢個term,只係時間管理唔好blablabla,總之我講咩佢駁咩,千錯萬錯都是我的錯,咁我聽聽下又覺得佢好似講得幾有道理,雖然唔想答佢個d什麼應唔應承佢之類啦,但係都開始信左佢。 佢講完所有廢話之後,時間差唔多佢就開始hard sell我,講下佢個課程,講到價錢dllm原來成萬三蚊,我即刻覺得唔託唔想報,當下想走但係佢就chur住我唔俾我走,一開始講好話“免費英文堂”但係之後同我講叫我交300蚊留位費,因為佢地中心好巴閉冇得walk in報名🌝 好啦其實我想走,佢又話最後冇報名可以退返錢,咁我就攞左300蚊出嚟諗住打發佢,點知,我就深深陷入左佢個陷阱。 原本問佢交完留位費係咪就得,學費使唔使即刻交埋,佢就好驚訝咁即刻話 「緊係唔使啦,邊個叫你宜家交學費😮」 點知我交完300蚊佢就即刻係咁彈d報名表、聲明、申請津貼個d隊俾我填,當下其實我覺得好奇怪,但係還是太年輕又蠢,唔知點推就唔情願咁填左d。當我想走嘅時候佢又問我可唔可以即刻交左第一期學費$4000先,我話身上冇咁多錢佢就叫我去撳錢或者轉數,我講到要同屋企人傾下先佢就同我講學費最好自己俾,因為自己錢會上心d,何況屋企人唔會反對我學英文😇 最後我終於走左,之後諗諗下唔對路同佢講取消唔報,佢就話入左數退唔到,最後我用左成個月上去申請退款又係咁打電話去先退得返$300,之後先發現原來苦主唔係得我一個,身邊有其他frd更加唔好彩讀晒3期課程到宜家都未攞得返個所謂津貼嘅一萬蚊🙃 當時我真係蠢先會行入個間野,係我傻先會信左班仆街,所以希望大家如果見到呢篇野千其唔好行我舊路,當時我考dse俾左電話問卷黨先會發生之後嘅事🙃 間野係佐敦周生生大廈3樓,叫Magna Education 智權教育