#NSS愛情 [Guest] (叫C) 鍾意另一個男仔(叫B),當我聽到之我同一個男仔(叫B) F. 3同班嘅時候一直都好熟,我當時亦都鍾意佢,但係B有女朋友,我一直都冇同佢講過自己鍾意佢,自從F. 4唔同班之後,兩個就少左傾計,逐漸無再聯絡,我亦都放低左,但係去到某一日,我無意中聽到我好討厭嘅一個女仔(叫C) 鍾意B,B同C一齊做SU, 兩個變到好熟,甚至好多人都覺得佢地拍緊拖,我亦都冇去問B佢同C嘅事,我心入面好唔舒服,我同佢冇乜可以傾,但係又好想揾B,我唔知自己係鍾意B定係妒忌C,我宜家成個人都好混亂,我唔知道自己究竟想點。希望有人可以幫到我
#NSS學校 [Guest ] 首先 多謝admin出文🙏 小妺今年中六,已經last day咗,但學校仍然有好多補課(考DSE之前嗰一兩個禮拜仲要補)考慮到回校路程遙遠費時、補課實用性、學習效能、個人自律程度,加上希望可以自己重點溫習能力較差嘅科目等等嘅原因,我決定選擇性地上學校嘅補課。 希望大家明白,我絕對唔係因為懶、想逃避學習,所以先唔補課,而係因為希望榨多啲時間比自己作有效嘅最後溫習、操卷。我亦知道老師咁樣做係為咗我哋好,但係我自己經過深思熟慮之後,仍然覺得自習嘅溫習模式較為適合。 想喺度問吓大家嘅意見,我應唔應該告知老師我而家嘅狀況,所以選擇性補課?定係就咁失蹤就算?因為同佢哋講我唔返補課,佢哋有好大機會都係唔批准,之後搞到好大件事等等,我覺得反而詐病失蹤好過…大家有冇相關嘅經驗?或者有咩意見比我(╥﹏╥) 多謝大家睇到呢度,再次多謝admin出文🙏
#NSS個人 [GUEST] 小妹有個困擾🥲 究竟點樣可以唔好怕人 我發覺自從比人isolated左之後 我好難面對個d人 依家仲同我同班(´・_・`) (長文陣入)(發洩文) – 話說有樣嘢係 佢地知道左我鍾意左某男 之後佢cap圖問其他同我熟嘅frd 好彩嘅係我個frd cap翻比我睇 都冇覆佢地(-.-;)y-~~~ 仲要同我講佢地成日係我背後講我壞話 又成日討論我係咪鍾意邊個邊個 好八卦 本身我都唔係佢地gp嘅小圈子 但係我冇諗過佢地竟然過分到咁樣嘅一個地步 搞到我每日返學都好唔想翻 尤其見到佢地嘻嘻哈哈嘅時候 覺得佢地好似講緊我 內心嘅壓力好大 真係好段時刻想一直zoom落去