#NSS文化 [GUEST] 點解LGBT人士咁需要人哋嘅支持？ 大家有冇發覺，好多時候都係d LGBT人士自己否定自己。佢哋要我哋嘅支持因為佢哋自己認定自己會俾人歧視。我明白有d人真係會唔尊重LGBT人士但咁係因為佢哋唔識尊重人。我明白有d LGBT嘅前朋友因為佢哋係LGBT而疏離佢哋，但咁係因為佢哋根本唔識做朋友。 假設我有個LGBT frd, 我會支持同埋陪伴佢。但咁唔代表我會放棄我嘅道德標準支持LGBT呢件事。我支持嘅係我嘅朋友，我守護嘅係呢段友誼，我愛嘅係嗰個朋友，而唔係LGBT。我純粹想愛我嘅朋友。佢又唔會迫我支持LGBT， 我又唔會迫佢變返異性戀。就係咁簡單。 LGBT嘅人覺得世界迫佢哋異性戀。佢哋覺得我哋唔應該迫佢哋接納異性戀，要俾佢哋“做返自己“。佢哋覺得如果我哋迫佢哋異性戀就係唔尊重佢哋。但其實如果佢哋迫我哋接受&支持LGBT，唔係同樣都唔尊重我哋嘅道德標準咩？ 我尊重LGBT嘅人，但我唔支持LGBT。其實呢句好難明咩？ 以上我打嘅嘢可能會有理性上嘅漏洞。歡迎理性討論。
#NSS社會 [GUEST] 近排王喜俾台灣醫護做PCR嘅時候整到流鼻血，想睇下大家有咩諗法 客觀D咁睇，香港同台灣醫護嘅做法確實有好大差別，台灣醫護嘅做法係比較容易令人流鼻血，呢樣野香港人可能未必接受到，但係都仲可以理解 只不過，當事人要求醫護俾個交代嘅時候，醫護直接失蹤(可能真係趕住去處理個樣本)，再加上其他醫護冇辦法俾到一個合理嘅解釋/至少認出涉事醫護，又處理得係咪恰當呢? 假設台灣醫護真係需要按頭做PCR，其實做之前/過程中簡單講一句: “我地採樣嘅過程可能會令你流鼻血/感到不適” 事先講明，就可以減少不必要嘅醫患衝突 當然，王喜嘅反應真係誇左D，佢處理方式係有問題，但係見到台灣人覺得，醫護冇做錯，唔係醫療失誤就冇需要道歉/交待清楚呢個諗法，真係越黎越似大陸… 大家點睇?
#NSS文化 [GUEST] 因為有一日同班同學一齊睇故仔，一齊交流而有感而發，選擇讕係嘢咁打篇廢稿。 有人為咗自由，為咗生存，為咗保衛家園，為咗保護自己嘅朋友，為咗守護自己愛嘅人，選擇成為惡魔，成為雙手沾滿鮮血嘅壞人。 亦有人為咗頭銜、榮譽、矜持，為咗阻止同伴嘅屠殺惡行，選擇企係道德高地，選擇倒翻轉屠殺自己嘅戰友，選擇拯救前一秒仲攞支槍指住自己嘅敵人，選擇拯救世界，選擇自我滅亡，選擇大義滅親成為善良嘅「英雄」。 有人扮演嘅角色係民族英雄、惡魔、永遠追隨自由嘅傻仔；同樣有人扮演嘅角色係聖母、救世主、偽君子、小丑、極膠之人。 世事並無對錯之分，每個人都只係扮演好自己嘅角色，不過最重要嘅係要知道自己有得揀成為點嘅人，因為每個人都係自己故事入面嘅主角。 我相信自由意志嘅存在。 sor for 9up 圖Link: https://ibb.co/2sz0nCv
#NSS家庭 [guest] 回憶 在我六七歲的時候，家庭只允許我一週的週五玩手機遊戲一小時。那時的我視這一小時如珍寶，恨不得這一小時過慢一些。那時候，我和父親都熱衷於玩一款釣魚遊戲。因為我是用父親的平板電腦玩的，所以他也可以和我玩同一個帳戶。雖然看似一款很普通且無聊的釣魚遊戲，但幼稚的我和陪我一起幼稚的父親卻十分著迷於個遊戲。但就在上一個月，我做了一個錯誤的決定。 上網課的一天，我偶然打開了釣魚遊戲，看著以前我和父親一起著迷釣過的各種大魚，心裏充滿著回憶。於是，我想把這帳戶綁定其他平台，好使這些回憶能永久保存。可是切換帳號這事我辦得不好，錯手把帳號刪掉了。我不慌不忙地向客服查詢，把帳號復原過來。之後，就像沒了件事一樣等客服回覆。 等著等著，就忘記了。 直到今日，父親突然走進房間問我，「可以忙我登入一下遊戲嗎？我可能太久沒入過遊戲他給我登出了。」 此時才想起，但帳號已經刪掉了，怎樣辦好？我裝冷靜地登入了一次，果然，登入不了。我便隨便作了個藉口想著快點打發他走，自己再想辦法。可是，他卻執意地要想登入帳號，可見他對這遊戲、這回憶十分執著。 在說實話和繼續隱瞞他之間，我選擇了隱瞞。我不願看到他失望的樣子，更不願他感受失去回憶的感覺。 他走了後，我番查電郵，發現客服早就準備跟我回復帳號，只差我的一個確認。可惜，為時已晚，已過了十四天，我和父親的帳號已經徹底被剷除了。百感交集，不禁令我想起那些美好的回憶，美好的時光，眼淚不受控地流下來。 小時候，只要父親在公司無聊時，都會打開遊戲打發一下時間。每次他釣到大魚時，也會立即打電話回家通知我。每次收到通知後的我都會幼稚地高興起來。甚至在我傷心時，父親也會偷偷儲值購買道具來哄我，突然多了很多金幣。基本上整個帳號是父親在一週的釣了很多魚，然後在我每週一小時內享受一下天真的快樂。 可見父親玩遊戲不是為了打發時間，更不是為了興趣；而是為了我，更是為了讓我有個快樂的童年。 然後，我成長了。這幼稚而無聊的遊戲，已經過時了。這份父愛，也過時了。但這份回憶，卻永遠且新鮮地埋藏在我和父親的心裏。 當父親現在還在客廳研究我編出的胡言亂語，我就感到越來越內疚和自責。畢竟刪除帳號，以至忘記回覆客服，都是自己的過錯。以前和父親一起升的等級，一起釣過的魚，一起相處的時光，也永不復返了，只有回憶依然留在我的腦海中。而我現在還在床上，像個懦夫一樣痛哭，卻不敢去面對。與其讓大家都失望，不如就將這美好的回憶，永遠埋藏在這善意的謊言裏吧。 奉勸大家一句，過去是可以回憶，但時光是不會復返的。與其拍照留下回憶，不如多享受一下現在的時光。