#NSS學校 [Guest] 是咁的,小妹上VA嗰陣老師叫開電話睇相畫畫,咁我就一時貪玩走去po咗個ig story,就tag咗兩個人話一齊偷玩電話。但其實我哋只係airdrop咗俾對方幾張相跟住我po咗個ig story ,之後咩都無做,都好認真咁畫。 跟住放學嗰陣有個同學同我講有師姐同咗老師講有F1仔上VA po story。 到咗今日考試,個同學又同我講個師姐同埋個老師講我咩班,俾埋老師睇我咩樣,唯獨仲未知我咩名:(。而我亦知隔離班都有人咁做,仲有一班做嘅嘢過份過我哋好多(e.g出貓)雖然我唔知個老師會唔會處理,但如果啲老師真係過嚟審嘅話我應該點做?應唔應該篤埋嗰幾班出嚟?(我知咁樣超pk,但係真係好驚一時口快講出嚟)而家考緊試,我完全無心情溫書,好驚炒…… Sor for 1999
#NSS個人 [GUEST] [長文(因為真係好長,所以如果冇興趣嘅話直接skip咗佢啦~) 大家好~小妹今年form 2,有啲困擾 咗我好耐嘅嘢想請教大家🙇 話說小妹由中一升上中二嗰陣知道會有幾個隔離班嘅同學轉過嚟我哋呢班。學期初我哋係跟學號坐,所以我同其中一個新轉入嚟嘅男同學坐得好近。之後都係好似普通朋友咁開始上堂傾偈、一齊笑,到之後慢慢喺ig都有dm一齊傾偈、一齊打機。嗰段時間可以係話小妹最開心,亦都因為咁對佢產生咗啲好感… 之後又調多一次位,真係好好彩咁又坐埋一齊,就變得更加熟,一齊互串又一齊笑。但係小妹冇好好珍惜… 大約上年年尾,佢問我鍾意邊個,由於嗰陣時我對佢都有唔少嘅好感,所以我係抱住一半開玩笑嘅心態再加一半真心,就話畀佢知我鍾意佢…諗住講下冇所謂,或者嚇下佢,但係點知佢好認真,仲特登解釋畀我聽點解我哋唔可以一齊。其實個結果我都預咗,因為我都太急進,我只係想睇下我哋嗰一種關係有冇可能可以令到佢鍾意我(小妹諗太多XD) 但係知道呢個消息唔係最唔開心嘅事 ,而係之後我哋再冇一齊講過嘢,由一開始日日都會只少傾一陣,去到成個月都冇乜交流。其實之後我都有解釋返只係開玩笑,佢都好似微微咁責怪咗我一下之後就冇咩事,但係唔知係咪因為呢樣嘢令到我哋之間多咗層隔膜,好似變得尷尬咗… 小妹真係唔想冇咗呢位朋友,因為我覺得我哋好多地方都有相同嘅喜好, 成日都有共同嘅話題。佢係一位好好嘅朋友,但係因為我一時嘅衝動,而且我根本仲未分清對佢係好感定鍾意,就令佢誤會,令到呢段關係破裂咗 最近開始復課又坐埋一齊,但係講嘅嘢都唔多於五句,覺得上堂靜咗好多,冇好似以前咁堂堂都笑到癲咗。小妹有諗過好多次打電話同佢解釋清楚,想知道佢究竟係點樣諗,但係啲勇氣一到日頭冇咁感性,嗰陣就即刻淆底, 再加上我見而家我哋嘅關係好似有少少嘅轉機,我唔敢再魯莽行事 ,好驚提起呢件事又會令我哋嘅關係再一次消失 所以想喺度問下大家有冇啲好方法(例如直接send呢篇嘢畀佢XD) 小妺好迷茫,亦都令到我嘅情緒低落咗好多, 搞到成日喊,不停怪責自己,小妹真係唔希望失去呢段咁寶貴咁好嘅友誼 (最後以我所知佢有follow呢個page,如果你覺得係講緊你嘅話就send你篇文畀我,然後再講下你嘅感受啦~) 多謝大家睇到呢度🙏我都知好長氣…但係因為真係太唔開心,好後悔,好想搵解決方法。再次多謝大家,祝大家身體健康💪
#NSS學校 [沙田某Band 1中學] 小弟今年F2,是咁的,小弟F1成績唔係太好,入唔到精英班,不過班frd就個個都入曬精英班。咁新一年入到新嘅一班,咁就識下frd等大家都熟啲先啦。 咁我都好順利咁未開學已經識到frd。同班frd就大家每日都煲電話粥,開學唔係好耐大家已經好熟。咁我就鍾意咗班friend裏面其中一個女仔(下稱A),每日都同佢傾計傾到凌晨2,3點。咁大約11月就同個A表咗白,俾人派左好人卡。 不過就喺我同個A表白之後,佢就夾埋班friend一齊欺凌我(cap我黑圖整sticker然後send落班grp度,喺個chat grp度講句粗口就報串畀老師,言語欺淩等等)咁過咗一兩個禮拜之後,我就退咗佢哋個group,諗住唔同佢哋再frd落去啦。點知佢哋就喺班group度kick埋我走,咁我都算啦唔喺班group唔係咩咁大鑊嘅啫。 咁到3月頭開始,我間學校要開始返實體,返到實體我都盡量唔同佢哋有接觸㗎喇,但係而家就好似成班都排斥緊我咁(不論男女,大部分都係言語欺凌啦)。我諗過轉校但係我唔捨得F.1班frd,請問可以點算。 Sor for 1999
#NSS個人 [guest] 我讀港島區某傳統名校,由小學都係band1,不過成績一直都唔係特別好嘅人。我對自己要求都算幾高,之前更加有少少不切實際(有關大學選科),但係依家改變左自己嘅理想感覺同目標近左。 眼睇對入U都ok有信心,但係唔知點解總係覺得自己好大壓力好辛苦,因為依家study leave,所以我每日都會出去溫書,基本上係屋企嘅時間只有沖涼訓覺。呢排係自修室做練習做pp都總係覺得自己能力仲係好有限,根本就好似溫極都係唔識做,每次做做下都會成個人好熱,好緊張,手汗出曬黎,心跳加速,嗰種感覺真係好難受。不過呢啲狀況其實係小學已經出現過,嗰時睇過心理醫生,結果係要靠食藥控制。初中情況有好轉,但係到高中開始壓力大左個人情緒就好大波動,好似成日覺得周身唔自在。因為咁我又開始食返藥,一食就幾年,醫生話要dse之後先可以試下cut個treatment。我對食藥物方面無咩嘢,但係其實我一直都無俾人diagnosed係有咩病。 我一直覺得自己可能有anxiety或者depression,嘗試自己了解過更加覺得自己可能係有微笑抑鬱症。身邊嘅朋友覺得我成日都好積極,好努力溫書但係真實嘅情況根本無人知。我都上過網去同社工傾過,但係感覺無咩用,亦都嘗試去做唔同有關心理疾病嘅測試,幾乎全部都話我有起碼中度抑鬱症。因為咁我試過委婉啲同屋企人講但係總係會被無視。 但係其實屋企人對我真係好好,我都好鍾意佢地,不過曾經試過幾次因為考試壓力大到爆煲,同媽咪大鬧我想去死,想結束一切,仲要整喊左佢。我覺得自己真係唔可以再咁落去,但係就算發生過咁多狀況我都唔係好敢同屋企人直接講我嘅心事,好似個個都想逃避我嘅情緒問題。 有時真係覺得好無助,成個人無曬動力,見到身邊無論係陌生人定係同學個個都好努力,我就會好自然咁將自己比較落去,我知我唔夠人勁,但係我真係好想考好DSE,但係心入面總係有把聲一直否定我嘅能力。DSE都真係殺到埋身,我真係好希望可以擺脫呢一切,好好應付呢場考試。 最後都不忘同各位2021dser講聲加油💪🏾;) – 希望admin po 想睇下有無人可以俾啲方法改善下自己嘅狀況🤥 圖Link: https://ibb.co/pj4vST1
#NSS愛情 [GUEST] [略長慎入] Admin pls po ig thx🙏🏻🙏🏻 是咁的,小妹今年中二,(希望大家唔好見到我係中二就唔睇),一直單戀緊一個以前讀同一間小學嘅男同學(下稱A、冇女友)。直至之前都有同佢keep frd(但只限於網上,現實冇乜點講嘢),都幾close下。 。 我一直都有表明我鐘意A,有表白,但係佢拒絕左。咁我就覺得即使冇得一齊可以做frd都已經好好,就咁樣拉拉扯扯左幾年。 。 一次偶然,我問A可唔可以同佢喺現實傾計,佢就東拉西扯有啲避話題,因為A覺得冇話題傾(但係我地喺ig都傾幾開心)呢次就令到我覺得既然都我哋都唔可以喺現實做frd,更何況做女朋友?同埋之後如果佢出pool, 我哋都冇可能好似而家咁frd。我又唔想再煩、sad落去, 所以決定斬纜。咁之後我決定好好同佢講清楚,寫左一篇嘢俾佢,A就類似咁覆我:「笑左」「話想繼續做frd係你」就咁樣斷左。 。 斬纜之後,A揾咗我一次。去到依家我仲會成日諗起A。 。 去到今個星期四,我補習撞到佢(一齊補習)望住佢走嘅背影, 越行越遠,好似我同佢嘅關係越嚟越疏離,嗰刻忍唔住喊左。周圍啲frd一啲就話同佢frd番唔好虐待自己、一啲就話唔好frd,為免夜長夢多。我一直都好煩好傷心,決定俾下冷靜期自己諗清楚。小妹想喺度請問一下大家,究竟我應唔應該同佢frd番?🙏如果要frd番咁應該點樣做? ?唔該哂 。 Srr for
#NSS家庭 [guest] 真心求po。我打咗好耐。都真係唔想再繼續落去所以投稿。所有留言我都會睇。唔好話我啲標點得句號。因為貪快但又想你哋易睇。小編想改就改。唔改都ok。 。 是咁的。我由細到大我屋企人包括爸爸媽媽兩個都同我唱反調。令我好大壓力。成日好想喊好無助唔知點。但無同佢哋講過。 。 舉少少例啦。例如我食飯嘅時候。佢哋係好愛我。都好尊重我。佢哋夾餸比我之前會問我食唔食。但無論我食唔食佢哋都會照夾比我。我試過話唔洗啦你哋食啦,或者夾翻比佢。佢哋就會一換二。二換四。四換八嘅方式比翻我。令到我越食越多。佢哋係想我食飽啲。但我已經因為咁樣肥過我爸爸。同同學講佢話生在福中不知福。我知係福但會唔會過咗龍。 。 有日上堂老師話要孝順。其中一個係要夾菜比佢哋。全班得我一個無舉手。個個都話我係不孝女。究竟係我問題定佢哋代入唔到我。其實食飯係想放鬆。舒服。但佢哋嘅行為令我好想發癲。 。 仲有。我習慣係食完飯先飲湯同食湯渣。但佢哋就死都要食食下飯夾啲湯渣比我。啲口感同啲餸嘅口感好唔同令我食到好唔舒服。跟住我就好快咁食完飯。大概30秒就食完成碗飯為咗可以飲湯配湯渣。跟住就比佢哋吊起我黎打。話我癡線。但我真係同佢哋食飯好大壓力。我只係想用我嘅方式食餐安樂茶飯。咁都做唔到。我真係唔知點算。 。 比個比喻你哋。你哋唔鐘意蟑螂。但你哋屋企人問完你可唔可以係你床頭養蟑螂之後你話唔得但佢照養。然後搞到你瞓唔著。之後佢話你唔瞓教自己攞黎然後令到自己身體轉差。然後吊起你哋黎打。 。 仲有啊。佢哋仲有怪癖係讀書一定要讀出聲比佢哋聽先叫溫咗同入腦。唔係就係走馬看花。所以我由細到大係屋企讀書都要讀到比佢哋聽到我讀乜。但其實依種方法唔啱我。我讀咗咁多年都讀唔到嘢入腦。宜家讀緊band 3中嘅學校。日日5點起身苦讀都無效果。次次唔讀出聲就比人吊起黎打 。 仲有做嘢每次要即叫即做。依種癡線嘅程度去到遲咗一秒都吊起我黎打。試問點會一定100%做到隨叫隨做呢。有啲私人嘢難即刻放低跟住就比人打。 。 講住咁多先。一日只係可以用10分鐘電話。我交電話先。屌輕力啲同評下理thankssssss睇緊嘅你哋每一位
#NSS家庭 [GUEST] Sor for 1999,純粹想問下大家覺得中學生應唔應該可以自己決定出唔出街? 小弟今年就讀中三。話說,啱啱問我阿爸復活節可唔可以同frd出街,佢諗都唔諗就直接答唔畀,跟住我就梗係問佢點解la,佢乜都唔講,淨係話唔畀我出街(雖然我問之前大概都估到結果ga la, 因為以前問佢好多次都唔畀我出街) 問題就係呢度,佢平時就有時要我地一家三口一齊去行山,即係有時唔想咁早起身,再加上可能之前星期五就已經好攰,想瞓多陣,就唔想去行。佢就話我宅男呀,話我好懶呀。 我嬲嘅點就喺度!我想出街嗰陣就唔畀人同friend出街,一時又話要同你weekend去行山,唔去又被你話宅。雙重標準?