—類投稿

GUEST

#NSS其他 [GUEST] 小妹今日放學搭車嗰陣,我隔離有一個小妹妹,睇落似K3,佢阿媽同阿哥企咗喺佢前面。 個小妹妹一坐低之後就問阿媽攞ipad,阿媽就話冇數據,跟住個阿媽就喺度㩒電話。佢阿哥望緊阿媽部電話,然後小妺妹就話想睇,阿媽就唔俾。 由佢哋上車直到我落車之前,小妹妹一直喺度講嘢引佢阿媽注意,但係佢阿媽完全冇理佢。 我到咗落車之前嗰個站嗰陣,小妹妹繼續想阿媽理佢,今次我以為佢阿媽會唔理佢,但竟然佢講咗一句:好煩呀你!唔好再嘈啦! 然後個小妹妹好唔開心咁喊咗。 我知我好多事,而且有啲嘢可能誤會咗。 我想借呢件事嚟同一啲偏心嘅家長講,如果你真係咁唔鍾意佢咁你做乜生佢出嚟去折磨佢。 (同上面無關)最後同2021 DSE考生講聲加油🔥呢兩年都唔容易,因為個社會同疫症令到你哋有陣時好傍徨,堅持到依家呢刻都好勁。 DSE只係人生中一個小階段,加油堅持落去💪🏻 Sorry for 1999

閱讀更多

SPCS

#NSS學校 [SPCS] Henry jai 矮,上堂冇人聽書 E cheung 神經有問題 N wu 上堂教大灣區,恰F.1唔適野叫佢地入 cat choir ,佢本人搞到cc 質素好差, 差爆。藍到出血,唱歌難聽到死(why did the school hire her)🙂 J Au 勁冇責任感,唔使諗住收返你啲測驗卷 來來去去都係果幾件衫

閱讀更多

TWGHFWFT

#NSS愛情 [TWGHFWFT] Admin plz po ig~ 我想問下點樣可以識到一個陌生女仔 是咁的 我今年F.3 對一個大我一年(4C)嘅師姐有好感 雖然有好感但係我其實完全唔識佢 現實生活中一句嘢都冇講過 我好想識到佢 至少想做咗frd生la..因為我而家都唔肯定我係唔係真係鐘意佢 我有fol佢ig 但係我完全唔識開話題 佢又唔po story 我覺得突然搵佢傾偈又好奇怪..我真係婇想識到佢ga

閱讀更多

[GUEST]

#NSS學業 [[GUEST]] 希望admin可以post我,唔該曬,麻煩曬admin。 小妹f.2,最近憂慮同擔心緊揀科上嘅問題。可能你會話而家你先仲f.2咋嘛,唔使咁快諗揀科嗰啲嘢啦。我明白我而家先f.2,揀科呢樣嘢對於我嚟講係言之尚早,但係唔知點解唔諗,我就唔安樂,好冇安全感,好想計劃好一切。好擔心好擔心第時入唔到自己想揀嘅科。 我嗰間學校每一級有四班。f.4開始分精英班,C/D班係精英班,呢兩班嘅學習氣氛比較活躍,C/D偏向理科班,教呢兩班嘅老師亦教得非常之好,呢兩班嘅老師唔會有啲係懶又或者hea教嘅老師。相反A/B班 學習風氣就冇咁活躍,雖然競爭壓力冇咁大,但係教呢兩班嘅老師都比較參差,唔可以話教得好,甚至有啲教呢兩班嘅老師係好懶,甚至根本就唔係老師嘅材料,學校唔炒佢係因為師資。 我哋學校一向都有個準則,揀M1嘅就會入C班,揀M2嘅就會入d班。唔揀M1或者M2基本上就一定入唔到C/D班,最終(冇揀M1/M2嘅人)就會自動分配去A或者B班。我嗰間學校曾經有老師講過,A/B班入大學嘅機會率比較低,講緊嘅係各(A/B)5/29。相反,兩班精英班入大學嘅機率比較高,講緊係各(C/D)25/29。所以咁多年嚟M1/M2呢兩科一直都好搶手。 但係問題就嚟啦,小妹數學係差到不得了,我而家啲數學程度基本上好似淨係得中一上學期咁樣,甚至分分鐘連(Maths)f.1嘅程度都冇。小妹原本唔係話鍾意亦都唔係話憎數學呢科,但係上到中學……um…我可能比較容受易老師影響,咁啱一入嚟就畀一個全校公認教數最廢嘅阿sir去教我哋嗰班,從此我就唔鍾意數學,亦都好憎嗰個阿sir。再加上因為疫情下,變咗冇實體堂,只可以online lessons,我變得更加懶,更加hea。遇到我唔鍾意嘅堂就好似數學咁,我係完全唔聽書,教到邊度我都唔知。途中我有好努力嘗試專心去上數學堂,但係我都唔明阿sir講啲乜嘢,個阿sir出咗名問非所答,所以我都唔搵阿sir,我去搵咗一啲學霸去求救。但係我冇理由有咩唔識就咁樣成日問嗰啲學霸,咁樣成日麻煩到人,自己都唔好意思…. 我亦都有嘗試過去克服數學呢一科,但係我真係克服唔到..我是一見一堆數,我就會厭倦,真係會頭都暈埋。如果第時真係要揀M1/M2 先唔好講入到去會點,入唔入到去係另一個重點。因為如果係揀M1/M2,學校係會睇返學生嗰個數學成績排名,我而家嘅數學排名可以話係全級最尾嗰十個,試問我邊度仲有機會去可以入到M1/M2..?中途我有試過跟返書嘅example去做每一條數,做返書入面嘅練習,問題係我蠢到連書嘅example我都睇唔明,唔知點解佢會變成咁,唔明白點解佢要咁樣計,好多個點解點解點解喺我個腦浮現出嚟,跟住我就好想放棄,然而就一直咁樣惡性循環。 我覺得數學真係好難,但係一諗起而家嘅成績,再諗第時f.3要揀科,一定要揀到M1/M2先可以入到精英班,亦都代表入大學嘅機率比較大嘅時候,就好大壓力,好驚,好焦慮,好擔心…我唔知可以點做…其實我都想補習,但係無可奈何屋企經濟唔允許…請問有冇人可以畀到一啲建議或者方法令我可以改進或者去克服數學? 小妹而家最鍾意嘅就係中文,Hist同埋中史。本身自己第時想揀Hist同埋文學,但係我哋學校嘅Hist同埋文學係同一組,即係如果take文學就冇得take Hist, take Hist就冇得take文學。可能你會話咁你咪揀其他科囉。其實我而家IS成績都好差,而且對科學冇興趣。我上網查過f.3要學嘅phy chem bio 嘅syllabus,睇完真係冇興趣,所以我諗我應該唔會揀理科。至於商科,亦都真係冇興趣,始終有數字呢樣野,可能你會話唔驚,嗰啲數好簡單嘅啫,但係因為我未來想做嘅職業係一位中文老師,所以我冇打算要揀econ&bafs。咁講的話我只係淨返文科,我唔鍾意Geog,然後我就得返中史,Hist同埋文學揀,所以其實我嘅選擇亦都所淨無幾,咁樣刪除的話只係淨返中史同埋文學(而且做中文老師有個文學底子會比較好)。 自問自己都鍾意中史呢一科,雖然而家成績可能只係合格多啲,但係我相信勤力係勝過一切,正所謂皇天不負有心人。雖然我f.1係好憎中史呢科,我覺得中史呢一科全部都係死背,好悶。但係升到f.2莫名其妙我愛上咗呢一科,當佢故仔咁聽,發現其實原來都幾有趣,然後就好enjoy上中史堂。 我諗其實自己應該都係一個文科人,我比較擅長背誦,鍾意欣賞唔同嘅文章,了解歷史,但係我就驚升到高form應付唔到中史同埋文學呢兩科。我揀呢兩科可以話係我嘅興趣而選擇亦都係可以話我得番呢兩科選擇。我揀文學係因為我比較有興趣欣賞唔同作者嘅文章,同埋自己喜歡寫作,咁多科之中,中文嘅成績亦都係一科比較可觀,亦都係成績最好嘅一科,所以我想揀文學。 我知道呢兩科背嘅嘢唔係少,手速都一定要好快,我都驚自己上去搞唔掂,好驚成績一落千丈或者樣樣嘢都落後於人。而家好驚第時讀唔到中史同埋文學,可能係因為我成績未夠資格,所以入唔到。因為我f.1好憎中史呢一科,所以每一次嘅測驗幾乎稱得上嚟攞考,考試亦都唔合格,完全唔知個f.1中史學過啲乜嘢。我好驚咁樣如果第時真係揀咗中史,真係可以讀到呢科嘅話,會影響我第時讀中史嘅進度,原因係我冇打好個基礎。小妹亦都想問問有冇一啲係讀中史嘅人可以畀到啲方法或者建議畀小妹,點樣可以令到中史成績進步? 又或者文學方面 我知道好多都係文言文,但係我中文最弱嘅就係文言文… 請問有冇take文學嘅人可以畀啲方法或者建議畀小妹,其實你哋係點樣背曬28篇範文同埋點樣去打好閱讀文言文嘅基礎?

閱讀更多

GUEST

#NSS其他 [GUEST] 是咁的,小弟讀緊f3,基本上每個禮拜都會出去行山,但有時朋友唔得閒就會自己行。想請問下有冇鍾意行山嘅朋友可以一齊行,始終一個人行唔太安全同有啲悶。冇咩特別嘅要求,如果ok嘅話我會dm你同你傾下細節,admin po ig thx!!! sor for 1999

閱讀更多

ccpass

#NSS學業 [ccpass] 我今年Form2,喺一間旺角band2尾嘅學校讀書,我最近有轉校嘅想法。 因為小學係傳統名校,所以中一嘅時候成績好好😃但係form2下學期開始越嚟越冇心機讀,其中一個原因可能係長期喺屋企返學,而另外一個原因係我好唔鍾意我學校。學校有八成都係新移民,喺走廊行過基本上唔會聽到有廣東話,同學之間講嘢都係用普通話,我會同佢哋講不如講下廣東話,但係佢哋會話好難唔想講,令到我好冇歸屬感! 同埋學校老師冇心機教書亦都唔識教,真係識得叫你寫一式一樣嘅筆記,分量勁多,我本來有寫筆記嘅習慣,但學校安排咗佢哋自己安排好嘅筆記之後,我連寫自己筆記嘅時間都冇咗。 我有情緒問題,所以要見學校社工,我同佢講呢一個問題令到我好大壓力,我問佢可唔可以唔抄,會影印啲筆記嚟溫習,抄寫對於我嚟講冇用,我同社工講咗班主任冇心機教書,又要我哋喺短時間內寫大量筆記(一晚抄5至7頁,最嚴重11頁)可能班主任知道後不滿,針對咗我幾日,好多同學都睇得出。大概係呢啲原因令到我直情唔想返學,亦覺得呢間學校唔適合我。我嘅壓力來源唔係學校係咁逼我讀書,而係學校用一個錯而有冇用嘅方法夾硬逼我哋。 我雖然喺學校讀書好,但興趣喺藝術方面。中一加入咗英文話劇學會,同其他師姐一齊參加劇本寫作比賽,第一年就拎咗冠軍。今年老師安排咗兩個話劇比賽畀我做leader,我係演話劇同埋寫劇本方面真係好開心,令我萌生咗想喺香港做電影幕後或演員嘅夢想。同埋我跳舞方面都唔差,成日有得去紅館做dancer😅 我哥哥演藝學院讀作曲系,最近佢同我講有一間中學叫香港兆基創意書院,係藝術高中嚟嘅,了解完之後覺得好有興趣,連阿媽都話會支持。但始終冇朋友仔讀呢間 ,都有啲嘢唔太清楚。 如果有人讀創意書院希望可以為我解答下🙏 1)書院中英數通主科嘅內容會唔會好容易?同其他普通中學嘅內容會唔會有分別? 2)讀創意書院有乜嘢好處,壞處? 3)大家覺得我應唔應該轉校去讀一間藝術高中?🥺 希望大家畀啲意見我!多謝阿哥阿姐!🐸🐸

閱讀更多

Guest

#NSS其他 [Guest] 我依個人比較特別,見鬼講鬼話,見人到係講鬼話,睇我成日叫人靚仔靚女就知道.我唔係太鐘意講野,講親十成十都係廢話. 下次聽到就當我9up, thank you靚仔靚女

閱讀更多

GUEST

#NSS學校 [GUEST] 回應翻210321M個post,其實你講ge野真係幾啱,bully人最後惡果都係自己承受翻。我f3嗰年同班朋友好fd挽得好癲,咁我大佢地兩年,有時相處落都會覺得佢哋某啲位好小朋友好on9好煩,咁就唔想同d on9仔一齊挽,就開始疏遠佢,之後仲日日當住全班面串佢挽佢,上ig鬧佢。一開始都挽得好開心,幾個月之後報應就黎,d人開始覺得我好恐怖好衰好八婆,我一開始都唔覺得自己有問題。 之後升f4,咁啱同左我bully嗰個女仔同佢本身班fd同班,結果我一個人比佢地恰,之後仲搞到全班都差唔多無人鍾意我。咁後來當然知道錯,但係已經太遲,大家都已經咁討厭我,無論我做翻一個好人都無補於事。 咁之後自己一個捱左一段時間,就轉左校,轉校之後我都對人好謙虛,就算有d人講野好小學雞或者好八婆,我都唔會出聲,人地同我講是非都係聽完就算。 其實講咁多,都係想帶出一句,今日你欺凌人地,他日惡果都係自己承受翻,我bully過人亦都比人bully過,其實比人蝦嗰個傷害真係好大。如果係真係因為佢有問題或者做錯野,而你要去bully佢,其實你最多咪唔同佢挽,或者照直同佢講話你做錯野喇咁咪算,點解之後仲要搞咁多小動作? 講到呢度,可能有人會不滿我咁樣講,不喜勿插,純粹個人經歷。

閱讀更多

GUEST

#NSS學校 [GUEST] 小妹最近友情方面有啲困擾 咁我就有5個fd啦,咁就喺wts有個gp係一齊傾計嘅 咁本身就有三個中二已經一齊玩 而我就遲啲先加入嘅 但唔知係我多疑容易亂諗野定比較自卑 我見佢哋三個有自己一個gp傾計 我覺得有啲唔舒服,因為覺得如果一齊玩就應該6個人全部一齊傾,而唔係佢哋自己三個傾 雖然話佢哋可能之前已經有個gp所以先一齊傾計,但感覺唔太良好🤦🏿‍♀️ 想問大家一啲意見🙇🏻‍♀️如果係咁小妹應該點做?定係我應該改變下自己個心態,唔好咁敏感?🤦🏿‍♀️

閱讀更多

GUEST

#NSS學校 [GUEST] 小妹今年F.1,喺班上有一個好好嘅朋友,最近佢開始有自殘(𠝹手),亦都有自殺嘅念頭。 問題係佢一直唔同我講佢因咩事而咁樣,有可能係屋企人,學業,又或者朋友……要知道咩事先知可以點幫佢,但唔想迫佢講,就叫佢自己想講先再同我講。佢仲同我講佢上網做測試話佢有抑鬱症,咁我就叫佢試下同屋企人講,帶佢去睇下醫生,睇下係咪真係有抑鬱症,我都知好難向屋企人開口,同埋唔會想去睇醫生(自己都試過抑鬱症,而家已經就快好返)我驚佢再唔去睇醫生,真係會自殺…… 佢最近好似開始避我,我小息行向佢,佢即刻走開,以前上堂無話不談,不斷傾計,而家完全冇講一句嘢,問佢嘢都唔答。 我真係好擔心佢,大家覺得我可以點幫佢? Sor for 1999 Admin po IG pls🙏🏻

閱讀更多