—類投稿

GUEST

#NSS個人 [GUEST] 大家有冇遇過D好憎食嘢嘅人 小弟我就係個種人 平時正常人可能5-6個鐘就會覺得肚餓 但係我就係可以9個鐘都唔食嘢 而且唔會感受到肚餓 而且食量都算少 可能平時一個學生餐 我食6成左右 就完全飽曬 然後又係等7 8個鐘先會再食 對食嘢完全冇興趣 覺得食嘢只係為左生存 雖然食量少 但係重量身高等等完全正常 自己都有諗過會唔會係厭食症 但係大部分情況都唔太似 覺得自己只係存粹唔鍾意食嘢 對食嘢冇興趣 投稿睇下有冇人有相同經歷 有冇乜解決辦法 Admin po

閱讀更多

Guest

#NSS愛情 [Guest ] 後悔隱當初應該咁衝動而家咩都挽回唔到每次見到面都扮睇唔到大家

閱讀更多

guest

#NSS個人 [guest] 你好,我今年中一,唔該各位睇完篇文話俾我知我可以點做。 開咗學無耐就比人孤立咗,我當時最frd嘅一個女仔無啦啦周圍抹黑我,令我無晒朋友。(係阿,無啦啦,因為唔鍾意一個人唔需要理由) 其實要令我無晒所有朋友要用幾個月,呢幾個月我望住我以為係會陪我嘅人,一個又一個人離去,無體驗過嘅人唔知有幾崩潰。 佢用嘅招數,係我無諗過一個中一學生會諗得出嘅方法。 甚至我無做過嘅嘢都可以憑空捏造出嚟。 我當時嘅崩潰係,停止唔到負面想法,自殘甚至係咁食安眠藥,食到頭痛但係都係瞓唔着。要用形容詞形容就係:恐懼,焦慮,負面,自卑。 學業方面嘅壓力亦都比我想像中大好多好多,我因為小學無努力讀書而入咗一間唔心儀嘅學校。 用英文讀咁多科我完全適應唔到,甚至多咗好多科,以前小學可以靠小聰明,但係從我Quiz嘅成績就睇到,根本就唔可以再hea。 呢份壓力仲有一部分來自我嘅家人,佢地對我期望好高,不斷同我講,盡咗力就得,咁樣反而令我更加自責,到底點先係盡力?如果考出嚟好差咁佢哋又會唔會覺得我有盡力? 第一次考試,我好努力讀書,考到好好嘅成績,但阿爸阿媽都係唔滿意,佢哋都係覺得我係靠小聰明,但係我明明已經係佢哋前面溫咗好耐書,點解都係覺得我無盡力? 自問唔係讀書嘅材料,我唔明點解有人可以坐係度完全唔郁讀咁耐書。 所以我下定決心,我要係第二次考試用成績再次證明我唔係靠小聰明。 當時除咗因為學業壓力好大,同埋係中學一個朋友都無,真係一個都無,同屋企人傾過,佢哋講晒粗口咁話我抗壓能力低,因為自己唔識朋友先搞到咁。 當時已經派咗考試範圍,我每日嘅生活就係,讀書,焦慮,讀書,焦慮。 我覺得當時嘅我好恐怖,我沖完涼首先會負能量同埋自己一個焦慮好耐,之後做完功課,然後一到凌晨屋企熄晒燈好安靜我就會開行turbo係咁溫書,溫完諗住瞓覺,心裡面就會有把自責嘅聲音鬧我,然後我就又繼續溫書。 我以為可以用溫書麻木自己,唔好再諗學校排擠啲嘢,點知我只係一邊諗住學校啲嘢一邊溫書,啲嘢根本就無入腦,我只係不斷咁抄考試範圍,但係啲嘢其實我都唔明(尤其係地理,數學,歷史) 我記得考試個幾日我每日淨係瞓咗半個鍾,成個夜晚都坐係書枱前面溫書,無論係宜家嘅我定係以前嘅我,都肯定做唔到,我一到凌晨就好似變咗第二個人咁。 成績出咗嚟之後差到極點,明明我已經係咁溫書點解都係會咁樣,我更加自責,更焦慮,明明已經考完試,到底我發生咩事。 以為可以用成績證明自己,點知仲差過上一次,我好崩潰,我溫書嘅時間仲多過上一次,點解結果會係咁。 家人嘅怪責令我更加憎自己,因為我負能量個陣時正係佢哋瞓覺嘅時候,係我開turbo嘅時候佢哋完全唔會見到,佢哋話我根本淨係打機。我同佢地講我真係夜晚先集中到,佢哋話我係人類,無可能日頭做唔到嘢,成績出嚟之後佢哋更加怪我,講啲好難聽嘅嘢好似話要放棄我,當初就唔應該對我有任何期望。但係我已經盡咗力,考試個一個月我捱到成個人都頂唔住,望住塊鏡都唔認得嗰個係邊個。 距離考完試已經過咗一個月,但係唔知點解我感覺個身體已經“壞”咗,我平時要返學瞓唔夠兩個鐘都可以好精神(唔係唔想瞓,係瞓都瞓唔着),但一到放假我可以連續瞓16個鐘。 其實我考完試未派成績係我狀態最好嘅時候,因為我覺得我已經努力咗,應該唔會差得去邊,但係派完成績我又翻番之前嘅低潮狀態。 我好似覺得自己有少少情緒病,因為我發現我上堂開始集中唔到,控制唔到自己負面嘅想法,生理時鐘又好奇怪。

閱讀更多

SHCC

#NSS個人 [SHCC] Admin po ig pls🙏 小妹今年F.1,讀女校,老豆老母都係深藍,成日話暴徒喺度搞搞陣,搞彎成個香港,當我每次想同佢哋講,佢哋一定會喺度話我喺邊度學壞咗,我有時真係太嬲激動咗啲,佢哋就攞衣架打我,有次仲要拉住我隻腳入廁所淋水,我真係好崩潰,每次都喺房到不停喊,小學之前我一直覺得自己係直,但係去到上年,我發覺自己鍾意咗個同班同學,發現自己係雙性偏女,但係我老豆老母好唔鍾意同性戀,我自己係腐女,每次睇BL都會俾佢哋話班死gay佬,已經因為性向問題同佢哋鬧過,我亦都會自己喺度喊,我曾經好努力嘗試整返直自己,但係仲鍾意緊個女仔,佢係直女,我自覺只想好好保護佢,但係真係好想佢都明我。我喺小學嘅成績唔係真係好好,但係都唔差,但入咗中學真係好大壓力,成績跌咗一倍,我有次沖涼真係忍唔住,攞咗把絞剪割手,好想死。我真係好辛苦,但係又諗唔到有嘢改善,我可以點… Sor for 1999

閱讀更多

香港頭20名嘅學校

#NSS學業 [香港頭20名嘅學校] Admin post ig plzzz係咁的,小弟今年F1啱啱派左上學期嘅考試卷,我數學同地理都唔合格。我返到屋企我老豆就鬧我點解成績咁差,佢同我講話100分滿分我要攞起碼90分先叫係正常同標準,我同佢解釋中學同小學唔一樣但係佢都係用我小學嘅分數嚟作標準。 我想問下中學係咪求合格而小學係求分數(因為我聽過勁多人咁講)另外我想問下考試fail兩科會唔會有咩問題 I mean留級之類 求解答sor for1999 圖Link: https://images.app.goo.gl/3j92az4yobWRqw8d6

閱讀更多

Guest

#NSS學校 [Guest] 小弟今年F3,灣仔區某Band 1A 中學。本人有啲內向,一直都好憎group project。 我一直都唔明白點解學校要安排咁多group project比學生。呢個禮拜一返番實體課,就有幾個group project。Group project一啲好處都冇,根本就係考驗學生嘅社交能力 😡。啲人搵組員通常都係搵佢啲friend,而唔係搵成績比較好嘅人。我每次唔係分唔到組就是有freerider做groupmate,就算分到組都搞到我很大壓力,有時我仲要一個人做晒成分project。唔好同我講話group project可以提高communication嘅能力,根本就係廢話。相反,individual project我自己可以控制自己嘅分數,唔會俾人影響或者拖累,而做嘅過程亦都會輕鬆啲,又唔使為嗰啲無謂野而煩惱。

閱讀更多

Guest

#NSS家庭 [Guest] 今年已經18歲 就快攞成人身分證 但係呀媽仲係好鍾意管住我 幾時沖涼又關佢事 晏少少先去就發脾氣 放學去行個街又要問咗先 唔同佢講又話將啲嘢收埋咩都唔話佢知 講咗又怨我唔比心機讀書淨係識去玩 依家淨係返半日 上完堂出去又比佢鬧 我明佢關心我呀 咁都唔係樣樣嘢都要咁仔細交代架嘛 我已經交代好幾時返屋企 次次都準時 冇穿冇爛咁返屋企 最晏都係十點幾就返到屋企 我仲要住大西北 次次都啲Frd 去玩就好掃興咁話要走

閱讀更多

guest

#NSS愛情 [guest] 緊急!!!!! 小妹13, 唔知應唔應該表白(時間有限) 2020年11月, 3男1女去咗主題樂園玩~ 我當時對其中一個男有好感, 佢係好靜好內向個type。我份人都算主動, 但系唔知點解佢好尷尬😰. 原本可以係學校增進關係(唔同班), 但係停課…….. 。 投稿嗰日is 3/21 嚟緊得返一個星期返學,跟住又停返課。我同佢嘅關係0進展(hi bye frd) , 雖然我同佢唔熟 , 但係我唔知發乜神經,突然好想表白(應該會用寫信)。 但係其實我同佢唔熟,淨係得snapchat , 連電話號碼都冇,

閱讀更多

Guest

#NSS個人 [Guest] 其實男人着婆仔鞋正唔正常 小妹頭先落街見到一個男人,可能都係15-20歲,但係佢着住一對返學着嘅黑色婆仔皮鞋,我一開頭望落去都覺得有啲奇怪,但係返到屋企之後,我越諗越覺得嗰個男人好古怪,點解會無啦啦着住隻婆仔鞋喺街度行。(冇性別歧視歧視成分) 圖Link: https://ibb.co/BP3mzFq

閱讀更多

UCCKE

#NSS個人 [UCCKE] Thanks so much for posting!!!😉 Dream, please free me from the cage The cage that shuts all the possibilities of my future and

閱讀更多