#NSS其他 [guest] – 文筆同中文差 sorry 我樓上有家人養咗隻狗,隻狗好大隻、佢企起身嘅時候都高過我 (160左右)。嗰隻狗見到全部人都會係咁吠,同埋成日都想撲去咬人。不過樓上果家人就冇諗過幫佢帶狗口罩。 我知道隻狗可能會好辛苦,但係其實好多人真係驚大狗。上次出lift嘅時候,一打開門就見到佢,佢係咁吠係咁吠,仲要係咁想撲埋嚟。 搞到我而家返屋企嘅時候好驚,好驚有一日會俾佢咬。而家每次出lift之前都呢埋喺其他人後面 (如果入邊有第二個人)。 我真係好驚,已經同管理處講咗,但係樓上都仲冇行動😔 sorry for 1999 我知唔關學校嗰啲事,但係我唔知有咩其他地方可以講。
#NSS個人 [Sleep ] 純分享 唔知大家有冇試過長時間太夜瞓而成日到咗夜晚就想嘔同心口痛兼呼吸困難?之前返中學就1:00左右瞓,7:15起床,雖然瞓得唔算多但起碼身體都冇咩好大嘅問題。依家上咗大學,已經持續咗一年左右2:00-4:00先瞓覺。 近依半年開始嚟料,開頭嗰排就會間唔中心口痛同呼吸困難,嗰一排早瞓返就冇事,到咗近依兩個月仲開始“作嘔”,咁我開始懷疑自己身體係咪有啲問題啦,咁都Google一下睇下搵唔搵到啲咩結果,就顯示話因為太夜瞓令到個肝太傷所以就會咁,咁我都識驚啦,控制緊唔好遲過兩點瞓。 希望睇到依段文章又好夜瞓嘅各位都留意下自己嘅身體健康,如果有其他身體警號就一定一定要早瞓返,萬一出咗咩事就唔好啦。
#NSS學校 [GUEST] 純分享 求admin post 家政有份功課,係要同三四個人一組諗幾道菜,遲啲要上堂整 菜式要自己諗,但係勁多要求 幾道餸又要夾,賣相又要靚,要符合佢比嘅題目,要比到佢睇我哋嘅cooking skills,唔可以太難太容易,啲嘢食唔可以太貴,又唔係佢出錢,要自己設計張枱嘅佈置,要自己買枱布,要買返啱feel嘅碟,錢要自己出… 一個字煩 我哋要寫份報告,係有關我哋啲餸嘅營養價值,要諗食物嘅份量,買乜嘢,整個recipe,自己設計Menu 但係佢講明,未俾佢知道我哋揀咩菜式之前唔可以做份report住,費事我哋揀錯菜式 點知佢due date之前兩日先嚟話我哋啲餸唔得,咁我哋臨急臨忙改啦 跟住做晒成份嘢之後,due date前一晚又話唔得,根本冇時間改 第日due date佢喺Google Classroom鬧我地問做咩冇人嚟交 跟住嗰晚做咗好耐 第二日落到去交 佢已經黑面 跟住佢叉晒要腰,講到自己好偉大,話我哋做嘢做咩好冇交帶,其實我哋已經email咗佢好多次佢都唔睇(有禮貌地) 跟住佢可能嚟M,令一組份report未用釘書機釘好,佢發晒癲,喺度數我你平時D嘢,又拍枱,又叉腰,佢英文又麻麻地,學校淨係可以老師講英文,佢鬧人又要有氣勢又要唔fluent ,聽聽下佢發癲,覺得有啲好笑
#NSS其他 [Guest] 致 各位2021 DSE考生: 今年又是不平安的一年。繼武漢肺炎後,在社會上發生了各種大大小小的事件,當中有不少皆令人感到徬徨、憤怒、不安,而你們則渡過了無數網課的時間。但是,你們首當其衝地要應付DSE。 提起DSE,大家當前應付的方法想必是不斷的操練與溫書,希望把握最後機會爭取佳績,入讀理想的大學學科,但又害怕面對DSE未如理想的成績。縱然老師與社工們不斷地安慰自己,向你表示DSE並非唯一出路、「條條大路通羅馬」等安慰字句,你仍然「聽唔入耳」,堅信要考好DSE才可以令自己活得更好、實現夢想。然而,事實又是否真的如此? 再望望香港,眾所週知,現任特首於求學時期年年考第一,又於當時的公開考試(會考)取得佳績。但是,每每她施行政策,皆引起市民憤慨與不滿。想至此處,想必已經反映了「年年考第一」、「做咗學霸」,與其辦事能力根本沒有關係。 2021的DSE考生,你們仍是社會上年輕的一群。DSE將至,各位收到考試場地資訊後,相信會更徬徨無助,渴望盡快完成DSE。在面對DSE之時,除了實現夢想外,希望大家仍能抱住「良心」做人。請記住,DSE只是一份讀大學的入場劵,亦只是人生其中一個小難關。不要被一張成績表的幾個數字來定義你的人生。 祝各位2021 DSE考生身體健康,考取佳績。 「見字飲水」 DSE過來人 上 二零二一年三月十八日