#NSS學校 [guest] 欺凌者 見近排有好多post都講緊有關校園欺凌嘅事,喺度都想講返少少自身嘅經歷。細個嘅時候份人好乞人憎,好容易妒忌人從而去憎人又或者挑釁離間,對朋友嘅控制慾亦都好強烈。某程度上係因為自身缺乏安全感,但當然依個絕對唔係合理化欺凌呢個行為嘅理由。 小學嗰陣時成日言語上去欺凌人,甚至有一班女仔一齊去排擠人。諗返起嗰時嘅自己係好可悲,究竟係無聊同自卑到一個點樣嘅地步先會做啲咁樣嘅嘢。 認真嗰句,真係有自身體會先會知道畀人欺凌係一樣點樣嘅感覺。 到咗中學嘅時候,就有俾人排擠返,每一日聽到嘅冷言冷語都令我好明白做衰嘢真係會有報應,以前做過所有嘅嘢今日一次過承受返。 即使而家已經走出陰霾,但係仍然覺得好後悔同埋好對唔住所有小學嗰陣時畀我言語欺凌過嘅人。好明白當時你哋嘅感受,真係好對唔住。 喺度致所有嘅欺凌者,唔好低估咗你一言一語帶畀人嘅傷害,你今日所做過嘅嘢第時可能都會有返同樣嘅報應,所以好盡快收手同埋同返人say sorry。
#NSS其他 [GUEST] 呢個世界真係好諷刺 每個人都係視覺動物 // [求post ig🙇🏻♀️] 小妹今年15歲,有一班frd,但有時真係好憎佢哋只會討論外表,比大波,比腳長,比邊個最靚,邊個身材最好,佢哋令到我覺得外表越來越重要,自問自己其實真係唔靚,身材都唔好,可以話係無胸。 我以前都唔會因為外表而唔開心,但而家我真係好自卑,覺得個天好似玩緊我,越大越發覺靚女真係有好多著數,唔使另外做啲咩就已經會有人鍾意,而就算我再努力去愛一個人,對佢幾好,都敵不過一個靚字,我地成日都會話唔好以貌取人,但又有邊個係真係可以接受到無外在美只有內在美既人? 圖Link: https://ibb.co/HPKSHdT
#NSS個人 [GUEST] 話說小妹係一個好容易笑嘅人(大笑),其實本身笑就唔係一個問題,只不過係我嘅笑聲比較奇怪咗啲。我嘅笑聲就唔喺好似人哋好清脆嗰啲「哈哈哈」我啲笑聲好似嗰啲陰陽細氣,好高音但係走音嗰啲「嗯嗯嗯」 同埋我嘅笑點係比較低,上堂嘅時候可能人哋講咗一句話我已經會笑㗎啦,但仲要係全班淨係得我一個笑,仲要呢啲笑聲極度奇怪,之後仲要大聲,真係好尷尬。而且我笑嘅時候,我係會成個人喺度震,真係好奇怪。我啲friend有時都會同我講點解我啲笑聲咁奇怪 不,過其實我都唔知點解,不過啲笑聲就真係好難改嘢,所以諗下有咩方法可以影到我嘅笑點高返啲。 Sorry for 1999
#NSS個人 [GUEST] 小妹最近喺連登睇咗個post,個post係話有條仔喺交友app有女仲周圍呃蝦條(知嘅知)不過重點留言有好多人都話你情我願乜嘢叫呃,而且唔信佢哋唔識得拒絕,甚至仲話佢哋抵死,其實我覺得好仆街,佢哋未試過咁嘅情況根本就唔知係點。 喺之前我同ex就有類似呢個情況(利申唔係post入邊嗰條仔),我當時真係勁驚唔知點樣拒絕,所以就開始咗,但係因為真係好驚同埋其實真係真心唔想(我其實根本一開始就唔想),所以喺佢插之前就鳩噏話有嘢做,驚到即刻走咗。笑佢哋唔嗰啲人根本就唔知嗰啲女仔當時係會有幾驚。 Sor for 1999🙏🏻
#NSS愛情 [guest] 中三女,我鍾意咗一個男仔 佢係我嘅數學補習老師,大我五年,我暗戀咗佢大約一年半。我發現佢同我住同一個屋苑,有陣時撞到會一齊搭邨巴。我會特登等到佢嘅放工時間然後扮偶遇同佢一齊搭車(唔好恥笑我;-;) 但係佢平時補習嘅時候同我無咩講嘢,係講都係講我啲功課/補習嘢。佢對其他人又唔係咁,男仔/女仔學生都會講下笑咁樣,但係對住我就無。(可能係因為我唔係放得好開?畢竟我讀女校,同男仔相處都有少少唔自在) 今日我又唸住等佢放工,撞到佢之後就佢剩係講咗句 ‘hi’ 同埋 ‘你返屋企啊?’ 就無啦,我同佢一齊行嘅時候真係好想同佢講下嘢,但係又怕好突兀。 我真係好想同佢變熟啲,但係又好驚尷尬同埋會介意佢點唸我。各位有無啲咩意見/提議一啲可以同佢一齊講嘅話題?sor for 1999 辛苦哂admin
#NSS愛情 [GUEST] (長文慎入,歡迎大家diu爆我…) 只想同你講聲對唔住,但我始終冇勇氣同你講聲我愛你 小弟今年中五,中二個年鍾意咗個女仔,中三第一日開學就同咗佢表白,佢應承咗我,我個陣好開心,不過7個月之後我冇諗過自己會因為一個羽毛球分組活動而背住佢鍾意第二個… – 呢個女朋友係識嘅女仔入面最好個個,每次同佢放學佢都送我返歸,從來唔同我嘈交,唔會發我脾氣,有時見到我同其他女仔傾計,佢都只會塊面兩邊漲起向我示威,我摸下佢個頭或者用手指整佢下巴就唔會向我示威,知道我唔開心個時佢會埋嚟嗲下我,出街嘅費用有90%佢畀(因為佢知道我冇咩錢,又肯陪我捱啲平價飯)佢講過只要我陪佢就做咩都無所謂,我試過整親隻手搞到要整石膏,佢知道咗之後幫我拎埋書包,我以為佢會嫌棄我,但係佢講咗句:無論你變成點,傷咗邊度,我都會陪喺你身邊照顧你 – 不過7個月之後,因為學校有羽毛球分組活動,我同個師姐分埋同一組,個師姐仲捉住我隻手教我,個刻我都唔知自己做咩,竟然覺得個師姐仲好過自己個女朋友,仲做埋啲好親密嘅動作,之後畀我女朋友個班啲同學見到就同咗我女朋友講,我女朋友知道之後就喊到收唔到聲…但係自己仲同佢講畀啲時間自己…跟住佢心軟前前後後分分合合咗6次…可惜自己係呢段時間仲唔知死,仲同個師姐走埋一齊,而我女朋友仲堅信我會翻嚟佢身邊,我知自己衰,最後個次係佢自己醒咗知道我唔個心唔屬於佢,係佢提分手…我仲唔gur周圍講佢壞話… – 到升上F5我先嚟後悔,當佢已經放低我嘅時候,有自己嘅網店,開始追星嘅時候,我先覺得後悔…我亦都知佢中三放低我個陣,有兩個男仔追佢,佢都冇應承,我真係害咗佢…我知我衰到冇人有,亦都歡迎大家隨便diu爆我,我上兩個星期都有ig dm佢,自己想追翻佢都講唔出口,因為我覺得佢而家只當我係普通朋友,我知道佢畢業會去台灣讀4年大學,再翻嚟香港讀碩士,我亦都希望佢幸福,揾到個比我更加好嘅人,呢句我愛你我永遠都講唔出口… – 同時亦都希望咁多位,有另一半就唔好好似我咁做呢啲行為,到時先嚟後悔就咩都冇… sorry for 1999 thx Admin,多謝大家睇到呢度