#NSS學校 [Guest] 小學畢業嗰個暑假,我最好嘅朋友同其他人一齊欺凌我。 小學果陣,我係成績比較好個d,所以果陣會問我點做功課,個字點讀個d,甚至叫我幫手做功課。因為我覺得佢哋係朋友,所以我都會幫佢哋。有一排我最好嗰個朋友每做一題數會打一次去我屋企問我。 到畢業果陣,我都以為我係有朋友嘅。畢咗業之後,同我玩開嗰班人(包括我最好嘅朋友)話約我出去睇戲加埋探老師(果陣有諗點解暑假要去探老師,但係因為佢哋咁講,所以我都信咗)約咗出去之後,我哋一齊去食m記早餐。之後佢哋話去買送畀老師嘅禮物,途中佢哋問我去唔去廁所,本身我話唔去,跟住我個好朋友話佢想去,叫我都去,咁我就去咗。出咗嚟我唔見晒佢地,打電話又唔聽,message又唔覆。我就咁係個商場行咗成個鐘,諗緊佢地去咗邊。最後我收到佢哋個電話,佢哋話“我哋要去睇殭屍片啊(我果陣好驚睇恐怖片),你都唔去架啦,拜拜”就咁就收咗線。 之後幾日佢哋開始係wts group咁send d話要同我絕交之類嘅嘢比我,係咁洗我版,我quit咗佢地又add返我入去。又話我好蠢,俾人利用都唔知。我pm我最好嘅朋友問佢點解要咁做,佢淨係話佢係因為我幫佢咗功課先同我玩,而家唔洗再扮之類嘅嘢。(我小學最好嘅朋友係小一識到小六,佢連畢業冊寫最好嘅朋友都係寫我,我竟然會信) 而家我已經有心理準備我而家嘅friend都有一日可能會走。
#NSS家庭 [Guest] Hello小妹今年15,想同大家分享一件家庭趣事。因為今次係第一次投稿,所以可能會有不足或疏忽嘅地方,希望大家可以多多包容 今日 啊媽同啊爸講:煲水啊,蕃薯 啊爸:人地老婆叫老公煲水都係好温柔嘅 “老公記得煲水呀~”,你真係好鬼惡 媽:咁你係咪唔鍾意先?不如換個老婆? 爸:討好emoji 我:😂😂😂😂 蕃薯(我故鄉一個比較負面嘅詞,但同相熟嘅人講就冇所謂) …… 我記得我小三小四嗰陣同啊爸抱怨過:啊媽嘅脾氣就好似煤氣爐藍色嘅火(最猛嗰種) 跟住今日俾啊爸爸督爆咗😀 …… 其實父母通常都係剛柔並濟咁教仔,打一巴掌賞一顆甜棗。(可能大部人屋企都係嚴父慈母,但我屋企就啱啱相反)但佢地既出發點都係為你好,因為無人會願意花時間同心思嚟理一個對自己嚟講可有可無嘅人。大家都係第一次為人子女或父母,肯定會有唔完美嘅地方,所以大家要互相包容同體諒。如果遇到問題或困難嘅話一定要講出嚟,千祈唔好收埋自己。相信父母一定可以開解同幫你嘅。 …… 本身淨係諗住分享父母嘈交嗰件事,但係估唔到自己咁長氣,居然扯到非洲咁遠😅,希望大家唔會覺得悶啦~
#NSS愛情 [Guest ] 小妹係個中學生,之前都有拍過兩三次拖,喺上年年尾左右我一個ex無啦啦搵翻我傾計,而因為本身分手嘅原因都唔係咩大事,只係之前太細個太on9衝動一齊咗(已經係幾年前),最終和平分手。我哋一齊之前已經好frd,係好啱傾,相處好舒適嘅frd,所以而家frd翻都幾好,我哋亦開始慢慢變得曖昧。接住佢尋日問我想唔想同翻佢一齊,我唔知佢認真定講笑,佢話唔介意比時間我考慮,但我好驚,因為我好清楚我哋嘅分手原因,我好驚會再發生多次,會再分手,我好驚自己唔係真係愛佢,只係純粹好感。其實我對上一段感情真係比人玩得太勁,搞到我對愛情冇乜憧憬,我而家都唔知點面對,但只有同佢一齊嘅時候,就好似咩都唔記得晒咁。有好多人都話我哋好襯,我都覺得佢好似我嘅靈魂伴侶咁,但當佢真係問我一唔一齊翻嘅時候,我真係唔知點算…. Sor for 1999 Admin po ig plz🙇🏻♀️🙏🏻