#NSS社會 [ GUEST ] 我係五毛,分化L慎入 由19年到現在有超過10,000人被捕,有九人自殺,仲有原因不明死亡事件和失蹤,嗰陣大家唔係話寧為玉碎，不作瓦全,寧化飛灰，不作浮塵,民不畏死，奈何以死懼之,話唔用安心出行,唔打針, 邊樣做到?移民明明為咗自己生活好過啲，又話係為咗抗爭,睇viu明明係為咗娛樂，又話為咗打倒TVB,煲底見，不了,移民英美澳加見啦,香港人就係咁 香港精神就係無香港精神，就係利益先行、就係投機取巧，邊到有錢就搵邊到呢個就係香港精神,懶醒，見高拜見低踩，r著數，,自私自利，縮骨細膽，就算見到唔公義既野都唔敢出聲反抗，只會推人去死，虛偽又鐘意企係道德高地批鬥,一句講晒:人不為己 天誅地滅 咁係咪代表我地一定唔可以移民？唔係而係移民後要做實事,我地反對嘅係移民後唔再做野 有見及此,香港未來必要由一支軍團開始,由有心的人做,要一支記律嚴明,訓練有素的軍團,軍隊中道德規範以普魯士為藍本,彷效條頓人立足日耳曼,塑造類似普魯士美德的香港精神,宣揚貴族義務,軍訓的才能成就
#NSS家庭 [Guest] 求下admin post上IG🙇🏻♀️我可能好語無倫次因為我真係好驚好驚好驚好驚，先sor for 1999🙏🏻 啱啱我媽咪同我講，佢同Daddy嘅感情出現咗啲問題，會去我姑婆屋企住一個月…佢話唔係好突然嘅事，可能因為Daddy嘅缺點同埋唔知咩(我太亂太驚唔記得咗）所以好多失望同心灰意冷嘅時候，所以去姑婆度住一個月睇下係太多失望定已經唔愛Daddy… 我真係好驚好驚，媽咪話呢個係佢哋兩個嘅事，唔係因為我(我f2)同我啊妹(p6)同細佬(p3)先搞成咁。我好想做返啲嘢但係我唔知可以點算，我知呢啲係大人嘅嘢唔到我擔心，但係我仲好想一家六口(仲有嫲嫲)一齊開心咁生活落去… 一直以嚟Daddy媽咪都表現得好恩愛，會去拍拖二人世界，會係屋企光明正大kiss，總之一直好恩愛，但係我知佢哋有時私低下有啲問題 我之前試過偷睇佢哋啲對話，媽咪send嘢俾Daddy，Daddy會覆😘同👌🏻，但係我碌上啲見到媽咪同Daddy表達佢嘅唔開心同失望，Daddy都話會注意同say sorry，我唔知有冇關係 我真係真係好驚好驚，我唔想見到佢哋一個月之後離婚，我仲好想一家人一齊出去family day，可以一齊生活落下… 我有好多嘢想同佢哋講，好想救返佢哋，但係我驚我誤會咗，好驚反而令到佢哋惡化，同埋我仲好想知道，媽咪嫁俾Daddy，係唔係因為當時有咗我… 我第一次面對呢啲，我真係好驚，大人嘅嘢我都唔咁插手，但係我真係唔想我哋一家六口要分開，唔想有啲咩問題… 我應該點做…而且身為大家姐我仲有安慰阿妹(細佬仲未知)，我真係唔知點算…有冇人可以幫下我😭and sorry for 1999 again
#NSS個人 [Stgss] 小妹今年f1,好憎我啊爸啊媽,佢哋動不動就cut我wifi,話我淨係掛住玩電話,但係其實我有做功課,係佢哋睇唔到,開頭佢哋話我掛住玩電話我都有同佢哋講我有做功課,但係之後就開始唔信我。唔知點解次次我一休息攞起部電話佢哋就即刻入嚟,真係用咗一分鐘都冇個隻,跟住就開始鬧我。 然後我發現自己變得好恐怖,望住佢哋我個腦開始諗啲我打佢哋嘅畫面,係打到出血個種,好多時候仲要係打死佢哋嘅畫面。 我由小五開始仲會自殘,每次整傷自己,我都想同啊爸講:你個寶貝老婆十月懷胎辛苦生出嚟嘅女自殘啊,整親自己啊,心情點啊？好快就會係自殺啦！ 我係唔係好恐怖?我都唔想咁,我想自己正常啲,但係每次有啲咩事,我都係往最慘最血腥嘅方面諗,我有時睇戲仲會同情反派,出街想有殺人犯殺咗我。我都有諗過去睇心理醫生,但係之前都因為一件事睇過心理醫生,我覺得對我冇用,我仲覺得係個件事令到我咁。 我點先可以正常啲?我唔想再咁。同埋我知好多我識嘅人follow 緊nss, hello家姐,冇錯啊,就係我啊,你個妹啊,唔知你認唔認到我呢？我寫緊哩篇文嘅時候,你就係坐係我隔離啦。 求po ig,sor for 1999
#NSS個人 [guest] 唔知大家有冇聽過網上賺錢之類嘅嘢🤦🏻♀️ 覺得自己唔會接觸嘅，冇興趣嘅飛過呢篇文就得。有諗過做嘅就用幾分鐘睇完再考慮。 我諗而家至少500個小學至中學嘅人做緊呢啲工作，大概有陪玩+陪聊+利市團+打字團，呢啲係最常見。 我就好on9嘅，撞咗好多次板🤦🏻♀️🤦🏻♀️🤦🏻♀️呢啲團全部都要會費，我亦曾經唔明點解我賺錢要先俾錢個老細，打字+利市團我尚能理解佢點解要收錢，但陪玩陪聊就真係唔明。 佢地會話 ：網上賺錢同現實賺錢唔同架嘛😂😂 ：唔明背後運作就唔好講 呢啲大概係會費$12-90（我入過嘅幾個，幾百蚊嘅未入過）假設會費$20嘅，一個禮拜最多賺$5，即係我要至少一個月加上我好多嘅時間去做單，先回到本🤦🏻♀️我唔明點解咁多得閒嘅on9去做（高form嘅都大把 真係想賺錢，不如去麥麥做or讀書。為咗幾蚊用咁多時間，想要十蚊不如問老豆老母攞零用錢，好過你嘥幾粒鐘賺。🤦🏻♀️🤦🏻♀️ . 代充都係啦，IG大把 佢地話月入1萬，免會費，幾分鐘一單。咁撚好賺佢唔自己做？唔通三唔識七派錢俾你？ 我就曾經試過（我iphone），想同大家講我用1.5hr先做完一單，因為過程中你要不停等人message，等佢send卡號俾你，再綁定入你個apple id。我做撚完第一單，個apple id就永久封撚咗。。。唔好信咩佢會幫你解封，全部都係黑充黎，佢地係等你充完錢再叫客人退款，啲錢就會退返入卡，背後嘅人就一次過賺$5000幾，但所有風險就個代充負責，但最大風險嘅代充只係賺$65。 . 後果呢 就係我要用2-3個鐘頭打電話俾apple解封，解完一次封第二次，解完第二次封第三次。中間我已經唔夠膽再做，但匪夷所思繼續封鎖apple id。 為咗呢$65，我apple music + Minecraft（仲有超級多付費apps）全部都要重新買一次，為咗呢$65我損失咗$400以上
#NSS家庭 [Guest] 小妹個阿爸有潔癖，但係自己清潔緊嘅時候又要人地一齊做埋一份，好似得自己一個做會蝕抵咁。佢份人又硬頸又好鍾意話人（尤其係我）。不過佢有陣時又好好人，我真係對佢又愛又恨。 我細個嗰陣時佢好嚴，唔可以揀飲擇食，我唔鍾意飲椰奶，有一次佢係咁迫我飲，搞到我嘔都仲要繼續飲，好彩嗰陣時喺嫲嫲屋企，佢幫我求情先至唔使飲。但係返到屋企就繼續鬧我。 佢亦都好鍾意取笑我，我細個嗰陣喺架車度瞓著咗，跟住就不停笑我，仲要偷影我訓教post FB。搞到我依家好驚喺人哋面前犯錯。 我本身都有玩開運動，早排，我有段時間好迷失自己，阿sir之前有講過我有potential，咁自然阿媽對我期望好大，而咁都令我好大壓力，以前比賽成日贏到依家間唔中先有個銅牌，有一次連淘汰賽都入唔到。我本身已經好唔開心，加上阿媽阿sir嘅責怪，阿爸嘅冷潮熱諷，令我雪上加霜。成日自己匿埋喊，有一段時間仲有輕微自殺傾向。我唔明點解可以由我嘅hobby變成我驚去面對嘅嘢。 由於依家嘅疫情嚴重，我先可以唔使上堂休息吓。但係因為阿爸阿媽要返工，得我一個人喺屋企，變咗係我做哂三個人做嘅家務，我本人屋企好多動物，要自己一個做哂好辛苦。唔緊要，我做唒！但係每次換返嚟嘅只有阿爸嘅挑剔。有一次我忍唔住同佢嗌交，阿媽終於幫返我叫佢唔好咁高要求。呢次之後我好似開朗返啲。 我一直都好努力控制情緒，喺frd心目中都係個開心同癲嘅人，喺屋企人心目中係個乖女，喺阿爸阿媽前盡量顯得天真啲，只有得自己一個人先會變返嗰負面嘅我。我啱啱都一路寫一路喊，希望咁樣可以舒發情緒。 小妹今年F1，作文唔叻，sor for 1999 🙇🏻♀️🙇🏻♀️