—類投稿

GUEST

#NSS家庭 [GUEST] 小弟今年中三,屋企有三個家姐 由細至大,父母都教我因為係家中唯一嘅男仔,所以要保護家姐/讓下家姐同話比我聽男仔做多 D野 所以去超市買嘢同掉垃圾都一定有我份 雖然父母對我比較嚴格,希望我遲D我可以揾份好工,但我感受佢地真係好愛我 我三個家姐亦都好錫我,但我心裏硬係有D不平衡 我硬係覺得點解我要做多 D野同讓家姐 例如一定係三個家姐沖完涼,先到我沖涼(媽媽話佢地長頭髮難乾 D同夜晚易頭痛,所以一定佢地沖先) 但我有時打完波好臭,好想沖先,但媽媽叫我讓家姐先 又或者有時家姐同我一齊成績差,但爸爸淨係叫家姐努力D讀書 而我就比爸爸鬧左好耐,佢話我唔努力D讀書,將來就揾唔到好工,娶唔到老婆 我知道父母同三個家姐真係好錫我,但我心裏硬係有 D唔平衡,請問點樣可以改善?

閱讀更多

guest

#NSS個人 [guest] [GUEST] [ig pls] 本人16歲 男 核突內容,不喜請skip感謝 。 是咁的近兩個月開始小弟受排便問題困擾,首先糞便比以前軟、細舊,粒狀,便稀頻密左好多;另外每次都有屙唔完既感覺,但屙左次之後點谷都係些少都冇滴出黎,而抹出黎就有時(10次有3、4次)有半液態半啫喱狀既啡色物體,時淺色時深色。而即使抹出黎咩都冇,都係有強烈便意;抹出黎間中會有少少血,雖然唔肯定但相信係抹太多次所以傷左先有血;同埋係屋企長期都有便意,訓係床尤為強烈,但出街就冇咁既感覺。 講d背景睇下有冇關聯:多暗瘡,手臂都有油脂粒;自小生活習慣都唔係特別好(夜訓、有時飲水少、缺少運動等),但飲食都均衡,係間中會食杯面公仔麵。生活習慣十幾年來都冇變過,但呢個問題就呢兩個月第一次出現;自慰都多,每日一、兩次;胃口時大時細(本來胃口較大,胃口大就食多正常分量好多,胃口細就正常人分量);家族冇特別遺傳疾病/怪病;bmi正常,一直排便正常,每日一次(呢兩個月都係),冇便秘;自小身體較虛,多頭痛頭暈肚痛胃痛;一日9成對住電子屏幕。 google冇相關資料,各種病既病徵都唔吻合,亦搵唔到同我一樣既情況;父母亦因為疫情唔比我去診所醫院,同埋相信係停課日日唔出街所導致(因為出街冇便意);食過保濟丸瀉、藥都冇改善;日日都要坐個幾鐘廁所真係好辛苦,抹極都仲污糟真係好忟,亦都好攰。有冇人有相關經驗或者指點應該點做,感激不盡。

閱讀更多

CSS

#NSS其他 [CSS] 大家好呀~~你哋有冇試過「似曾相似」嘅感覺?同埋點解會有呢種感覺?有冇人可以解答一下?感謝🤗🙏🏻 sorry for 1999

閱讀更多

Guest

#NSS愛情 [Guest] 長文慎入 我係 #nss210319g 原po主,個陣傻更更唔記得分段,講野又講得1999,唔好意思😅,希望大家屌得細力d。希望今次Admin Po 我同佢前日分咗手,多謝大家意見,我估我之後都唔會在拍拖架啦,自己得13歲,又唔識諗,建議大家13歲個陣真係唔好識女朋友,不過想問返幾個問題: 第一,點解佢要叫埋佢個friend出嚟見我?佢話怕尷尬,之後又話驚人生安全,老實講我得13歲,仲要咁大個商場,我一掂佢佢都大叫非禮啦。佢之前同佢個ex,15歲差唔多180,夜晚去公園玩,夜晚公園一個人都無你都自己一個出去同佢玩,你唔驚佢非禮你架? 第二,佢其實係咪真係玩玩下?佢識過5個男朋友,大家唔怕hurt我,直接d講。 第三,我有一次唔小心提起一個女仔,話個個女仔d衣著品味好過佢,我知我衰,但係佢都同其他男仔玩啦,我都無同佢計,佢就同我計盡仲話點解我唔同個個女仔一齊,我講到佢咁好,我之後tum咗佢兩日,佢先原諒我,點知分手個陣又講起呢件事仲要屈我話我地分手嘅原因就係提起其他女仔,我好無奈…大家可唔可以講下佢究竟諗緊乜… 最後,建議大家唔好同藍絲拍拖。 Sorry for 1999, 仲有多謝admin po

閱讀更多

GUEST

#NSS個人 [GUEST] 我投稿係因為覺得呢件事一直放喺心入面好難受但係又唔知同邊個講(長文慎入) 我喺二年班升三年班嘅暑假因為嗰陣時我嘅婆婆入咗醫院而我爸爸媽媽都要返工所以就搵咗個我舅父嘅朋友照顧住我 呢個姐姐好好人次次照顧親我都會帶我出去食好嘢,久而久之我就開始慢慢到變肥 因為嗰陣時仲細冇乜點注意形象搞到而家睇返細個啲相真係覺得自己又肥又矮,升到四年班左右我開始顧及我嘅形象(即使夏天都想著住件褸遮住)因為真係唔想俾同學知道我係咁肥(其實我認為佢哋知道我係咁肥只係冇講),會因為咁而家孤立我。 好彩因為嗰陣時有打下波同埋游水都瘦咗唔少,但係印象中我好似4,5年級仲係超咗重 6年級我嘅體重先啱啱好達標,由升六年級嘅暑假開始我就成日都會諗會唔會有 表面上同我扮friend其實喺暗地裏成日話我肥同醜又諗會唔會因為咁而疏遠孤立我,等等嘅各種問題成日都係都諗。搞到我個人而家好自卑,成日情緒波動有啲大突然燥底,會因為一件事(係好小嘅事都會)而擔心好多 依家f1又咁啱撞疫情程擔心嘅嘢就越嚟越多,其中一樣最大嘅就係好驚班上面嘅某啲男同學會話我肥 我好想減肥但係覺得落街跑咗好麻煩就上網搵咗啲減肥嘅方法日日喺度做,依家體重仲係55~60之間(但我只係160) 變肥之後我真係變得好自卑我悲觀,又會成日因為一啲壓力係夜晚喊, 感覺好辛苦好大壓力又唔知同邊個講好 Sorry for 1999

閱讀更多

TLHK

#NSS學校 [TLHK] 小妹中一,咁都識左幾個frd ( 下稱a,b , c),咁C其實同另外一個同學都好熟,下稱G。 話說我食咗醋。咁話說我哋下個禮拜就考完試,啲同學都會約出街。無啦啦今日返學聽到A,B,C 同 G 喺度傾話幾時入迪士尼。A仲喺度大大聲咁講:「喂,你哋幾時得閒呀?搵日不如一齊入迪士尼啊!」我心諗:平時我哋一齊返放學,喺學校搭晒膊頭,一齊出街竟然唔預我?上次我哋四個( A B C and 本人)去太古行街。唔知係咪我做咗啲乜嘢令到佢哋唔鍾意我。我真係超嬲。我冇出聲,因為佢哋啱啱好四個人,加埋我五個人,如果玩啲每個得兩個座位嘅遊戲,我好驚做單丁嗰個。 B仲好意思講:「喂,我阿爸可以車埋你哋兩個(A and G),你哋一唔一齊呀?」嗰下我真係火上加油。 到咗第二個小息,A好大聲咁同我講:「我哋係星期五定係星期四入去迪士尼啊?我唔記得咗。」我話:「我會入去咩?」之後佢轉身走咗,同埋其他入去迪士尼嘅人傾偈。我心諗:你係我面前提都冇提過要入迪士尼,連邀請都冇,自己就同其他friend私下聯絡。 聲明:我唔係太鍾意G 更加唔知道自己係咪做錯啲乜嘢,令到佢哋唔想同我一齊出街 我唔知A and B仲係咪真心想同我做frd,應該群返佢哋,定係群班上面嘅另一批人呢?我社交能力差,又驚班上面其他人唔歡迎我。我唔知點算好,大家可唔可以俾啲意見我?

閱讀更多

guest

#NSS學業 [guest] 有無人可以詳細啲講下旅款係讀咩?係要背、理解定偏要明concept?

閱讀更多

GUEST

#NSS個人 [GUEST] 唔知大家有冇follow Izone, 咁最近izone結束活動, 咁就好似有啲應援, 希望佢哋恢復活動嘅聲音, 咁小弟呢就希望加入wiz*one 整嘅香港kakaotalk吹水群組, 唔知邊個有group嘅link? 唔該幫幫手

閱讀更多

GUEST

#NSS愛情 [GUEST] 之前喺暗戀對象離開香港之前同佢表咗白 不過比佢拒咗 本來諗住比佢拒咗咪慢慢放低 過咗咁耐應該都放低到啦 結果前一排發夢夢到佢突然搵我傾咗好耐計 自己醒咗都嚇咗跳 完全唔知點解夢到依個 連我自己都搞唔清自己 我依加應該要點好?要點先放低到呀… 感覺自己有啲犯賤…唉

閱讀更多

GUEST

#NSS學校 [GUEST] 我個班主任真係有少少怪。。。 話說我間中學係有一堂係班會嘅。有一次啦,個班主任就叫啲同學拎啲嘢返嚟share玩。結果第二日都有四五個好合作嘅帶左返嚟,結果佢哋帶果啲嘢都話唔玩得😂(帶果啲嘢都好正常)。最後個班主任又講乜鬼疫情淘咗好多野嚟解悶 。然後成班就on99喺度聽,最尾佢就終於話拎左屋企嘅乜鬼瑜珈game。成班人超無奈咁睇住被叫嘅人出去,一個人玩完又唔消毒,武肺啊而家。落堂,完

閱讀更多