—類投稿

[guest]

#NSS個人 [[guest]] (長文慎入)小女第一次投稿如果有錯別字希望大家見諒,希望admin po ig.小女今年f.3,今日寫呢篇文係因為想大家對ADHD(注意力不足過動症)了解多啲,而且見到之前 #NSS210316H 個post,所以想同大家講一下等大家明白,adhd確實係一種精神病。可能大家身邊都有adhd同學所以希望大家包容佢。可能大家覺得呢篇文無意義,但希望大家睇埋落去。本人係1年班確診adhd,小學嘅時候每日都玩得好癲,上堂甚至會走來走去,讀書永遠都專心唔到。記得當年程分試呀媽不斷每日帶我去補習,日日操卷但最後兩科唔合格,兩科6x(60分滿分)當時唔食藥嘅原因係因為醫生同我講食藥會好辛苦,媽咪唔想我因為學習而咁辛苦。到咗中學,知道f.2 同f.3要分班同揀科,於是我決定要開始食藥,大家可能以為食藥好容易,其實只有真正食過adhd嘅藥先會明嗰種痛苦(唔係所有人都會咁,每人唔同)我而家每日返學食緊嘅係藥效8小時,粒藥就好似將你下午嘅精力全部拉上去上午。上午嘅時候可以好精神,我每日都會有少少失眠,所以每日瞓4小時,第二日仍然可以超級精神,但係下午就會超級攰,好辛苦,但係想瞓又瞓唔到,佢係精神上嘅攰唔係身體上。仲有一樣最最最致命嘅係無胃口,食咗藥全日都唔想食嘢,而且作嘔作悶(每日都係咁)仲會有啲頭暈。但係食咗藥之後成績好明顯係好過之前冇食藥仲要好咗好多。但係呢個病唔係因為縱壞先出現,好多都係天生因為大腦前額葉區域發育異常以及腦部一些神經傳導物質失常先會有,而且藥物只會令人係藥效時專注,大部分患者都不會痊愈。呢個病唔係我哋想有,而且作為患者我亦嘗試自己控制自己,但係冇成功過,希望大家多多包容。我亦都有見之前有個post評論裏邊有講打就可以令我哋知驚,但係其實係冇用因為呢個係病,我哋自己都唔想我哋控制唔到。當然病唔係一個藉口,所以我建議對adhd患者,千祈唔好係佢哋興奮嘅時候同佢地講道理,當佢哋處於興奮嘅狀態可以首先令佢哋冷靜然後慢慢同佢講道理佢先會聽。喺我哋興奮嘅時候所有道理都聽唔入耳因為我哋只會沉醉喺自己嘅興奮裏邊,所以一定要令到我哋冷靜先好講道理。(呢個方法係我親身經歷真係work)老師會撳住我嘅興奮令我自己冷靜落嚟之後先講道理。我亦想同而家有adhd既患者講,好好考慮食唔食藥,最重要應該係問吓醫生嘅意見。 Sorry for 1999希望大家屌得細力啲 圖Link: https://images.app.goo.gl/8f9AbMPRNJ3vem9W7

閱讀更多

guest

#NSS學業 [guest] 好失敗…… 明明已經提早一個禮拜溫,都比唔上一個兩日前先開始抱佛腳嘅人 佢又唔係啲假bitch話自己無溫書,有同佢一齊call過溫書知道佢進度,我溫書佢就瞓午覺玩手機🥲 自問我嗰個禮拜好認真好俾心機去記熟內容 佢考試前兩日先臨急睇老師上堂錄嘅片,先開始掂全新嘅書 知道佢高分過我之後唔係話妒忌,只係覺得上天真係好唔公平🥲 可能我唔係讀書嘅料

閱讀更多

[GUEST]

#NSS學業 [[GUEST]] 希望admin會抽中我,唔該admin。 小妹而家f.2,但係已經好憂慮揀科嘅嘢。好多人都話理科或者商科出路較廣,或者好多家長都迫自己嘅子女揀理科或者商科,嫌文科嘅出路狹窄,現實社會上簡稱揀文科嘅人嘅出路係乞食。我父母冇話逼我要讀理科或者商科,佢哋話我讀邊科佢哋都會支持我,主要係我有能力同埋讀得開心就ok。 最近小妹好着緊揀科呢方面,好緊張好緊張。可能好多人認為f.2就諗關於揀科係言之尚早,我身邊亦都有好多朋友同埋親戚都同我講,唔好咁擔心呢啲住,升到f.3更加多嘅科目等你去認識 ,等你去了解,f.3先再決定 。我明嘅,f.3先有phy chem bio同埋econ呢4科。我而家先f.2都未曾讀過phy chem bio同埋econ,但係唔知點解我而家唔諗定揀咩科的話,就會成個人周身唔自在,好唔安樂咁。我好焦慮揀科呢樣嘢,我硬係覺得我唔諗定就好冇安全感。然而小妹而家對於揀科或者係自己嘅前途都感到好迷惘。 我而家最鍾意嘅就係中文+中史同埋Hist,我諗我應該係偏係文科。因為小妹擅長背誦,而且對IS呢科冇興趣,數學唔好,上網睇完phy,chem,bio既syllabus完全冇興趣,我諗我應該都係偏係文科人。我比較鍾意了解古代嘅歷史,鍾意欣賞唔同作者嘅文章,有時得閒就睇下啲散文睇下唔同嘅詩詞,會覺得幾有趣 。 不過最近小妹就面臨一個問題,我哋嗰間學校嘅C/D班就係精英班,入C班就一定要揀M1,入D班就一定要揀M2。C/D班除咗係精英班之外,學習風氣比較活躍,教呢兩班嘅老師都教得好好,而且大部分都入到大學,但相反A/B班嘅學習風氣比較唔理想,冇咁活躍,教呢兩班嘅老師大部分都係唔太好,比較參差,同埋呢兩班入大學嘅機率比較微。小妹本身數學底子好差,再加上而家教緊我哋嘅阿sir好廢(佢教數廢係全校公認) ,但係我都算係自作自受嗰種。 基於疫情底下,我懶咗好多,再加上我好憎數學呢一科 ,基本上我每一堂都冇專心聽過老師講嘢。每逢上數學堂,我就喺度同朋友吹水或者睇IG。每次嘅測驗同考試基本上都係裸考。最近考試出咗成績,數學就當然唔合格,但係唔合格得嚟真係好低分,離曬大譜嗰種。雖然我而家f.2,但係我而家連f.1嗰啲數都未搞掂 ,好多好多f.1嘅數都唔識計 ,就因為咁,我好擔心自己一唔到C/D班。我哋學校曾經有老師講過,A/B班入大學率係各班5/29,C班入大學率嘅就係20/29,而D班嘅入大學率就係25/29,但係就一定要揀M1或者M2先可以入到呢兩班精英班。但係而家小妹嘅數學係差到連f.1嘅程度都冇 ….我知我衰,唔聽書,我都有嘗試認真去聽個阿sir講緊啲乜嘢,但係聽完之後都唔明,問佢都冇意思,佢係問非所答嗰種。 小妹第時想揀Hist同文學,但係我哋學校就規定揀文學就冇得揀Hist,揀Hist就冇得揀文學,呢兩科冇得一齊讀,所以淨返落嚟小妹就想揀文學同中史。中史自問成績一般,f.1好憎中史呢一科 ,完全冇聽過書,測驗唔合格,考試唔合格,但係上到f.2,我當中史係故事咁樣睇嘅時候,就愛上咗呢一科。所以我諗第時如果真係要揀我都應該會揀中史或者文學。可以話係我鍾意呢兩科而去揀呢兩科,亦都可以話我冇選擇先揀呢兩科。因為理科我就一定唔會揀,而且商稃我真係冇興趣 ,只得返文科。我哋學校文科分別有Geog,Hist,中史同埋中國文學呢四科。我Geog成績唔好,咁就可以刪除呢個選項,現只係淨返中史,Hist 同埋文學。上面啱啱提及過,揀Hist就唔可以揀文學,揀文學就唔可以揀Hist,所以嚴格嚟講我都只係淨返中史同埋文學。呢兩科唔係話容易,但係我相信勤力係勝過一切,當然有興趣會更加好。 其實自己現階段亦都有擔心過如果揀呢兩科,上到去會唔會搞唔掂,都驚驚哋…但係我覺得如果真係自己鍾意嘅,其實再難,再辛苦,再多嘢背,自己都唔會嫌棄。但係問題就係揀文科同時我就一定要揀M1或者M2,因為我想入到精英班,入精英班最後入大學嘅機會率亦比A/B班大,但係小妹而家嘅數學成績真係不堪入目。屋企經濟上亦唔允許我補習。而家真係好擔心,我有嘗試過去操數,望住本書嘅examples咁樣去自學,去解題,但係做做下做到一半好多好多都唔識嘅時候,就好想放棄,心很累咁樣樣,然後就冇曬動力去做數。

閱讀更多

GUEST

#NSS個人 [GUEST] 我係個好唔鍾意講野、平時好靜但係熟咗好吵好奇怪、勁慢熱同怕醜嘅人。 未熟之前比人嘅感覺好內向,平時老師叫我出去答問題或者發表感受嘅時候都好緊張,心跳得好快,我唔鍾意人哋擺注意力喺我身上,就算得小小都好,只要我覺得我成為咗部分人嘅焦點,我就會好唔自在好緊張。所以無論老師係表揚我定係鬧我,我都好唔中意。 過年見親戚老豆叫我打招呼,但係我都係唔太敢打,真係唔知邊個打邊個,驚叫錯。 就算識咗好耐嘅朋友嘅屋企人,我已經成日喺佢屋企住幾日,成日約出嚟食飯都好,只要係同大人交流我都會好緊張 我平時其實有好多嘢想表達想講,但無奈冇乜朋友可以比我傾計 一、怕打擾到人哋 二、我一講就會講唔停,又唔想佢格硬答我 三、我覺得比人知太多嘢好似唔太好,但係又好想人哋了解我多d(我真係個好矛盾嘅人🤧) 所以我就開始咗打日記或錄音喺手機度比自己睇同聽,我覺得如果未來我再聽番宜家d錄音都幾有趣,加上又可以表達番自己d感受出嚟,我覺得幾唔錯💩 我之前都係度投過稿,我仲突登unfol咗呢個page先,怕人哋知係我,就算佢哋問到,我都可以話我唔知有呢個page存在。 見到其他同學去廁所都好鍾意拉住個人一起,但係我覺得有個人喺出面聽住我屙尿d聲會覺得好尷尬,就算阿媽阿妹都係一樣。 小學嘅時候手指中間成日都生嘢,我阿媽話係濕疹,雖然冇睇醫生亦都唔肯定係唔係濕疹,但係真係好痕好痛好辛苦,手上就有達好樣衰嘅痕跡係度,所以嗰時都唔太咁申隻手出嚟,但係升咗中學之後好似就好咗好多。 我覺得係真心朋友嘅有3個,其中一個係細細個屋苑識嘅熟到宜家,其中兩個就係中學識嘅,但係細細個識嘅宜家好似越來越疏遠咁。雖然係同一間中學,但係佢細我一年,加上小學唔同學校所以平時冇乜共同話題,但係中學之前我哋有好多嘢傾,乜都傾。宜家好似變咗咁,可能係我變咗,我都有發覺我小五開始好似就收埋咗自己,唔知咩原因,可能係因為我自卑冇自信?加上我頭髮天生卷,平時睇上去好爆,又唔高,黑眼圈大,額頭好似有塊淺淺嘅黑印,成塊面好似好黑好冇氣息咁,加上我皮膚比較黃,PE堂之後,就算冇臭味都好,都唔會太近其他同學。就算平時冇出汗都唔會癡同學太埋。之後我身形又冇話特別好,把聲又唔太好聽,動作有笨拙,我覺得我成個人就係差到一個極點。 我有試過做負離子,做完嗰一兩年自信係好咗嘅,但係之後幾年頭髮生出嚟就變咗上面卷下面直,但係又想留長d頭髮,所以搞到幾奇怪 同埋我髮量多又長,做一次價錢唔平,加上最近肺炎,所以呢三年都冇去整。 我就覺得自己全身缺點,本來小學成績全級前10左右,中學真係比小學難,真係求及格就好,及格就好開心,所以就連學業方面都冇埋信心。校服又著得唔好睇,把聲又冇話太好聽,一講開嘢就講唔停(所以宜家先打咁多💩)頭髮又亂,成績又差,性格仲比朋友話過好奇怪。雖然我照鏡覺得我五官還尚算可以,算端正,但係見度影出嚟嘅我,瞬間覺得自己超樣衰,究竟鏡入面嘅樣係真嘅定影出嚟?所以因為咁,我小學畢業都冇點影相,宜家諗落幾後悔。 不過頭髮就真係冇救,點整都會爆d出嚟,睇落好亂,夾仔又夾唔曬,屋企有燙頭髮嘅嗰個夾夾,夾完係有好d,但係番番下學又會亂番,可以點搞? 見到班同學基本上都已經熟咗一堆,唔想突然加入去 一嚟、唔夠佢地同大家咁熟,驚最後都係被人冷落嗰位 二來、我真係唔識同人相處,唔識睇人眉頭眼額,熟咗講野就好直接,真係驚得罪人,所以真係唔敢去識朋友。 宜家就有三個人嘅友誼。成日都話三個人嘅友誼唔長久,因為總會有人被忽略,但係我唔認為咁樣,雖然真係成日會有兩嘅後面行,一個前面嘅情況,去主題樂園d座位都係兩人座,有d堂要兩人分組都係要漏一個人出去。 但係我覺得總會攞到個平行嘅,平時大家對大家都好好,有時我同你一組,有時佢同我一組,大家輪流,我反而比較擔心之後分班,大家唔同班,班上活動嗰d總要有班熟d嘅frd,大家圈子唔同,班同班之間好似冇乜交流,大家揀嘅科又唔係太一樣,佢地都想揀理科,我就對理科一d興趣都冇,我又唔擅長交友,真係唔知點算。 你哋睇完呢篇嘢會唔會覺得我係個奇怪嘅人?

閱讀更多

GUEST

#NSS學校 [GUEST] 希望post ig 我以前小學五年級有個怪怪地嘅同學,佢一開學就同個個講「可唔可以做我朋友,我無朋友」大家都會話好因為轉曬班,呢樣唔怪但佢成日話佢自己好有錢,同佢做朋友好多好嘢,但有人知道佢其實唔係有錢。佢行為舉指好怪,我同其他朋友講,佢地都覺得係,所以咪少啲接觸佢。我有個朋友話一講AABB就吾好講啲我地唔想佢知嘅嘢,其實只有三個人,但其他人有自己朋友,無搵佢。佢之後話我地欺凌佢再搵老師,之後老師搵咗我同三個朋友,之後就無講AABB。佢之後一直話我地欺凌佢,有心理病,重要睇醫生。我想問我哋算唔算欺凌?佢同我去咗同一間中學,講咗好耐話要報仇,而家啲同學又唔同佢Ford,其實係唔係我嘅問題令到佢而家咁樣?sorry for 1999 第一次投稿

閱讀更多

GUEST

#NSS學業 [GUEST] 小弟中五 仲有一年幾就DSE 我想搵人惡補bio chem 但中文 有冇介紹😰

閱讀更多

GUEST

#NSS個人 [GUEST] 大家好 小妹今年Form 1的 我真係過得好辛苦 首先係我屋企人 我細個嗰陣媽咪同爸爸離婚 明明係我媽咪先識有錢佬 佢自己出軌。但係又成日黎騷擾我 兩年前仲要上黎拍門要逼我同佢出街,又話佢好辛苦 又話佢好慘。但係比你搞既係我 你做錯野仲可以理直氣壯 真係好fun😜日日黎Whatsapp我 又問我屋企既野 又問我今日食乜嘢,到底想點 你已經唔喺呢個屋企既人😅關你撚事 不過我老豆都唔係好得去邊 佢真係完全唔明我 我已經好努力去做你想我做到嘅嘢 但係你成日都問我有冇溫書 有冇信心 我真係好大好大壓力 停啦唔該 然後我同返你講咁樣我真係好大壓力

閱讀更多

香江一女校

#NSS愛情 [香江一女校] 我不知道 記得那時升上中一 我們沒有成為朋友 我亦不曾認為我們會有任何交集 我與一群人成為了朋友 你不時會來跟我們說上兩句話 然後回到自己的朋友圈子 我們並沒有因此熟絡 升上中三 因為成績的退步進到了不同班 我仍然很常到朋友的班別與他們聊天 你偶爾會出現在我的眼前 不時談上幾句 到了中四 我還是與朋友不同班 你依然與他們同班 但這次我們突然說上許多話 你比我聰明許多 不但在成績方面 不記得在甚麼時候開始 我發現我對你的感覺不只是朋友 我十分妒忌你身邊的朋友 感覺我沒有像他們那樣熟悉你

閱讀更多

Yescard

#NSS其他 [Yescard] 話說近排開始入咗kpop坑,跟住小卡一張都$40左右所以好少買,跟住就開始儲Yes卡,跟住坑友又同我講:「唔好買啦又冇授權嘅,唔通佢真係咁神心逐個逐個問咩,偷人嘅圖喺度做生意。」跟住我即刻去查資料,搵關鍵字:Yes card版權、Yescard偷圖etc.都發現冇乜資料,剩係得話佢偷飯拍一個post咁大把。有冇人可以話我知究竟佢有冇拎授權??同埋點解可以冇版權都冇人講??? @yes.station 最後就係Sor for1999同埋admins plzz po ig Thank you~

閱讀更多

GUEST

#NSS個人 [GUEST] 唔知點解自己近排情緒好唔正常。好容易因為小小嘢就喊,又成日覺得好煩,搞到有時會同屋企人有d爭執。跟住之後開始有手震、頭痛,又唔想食嘢,無動力做嘢。 想問下我究竟可以點做?係唔係有情緒病?個問題已經持續咗幾個月,真係唔想再因為自己的情緒而影響到屋企人,希望有人可以幫下我。 sorry for 1999

閱讀更多