#NSS學校 [CC] 我係好耐之前問過兆基面試嘅女仔 終於喺3月13號星期六去咗面試 但係要31號先知道結果 – 我喺小組定係個人面試都冇唔出聲 有問有答 講得都算詳細 好似都做得唔算差 老師對我啲評語都好似唔算太差 都有玩過我之前唔會遲到或者缺席操行都唔差 但係小組入面其他四個人都好似做得好好 雖然冇見到佢哋啲作品 但係睇樣好似好犀利(? 同埋我同佢哋比起呢我好似好薯咁(つД`) – 本來一開始小組完咗都幾有信心 但係去到後面越嚟越驚 會唔會自己真係睇少咗呢間學校 其實會唔會要求好高 要做到好完美 作品質素好高先入到 – 想請問有冇已經讀緊兆基創意書院嘅師兄師姐或者身邊有讀緊呢間書院嘅朋友
#NSS個人 [clscmc] 希望小編揀到我啦 係咁嘅 小妹我(06年)身邊嘅朋友呢就個個都去迪迪尼 所以叫埋我一齊 佢哋個個都有咩金卡 咩銀卡啦 咁就好似平啲 但係我冇所要要成6XX 好貴 (少去迪迪尼) 小妹就平時冇零用錢 (因為阿媽話要出街先用而家日日係屋企要嚟都冇用啦 同埋啲利是錢因為疫情都比之前少好多 又唔會畀我keep嘅) 其實就真係冇乜錢去 但係又想去 問阿媽攞咁多又唔係幾好咁 又唔係咁好意思拒絕啲fri (已經拒絕過幾次去迪迪尼啦)(佢哋算係成日去) 咁啱有派咗成績表 麻麻哋 (未開口問阿媽可唔可以去) 大家話我去唔去好
#NSS愛情 [Guest] 小弟好似放唔低一個女仔。講返背景先,我同佢識左六年,今年第七年。大家都係form1(而家)。佢係女神,有三四個人都溝緊佢。我係三四個入邊同佢最好friend,因為佢乜嘢都會搵咗我先。 我由小六頭開始不知不覺間鍾意咗佢,佢當初都唔抗拒我,會請我食嘢。仲會一齊整蠱其他人。 我哋四年級坐埋一齊嘅時候,佢成日會話我本簿,仲會一齊做手工(例如常識堂會整書上邊嘅嘢) 我同佢都有跆拳道,有一次要比賽,之後我俾人X打,佢都有啲安慰我(唔知算唔算啦)。 之後因為武漢肺炎,我哋2020頭都冇聯絡,去到六月,有一次我個friend(都係鍾意佢),之後佢哋傾吓傾吓計無端端call埋我(個男仔call我),好似係因為嗰個女仔冇理佢所以搵我求助(因為我啲秘密保守得好好,根本冇人知我鍾意邊個),之後大家cut完線,我哋就WhatsApp 傾咗三四個月(好頻密),佢有同我講過我應該係同佢最好嘅男性朋友。 某一日佢問我如果揀個女仔同佢踩單車我會揀邊個,之後我叫佢答先,之後佢答咗我,我都答咗佢(唔知咁樣係單純嘅友誼定係愛情) 之後佢每日都會搵我打機🎮,每當我同我啲friend玩緊嘅時候,佢預約我,我都會退出。 之後我哋有陣時會一齊WhatsApp call傾心事,佢仲會吹我做功課。佢有陣時都會叫我教佢做功課。 仲有一次,我哋嗌交之後即日和好🙃,之後佢叫我將我哋嘅聊天記錄俾我阿媽睇,佢話佢都有俾佢阿媽睇。但係我冇做到。(唔知咁樣算唔算鍾意我) 直至上年佢同一個男仔表面拍拖(因為個男仔後尾IG澄清番),之後就再冇理佢。 直至最近我發咗個夢:大約就係,一齊喺做好長嘅橋度踩單車(夢境入邊係學校帶全班去),之後就(喺夢入邊)佢話鍾意咗我好耐。 Sor for 1999。唔知小弟仲有冇追番佢嘅資格,因為有陣時我哋都會嗌交,不過第二日都會好返。sorry浪費咗你啲時間。要屌唔該細力少少🤧