#NSS學校 [Guest] 我到底應該點樣面對我朋友 我有一個朋友(以下簡稱A) A你一個好溫柔既人,佢平時好認真努力,我識咗佢近十年,我哋幾乎日日都一齊玩 但係最近佢犯咗一好嚴重嘅錯,我唔想講出嚟,呢件事係接近犯法邊緣,佢都因為咁而被處分,我都因為咁好耐冇見過佢。 我唔知我應該點面對佢,因為佢犯既係一個係我眼中特別嚴重嘅錯,我好不安,好唔知點解,佢係我好重要既朋友,我唔可以無咗佢,但我應該用咩心情再面對佢? 知道佢犯錯之後,我第一反應係覺得可惜同傷心,佢係一個好有才華既人,佢做咩都做得好好,佢係我嘅榜樣,而家我既感覺就好似我既一條精神支柱慢慢咁碎裂,就快要崩壞一樣。 我對佢開始產生好多疑問,我開始對佢有啲唔認識,佢係我眼中既形象漸漸崩塌,我有好多好多問題想問佢,到底呢件事係幾時開始?原因係咩?點解你會變成咁? 我真係有好多好多問題,但係我唔知點算好… 0315
#NSS個人 [GUEST] 大家好,我係之前「鐘意毛公仔有咩錯」嗰個post嘅作者。好多謝大家對我嘅支持。近期我學校出成績表,我online assessment(唔會計落總分)有兩科fail咗。 我原本諗住反正唔會計落總分,所以冇溫。點知我老豆老母反應咁大。我知我OA唔溫書係錯,但係佢哋又揾番測驗啲野出嚟講(我溫咗好耐中文有六字頭佢哋話我差)。又喺道話我一直以嚟都好懶,我俾佢哋鬧嘅時候唔小心倒瀉咗小小糖漿我老豆又話我係廢人。 其實我好想同佢哋講我已經好努力但又驚佢哋唔信。所以我想去其他國家讀書then我就唔使考試前狂溫中文。請問我中二1st term test有以下成績,去英國capable嗎? (Band 1B): CHIN 50~65 ENG 65~75 MATH 60~80 Sor for 1999, admin please post ig thank you
#NSS家庭 [Admin pls post] (長文抱歉(╥﹏╥)) 我係上次求樓下抱抱,零用得50蚊,問我老豆老母要我自己比錢買野正唔正常嘅中三女,上次嘅post: @nss210315c 我老母話: 1.做工家務係正常㗎!唔通屋企養個費人? 2.屋企唔養費人,唔該你執包袱走 3.你外婆以前有冇比錢我洗?10都唔比呀! 4.我要買樓儲錢,仲比你亂洗?(我冇!我只係希望日常生活嘅鞋,眼鏡可以唔哂自己比) 5.(佢買咗成皮嘅Gucci袋)我賺錢比自己洗有咩問題?(但係佢叫我唔好洗錢,因為要買樓) 我細佬用900買咗對皮鞋返學,我用500買咗個返學書包代替爛咗果個,全部都係我地自己買,或者欠住阿媽先。 我同細佬講阿媽咁樣好有問題,阿媽聽到,佢話我教壞佢(我細佬中二)。唔想細佬帶住錯嘅觀念比自己未來嘅仔女。 幼稚園果陣仲未有咁嘅情況出現,阿媽好錫我,仲會買迪士尼公主周邊比我,成日帶我去M記食薯條,每日都好希望係佢接我放學。而家見都唔想見佢。 我成日喊,100%都係因為我嘅父母,冇其他原因,果仲情緒係委屈,同點解要咁對我嘅。 琴日我老豆鬧我點解要喺床上面食糖。盒糖果包裝係硬膠盒,果陣我坐喺床上面,佢大發脾氣,將盒糖怒丟去我度,打中我隻左眼,超痛,自動分泌淚水保護眼睛。佢行過嚟「關心」我,粗魯咁台起我額頭:「點呀盲咗未呀」本身得左眼自動分泌緊淚水,而家右眼忍住喊。前幾日佢係床上面食午餐,我仲記得係壽司。 雙標。我洗碗打爛碗,佢大鬧粗口,扣我成個月嘅人工(50蚊),有一日佢打爛咗隻杯,佢笑笑口咁笑自己。佢冇關心我有冇比碗碎整親。 我好驚男人發脾氣丟野,好驚,好驚,好驚佢嘅腳步聲。我試過比阿媽扯頭髮,用衣架狂fit,之後當晚我發夢被阿媽大大力冚到暈咗。 搵社工就唔好啦…好另類,睇心理醫生都冇可能,佢哋唔會收拾對我做出嘅爛攤子,都冇可能比錢醫我。 同朋友傾訴佢地會話:wait… 或者比唔到反應我,佢地更唔可能想知我啲咁嘅嘢。好彩我有曾經比抱抱我嘅樓下,果下見到喊咗出嚟。
#NSS個人 [GUEST] 求admin post plz 喺以前會畀阿媽收手機嘅時候喺間房入面都係打開房門冇野隱藏, 但係自從冇畀人收手機之後我就成日匿埋喺間房入面閂埋房門同同學通電話打機(我知道咁樣唔啱但係長期學習嚟講都想要幾個鐘頭休息下)就係咁樣之後我開始次次打機都閂埋房門,開始咗之後我就好討厭屋企人咩都唔講就開咗我度門跟住問我做乜嘢, 有時候我喺度溫緊書佢哋自己衝入嚟阻住我溫習。唔知係咪心理影響每當佢哋開完我度門之後唔知點解我都會好嬲又想喊,呢啲會唔會係心理上嘅問題有咩方法可以解決?我淨係唔想佢哋一聲都唔出就打我房門感覺好冇私隱。 Sorry for 1999
#NSS個人 [灣仔女校] 長文 今日投稿係嚟分享吓我最近嘅事嘅… 我曾經有一位好朋友(下稱E),中一嗰年我地真係好friend。 中一第一日翻學,我見到佢同佢周圍d人傾計明星傾得好開心,可能因為佢嘅人格魅力,我中學之後第一個目標就係同佢做朋友。於是當年嘅我用咗一個禮拜嘅時間,睇晒佢idol啲嘢(真係入咗坑),嘗試同佢有共同話題。之後放學做左啲柒事,同佢展開咗第一次對話,佢走左之後,淨翻我一個留喺班房度傻笑,我真係好開心自己竟然撩倒佢同我講嘢。 於是,過咗幾個月之後我哋同埋另一個粉絲(下稱D)就變咗friend啦,日日傾我哋粉嘅韓團。 唔知點解嗰陣時我同埋E特別多嘢講,可能wts得多掛? 我性格比較孤僻,個陣得佢哋兩個friend,而佢兩個都係超外向嗰種人,所以D成日都會同其他朋友食飯。而E,明明可以同其他朋友食外賣,偏偏佢每個lunch都陪我去食canteen。我唔知e隻係叫做對朋友嘅依賴定係我個陣突然鍾意咗佢,總之感覺好奇怪。 後來我地班有人ship 我同E嘅CP,低能到呢,佢地話E係攻,我係受(¿),見到佢好唔鍾意,唔知幾時我試過走出去鬧人定唔知走去打交,之後佢地先停。但後來E同D俾人shipCP,我好似有d呷醋,先發現我對E產生咗佔有慾… 但為咗避嫌,我下學期末段開始同E疏遠咗好多好多。暑假我地都幾乎無講過嘢。 但中二三四嗰幾年我同E真係完全疏遠左,E同D同班,但我班房喺一樓,佢哋班房係三樓,於是我哋成年都冇聯絡過,嗰陣我同自己講,揀科啦,唔好理咁多啦。 今年,我突然之間又同返E一班,但我已經唔識同佢相處啦,呢幾年佢變得太多啦,佢周圍都係朋友,仲成日同D&其他佢嘅朋友又攬又抱添。 最近有份music project要寫歌,我問E可唔可以同佢一組,得咗,但我已經知道我地無可能翻以前咁friend啦。我地講嘢尷尷尬尬咁,頂多講十句就傾唔倒落去啦… 有時候覺得自己都幾賤,當年中一推開佢嘅係我,之後呷醋嘅又係我,話放棄唔可以再諗佢嘅又係我,同同學講我只係太依賴佢e個朋友嘅又係我,但懷疑自己鍾意咗佢嘅又係我,唔想影響佢嘅又係我,唔夠膽聯絡佢嘅又係我,想同佢變翻朋友嘅又係我… 然後就搞成咁,我唔知自己對佢已經係咩諗法。前幾日,我夢見E,夢裡面我地依然係朋友。 我從來無試過對另一個人有咁複雜嘅感情。雖然E唔喺幾我審美,但奇怪嘅係我覺得佢好可愛,見到佢我就好開心(?) 我發生緊咩事? 但我可能即將要轉校…我唔知,我究竟應唔應該同E聯絡翻…我感性個邊叫我同翻佢做朋友,但理想個邊又叫我唔好,喺好想同佢維持關係同時,又怕自己會突然需要離開,好似中一咁,又要推開佢,我好似,應該默默咁睇住佢就算啦…雖然懦弱..但總比受傷好 寫完有種心已死嘅感覺,曾經我為佢,立志成為物理治療師,但佢好似已經唔需要我啦,我諗係時候為自己諗吓,搵個新目標啦,但係E啊,我真係睇你唔透,你究竟….唉,算啦,我終究都係會錯過你… 或者,我希望,有一日,我可以再次收到你send密碼俾我,裏面,係一句我想講嘅,可唔可以做翻朋友? 友情,定係愛情? 無所謂啦,反正無論答案係乜,我都會願意保護你、陪伴你,永遠愛你。
#NSS愛情 [東區的監獄] 小弟今年中五,最近打機識左個台灣男仔,大我一年,因為打機點都會開Mic,傾傾下佢就慣左叫我弟弟,我都會叫佢哥哥.我本身就係一個直男,但同佢打機之後開始對佢有好感,覺得自己變左雙性戀,我從細到大都有D缺乏安全感,想有一個人依賴,比起女仔,可能男仔比我感覺穩重(?) 其實我覺得雙性戀定同性戀都唔係問題,好多人會話人生只有一次,應該追求自己鐘意嘅野,唔好太睇重人地嘅眼光,但我父母係十分傳統嘅人,想我大個搵女朋友結婚生個孫比佢地抱,加上我自己都唔想行一條辛苦嘅路,大個之後都想有個仔,有老婆,但宜家好迷茫……有冇得令自己變翻異性戀…我究竟可以點做,比起雙性戀,我更加渴望成為異性戀…有冇過來人可以解答/開解下🤐 Sor For 1999