#NSS家庭 [Wfn] 小妹第一次投稿,有錯希望屌細力D 屋企有個9歲細佬,有ADHD,佢情緒波動好大。全屋都要就住佢,就好似今日晏晝,佢一路做功課一路睇YouTube,原本琴日要做嘅功課拖到今日先開始做。我阿媽好心好氣叫佢做咗成朝,結果俾佢鬧媽咪白痴(我屋企唔俾講粗俗啲嘅嘢)。仲要成日駁呀媽嘴,啤呀媽。 去到晏晝,我陪佢去學野,佢一路鬧我白痴,on9+啤我。呢啲都唔緊要,佢當住咁多人面,搶我個袋,話我偷左佢部手機,又出手打人。呢啲野唔係第一日。 平時喺屋企,有啲唔順佢意,就出手打人/咒人,上至婆婆下至我都被佢鬧,不分晝夜,不分時間,不分地點發脾氣,我同媽咪講,細佬再係咁大家都頂唔順,媽咪同我講「細佬係要我同你教,唔洗指意你老豆。」嗰刻我好無助,我呀媽因為細佬攪到成日都胃痛,喊,我好嬲細佬攪咁。SORRY For 1999
#NSS個人 [對唔住,又放負] #NSS7937 希望admin可以po ig 我好耐好耐之前投過稿, 距離上次到宜家我經歷咗好多野, 我始終唔夠膽睇醫生, 有一排我停咗冇界手, 但係我又界翻,雖然預咗會界翻 但諗唔到會咁隨性而為 不過我亦唔係一個有計劃嘅人 只係想做就做 真係好痛,但好似好咗 今次冇之前界得咁癲,但係痛過之前,可能係因為喺傷口上面界掛 反正疤痕唔會消失,我諗唔差在再界多幾次 至少界完手嘅感覺好咗好多,亦都好似平靜咗 冇人會關心我,或者我根本唔值得人關心,但係自己一個真係好辛苦好攰 我諗唔到生存嘅理由但又唔夠膽死 但係繼續生存,應該會好辛苦,每日都好似苟且偷生,捱完一日又有一日,永無止境咁捱落去,我驚我會界斷隻手 我有啲想死,繼續咁落去一定好辛苦 生存真係好無助,我見唔到希望 我覺得我冇生存嘅理由,只係我唔夠膽死 我係唔係好懦弱,對唔住 圖Link:
#NSS個人 [GUEST] #NSS210301U7 #NSS210305F 對唔住又投左次稿,辛苦曬admin。(Post IG thanks) 依我第一篇所講,我憂鬱嘅情況已經越黎越少。聽落去係一件好事係咪? 但係A好似同憂鬱一樣一齊慢慢消失左……我可以隨心想像、自己「創造平行世界」嘅能力都好似慢慢消失……以前我以為憂鬱好返係一件好事,但好似突然又失去左啲乜嘢……我真係唔想A消失、唔想可以想像嘅能力消失…如果係咁我寧願繼續承受著憂鬱嘅痛苦(係好蠢,但係我真係唔想嗰啲嘢消失),但係呢啲好似唔係有得我揀嘅嘢……我究竟應該點樣做……. 我知我成篇文都冇重點,係嗰種cm會出現「閱」”so?”嘅投稿,但係我真係唔知點算……………有冇人可以比啲意見我… Sorry for 1999。
#NSS家庭 [GUEST] 我有一個細佬,屋企係重女輕男,老豆同佢嗰邊既親戚都偏心我多過細佬,阿媽就好少少,唔會做到出曬面,但睇得出佢對細佬仲嚴格過對我。我阿嫲阿爺由細到大都好錫我,成日偷偷塞啲錢俾我,叫我唔好話俾細佬聽。老豆更加係寵到我上天,我想要既嘢佢都會諗盡辦法俾我。一直以黎我都以為自己只係個特別幸運既人,有個所有人都愛我既家庭,所以我好感激,亦都有意識要做一個令屋企人放心既「好孩子」。 我開始意識到屋企人並唔係想象中咁好,係我發現細佬唔知點解瘦咗好多,而且時不時喺佢身上發現咗傷痕。當時我以為係佢喺學校俾人欺凌,但我問佢佢只係否認被欺凌,而對真正造成傷口既理由避而不談。因為我同佢唔係同一間學校,所以我無法得知佢喺學校既情況,但做家姐既點可能唔擔心佢呢?我開始去接等埋佢放學(我放學行過去佢學校啱啱係佢放學既時候),然後一齊食lunch先返屋企,但係我發現原來老豆一個禮拜淨係俾200蚊零用錢佢……佢除咗要食飯之外,買嘢搭車全部都係自己出錢,每日30蚊都冇點夠一個仲係青春期發育緊既男仔食?我以前覺得屋企人只不過係偏心我少少,所以我盡量對細佬好啲,細佬又乖又靜,我就自以為佢同我一樣,點知原來我屋企已經係重女輕男到好嚴重既程度。我本身唔係一個大洗既人,食飯都唔偏好食貴嘢,但有既零用錢已經好多,屋企人平時仲時不時醒啲俾我,但係細佬就連食飯既錢都唔夠……喺我追問之下仲發現呢排佢俾我老豆打,原因係佢喺學校畫畫要買畫具,老豆覺得咁嘥曬啲錢。 我聽到嗰陣除咗好嬲之外,仲好自責同愧疚,我覺得自己好似生活緊喺平行時空,家庭幸福美滿既幻覺下係我享受緊喺細佬到剝削返黎既愛。我細佬一直都係個值得所有人為佢驕傲既人,佢畫畫好好睇,讀書都唔差,性格溫柔又隨和,我覺得佢一定值得擁有同我同等既愛。但即使佢咁優秀喺屋企入面都係被不屑一顧。佢成日都自己收埋收埋唔肯同我講屋企人對佢有幾差,屋企人又有意避開我鬧佢,我真係唔知可以點算,除咗成日同佢一齊幫佢講說話,等屋企人為咗避我而放過佢之外,我咩都做唔到。 一邊係好錫我既屋企人,佢地真係真心愛我 ,但一邊係我好愛既細佬,屋企人唔中意佢,我除咗盡力保護佢之外無能為力。 我細佬好堅強,又唔願意將傷口俾我睇,佢話唔想我見到唔開心……搞到我完全唔知屋企對佢究竟有幾差,暴力既程度又去到邊。 我究竟可以點做? (ps唔知細佬會唔會睇到,如果睇到既話,唔該你,仲當我係你家姐既話就咩都可以同我講,咩叫唔想我唔開心,你覺得我而家好開心咩你個傻仔!!!!!!!)
#NSS愛情 [No] 我同我男朋友都係對方嘅初戀啦,而且我哋係好耐之前就已經識咗,近排先開始一齊嘅,咁一開始都會好似所有人甘,日日都早唞早晨嗰啲,但後尾我就發現佢有好多壞習慣? 可能因為佢做咩都比我好,所以比我講會好冇面?如果佢做錯咗嘢之後我去講佢或者提醒佢下次唔好咁,佢就會發脾氣,之後就話佢知道啦唔好嘈。其實定話係我太煩? 而且佢唔會睇場合就發脾氣,可以少少野都好嬲,例如只係我睇緊其他嘢冇即時理佢,或者有時我wts同人哋傾緊計,但係佢send嘢俾我我冇覆到佢先,就會好嬲。 不過呢啲都唔係重點,重點係佢嬲嗰陣真係好鍾意block我,所以次次我都要用好多唔同嘅應用程式去搵佢。 不過我啲朋友其實都同我講過佢哋都睇得出,佢係真係好愛我,而且我都真係好愛佢,但係我覺得真係會有啲攰⋯同佢傾又驚佢嬲,我應該點算? Sor for1999