#NSS學校 [GUEST] 係小五小六嘅時候，有個同學無端端叫其他同學唔好同我玩，一齊杯葛我。好彩嗰時大部分同學都冇點理佢，繼續同我玩。我有諗過將呢件事同老師講，但佢成績唔錯而我成績唔太好，所以講完老師都唔會信，最後都係冇向任何人求救。雖然嗰陣表面上好似冇事，但知道咗之後晚晚都係房度喊，喺度諗係咪自己做錯啲咩，甚至諗過自殺一了百了算。 前排見返佢，佢好似一啲歉意內疚都冇，懶係friend咁走過嚟同我講嘢，成件事勁嘔心。 慢慢意識到欺凌人嗰個唔會出於咩原因而去欺你，即使你冇做仼何嘢佢都會欺凌你，而佢哋又永遠唔會記得自己做過嘅嘢對其他人傷害有幾大，淨係得被欺凌嘅會一直記住。 希望睇到呢篇嘢嘅人可以被善良對待，如果你係欺凌緊人嘅話唔該你收手 Sorry for 1999
#NSS個人 [GUEST] 明明係放緊假, 但係點解壓力仲好似大咗？ 小妹今年f.3 我由細到大都係一個好樂觀嘅人 基本上冇啲咩係可以打得低我 但係呢個假期 壓力好似俾起以前返學嗰時仲大咗 亦都冇好似之前咁成日笑 因為放假 所以阿爸阿媽成日都會覺得我日日都無所事事 亦都因為咁 我而家每日都俾佢哋管制住 譬如 每日要10:30a.m之前起身 要11:00p.m瞓覺 要每日搵一啲佢認為有用嘅資訊 不可以打機 不可以畫畫（因為佢哋覺得畫畫係冇用嘅嘢） 我知佢哋係唔想我浪費時間 不過呢啲管制住我嘅方法 真係壓到我有啲喘唔到氣 其實我有陣時都喺度諗緊 我係咪真係咁差所以你哋先想咁去管我？唔通我真係應該擺低晒所有嘢
#NSS個人 [GUEST] 看完上一篇投稿有關於夢，我都想分享啲嘢 我唔知由幾時開始就夢到一個男仔，會隔一段時間夢到，我同佢係夢入面關係好好應該係青梅竹馬。前幾個禮拜我開始不斷夢到佢越來越密，我係夢入面有嘗試記住佢咩樣但係啲記憶都好模糊，甚至一起身就唔記得左，我每次想發夢遇到佢問佢野既時候我同佢都會擦肩而過咁，就算夢到佢我都係問唔到啲咩，就算問到第二日一係唔記得一係記得好模糊，一切都好虛無飄渺。 阿媽就同我講我心事太多，佢叫我嘗試最近訓前冥想等等，但係我依舊夢到佢，然後前日佢係夢入面問我點解唔想見到佢，我唔記得我答左啲咩，我淨係知我醒左然後成晚訓唔著。我有嘗試過畫個男仔出來，但係因為佢既五官我都唔清楚所以做唔到 我記得個男仔留狼尾，身高170–175，左肩上有紋身，睫毛超級濃密，鍾意游水畫畫，有訂舌釘，其他我記得唔清楚。我真係好想搵到佢
#NSS個人 [guest] 小妹第一次投稿，請見諒thx *長文慎入* 我有兩件事想請教下各位網民 1. 其實曾經都好多人同我講「唔好自卑啦」、「你好好㗎！」但係我真係唔知點先可以變得有自信！想問下網民有冇辦法可以令我變得自信啲🫠 其實我自卑嘅原因都唔算好少：唔瘦(bmi偏肥嗰啲)、脾氣好差(好容易就發脾氣)、好冇安全感、成日亂諗嘢、佔有慾好強等等等等嘅缺點，令到我好冇自信，覺得自己不配有啲對自己好好嘅人，亦令我自己成日都好唔開心。好多人都叫我「自信啲啦」、「唔好成日都咁自卑」咁樣，但係我真係唔知有咩方法可以令到自己自信啲！ 2. 另外係交朋友呢樣嘢，小妹從小學到上年唔知點解交到好朋友呢樣嘢真係困擾左我好耐。其實我小學到上年嘅朋友一開頭都對我好好，但係最後唔係因為家長唔俾，就係覺得我管得太多而同我絕交活著同我搞冷暴力。你搞呢啲我都唔介意，但係佢地仲要周圍環境同其他人講我壞話，搞到所有人都以為我好衰，全部都唔同我做朋友。我好記得小學三年級嘅時候係全班一個朋友都冇。因為之前嘅朋友四圍講我壞話，搞到所有同學都以為我真係好衰，一個二個都唔同我做朋友。同埋我好容易就信人，所以成日都俾啲朋友呃，但係我又好驚我一嬲佢哋就唔同我做朋友。我唔知點算好！！！其實我而家嘅朋友都對我好好，但係我真係好驚佢地會好似之前嘅朋友一樣拋棄背叛我😿 其實呢兩個個問題都困擾左我好耐，希望你地可以幫下我😽 最後sorry for1999同埋辛苦曬admin🤍
#NSS學業 [Guest] DSE壓力真係好大，我知唔係得我一個 其他科都好但係中文特別差 我中文真係淨系得個屎黎形容 無論我擺幾多時間係中文都係無進步 閱讀無一次可以高過50分，喺40左右浮動 overall連level3都無 明明係白話文又但好似文盲咁睇唔明 文言文又似睇緊亂碼 我已經差唔多好耐好耐無因為情緒喊過 琴日做完一份閱讀理解練習又得38分 我係間房鎖咗門 啱啱好阿媽叫咗我食飯但我無應佢 之後又唔耐煩咁嗌多我幾次我先應佢 我行出去同佢講真係唔好煩我，如果我要食飯我會自己出黎，唔好係咁重複 佢又發脾氣鬧我係佢叫我咁多次我唔理佢 我知係我問題，但係唔知點解我突然間啲眼淚想飆出黎，個心好緊 我一向個形象都係好樂觀唔會喺阿媽面前喊，成日嬉皮笑臉，唔會同佢訴苦，唔會傷心，所有苦惱都自己捱 我即刻衝返返去間房鎖門瞓喺張床到，塊面向上希望啲眼淚可以收返返去 最終都係順住眼角流咗落黎 呢次喊應該係我大概3年黎第一次因為情緒喊 我真係好驚入唔到U 好驚失望佢地 低form無認真讀過書
#NSS個人 [GUEST ] Post 標題：我唔知其他男仔有冇同樣好奇 但我應該點做好 呢個問題困擾咗我一段時間 都唔知其他男仔有冇同樣情況 我中一時班上面有個發育比較發達嘅女仔，但我哋本身都frd因為係同小學，下學期有一日上體育堂做熱身嘅時候我發現我自己被佢豐滿嘅胸部吸引住，一直都冇試過，自己下體突然變硬，突然回一回魂跟住心諗：咪住等等，我頭先望住人哋個波？然後forget about it （先講明我之前從來冇咁試過咁樣） 之後要record翻上堂做咗咩，突然聽到個女仔個frd叫佢打羽毛球，佢就跑過去，但跑嘅過程我竟然望住佢個胸彈上彈落，我覺得好吸引，但我又突然回魂有心諗：我又望住左？（想講我望過去係因為佢個frd好大聲大叫所以我望咗過去睇發生咩事） 我翻到屋企然後係自己間房沉思今日發生嘅事，上網搵青春期（當時13）嘅嘢然後發現“性好奇”呢樣嘢，然後所代表嘅意思完全符合我嘅狀態，對異性嘅身體感興趣。 覺得自己有啲變態因為自己想知道胸係點樣，摸落去嘅質感係點，除咗呢啲亦想知道其他地方係點樣，甚至性交係點樣。隨着時間過去我變得更感興趣。 平時係學校見到佢都會想望下佢個波，而且發現自己見到佢會有性慾，想扑*，佢個波非常凸，開始覺得自己再係咁會做啲傷害到佢嘅嘢。 我上網搵解決方法，但都唔work。最後發現其實好多男仔講嘢都18+所以選擇上網睇A片紓緩性慾同好奇，結果覺得自己有啲上癮，有時係學校見到佢會手淫，有性幻想，唔知想點。 搵家長講會比佢哋打死，搵朋友講又驚佢哋覺得我變態而遠離我，唔知點好，而好多人對呢種情況都唔使再講就覺得係變態甚至打一鎚。 （嚴重好奇，嚴重上癮） 我真係唔知點樣好，咁已經持續咗差唔多成10個月，而平時見到其他女仔都會注目係私隱啲嘅位置。開始覺得自己變態同睇A片上癮，好想親身去了解同解決性慾，而且發現自己啲性慾有啲爆滿。 我知好多女仔會睇到呢張post，甚至男仔，我希望你哋唔會立即覺得我變態，但你點睇我控制唔到，我只係想搵人講我嘅問題然後解決，避免遲啲影響到我日常生活。如果我呢張post令你覺得唔自在，Sorry，但我希望可以有人比啲意見我應該點面對，我真係好想正常翻。 多謝🙏🏻🙏🏻 求admin post 🙏🏻
#NSS個人 [GUEST] 唔知大家對女仔食煙有咩睇法？ (戴番個頭盔先,唔係鼓吹各位食煙,食煙對身體有害。當然食煙係你自己既個人嘅權利去選擇食唔食) 小女今年16歲,食煙都食咗2年左右,其實我屋企甚至係全個家庭都冇人食煙。當初係前男友教我食,其實自己細個個時好憎人哋食煙,但係可能對前男友耐,已經習慣咗陣味,亦開始接受到。 身邊D frd都知我有食煙,個個都叫我戒,話咩女仔食煙好核突。其實有試過戒,但係因為一D事壓力太大又開始食番,越食D癮越大。 宜家有男朋友,佢唔煙唔酒(之後D男朋友個個都有食開)一開始識佢到一齊佢都唔知道我有食煙,一齊咗半個月左右佢知道咗,雖然佢冇講到佢唔鐘意,但係時不時都叫我戒煙。 我唔知道大家對女仔食煙有咩睇法,亦唔知道係咪應該要就咁戒咗佢🥲(其實有好多人都話唔鍾意女仔食煙,覺得形象唔好) Sorry for 1999 大家唔好亂咁食煙