—類投稿

冇sor🤣

#NSS學校 [冇sor🤣] 本人為小六學生 事情係咁嘅,我係一個望落去中一二嘅人,班上面有一堆勁on9勁似1-3年級既人,我都唔係幾想理佢哋,但係佢哋唔知做乜成日搵我玩on9遊戲(例如:搶筆袋)呢啲人最興就係搵老師,怕咗佢哋,所以唔敢拒絕。 一日,佢哋又無啦啦搵我玩搶袋,咁我被逼牽扯入去。咁首先就係比佢哋搶,點知越玩越大,同學N無啦啦攞走我書包放垃圾桶上面,咁我冇乜嘢咪走過去拎返佢囉,然後佢哋無啦啦又搶我書,咁我梗係搶番返嚟啦,點知佢哋搶搶下無啦啦掉出去,仲掉到同學B,老師見狀梗係鬧,點知同學N賴返我話係我掉嘅。同學N係平時喺老師面前好做作嗰啲人,所以最後我仲俾人鬧囉。 Sor for 1999. Btw 本書做咗差唔多半本㗎啦,已經比佢報銷左.

閱讀更多

GUEST

#NSS家庭 [GUEST] 我呀哥平時喺屋企最自私,做嘢永遠霸住張枱唔借,最憎就係佢成日打噴嚏都算,但係佢就一係噴曬係張枱上面,一係就將啲紙巾全部放係張枱上面,搞到張枱勁污糟,次次用完就走,好核突,永遠都係我幫手抹枱🤕(我要用)。上堂永遠唔聽書mute左自己一路唱歌唔停,永遠叫佢細聲啲就淨係較細聲一格,跟住就話我老師都好大聲🙄。咁我可以戴耳機,佢就唔係嘅講嘢大聲到死,無啦啦突然間係到大笑,搞到完全唔知老師講乜。有咩事呢我阿媽就話「你阿哥好用心上緊堂,你咪嘈佢啦」,到我嗰陣時就話「你咪鬧阿哥啦,你邊會聽到佢講嘢姐?」🙄 跟住考試個禮拜全日係屋企溫緊書,佢都見到嘅,點知轉頭考完試就話「你話你成個禮拜做左啲咩?書又唔睇,日日淨係用手機」我話埋我睇咗啲咩書,啲書講乜嘢比佢聽,佢同我講「我有叫你淨係睇一本咩?我叫你睇晒全屋嘅書呀」哇你唔早講,睇埋全世界嘅書吖好唔好,全屋好多都係嗰啲幼稚園小學留低嘅書,佢叫我攞嚟睇溫返之前啲嘢喎,我溫都溫dse嘅嘢la,你叫我睇返小學嗰啲🤷🏻‍♀️🤷🏻‍♀️!? 同埋我要zoom點樣可以唔用手機?佢話「我唔理呀,總之你部機以後每日唔好用多過兩個鐘🤷🏻‍♀️🤷🏻‍♀️!?」我平時上堂都唔止啦,你係咪搞笑? 佢成日對住我阿哥話「我知你有努力溫書㗎啦,但係唔知佢(我)有冇囉😒」大佬好煩呀😫日日問同一樣野,答左佢問題,第二日又再問「你睇咗書未啊?」永無止境…答完又唔信,咁我話冇囉,佢又話「冇?你做乜嘢呀你,你做左啲乜嘢呀!」救命,佢究竟係咪失憶🤨,呢條問題日日係我個腦巡迴,真係好煩呀,搞到其他人都以為我日日淨係用手機唔溫書😔。 Sor for 1999 我都真係頂唔順佢地,好難一齊住😕不過佢地都覺得冇乜嘢

閱讀更多

GUEST

#NSS家庭 [GUEST] 我想問下呢我細佬成日係度大聲高歌好煩,考試溫書都係咁嘈開曬啲speaker,我話再咁樣咁我錄低放上ig㗎la唔好再嘈la,佢話我威脅佢,咁想問我咁樣算唔算威脅佢,因為我只係想佢停下比我諗吓嘢。

閱讀更多

香港島入面其中一間學校嘅學生

#NSS學校 [香港島入面其中一間學校嘅學生] 回復下#NSS210310D 我哋間學校喺香港島, 我覺得呢篇文章講嗰緊我個friend, 我係佢朋友嘅frd, 想澄清下佢從來都冇不斷講過佢阿爸係明星, 連我知道呢件事都係第二個同學同我講geh, 唔洗用腦諗都知道邊個想要自己啲私隱全部被暴露啊, 呢篇文章嘅潛台詞咪就係嫉妒呢兩個字lor😌👌🏻 仲有呀 我唔知你係咪同一個人連續投兩個份稿 全部都係中傷我嗰啲friend 我自認佢哋人品冇問題 如果你係真係跌咗入一個陳醋甖入面啱啱出返嚟 建議你唔好血口噴人搞清楚件事先再去投稿

閱讀更多

遊子

#NSS家庭 [遊子] 亡親之痛,雖隔多年,仍不能自已,更是無法消除,特筆此文,一行字一行淚,願親愛表哥早日安息。 《墳頭迷失草》 向來,我家都少與遠親見面,今年清明,竟去了掃墓。而這次,非去不可。 多年前,我和表哥仍可一同有說有笑地吃喝。他約莫六呎高,剛從大學畢業,從留學四年的英國回歸。他與女朋友感情頗佳,待人處事善良機靈,從小到大,都是個成功的人。 廿三歲生日那日,他搭上小巴去與舊中學同學敘舊。哪料到小巴發生意外,上天,把正沉醉於高興中的我那年輕表哥,綁走了。 這個清明,掃的那一面碑,不怎麼封塵,白紅色的花崗岩,還滑得反光。掃這麼的新墓,總有股莫名的違和感,大概是因為,墓下躺着的那人,連三次鼠年都沒見過呢。 世事難料,就連一次約會,都能成為災難,要認為世事都理所當然的話,實太天真矣。 走着走着,一股陰氣透進我背,像是在提醒我,每走一步都得小心,莫可觸動陰靈。 打上一次來同一地方掃墓,也是同一感覺。那時我是個五歲的小夥,為「探望」近百齡的太婆,在清明正日來到,盡孝盡敬。經過無數莊碑,與今日所感者,如出一轍:放眼,一片灰、白;置耳,一陣陰、靜,嚴嚴肅肅,是我那般貪玩的小童都不敢妄褻的氛圍。 望落碑上,我的名字,竟刻在同輩一欄上。我兩眼仰望,「這世界,已變得太多,改得太快了。」 墳場後山,對比起八年前,的確變了許多。往日碧綠山林,割為平坡。坡上裝上滲水渠,鋪上泥沙漿,打出排水孔,成了眾多雀鳥的棲身地。大概是葬的人多了,不夠安置。山頂,隱約見到剛建的居屋三兩棟,後面亦望見那等新學校。昔日白色的街燈柱,漆油都早已掉落,露出銀鏽。南邊海洋,填走了,換成了鋪滿落地玻璃的新型會所。 遠近張望,總覺世人的生活,改得那麼多,已和八年來風雨未改的墳邊草失諧了。不知得隔多久,它才會扭一扭頭,看一看,才會發現世界早已不再等待守着墓園的雜草。綠林褐坡,蟲坑雀洞,平地高樓,白漆銀鏽,都沒有理睬慢下來的它,從來都沒有,而只是繼續推着雲雨巨輪,日出,日落,轉着,走着。蓋上眼的雜草,它們不屑,更是不肯帶走。 那株草,即使被風帶到哪兒,都沒法找到終點。它要去的地方,在它低頭不走的瞬息之間,面目全改,它也不會認得現在了。它要的是八年前的山腳,但那裏的人事物景,都無法回到八年前,小草也無處能去。 那些草,那陣風,總沒有變,但大自然可沒等着它們,繼續往前走着,直到和花草走失,大自然也不會停下腳步讓徐行的微風追上。 我那表哥,被大自然埋在了泥土之下,而我,多年來只傻傻地以為生命理所當然,直至要向微風問路,才發現,八年前的山腳已經面目全改,人事物景,都沒法回到當初能夠好好相談的時光。我只能呆呆望着白紅色的花崗岩碑,看着上頭刻着的大小字,想像從未發生過的回憶。 我的終點,我的目標,一一被錯過了。我就是墳頭迷失草,找不到歸途,只能一生守在墓旁,不走,低頭,黯然抱憾。 圖Link: https://ibb.co/cJcxdTj

閱讀更多

GUSET

#NSS個人 [GUSET] 小長文 是咁的,小妹一直都有追開一個大陸歌手,係正經嗰啲藝人歌手,唔係抖陰上面嗰啲,追咗有四五年左右,我鍾意佢純粹係鍾意佢啲音樂,覺得佢嘅歌俾咗力量我,我對佢本人冇咩興趣,只知道佢唔係護旗手,但係都嫌棄佢嘅國籍。佢上嗰啲大陸綜藝我都會睇,演唱會音樂節喺大陸開我都會去。 有陣時同同學傾偈,佢哋會笑我鍾意大陸明星聽大陸歌(但係華語歌我淨係聽佢一個,歌單入面佔比較多嘅係粵語歐美kpop),甚至會排擠我。有次去完聽佢演唱會(喺大陸開),啲同學好似避瘟神咁避我,驚死俾我傳染咁。 舊年年頭有試過唔去接收佢嘅消息,想強迫自己脫粉,但係都係失敗,話晒五年青春,唔係話拋棄就拋棄。 我唔知我可以點,我之前一直都覺得我鍾意呢個大陸明星唔代表我鍾意大陸亦唔代表我鍾意大陸人,如果佢移民去韓國咁我鍾意嘅就係韓國明星…最近同朋友鬧矛盾,俾人將呢個當靶屌,突然又對自己嘅定位好模糊,我覺得亦都知道我做錯咗,但係唔知點樣係啱,我可以點算…

閱讀更多

香港最高嘅學校

#NSS愛情 [香港最高嘅學校] 唔該admin幫手上傳🙇🏻‍♀️🙇🏻‍♀️🙇🏻‍♀️pls and thx🙏🏻 小女今年16,f4。係f4拍過一段令我唔知點做好嘅拖。事情就係咁嘅,一開始係因為遊戲先同佢一齊,佢都係因為遊戲先同我一齊,因為雙方都係因為遊戲先喺埋一齊,所以一齊咗之後冇乜特別sweet嘅事,大概一兩個月就分咗,亦都冇做返friend。但係因為係同一間學校同埋同一班,所以成日都會見到面/有d小組活動同一組,但係每次都勁尷尬。唔知係咪因為咁嘅原因,跟住就變到成日留意佢,亦有試過係夢裏面夢到佢。時間耐左,令到我自己都唔知係唔係仲鍾意佢,有試過特登唔留意佢,但係發現自己做唔到,加上有陣時佢都會望下我,做d令我誤會嘅行為,就更加令我唔知自己係唔係仲鍾意佢。有冇人可以幫下小女🙇🏻‍♀️🙏🏻真係好疑惑自己到底係唔係仲鍾意佢🤦🏻‍♀️ 呢篇野比較長…第一次投稿…請見諒🙇🏻‍♀️🙏🏻

閱讀更多

dgs

#NSS學校 [dgs] 大家好 小妹14,F3, 今年靠音樂勁轉左去DGS, 但係成績唔係特別好。入正題,轉咗學校後,功課多咗好多,上堂老師講嘢又唔係好明,多咗好多壓力。最近老師講分數,發現我得一科高過班嘅平均分。 我開始有點擔心,呢年仲要揀科。 令外, 係學校冇乜朋友, 只係得一個最好朋友,但係佢自己都有唔少朋友, 所以我自己有時都會好孤獨。DGS 真係比人好大壓力,所以轉入來之前唸清楚。而家有啲後悔轉校,我可以點好,求意見. Admin pls po ig pls sor for 1999

閱讀更多

Guest

#NSS愛情 [Guest ] 長文慎入,含粗口 是咁的,小妺今年13歲,中一,我就喺上年10月識咗個男朋友,佢今年15歲,我哋係網戀,唔同學校,冇見過面,佢住喺觀塘,我就住喺天水圍,我哋係喺一隻game 度識嘅。 但係近排唔知點解我好似冇咁鐘意佢,我好似係佢身上面搵唔到「愛」呢樣野,例如:佢鐘意打波,佢就係wechat 係咁send 啲一大堆關於打波嘅sticker,唔又係咁同我講打波啲技巧又乜乜乜又物物物咁,但係我想講嘅係我對打波一啲興趣都冇,佢又係咁send 一大堆圖文不符嘅sticker 做乜春呢😀 第二,佢又成日問非所答咁,例如我問佢你做緊咩,佢又答我:冇 跟住我心諗:wtf 乜嘢叫「冇」,你發緊呆都可以同我講話:我發緊呆都得㗎嘛 第三佢好撚樣衰(sor 唔好怪我太mean )btw 佢真係好撚樣衰,之前我哋FaceTime 過一次,我真係頂柒佢唔撚順,講嘢又黐脷筋咁撚樣,真係好難令到我唔想分手,加上我呢排想專心我嘅學業,(本人成績中上,暫時成績冇乜問題)佢又成日搵我打機,但係我就好少打機嘅,就算係打機都係星期六日先打,但係佢一至日都日日叫我打機,我真係覺得佢有啲煩 但係嗰陣時我都對佢係冇愛/鐘意嘅感覺,我都唔撚知點解我會同撚佢一齊?? Btw小妹想同佢分手,但又唔知點開口好,佢依家教緊試,我諗住等佢考完試之後先分手,費事影響佢嘅學業,但係我又唔知點開口,既然我都唔鐘意佢,我都費事浪費我同佢嘅青春,唔知你哋有冇咩分手嘅idea 希望你哋會幫到我 sorry for 1999

閱讀更多

GUEST

#NSS個人 [GUEST] 有乜辦法可以令自己唔好分心? 本人今年中五,小學嗰陣成績都唔錯(大概全級頭十左右)除左上某啲堂有時會分心睇書,其他時候都可以好專心去做每一件事,升到上初中都唔太差,但係開始上堂同做功課嘅時候開始會不停分心⋯⋯ 寫一份 literature essay 可能其他人一個幾鐘可以搞掂但係我會搵資料搵到 sidetrack 然後收唔到手,寫唔落,一個鐘頭先寫到一至兩段(結果就係交唔到功課,被人鬧)又或者上堂老師講嘅時候我會不停搣手指,聽完老師講嘅嘢轉個頭就會唔記得,寫低左嘅notes好似冇寫過咁⋯⋯ 屋企人鬧極都無用,因為每一次我想改嘅時候我都好快會打回原形,咁樣落去我啲成績真係會冇救(講緊初中可以攞到獎學金然後高中變左做包尾,我仲要考DSE⋯⋯)我到底有乜辦法可以去改? sor for 1999, 中文太差請見諒

閱讀更多