#NSS愛情 [GUEST] 第一次投稿,文筆唔好,如果表達得唔好請細力啲屌。 我今年f.5,生理性別係女, 但我唔想叫自己做小妹,因為我從來都冇承認過自己係女。 從第一次對人有好感嗰陣(小學),我已經發現自己鍾意女仔, 唔係嗰種女仔對女仔嘅鍾意,而係作為一個男仔對女仔嘅鍾意, 咁講好似有啲亂,但我從來都冇當過自己係一個女仔, 所以我覺得自己鍾意女仔係一件好正常嘅事, 但好快我就發現,原來我係人哋嘅眼中一啲都唔正常。 我本身個人好內向,由細到大都唔係點講嘢, 自然我嘅鍾意都係收收埋埋,好彩,真係好彩我有收埋 我清晰咁記得,第一次同frd出街,偶然見到兩個男人親密咗少少, 佢哋就偷偷地笑佢哋,係背後議論、揣測佢哋嘅關係, 從此之後,我收埋咗想同其他人分享我係一個特別嘅人嘅呢件事, 因為我知道呢個社會接納唔到我。 但我仍然總會鍾意人,而且因為係同性, 每一次鍾意,都好似酷刑咁。 唔可以講出嚟,連眼神都要收收埋埋,偷望到一眼已經係奢侈, 明明鍾意,但當對方同我親密少少,我已經想彈開, 因為唔想人哋用奇怪嘅目光去看待佢, 唔想俾佢知道 有一個咁嘅人鍾意緊佢, 驚佢比人歧視, 真係好驚。
#NSS文化 [GUEST] 再見了 “我鐘意你!“ 啱好路過嘅我聽到咗呢一幕,因為我嗰該死嘅好奇心,我向着玻璃窗望咗一眼,映入眼簾嘅卻係我朝朝暮暮嘅你。 你企係度,對面企住一個可愛嘅女仔,好似真嘅情侶咁,明明你哋般配,我應該祝福先係,但係點解我個心會咁痛。。。 我唔敢睇亦都唔敢聽落去,好似只要我唔知道,一切都唔會係真嘅。。。 第二日返到學校嗰陣時,我見到平時我問你借支筆都會唔耐煩嘅你,竟然耐心咁教琴日嗰個女仔做功課。 可能係我真係好醜好噁心好令你感到厭惡,所以你唔願意同我講同兩句野,唔可以好似對佢咁對我溫柔啲。 之後幾日,我成日都見到你同佢係埋一齊,一齊食嘢,一齊傾偈,一齊溫書。。。係遠處望住你嘅我就好似連一句話都未有就死咗嘅配角咁。 一個星期之後,你係ig story宣布你同佢喺埋咗一齊。 我嘅幻想世界好似崩塌咗,一直自欺欺人咁以為即使你對我冷眼相對,忽冷忽熱,但係喺你一樣係心中有我㗎嘛,即使佢日日同你喺埋一齊都可能只係好朋友,同埋就算佢表白咗你有機會拒絕佢㗎嘛。。。 結果我依舊只不過係一個配角,襯托男女主角愛情嘅配角,一個醜陋嘅配角,但係我根本冇資格亦都冇理由去恨女主角,就如Heather嘅一句歌詞一樣 But how could I hate her? she’s such an angle. 你終究唔係我嘅王子
#NSS家庭 [Guest] 我覺得自己算係喺一個較幸福嘅家庭 我係咪應該好好去珍惜而家嘅一切? 講吓背景先 小妹f2,小學因為成績唔好留過一次班,係一個住公屋既普通家庭,有一班好好嘅朋友,屋企唔算話太有錢,但係屋企人永遠會比最好嘅嘢我同妹妹,有比我充足嘅自由,成績唔好都唔會鬧我,叫我盡咗力就得,但係奈何嘅係我冇盡力過,想專注咁溫書都專注唔到 我平時都有睇開nss 嘅ig ,見到有D人係生活上遇到各種唔愉快嘅事,對佢哋黎講應該唔太開心,我就覺得自己算係喺一個無憂無慮嘅地方下成長,但係就好唔知足 因為武漢肺炎,留係屋企嘅時間多咗,我覺得自己已經沉迷喺網絡世界,成日對住部電話,就算考試都照玩,成日都臨急抱佛腳前一日先黎溫,然後又溫唔切,搞到成日都有好多科肥佬,再咁落去真係驚自己又再留班,覺得自己好嘥屋企人既錢同心機,辛辛苦苦喺出面打工,到頭黎換咗我嘅垃圾成績,屋企人都係想我讀好書打到一份好工有好嘅未來,但係自己就一D都唔知足,成日掛住睇手機,平時學業上有好多唔識嘅嘢都係上網查,查完之後有時見到啲message就忍唔住去覆,搞到專注唔到溫書或者做功課,想問吓可以點樣解決,同埋點樣可以規劃好自己溫書同打機嘅時間🙏 Sorry for 1999
#NSS學業 [銅鑼灣附近一間中學 中] 唔知大家睇完有咩感覺,不過都唔好太憎佢啦,橫定呢個世界上都好多咁樣嘅人,中意搶人哋嘢,馬屁精樣樣都嚟,呢啲係咪叫「綠茶婊」? – 越嚟越睇唔慣喺老師同學面前扮晒嘢,俾啲禮物仔,講幾句好聽嘢,就識到啲朋友,其實全部都係虛嘅,人哋又點會想同佢做真心朋友,佢同人地做朋友都係想偷師,啱啱好囉!佢都幾cs ,得罪人都唔知,一定係覺得嗰個同學冇咩利用價值啦,所以得罪都唔怕,扮晒嘢就最叻,做人可唔可以再假啲? – 上科學堂嗰陣,人哋個個都積極到爆,行到前邊睇老師做實驗,得佢自己坐喺度,但係老師問問題佢又會答,就係想係老師心目中印象深刻啲?可唔可以再重機心D?平時小息就成個癲婆,扮小丑識朋友 – 音樂科畫樂譜,明明隨便啲就得,佢死都要畫到好似印刷出嚟,呢啲真係令人作嘔,上音樂堂又成日打鐘就喺門口stand by左,呢位朋友,如果你睇到唔該可唔可以做返正常人,唔該憑你嘅真材實料上位,學校係學校,唔係比你打宮廷劇嘅地方 – 完全冇惡意,個個人都對佢有意見,如果係我自己太主觀,我都唔夠膽send,對呢啲人我淨係會討厭唔係嫉妒,因為佢唔值得我嫉妒,唔好諗太多,唔該po 去IG
#NSS個人 [GUEST] 小妹有上網做某樣嘢嘅興趣(正常㗎 一開始我乜都唔識有個男仔就幫我,一開始我就覺得佢幾nice。但係呢排佢成日煩住晒,有次情人節出post話單身快樂,佢又話咩「我覺得一定好多人都鍾意你」,又話我好靚,我心諗痴線你未見過真人就話靚係咩事。可能有啲人話我自戀,但係佢send過嚟啲msg真係打晒冷震,我試過block佢,佢就用好多途徑搵我叫我唔好block,又叫嗰個圈嗰啲friend叫我unblock,搞到最後廢事成個圈都排斥我咪unblock佢囉(因為佢已經做咗成年,啲人同佢熟啲)啲friend又叫我退圈,我想講本身係我嘅興趣,明明唔係我嘅問題,點解係我要走?請問有乜方法可以處理?
#NSS家庭 [TESTING!!!!] TESTING!!!!TESTING!!!!TESTING!!!!TESTING!!!!TESTING!!!!TESTING!!!!