—類投稿

GUEST

#NSS家庭 [GUEST] 琴日我阿哥激嬲左我阿媽,我仲好心叫佢唔好鬧阿媽,跟住我阿媽行過黎,向住我係咁講粗口,話我柒婆死八婆,「你聽唔聽到我話你死八婆呀」跟住就向我塊面吐左淡口水,我阿哥係隔離乜都冇講。跟住我阿媽就得寸進尺,打我塊面同埋隻腳,跟住就同阿哥講「佢打我呀~」,我即刻火都嚟埋,我問阿哥「你見唔見到我打佢?」,佢冇出聲,跟住叫我收聲「你唔駁嘴咪冇人打你囉」 跟住我終於明點解,係因為我鬧左阿哥一句「你唔好咁對阿媽啦」。我阿媽真係好錫我阿哥㗎。 你哋嘈交就搵我講邊個唔好,又話唔開心🥱🥱你哋唔使10分鐘係冇事啦,咪扮鬧交啦,係我面前做戲,跟住搵機會鬧9我,我下次都交吓戲先「係咩🥺唔好唔開心啦😉」(唔使幾秒你哋又攬埋一齊,搵我做乜L嘢?) 總之就係兩位一齊做戲,搵我做受氣嗰個😁 Sor for 1999

閱讀更多

Guest

#NSS個人 [Guest ] Admins pls post ig (辛苦晒♡´・ᴗ・`♡ 小妹有幾個問題想問吓大家🙇🏼‍♀️ 1.請問大家覺得一個F1學生應唔應該/可唔可以自己同朋友出街?(ps .下午嘅時候) 2.請問大家覺得一個F1學生可唔可以用佢自己嘅錢買嘢?無論係買嘢食/買日常用品,實體店/網購。 3.請問大家覺得一個F1學生有冇權自己決定自己嘅作息時間? 4.請問大家覺得一個F1學生應唔應該有定期嘅零用錢? 希望大家可以花少少時間留意一下你嘅意見🙇🏼‍♀️ Sor for 1999🙇🏼‍♀️✨

閱讀更多

ssgss

#NSS個人 [ssgss ] 我今年要選科,但係唔知點揀好,有冇邊科話易讀啲?我想問下如果我揀一科文科,一科商科,一科理科,會唔會好奇怪?我有興趣phy&bio,但係好似冇見過有人咁揀,希望大家可以幫幫小妺揀科嘅技巧,多謝

閱讀更多

Guest

#NSS個人 [Guest] 唔知大家有無啲嘢總係會令自己好自卑 對我黎講,就係暗瘡,亦即係你地所講既爛面。 總係身邊會有好多人同我講話你塊面搞咩,飲多啲水,早瞓,唔好咁大壓力,但講真個句?你覺得我無做過咩? 成日都會因為呢樣嘢好唔開心,而家戴口罩所以都話會想出去見人,但因為呢樣嘢而搞到我同異性完全唔敢講嘢。好似人地係我面前細細聲講嘢我都會覺得人地討論緊我塊面,跟主成個人好緊張,完全唔想講嘢。 就算當我之後遇到一個我真係鍾意既男仔,大家都就黎一齊,我都係度神我塊面咁有邊個惠真係接受到呢個唔完美既我? 甚至到到一個地步係,我去到邊度都唔敢照鏡,啲friend話一齊過夜我都即刻reject,因為我唔夠膽係佢哋面前洗面。就係驚佢哋話,下 點解你有洗面都咁多暗瘡? 呢樣嘢困擾自己好耐,洗左父母好多錢同時間,甚至流過唔少眼淚。其實我真係好羨慕人地可以亂食野、係咁熬夜,皮膚都好好,除口罩都唔會驚人地講咩。 其實擁有好皮膚係真係咁難咩?

閱讀更多

宣基中學

#NSS家庭 [宣基中學] 首次投稿sor for 1999 (唔好屌得太勁) 是咁的,我表哥移咗民,我姑姐借啲意搬過嚟住,我老竇老母又唔好意思拒絕佢,於是佢就搬咗過嚟住。自從佢嚟咗之後,我同屋企人講嘢佢全部都知道晒,仲好鍾意無啦啦彈出嚟聽我哋講嘢(典型八婆)。當我派左成績之後(一個月前)佢聽到我英文作文肥咗(佢本身係英文老師)就問阿媽使唔使搵佢補習。阿媽又話好(我日日都有補習)。我同阿媽講咗好L多次唔想搵佢補,阿媽就次次都發表佢嘅「偉論」。之後,佢就係咁叫我比啲作文佢睇,又要我快啲比時間佢,終於落實咗係後日補(其實佢都係為錢),我真係覺得佢好煩,有咩辦法呀!! Sor for 1999

閱讀更多

tytc

#NSS社會 [tytc ] 想問下係大家心目中幾多歲先唔再係小朋友?小妹今年13歲,中二,164cm高,13歲明明已經係青少年,但係成日比人叫做小妺妹,小朋友,感覺唔係好舒服🥲所以想知係大家心目中小朋友嘅年齡定義~sorry有啲無聊Thanks admin

閱讀更多

bkkss

#NSS文化 [bkkss] 投稿小說 希望唔好ban 前言+世界觀: 故事講述一個女孩子叫做天恩和她的好朋友們在大學的故事,包括傾國傾城的校花天頌,熱愛中國歷史以及世界歷史的天祐以及他的雙胞胎弟弟天耀,性格懶惰做事總是保持「佛系」態度的天華,做事衝動不考慮後果的天瑞,熱情開朗,可是卻不會看別人眼色經常闖禍的天晴,歡喜冤家天悅和天富,性格文靜的天慈等等。於此同時,天恩暗戀她的中學兼大學同學話癆性格的天恆!他們為枯燥的大學生活帶來帶來什麼笑話呢?一場有笑有淚的大學生活,即將開始! 第一章:淚水 明天就是畢業典禮了。 這,也意味著天恩長大了,邁向大人的一步了。 可是,天恩卻以為這是一場夢。 「我唔捨得天頌,天晴,天瑞佢地呢班咁好嘅best friend…..我唔想離開天恆…..」天恩坐在床邊看著窗外的月亮,自言自語。 想到開學第一天Miss Janice以慈祥的笑容迎接他們。 想到開學第第一天被編到和天恆一起坐。 想到中學第一次分組和天瑞和天頌一組。 想到中學一年級第一次去郊外野餐。 想到天晴闖禍的時候自己第一個去幫她。 想到了自己和好朋友經歷過種種困難,有笑有淚的中學生活。 最深刻的事,莫過於是自己被藍藍造謠「綠茶婊」,摯友們並沒有因為此事而疏遠的事。 不過,時光似箭,眨眼就畢業了。 「我唔想畢業!我想永遠讀中學,永遠同天晴天頌friend落去,同天恆一齊去圖書館睇書,同天瑞天華佢地互mean,想繼續聽到天富同天悅吵架……點解六年咁快過。」 想著想著,天恩忍不住哭了,晶瑩剔透的淚水不禁在她瘦削的臉蛋流了下來。 「小小事你就哭,天恩,你真懦弱。」 天恩這樣和自己說著。

閱讀更多

St Paul-你哋估吓邊間

#NSS學校 [St Paul-你哋估吓邊間] 我真係唔明白點解會有啲咁嘅老師。我哋學校有個老師就叫佢Teacher A 啦,佢真係好乞人憎,以下有8宗罪狀: 1. 極度偏心 呢一行應該好多老師都有,但係,佢竟然可以因為偏心一個學生,無論佢做出嚟嘅功課或者project最後成果係點,永遠都會將佢個份列為最好,有其他嘢都會好少勞煩佢哋。另外,佢成日都分唔清我哋啲班,偏偏就要我哋講嗰位人士個名出嚟,佢先會知道「哦原來係XXX嗰班,點解佢唔嚟嘅?」 2. 唔識欣賞 我哋每年都要做一個project,上年,我哋跟學號十個人一組,同佢哋zoom 咗最少十個鐘,先勉強完成嗰project 仲要跟足晒佢啲要求,例如:每一版要幾多張相,font size 呢啲等等。花咗好多心思,但係,佢最後都係非常不滿,仲問點解我哋個project 咁(follow 佢哋要求)我作為group leader 嘅,真係好難做。今年,我哋要做另一個project,呢個project,我重複再重複咁做咗好多次,佢又不斷喺度唔滿意,係咁話我哋,最後甚至無視左我哋。為咗呢個project,我做咗5 個 PowerPoint,仲要唱埋歌,edit 聲帶⋯⋯有一次我仲做到凌晨一點。我哋其實個個都花咗好多心思好多時間落去佢呢啲咁冇用嘅project,但係佢始終係不斷批評,仲要係非常之直接,有一次,我真係頂唔住,上完佢堂之後喊咗出嚟。 3. 話自己好叻但係完全唔知自己做緊啲乜嘢

閱讀更多

GUEST

#NSS愛情 [GUEST] 小妹中五,A3,最近鍾意咗個男仔,我同佢係喺學校活動識嘅,佢中四,未拍過拖,好溫柔,笑得好甜,第一次見佢,佢係坐喺角落頭,佢係好靜嘅人,咁我就行過去聊佢傾計,佢講嘢令我覺得好warm,我同佢平時就好似朋友咁,成日傾D學業、哲學嘅話題,有好嘢玩、有好嘢食一定會同大家share。一直以來我都暗戀佢。         前排我特登約佢上天台同佢表白,點知佢話:「你知唔知咩係愛、咩係鍾意啊?我有D咩值得你愛啊?我唔似人地有樣、有高度、有錢、有好成績。你鍾意我,我覺得好開心,因為終於有人係當我存在㗎,但始終我一定要俾個答覆你,好對唔住,當我認識你嘅時候就覺得你好友善,但我冇sing嗰種一見鍾情嘅感覺。其實你都唔係好了解我,你知唔知我一直過得好辛苦?我為咗掩飾自己傷心嘅情緒成日要扮無事,我唔想俾負能量所有人,我唔想拍拖嘅時候你要受苦。再講呀,我真係好矛盾,我唔知道應唔應該愛一個有戀愛經驗嘅人,但我唸起你同人拖過手、同人錫過、同人咩過,我真係接受唔到,我只係希望我嘅初戀係純潔嘅。而且你係咪希望我哋會長久落去定係你只係玩玩下?如果我俾唔到幸福你,甚至性方面滿足唔到你,你會唔會走去出軌?你會唔會有咩目的啊?你當我係水泡?想拎我個處?定係想玩我啊?點解你哋女人要一次又一次咁傷害我啊?」(總之講咗好多嘢,有D唔記得咗,寫低咗D深刻嘅嘢)         佢講到喊,我嗰時真係唔知點答佢,佢就走咗,呢幾日都冇見過佢,自問我喺發自內心鍾意佢,我真係唔知可以點做?點可以感化到佢? sor for 1999 admin plz po ig 🙇‍♀️

閱讀更多

大埔公路上一所師資優良的Band 3?中學

#NSS學校 [大埔公路上一所師資優良的Band 3?中學] 話說個班主任放緊產假 之後嚟咗個代課 佢新來乜都唔知 個副班主任睇緊左我哋 話說有一日返學 上到嚟就鬧我哋嘈 仲問我哋「頭先我要數幾多次123你哋先收聲?陣間上通識堂唔拎通識書,如果係我教嘅話我,我晨早叫咗左你出門口傾吓計」 之後放學啦 佢走咗上嚟派成績表 上到嚟就話「我以前數學差,我會影印張成績表貼喺房門口,日日提醒自己要溫好啲數學」 之後又話我又喺度話我哋成績差 Ps.我哋係精英班 佢喺度話「我個女讀Band 1,呢啲嘢係佢哋學校唔會考㗎啦。我個仔小四呀,佢都識晒啦。」 之後佢又喺度話「我自薦做你哋副班主任㗎!我F1F2冇教過你!但係我想你哋好啊!所以我先做你副班主任咋!」 之後去話如果你哋測驗唔合格嘅話又要去坐監(留堂)我慢慢幫你跟返啲嘢 留堂唔係罰你,而係罰緊我自己 大佬呀 如果我好似你個囡咁叻呀 我晨早讀咗Band 1啦 我使鬼讀你間爛鬼中學咩

閱讀更多