—類投稿

Guest

#NSS學業 [Guest] 希望會被抽中出IG post🙏🏻🙇🏼‍♀️ 小妹今年f2,最近因為一些學業問題而感到很煩惱和不知所措。 事情是咁的,自從上年12月停課之後,個人就好鬆散、好懶,乜都唔想做。結果,今次考試考得好差,阿爸阿媽好失望,佢哋成日都話我得、我記憶力好,話我聰明,但係我自己覺得一啲都唔係,我都唔知我究竟係咪真係有呢個能力。我唔想令佢哋再失望,然後網課期間俾人話我欠左十幾份功課比佢哋話我懶唔願做,我知係我懶係我錯但係我真係冇動力亦都唔想做。我一直有追開kpop,雖然我次次考試考得唔好佢哋都會用揼晒我啲album來「威脅」我讀書,雖然我真係好驚佢哋會咁做,但係佢哋次次都會俾機會我最後都冇揼到,我好想知究竟點樣先可以專注到努力讀書。然後我啲補習功課都冇做啲片冇睇(其實一開始我有睇但係因為屋企Wi-Fi差成日都唔好斷斷續續搞到冇心機睇片,搞到而家miss 咗十幾堂無上,補習社話咗俾我阿媽知,我感覺到佢好失望隻眼紅左,好似有啲想喊咁,我都知我每個月嘥緊佢哋D錢,但係我因為上邊嘅理由而俾藉口自己冇睇到啲片。我覺得自己好對唔住佢哋,但係雖然係咁,我都係提唔起精神俾唔到心機去讀書。 我好想知道有咩方法可以專心讀書唔好成日分心同懶🙏🏻🙇🏼‍♀️ 多謝大家啦嘥咗咁耐時間睇我呢篇文

閱讀更多

GUEST

#NSS個人 [GUEST] 大家好。小妹今年F3,由細到大手腳同身體都比較多毛。比人笑同改花名亦都係家常便飯。 不過細個嘅時候無特別注意自己外表,所以全部都當笑話聽完就算。 但係最近我發現手同腳嘅毛又開始變多, (仲要長度最少有1cm),加上我越嚟越在意人地點睇我嘅外表。曾經試過聽到有人話我好污遭,唔整理好自己儀容就出街。其實我都唔想㗎.. 我有諗過自己去買脫毛膏嗰啲野,但係我又驚會有不良反應,加上我無零用錢… 我變得好自卑。冬天還好,因為我可以著長袖長褲或者長襪,但係宜家夏天應該就嚟到啦,遲啲翻學全日著冷衫一定會好熱。然後平時出街都唔會夠膽著短褲/裙。見到街上面,學校裡面其他女仔手腳都好乾淨我真係好羨慕。 請問下大家可唔可以比啲意見我? 同埋脫毛膏係唔係真係有用㗎? Sorry for 1999

閱讀更多

香城中學

#NSS愛情 [香城中學] #nss愛情 近排,小妹見到nss出現咗指責交通迷嘅言論。當然,有唔少嘅講法都係以偏概全,並唔係反映事實嘅全部。有見及此,小妹想講下關於我同一個巴迷男友嘅相處經歷。🙇‍♀️(以下主要用愛情嘅角度去講呢件事) 首先,我必須承認,呢篇文章會有失實嘅情況,畢竟「情人眼中出西施」。請容許我交代一下呢段戀情背景。小妹本身係一個鍾意攝影嘅人,所以搭交通工具嘅時候都會影相,但係小妹並沒有特別迷上一種交通工具。機緣巧合之下認識咗宜家嘅男朋友。佢係一名巴膠,細細個就鍾意巴士,有時會遊愛線,有時會追愛車。 入正題,我先講下識到一個巴膠/交通迷嘅男朋友/普通朋友有咩好處。(以下落嚟講嘅好處都唔一定代表曬所有嘅交通迷) 第一,以後都冇迷路嘅煩惱 作為交通迷,佢地對於香港嘅交通非常熟悉。小妹係一個路癡,基本上淨係識番學放學嘅路。當我認識咗宜家嘅男朋友之後,小妹會陪佢一齊遊車河,佢又會介紹下香港嘅地方。就係因為咁,小妹對於香港嘅認識多咗,自然就少咗迷路嘅事件發生。 第二,擁有強烈嘅安全感 一段戀愛關係入面,承諾係好重要嘅一環。唔少人都可能經歷過另一半出軌嘅情況,但係我覺得識咗個巴迷男朋友就唔會有呢種情況發生。首先,一個巴膠可以咁堅持自己嘅愛車愛線幾十年,就證明咗佢地專一嘅一面。其次,巴迷會利用空閒時間追巴士,外出認識其人,繼而出軌嘅情況都唔會出現。 第三,令我性格改變咗好多 睇到呢度,你可能會覺得我同巴迷/交通迷相處耐咗,會好似佢地咁“傻仔”。但係小妹我係強烈反對呢個睇法!小妹本身係一個直升機家長照顧出嚟嘅港孩,真係好少會同陌生人講“唔該”,“多謝”。但係識咗巴膠男朋友之後,見到佢每次搭巴士都會講句“唔該師傅”。的確,小妹一開頭都聽唔慣,但係時間耐咗之後,就開始覺得巴膠都係一班幾有禮貌同埋有風度嘅人。試問一句,宜家會有幾多人對於服務行業表達寫意呢?小妹宜家買外賣嘅時候都會嘗試同店員講聲唔該,(雖然好細聲….我好細膽)識咗巴膠男朋友之後,我感覺自己比一齊嘅我禮貌咗。 最後,「樹大有枯枝」,小妹相信前幾篇嘅投稿人都係咁啱遇到巴敗,不過,我希望你哋可以好好尊重一下佢地嘅興趣。例如, 你係一個追星/鍾意某卡通人物嘅人,你都唔會想自己鍾意嘅明星/卡通人物畀身邊嘅人說三道四。同時,小妹都希望嗰位投稿者唔好將自己對於巴迷嘅偏見,推理到所有巴迷都係咁,亦唔好隨便將過錯嫁禍畀任何交通迷。 🙇‍♀️好感激各位睇完小妹呢篇文,好希望各位唔好再討論,以免有不斷投稿banding嘅情況再出現。 小妹都非常感激各位admins,辛苦曬你哋啦,希望你哋可以post去ig。(我今次冇寫到敏感字眼,希望你哋唔會被ban)

閱讀更多

Guest

#NSS個人 [Guest] 請問下有冇人呢個暑假會去英國?男女都ok ga(最好05後la😂) 小妹今年7月會去移民英國,只係想識啲朋友🥺 希望admin可以po ig🥺backup 都得ga🥺

閱讀更多

GUEST

#NSS學業 [GUEST] 有冇學校下年中四通識唔再係必修科,但加多科x?

閱讀更多

HKBU

#NSS社會 [HKBU] 警惕筲箕灣天悅廣場手機黑店,我比佢拎左部機就來五個月都拎唔返! 我2020年10月15日第二次拎iPhone 7 電話比佢維修,因為之前8月底個次佢整完一個星期之後壞左,佢張單上寫左有六十日保養,因此佢話可以免費整,點知今次整完就兩國半月都拎唔返。 佢本來話一星期,點知我再打電話去佢又再等多一星期,直至12月頭我親自上去,佢叫我12月4日來,我當時三點幾去,佢叫我五點來,我五點到,佢再叫我十點來,話係物流運送途中,咁我12月5號再上啦,佢又話物流出問題,又係運送途中叫我等多個星期,我12月29日打電話比佢,佢竟敢話唔記得左,而家佢打電話去問轉頭覆我,點知呢個轉頭轉左成三日都未轉完,佢個頭真係好大,仲耐過地球自轉,我1月2日親身上去問,又係相同答覆係物流途中,於是我報警,佢同警察講相同理由,仲話搵唔返可以報警,佢最多賠個部舊的比我,之後仲話我部機本來就壞,想唔認帳,仲改口話無講過我部機整好,但佢之前講過差不多整好仲運緊來。 而家已經接近五個月,我部機都拎唔返,想警惕大家,我問過街坊,間野上年5月開,店主係大陸人,唔識整機,咩都係外判比其他人整,又不負責任,五個月來佢只係打過一次電話比我,其他次次都係我打比佢。 想問下有無其他苦主,如果有相同情況請聯絡我,我會告上小額錢債,可以一齊向佢興訟,法庭程序方面唔駛擔心,我已經搵左足夠資料,而且身邊有法律諮詢可以問。 圖Link: https://ibb.co/1RV0dYz

閱讀更多

Guest

#NSS個人 [Guest] 唔知你哋會唔會咁,我身邊嘅朋友成績都超好,講緊全級頭三十(band1),尤其今年選科,每個人最起碼都有一科係全級頭三,而我就乜都唔係,平均分得70頭,連自己擅長、鍾意嘅科都冇頭三。真係好辛苦,好似點努力都係輸比佢哋咁,覺得自己好冇用,根本就係一攤爛泥。

閱讀更多

Yttmc

#NSS個人 [Yttmc ] 咁多位讀者好 我想講呢 school secrets可唔可以唔好作啲好假好假嘅文post上嚟 有陣時真係假到爆 喺度搏同情(明明係假嘅) 擦存在感 睇到真係煩 Admin 可唔可以審核啲比較正常嘅文章 有啲真係需要幫忙嘅人可能就係比呢啲小學雞post 嘅文淹沒左 導致到真正需要幫忙嘅人沒有得到幫忙 易啲作出黎博成就感嘅小學雞 就以為自己好巴閉 當然 我只係講啲小學雞 真正需要幫忙嘅人可以無視我

閱讀更多

GUEST

#NSS個人 [GUEST] 第一次投稿 如果有錯字請見諒🙏🏻想放喺IG🙏🏻 話說之前我朋友生日,係得我哋三個嘅時候又係夜晚 有個friend(稱A)佢就話想同我哋講啲嘢,咁我哋就話好,睇個樣其實佢一直都唔敢講出黎,慢慢吞吞地講好驚 A話佢好難控制到自己唔開心,有時想離開呢個世界,但唔想麻煩到其他人,一直反覆情緒變化好大咁樣,搞到自己好辛苦。 A係我好珍惜嘅朋友,我真係好想幫到佢,我好開心佢可以同我分享佢嘅困難,但我真係唔識安慰人,所以我想問大家要點樣安慰人,我本身好少傷心嘅時候,我又冇親身經歷嘅經驗可以同A講,想知道大家係呢種時候會講啲乜嘢🙏🏻 喺嗰陣時,聽完A講完,我就攬住佢,乜都冇講野,好想同佢講其實你仲有我哋咁樣嘅朋友 唔該晒大家願意停喺度花時間睇🙏🏻

閱讀更多

Guest

#NSS家庭 [Guest] Help 前幾日我阿哥壓我上張床度,然後佢用佢下面摩我下面(佢已經硬咗)跟住我推開佢佢就扮冇事咁出咗我間房.今日又再嚟多次但係我推佢唔開到我推佢第二次佢先行開應該點算好

閱讀更多