#NSS個人 [Guest] 事關小弟細個小學一直有學游水，而又有幾個frd一齊學，都比較5怕有中學生蝦。 直到小四下學期左右，果日有個轉時間過嚟嘅肥仔，睇落都幾猥褻，成日排係我後面，教練一離開去喝水或者教另一班，趁我唔覺就用下體頂我籮柚，上咗水沖身又想開我門，由於我起初以為佢只係整蠱，所以咁嘅情況連續咗兩堂。 終於第二堂完咗之後我發覺唔對路，先同我阿媽講，之後我阿媽叫我第三堂游水嘅時候唔好畀機會佢搞我，上水之後唔好沖身直接離開。 去到第三堂我跟住我阿媽叫我嘅做，出到去我阿媽叫我捉嗰條友出嚟，捉到佢之後我阿媽開足火力鬧爆個肥仔，我阿媽啲friend都知道成件事，所以都一齊質問個肥仔。眾所周知呢啲變態都唔會承認自己行為，之後仲打算報警處理。最終教練決定調嗰個肥仔去其他泳池，成件事就不了了之。 直到依家都唔知成件事嘅後續，亦唔知個肥仔有冇繼續搞人，只係希望唔好有更多受害者，件事亦影響我到依家，希望不論男女都要保護好自己。
#NSS愛情 [Guest] 前情提要： 前一個月同個男仔一齊咗(唔同校） 一齊之前都成日出去一齊溫書 正文： 某一日 我同佢出去行吓海旁 然後佢係咁攬住我 其實都好正常 但係我後尾feel到好似有啲嘢頂住我咁 不過都冇諗咁多 但係前日 同佢call嘅時候 佢話其實佢係扯咗旗嗰陣我先realised到嗰日頂我嘅係乜 然後我哋今日為咗借cal機畀佢又出咗嚟一次 順個靚便就去咗山頂睇夜景 然後我發現佢攬住我嘅時候🐥好似又有反應 And then諗起之前學校有男同學上上吓堂又係扯咗 我問過男仔嘅青梅竹馬 佢話係控制唔到 當個男仔諗某類18+嘅嘢嘅時候就會 所以其實想知係唔係好多男仔都會咁🤔 完！
#NSS家庭 [GUEST] sor for 1999 我文筆好差 小妹15歲，冇錯，我就係一個咁小氣嘅人☺️。 女親戚稱為A 男親戚稱為U 話說我有兩位長輩級嘅親戚自上年12月由英國飛返香港探親，而撞啱香港禁飛令，就一直到而家都返唔到英國。而佢地以往係香港都係係我地屋企住，呢4個半月亦不另外。（我屋企係單親家庭，有多餘房） / 我想講佢地嘅事跡真係好令我無語，咁我順時間寫落去。 / 首先，佢地係完全唔煮飯嘅。（唔係唔識煮，佢地職業係廚師）一開始，就係早午晚餐我地要包曬，唔係我煮就係我老豆煮俾佢地食。佢地一蚊食材都唔會買，而且公仔麵+藥粉沖劑呢啲 佢地買咗仲會收埋係房自私食。 / 我就zoom期間1:30放學嘅，我最撚嬲嘅就係佢哋朝朝坐係屋企睇大陸劇集，而我上完堂仲要飢腸轆轆咁死入廚房幫佢地準備lunch。（而且每次我煮嘢佢地見到都會話：哇咁多嘅！哇邊食得曬呀！但最後食得最多係佢地二位）偶爾亦會撞見我落堂出客廳，見到佢地買完外賣返屋企，然後佢就會拎住「兩個」飯盒問我+老豆食唔食，喂大佬 五餅二魚呀？正常份量嘅飯盒仔，會唔會夠兩位成年人食？ / 平時我買頗貴嘅cake佢地會食曬都算 問題係佢地會用屋企嘅食材煲湯+沖薑水+煮飯，亦淨係for佢兩個自私食，我同老豆係一啖都冇。但每次都係我地先發現唔見咗d食材，先知原來佢地煮過嘢。 / 仲有樣好搞笑嘅嘢，就係A嘅娘家係好遠嘅地區，佢地幾乎每日都會過去煮飯收拾，但係我地度就完全雙標。得佢地日日出街，我+老豆淨係樓下買餸買完返屋企。 某次A話俾我地聽，話娘家嘅工人係屋企身體嚴重唔舒服，然後A就係佢娘家攞到兩個快速檢測盒，過幾日自己做完。 然後我老豆就開始發燒持續幾日，我地全家都開始喪咳，過左8日左右我+老豆冇埋嗅覺，嗰段時間我係超級痛苦，每日就係喪咳+聞唔到嘢。到失去嗅覺第4日，A親戚先話俾我地知，佢當初做完快測係陽性🙄🙄🙄，而係佢娘家嗰邊中完傳染俾佢嘅。喂大佬呀大佬，你陽性係唔撚係唔話俾我地知呀，你明知你日日去嘅地方大爆發，都唔係瞞咗10幾日等到我失去嗅覺先講😶
#NSS個人 [GUEST] Admin po ig thx 大家好 我上嚟純粹係想發洩下關於鬥地主呢個遊戲同share我太公嘅故事 我完全唔明點解鬥地主呢啲咁悲慘嘅事件都可以成為一種小學生都玩嘅遊戲，每次喺學校見到有人玩，我都會變得情緒化，唔明點解可以笑住咁講鬥地主呢三隻字。 我太公(阿爺個老豆)之前喺新中國成立嘅時候係一個地主，無可避免地被人批鬥。太公係一個好人，佢有一個稱不上係奴隸嘅農奴，佢有比飯呢個農奴食，對佢好好，仲喺人哋18歲嘅時候揾咗個老婆比佢同比咗撻地佢。當所有地主都被農奴批鬥嘅時候，太公嘅呢個農奴因為有好好嘅待遇所以冇批鬥太公。但係共產黨就派咗隔離村啲人去批鬥我太公，令太公日日都被啲共產黨嘅「打手」打。全家人都被人監視，好彩因為太公對條村啲人好好，有啲鄰居都會偷偷哋比嘢食我阿爺同佢啲兄弟姊妹。之後太公就吊頸自殺咗，係我嗰陣得9歲嘅阿爺親手放返太公落嚟。冇幾奈，我阿爺就走難落嚟香港。我姑婆(阿爺個家姐)宜家90幾歲，瞓覺嘅時候都會夢到啲「打手」捉佢同太公嚟打，有時瞓瞓吓會尖叫。明明已經過咗成80年，呢個惡夢仍然跟隨住佢哋，真係令我好痛心。 多謝大家睇到呢度。
#NSS學業 [GUEST] 想問下小妹宜家f5，之前出左predicted grade係243223（班主任同我講話我個predicted grade我平時唔交功課&遲交搞到term mark拉低左d（已經知衰了）），想將全部at least進步到4會唔會太抆（elective兩科predicted grade中國文學2中史3）想問下有無讀呢兩科especially文學既師姐師兄有咩可以幫助成績既心得，讀中國文學既話補習有無用（如果有既話邊間會好d），上網又可以有d咩resources比如website或者片之類既可以幫到手？我可能問題會比較多，但我真心好多時候都好驚自己以前hea太耐，努力已經黎唔切，驚自己dse考衰。真心麻煩曬大家
#NSS個人 [GUEST] 成日個friend中意抄自己點算？ 小妹今年form3,有個都傾得埋嘅friend,叫佢做A啦。就係唔知大家會唔會有啲friend會成日都抄自己, 著衫抄, 講嘢語氣抄, 中意聽嘅歌都抄,咩都抄一餐。我做咩佢做咩。真係勁抽煩 小學同佢已經係朋友,一直以來都係我做咩佢都會跟住做,而且做咗會唔認佢係抄咗我。好似之前我買咗件衫,po咗個靚相係IG story。冇幾耐就見佢又買咗件差唔多款嘅衫,擺埋差唔多pose嘅相係IG post…真係好想打7佢。真心認為如果A直接同我講佢因為我share咗出來所以中意,之後佢都去買的話,actually我都唔會好嬲。但係佢好似完全想copy我啲style,copy我中意嘅嘢,仲要扮曬蟹話唔知原來我都中意,真係勁L煩。 如果大家有D咁嘅所謂’朋友’會點。感覺自己有嘅style俾人搶曬咁,真係好L煩。 PS 有嘗試過同佢講講笑咁提過叫佢唔好再copy and paste, 佢就扮L曬嘢咁話, har我冇窩 我唔知原來你都中意/原來你都有買/原來你都講過…果下真係想即刻打7佢。好似變咗佢係受害者咁…係我癡線定佢癡線