—類投稿

Guest

#NSS學業 [Guest] 想問下有冇人依家係喺英國讀書?我喺英國讀公校,佢係要我哋自己讀書,有啲似大學嘅模式。唔知係咪因為喺香港比填鴨式嘅教育填到邊咗機械式,除咗背書我乜都唔識。依家突然間叫我做返正常人好唔習慣。其實我依家已經想返來,不過屋企人想我喺外國讀完大學先返香港,同埋佢哋嘥咗好多心機先送我過來,所以我唔想令佢哋失望。但係我真係覺得英國嘅讀書模式唔適合我,好想返香港讀大學,不過英國考返香港好似要全部拎A先得,但係我自己知自己事,一定冇可能有咁嘅成績,加上英國嘅大學太貴,我唔想比屋企人財政壓力。有冇人知道如果考返香港嘅大學有咩要求,又或者有咩方法讀書可以令我儘快適應大學嘅學習模式?

閱讀更多

Guest

#NSS愛情 [Guest] 續 #NSS210222D 放棄 我係上次嗰個中四女仔,故事詳細去翻我上個post睇啦。 我放棄咗,放棄關注你嘅一舉一動,放棄主動提起話題 ,放棄上堂偷偷望住你,放棄專登係走廊同你擦身而過, 放棄再問你數學。 放棄暗戀你。 我好辛苦,我吾想欺騙自己,欺騙自己你鐘意我,欺騙自己你只係忙先吾覆,欺騙自己你秒回係在意我。 你令我開心,又令我傷心。 我能夠有勇氣作出呢個決定,都係要多謝你,多謝你用 種種跡象話畀我知你吾鐘意我。 打呢篇文嘅時間係3月7號嘅2355,幾分鐘後,我就吾會再鐘意你,send埋最後一個晚安俾你就正式完,我就move on啦!其他就吾講啦。再見,我暗戀咗兩年嘅人。😜🖐🏻

閱讀更多

GUEST

#NSS學校 [GUEST] 我依家F4 選修科有一科係bafs 依家好後悔揀左bafs F3既時候聽隔離班d人講教bafs嗰個啊sir好好人 好nice(f3既時候佢有教隔離班LS) 然後就跟左班frd去揀bafs 點知依家佢俾功課又多 補課又多過其他科 仲要每次補課都拖堂 又成日講大道理 教書又教得快過人 又話自己教書最top 話自己係the best 依家好後悔…

閱讀更多

GUEST

#NSS個人 [GUEST] 其實有啲人可唔可以俾啲尊重 係 我知我樣衰😂 但係都唔使日日對住所有人講啦呀嘛😂 可能會有啲人話 你樣衰就樣衰啦 人哋話你樣衰都唔俾咩 但係其實話人樣衰個個人有冇諗過自己俾人話樣衰嘅感覺 可能係我玻璃心啦😂 日日俾佢哋講完之後自己都開始自卑 想死 唔想返學 因為唔想俾佢哋日日話自己樣衰 多謝大家睇到呢度啦😂但係只係想講 唔該俾啲尊重😂🙏 (各位如果要鬧請輕力啲🙇‍♀️)

閱讀更多

GUEST

#NSS家庭 [GUEST] 屋企人話出街要拖手 小妹今年12歲,阿爸阿媽都50幾,兩個阿哥都20幾歲。有次小學放學夜左去人地屋企玩到7點先翻屋企,俾阿媽打左。之後每次都要講低自己要去邊,要經過屋企人同意先俾去。有次仲唔小心沖紅燈,俾阿爸打屁股。 升中一之後,話要5點翻到屋企。又成日問我去邊,去邊要講。之後成日同d屋企人出街,阿爸阿媽哥哥都會成日拖住我著手,我話我大過女啦,好瘀呀。 買衫阿媽成日幫我買d白色褲襪,小學生著果d,完全唔鐘意,我想著成熟小小。而且我咁大個人點解每次做錯野都要用手打我屁股?我唔鐘意人地打我屁股。

閱讀更多

No la

#NSS其他 [No la] 小弟中三同埋文法寫嘢都唔係好好盡量唔好diu🙏 我喺網上識到網友a之後透過a識到網友b 後尾我同b熟咗 平時call開 開始覺得a講嘢6uo同埋成日講嗰啲根本都唔關嗰陣時傾嘅話題嘅嘢 搞到我好燥底 後尾我同b就好認真同佢傾 即係同佢講返邊度要改咁樣 佢只係搞笑帶過同好唔認真 後尾就開始有啲裂痕 但係我有啲內疚 因為如果唔係我提出呢啲嘢嘅話 B同A應該仲係好朋友 Sor for 1999

閱讀更多

沙田某一間中學

#NSS學校 [沙田某一間中學] 咁而家簡稱有男一&男二。女仔嗰邊有女一&女二,咁女一就介紹咗女二比嗰兩個男仔識。但係女二淨係對其中一個有興趣,另外一個冇,咁之後女一同埋我仲有第二個朋友都知道女二有好感嗰個男一係一個playboy.嗰陣見面女一仲要聽到話又有一個妹妹上當。女二之前已經受過一次傷,再加埋近排都有啲嘢打擊咗佢,我好驚條仔係為咗個女二既處。因為條仔之前同女一其實表過白,仲要講[我搵女仔其實有少少係為咗嗰樣嘢]。好驚女二真係俾人攞咗處仲要有咗。依家諗到都覺得驚,但係女一之前已經同女二講個條仔is playboy,但係好似仲係鍾意左。但係又制止唔到女二,想問吓大家有咩方法,可以幫吓手其實我哋好驚冤枉左男一,如果男一真係真心嘅話點算,總之好驚啦希望大家俾啲辦法🙏🏻🙏🏻

閱讀更多

#NJHZJIZ

#NSS愛情 [#NJHZJIZ] 你比我早戴眼鏡 這不應是我們孩子的玩意 你卻説 可以看到更遠的事物 我好奇 你從鏡片中看到的我 是怎麽樣的 那年 我戴上比你 度數更深的眼鏡 看到比你 看得更遠的事物 只是 鼻樑上從此多了無法卸下的重量 人明知不能改變星體運行 卻執意觀測星宿 面對無法逆轉的宿命 眼鏡的意義何在? 只能從那狹小的鏡片中注視前方 圖Link: https://ibb.co/HBJcf69

閱讀更多

GUEST

#NSS家庭 [GUEST] [長文] 我同呀媽哥哥住一齊。 呀爸呀媽喺我小一嘅時候就離左婚,我呀爸宜家一直喺中國,我一年都見唔到佢幾次。 印象中,佢成日好夜先返屋企,甚至有陣時係天光先返屋企。呀媽話,佢係同佢啲frd出去玩。我親眼目睹過,佢同呀媽嘈交嘅時候,成日發脾氣砸爛嘢。仲有一次佢又同呀媽嘈完交,突然之間扯著哥哥,好似想打哥哥咁。 後尾我唔知佢咩原因,佢出去同人借錢,之後還唔到錢,就去左中國(嗰陣時已經離婚)。我媽就自己一個帶著我同哥哥,之後還錢。 我知道佢一直對我同哥哥好愧疚,覺得自己冇辦法陪伴我地。我理解佢自己一個喺嗰邊生活都很辛苦,所以都叫佢唔好再責備自己。但我哥哥一直都好怨恨佢,我一直唔明,亦都冇問過哥哥點解咁怨佢。 我哥哥同佢關係唔好,呀媽叫哥哥搵下佢關心下佢,哥哥唔肯就開始同呀媽嘈。哥哥話「佢成日打你」。呀媽只係沈默左幾秒,之後問「你點知?」 哥哥:「我見到嘅」 然後我問返佢,佢冇否認⋯⋯🙂 我嗰下真係呆左,後尾唸返即刻喊左出黎,我真係接受唔到。我一直以為佢只係夜歸同埋嘈交嘅時候砸爛嘢,原來佢仲打過我呀媽。點解我呀爸係呢啲咁嘅人,點解會咁,點解要同我呀媽結婚??點解呀。仆街。無法原諒呀仆街。

閱讀更多

Guest

#NSS個人 [Guest ] 唔知有冇人係驚死? – 小妹喺前嗰排開始對死有恐懼,每次一念到死,我就會開始呼吸變得急促,仲會留冷汗,前嗰排睇咗靈魂奇遇記,我對死亡嘅恐懼有增加咗,唔知可以定算,我對呢個狀況感到好困惑。但係就成日都見到我啲同學話:「好想死,好想自殺,如果死唔會痛嘅話我真係好想死。」呢啲嘅字句,我真係感到好迷惑,點解你地可以咁想死,明明就有好多人想繼續活下去。 – 有冇人可以教我啲方法去改善//?

閱讀更多