#NSS家庭 [Guest] 純粹想數下苦,講吓背景先,屋企有兩老(都係藍嘅),阿爸就係所謂嘅中立,好好彩阿媽係黃。 最近佢哋講政治嘅情況又嚴重咗,可能到而家有人都係覺得唔講就可以,但係情況梗係唔會咁簡單。就係因為琴日(4/3)嘅47名民主派需要繼續還柙,又講埋啲好難聽嘅說話,例如 「要開香檳慶祝」/「現眼報」等等。 呢個情況一直維持咗好耐,但係最近佢哋差唔多日日都係講埋呢啲嘢,仲要講到勁大聲,驚死人哋唔知。佢哋真係好唔識做,好似誰大誰惡誰正確,日日都喺度挑撥離間,挑釁我,撩交嗌,而每次都係我忍、我讓步。只可以講,忍一時激親自己,退一步益埋人哋。我已經盡量唔理佢哋,但係咁樣又會比佢哋鬧我唔應佢,不孝。一直我都好想互相尊重,比下面佢,咁咪一齊唔講。如果真係可以嘅,我依家就唔會喺度打呢篇文。日日都喺呢個環境下面讀書,真係好辛苦又好大壓力。 幸運嘅係,阿爸都好識做,而家已經盡量唔講,所以都算唔錯。但係阿媽琴日好depressed,每次發生呢啲事件嘅時候佢都會同我講想快啲走,但係奈何地,屋企冇咁樣嘅經濟能力,阿爸都好似唔係好想走。雖然阿媽而家學緊投資,都好努力搵錢/儲錢 ,當然係呢個情況下,係冇可能租屋住,但係我覺得要繼續留喺呢一個所謂嘅「屋企」,我都覺得留多1秒鐘我都就嚟窒息。 雖然我唔知呢一個情況要維持幾耐,但係有得揀我一定唔會想走,唯有希望呢啲咁嘅日子可以快啲過。多謝大家睇到呢度。
#NSS個人 [香港馬甸尼+恩沙基] admin pls po ig 小弟十四歲,細個讀小學有3個best friend,我哋成日一齊玩,過得好開心,但而家升左中學我雖然好多friend ,但就揾唔到best friend。小學嗰時嘅3個best friend 都各散東西,雖然而家都有一齊約出街玩同打機,但就少左聯絡。 我份人自認有時有D on9,有時粒聲唔出,一出聲就爆粗,有時燥底會拆樓(推跌哂d枱登),讀書差,好多科肥佬,體育方面幾好,自少有一技之擅。之前有兩個好friend嘅同班,我地成日一齊打機,不過一個啱啱移左民,一個轉左校。 冇best friend 就好似比人孤立咁,例如之前考完試,我班同學好多都一齊約出去踢波打機etc,就係得我自己出學校門口無人理。好采小學嗰陣嘅其中一個best friend 陪我打機,但人地都唔係全日得閒架,唔可以日日都要人陪。 我想揾個best friend,可以陪我玩,陪我傾計,希望名位可以幫幫我。 sor for 1999 圖Link: