—類投稿

元朗某中學

#NSS學校 [元朗某中學] 人物:我、frd a 丶frd b丶frd c 小妹今年中二,唔點解我覺得自己好衰,成日呷朋友醋,佢哋喺停課嘅時候都冇乜點理我,失去曬聯絡。然之後見到佢哋po ig 同某啲人好frd (果啲人喺小學嘅時候講我是非),我就唔開心。 㝷日我哋班調位,一打鐘放學,佢哋即刻「飛」走(frd a and b 坐埋一齊)我只係黑人問號,咁frd a 留咗銀包先返去班房到,我即刻問點解唔等我(?平時我哋都一齊)。佢冇答我,睇佢個樣好似都係唔急住返屋企,但係就好似故意拋底我同frd c咁⋯⋯我冇得罪佢,果日小息都一齊。 其實我真係覺得我咁諗好衰,唉,而且我只係得佢哋班frd ,但係又唔知點好。Sorry for 1999 而且沒有重點。😢🙏🏻希望大家嘴下留情。

閱讀更多

GUEST

#NSS個人 [GUEST] 小妹今年F2 又中一開始冇乜朋友,孤獨感好重 個感覺又中一到中二都keep左成兩年到 成日都周身好頹,又諗好多負面野 冇啦啦突然會好想喊,求其睇下ig都會無啦啦喊到成個癡線佬咁樣 屋企人話我一兩句,雖然我冇出聲,但係我覺得自己就黎癲咁 完全唔想出街,唔想返學 每日都好想訓教,明明訓足教但係都好想訓 平時屋企人都好開心,但係我笑唔出 可能有時會笑幾下咁,但係我知道我既笑係假既 同屋企人挽既時候除外,起碼冇咁sad 我覺得自己好辛苦,每日生活都有一種壓迫感纏住我 甚至覺得屋企人,老師,同學好煩 我知道我自己咁諗好唔啱,但係我就係成日諗啲好差既野 冇諗過嘗試自殺呢啲野,但係會諗究竟死亡其實係點樣 想搵醫生社工傾下,但係我唔敢 我好驚有情緒病,我覺得煩到好多人,甚至面對唔到自己 對唔住各位聽我放負 sorry for1999

閱讀更多

港島區某中學

#NSS愛情 [港島區某中學] 小弟今年中二,同兄弟識左兩年,最近發現好似有少少鐘意左佢。我驚如果失敗左可能連friend都冇得做,我應該點做? Sor for 1999 圖Link: https://lh3.googleusercontent.com/JbPPYhyd3QAhqIFQRvVuRKRx4lIOI3_WmwdR-gUMNJWBtgDTRciaRFyY48ygl5ppy9cQKFtNnG0MpZR1zrAFyni8-XoBmQ1NrQ=w1200-rj-l80-nu-e365

閱讀更多

Guest

#NSS個人 [Guest] 其實呢,我好想做admin,但係我啊媽肯定唔俾,同哩我剩係得部手機。 (純粹講吓自己感受) Sor for 1999 投稿時間: 28/2/2021 13:53

閱讀更多

GUEST

#NSS家庭 [GUEST] 我老母有精神病,佢真係好恐怖,對我做嘅行為恐怖過任何人,情緒勒索,對我心理虐待,同時又用血緣綁緊我,佢對我嘅侮辱我呢一世都會記得,由細到大,佢叫我做家務,叫我讀書,我有邊樣唔係唯命是從,細個叫我做乜我都順曬佢耳,我細個唔識事,以為自己唔乖佢先唔愛我,我好記得幼稚園每日放學返屋企問佢:媽媽你愛唔愛我。 我係佢個女,但佢有精神病,全家邊個唔係就曬佢?由細到大,永遠都係我安慰佢,當我細個喊同佢講有唔開心,佢就會皺眉:你細路仔會有乜唔開心? 佢有精神病成日話要自殺,係我細個跪係地下求佢,全家人都要忍佢。冇錯,你係我媽,但唔代表你可以無止境咁侮辱我任何事,你有精神病,我可以包容你,但憑咩要我忍你嘅折磨10幾年,你有病,責任亦唔係我到。冇錯,所有親戚都要求我包容你。「佢點都係你媽媽…」我由細到大敬你愛你,但你有冇當過我係你個女?又有冇人諗過細個4,5歲、面對住你嘅瘋言瘋語,百思不解點解你總係同我唔親近嘅我?我只係想要一個正常嘅母親,如果唔係正常,我希望冇。你令我每日都活在煉獄中,我好辛苦,同時亦多謝你搞到我都就嚟精神病邊緣。中學放榜,我好記得親戚同你講:「終於上岸啦,妹妹比你教到咁叻,多得你」我果下差啲嘔,由細到大,我只會多謝自己冇受你折墮嘅價值觀所影響,你嘅被害妄想症好釆冇遺傳比我,喺你教我嘅觀念,1. 朋友一個都唔應該識 2. 放枝水喺枱面一個小息已經要倒咗佢因為我啲同學會落毒害我😂 3. 平時唔好食薯條因為唔健康但係如果佢一齊食就健康😂 4. 我照顧你你每日應該跪地多謝我但你隻死野大個一定唔會照顧返我(下刪一千字) Anyway, 我希望有精神病嘅人唔好生仔🙏🏻同埋普通人生仔都一定要考牌, 就係因為冇考牌我已經比個女人害到我n個童年陰影:缺愛,敏感,多疑。😀

閱讀更多

Npl

#NSS個人 [Npl ] #NSS個人 [Guest] 第一次投稿希望出到,有咩講得唔好請體諒。小妹今年中一,小學嗰陣時因為內向唔主動,所以嗰陣時冇セ朋友。依家F1,冇舊同學同我升上同一間學校,本身內向,超少講嘢,可以全日唔講嘢都得,但雖然我知道咁樣識唔到朋友,我都想盡力講多啲嘢,但我真係唔知道開啲咩話題好。十月開學無耐,坐我隔離嘅女仔主動搵我傾偈,我以為我可以繼續同佢friend落去,但真係搵唔到話題傾,但鍾意追星聽歌追劇打機同埋非常之外向,而我呢唔追星唔聽歌唔追劇唔打機好内向,同佢完全相反。停課之後,關係都疏遠咗好多,冇講嘢咁滯,好似越嚟越陌生咁樣。想問吓各位有咩識朋友心得sorry for 1999

閱讀更多

沙田區某排5-6中學

#NSS文化 [沙田區某排5-6中學] Admin post ig pls, thankssssss🙏🥺 《志摩的月》 茹冰玲 看!那高掛的嬋娟 為什麼你是那麼的遙不可及呢? 作為一盏黑暗中的燈火 你卻時光明時暗淡時滿時缺 無法觸摸、 無法了解、 無法預測 夜中悄悄地挪移 眨眼間距離又遠了, 然後再次到來,又遠了…… 昏暗的夜空似是獵手 布下天羅地網把一切困於漆黑 為何只有你總能逃走? 或不, 光明時你也在 只是我的窗戶緊緊關閉

閱讀更多

GUEST

#NSS學業 [GUEST] 感謝admin出post🙏 小妹而家讀中四 選修其中一科就揀咗世史 眾周所知,呢一科係充滿住論述題同資料題 經常性要寫essay寫資料題,練手速同腦急轉 讓一萬步,唔理政見先 除咗老師之外,越嚟越多學生為咗寫essay可以寫快啲,而放棄咗繁體字,用簡體字代替。 咁其實為咗個分,我又覺得無可奈何嘅, 但都會不時喺度諗其實啲人係點睇 (?) 我自己係用緊繁體 因為自己學校嗰班越嚟越多人用簡體,想問下仲有冇人同我一樣又或者對呢個現象(?)有咩睇法? Sorry for 1999💦

閱讀更多

Guest

#NSS個人 [Guest] 我有個 friend ,佢係比較內向嘅人。我哋喺 ig 差唔多日日都傾計,但係同佢面對面單獨相處嘅時候成日都 dead air 唔知講咩好… 點算?

閱讀更多

CUEST

#NSS家庭 [CUEST] 是咁的,小妹媽媽本身就係一個無脾氣逆來順受嘅人,所以令到佢成日出到去受人氣, 例如有一次搭巴士俾陌生人誤會想插隊用粗口罵都冇為自己出過一句聲,小妹都有同佢講過, 其實仲有好多類似嘅事情, 但係佢次次都話「算啦算啦」 小妹真係唔想佢咁善良,出到去白白受人氣, 想問有冇解決嘅方法🙇🏻‍♀️ 第一次Sor for1999🙇🏻‍♀️

閱讀更多