—類投稿

LSS

#NSS學校 [LSS] Hello我係F1嘅師妹, 我想問下各位師兄師姐, 如果考試嘅時候,主科一科唔合格嘅話會唔會留級,唔該(óuò。)

閱讀更多

GUEST

#NSS個人 [GUEST] admin po ig pleasee🙇🏾‍♀️ 小妺今年15 中四 純粹想發洩下 大家不喜勿插 我由細到大都唔鐘意講野 又慢熱 勁怕羞 以前細個親年嘅時候 或者見到親戚嘅時候 我媽咪成日都教我要叫佢地 先唔講其實我都而家都未分得清佢地邊個打邊個 但係從來冇我媽喺隔離 我真係冇辦法係佢地面前出聲/同佢地傾計 跟住最尾番到屋企又比老豆鬧 其實我有時好想講 但係真係講唔出口 搞到有時我都好憎自己 因為我唔鐘意表達自己 我所有想法都擺喺心入面

閱讀更多

Guest

#NSS學業 [Guest] 我而家係初中,小妹學校超多Test,一個星期要返一日學,啲老師就將所有測驗堆積晒喺同一日,就好似上個禮拜咁,一日有四個Test,全部都接着,仲要唔係好容易嗰啲,之前新年假日日到溫書溫到凌晨,試過兩點幾起身溫書,已經好俾心機好攰好辛苦,只不過想發洩吓,大家可以睇完就算。不過想講吓,之前因為讀書辛苦懷疑自己有心理病,總之就唔開心啦。屋企人日日對住,又唔想俾佢知道,就要笑笑口扮開心。真係完全冇話要大家俾意見定點樣,睇完就算。

閱讀更多

GUEST

#NSS學業 [GUEST] 小妹今年中三,啱啱派咗成績表,嚴重偏科。中英okay, math and physics 甚至好好。但係 bio and chem 差都不得了,合格邊緣, 中史 甚至 fail 咗。 geo , econ 一般,history 唔錯。原來諗住揀 bio, econ,physics,但係 bio 又考得差,geo 出路又唔係好好,自己又冇乜特別鍾意嘅科目。有冇人可以俾d建議我應該揀d咩科?

閱讀更多

GUEST

#NSS學校 [GUEST] 請原諒我.到199 我你個f1仔,女校,我想講吓我嘅音樂老師,佢係個大齡師奶ge樣,再加埋佢d fashion 係一言難盡,金色裙配綠色平底鞋/水boot 已經係好常見,佢曾要講話上堂講嘅嘢,如果落堂之前唔問佢,gmail 佢係絕對「唔會答」 我之前試過無返學,gmail 問佢上堂大概講咗d咩,佢又唔答,加埋classwork 要記平時分go d 嘢 我心諗佢係唔係痴線,抄功課又會俾人鬧,你又唔答我,錦你想點啫????師奶就大晒架?

閱讀更多

HGSS

#NSS愛情 [HGSS] 我有一個好朋友 就叫佢B啦 我哋係friend搭friend咁識嘅 我有時有啲懷疑其實究竟我對佢嘅感情係咪超越左正常朋友 首先我想多謝左B先,你令我由一個懵懵懂懂不懂世情嘅小朋友,變成更成熟嘅人。好多謝你同我分享你生活嘅瑣事、煩惱、心事、秘密。從來冇人對我咁好,我自問冇咩真心朋友,所以我亦都唔敢同佢哋講心事。真係好多謝好多謝你。你嘅優點就係我嘅缺點,我嘅缺點就係你嘅優點,我哋真係好夾XD。 講返正題先,B有個男友,都係我朋友。我一開始嗰陣都喺度幫佢哋,真誠地希望佢哋可以一直係一齊。但去到後來,我發現我開始對呢回事有啲厭惡,開始覺得佢男友有啲乞人憎(佢男友冇做任何嘢),我理性都覺得佢冇乜大問題,但係我控制唔到咁開始討厭佢,放大佢嘅缺點。去到依家我甚至好想佢哋分手,見到B提起佢男友我都會有啲心痛,覺得佢配唔起B,佢嘅缺點我全部都冇,亦都俾佢更了解B。我一開頭都唔為意,我以為係純粹我更年期發作。 我亦都發現我對B係特別好,例如其他friend搵我講電話,我都上堂嘅時候就會cut線,但係如果係B嘅話,我就唔肯cut線。人哋WhatsApp我,我要等一排先覆,但B WhatsApp我,我就好想覆,如果覆唔切就會囉囉攣。喺學校嘅時候我淨係想黐住你,即使你男友可能呷醋。為你將睡眠忘記,通宵傾談~ 直至前排,我都係以為只係因為B係我最好嘅朋友,我先會咁做。 神奇嘅事嚟啦,有一日呢,B突然間同我講,「其實我鍾意咗你好耐啦」,仲話佢好似鍾意我多過佢男朋友,我當堂嚇一跳然後得啖笑,冇直接拒絕佢,之後都有啲感動。我知道佢係攣㗎,但係佢係我最好朋友,所以我唔會因為呢件事而離開佢。我係一個反應好慢嘅人,跟住過咗幾日,我先發現我其實好似有啲鍾意B。我開始喺度自我懷疑。但同時間我哋間中會互撩,講吓情話,扮吓悲劇男女主角咁樣。B係一個講嘢好直接嘅人,我形容為厚面皮啦,佢好願意講真心話嘅,佢就認佢講嘅情話(e.g., 我好想一直留係你身邊)係佢真實想法。我自問一開始都係半真半假,但係去到後來我都係講真,但係我唔夠膽認我係講真嘅。我淨係夠膽話係半真半假。我知我好淆底,唔敢承認自己可能唔係直嘅。 但之後我就開始不斷想起佢,每次想佢就播一啲情歌。我係識佢之前好少播情歌。依家每次聽到嗰啲「刻在我心底的名字」、「未開始已經結束」⋯我個心就會赤赤痛。同埋我之前成日都同佢有身體接觸(朋友嗰種),但係好似過咗呢件事之後我有種唔同嘅感覺。 但係我知道我哋一齊係冇結果嘅,我唔想為咗我嘅一己私慾,令你失去一個好愛你嘅男友。我知道我冇佢愛你愛得咁深。如果冇咗你,佢係會死㗎。我好希望可以忘記你,我希望時間可以沖淡我對你嘅相思。每次我瞓覺嘅時候,我都幻想自己可以同你係一齊,但每次瞓醒嘅時候,我就會諗返起你係一個有男朋友嘅人,同埋搞基係不為世人所接納,我爸爸講過如果我係基佢會殺咗我。每當我就嚟可以放低呢份情感、重新振作嘅時候,你又過嚟勾起我嘅回憶,又喺度求我接受你嘅愛。我都只可以溫柔咁同你講唔好咁啦,你唔好愛我啦。有啲嘢係唔講得㗎,我都係為你好,我唔想你受苦,你明唔明其實我真係好愛你㗎,但係我嘅理性話俾我知咁係唔可以咁做㗎。我好想你放棄我,但係我又想你愛我。我真係好煎熬、好矛盾。 你成日都以為你係嗰個追求者,然後我係唔愛你嗰個,你同我講你想以朋友嘅身份永遠守護我,其實呢句應該係我講,我希望可以以難過一陣嚟成全你嘅未來,我希望你嘅男朋友可以愛你一生一世。我對你嘅愛只可以藏在塵封的位置,要不是這樣我怎樣過一輩子。 B,你可能冇follow呢個page,但係我想同你講,我係永遠唔會離開你㗎,我希望我哋可以做一世嘅朋友,呢份心意我只可以咁樣報答你。我想對你講嘅嘢都係晒「未開始已經結束」。好多謝你教識我愛情大概係啲乜嘢。你成日覺得自己冇乜優點,但係我好多謝你教識我咁多嘢,學識點樣放手。就算你之後唔愛我,我都希望你唔好拋棄我,繼續做我嘅知心好友。 圖Link: https://ibb.co/nc8H9pb

閱讀更多

FSS KT

#NSS學校 [FSS KT] 我係一位在牛頭角樂華讀緊左校中學嘅中六男同學,最近出現多年來最熱的二月,我著注冬季長褲真係又熱又焗。於是我就向老師爭取給予彈性,臨時允許所有學生在非正常上課日回校補課時穿著PE衫,點知老師好死板,以整齊及補課不是體育活動為理由,仍然要求同學穿著整齊校服。我想問著PE衫點樣唔整齊?英國巴士公司Stagecoach同First Bus的司機制服,英國部分學校的校服在天氣熱時著短袖短褲/裙又冇嘢?學校話體育活動先可以著PE衫,既然交安同中四世界學堂都唔係體育活動,咁點解仲可以著PE衫?另外,如果有同學在上課期間/上放學的路上中暑,究竟係學校定自己負責? 你唔比女同學著PE衫都算啦,人哋著裙比男同學著長褲舒服少少,我地條褲係厚過裙好多。寒冷天氣時你就比女仔彈性措施(著PE衫),因為女仔著裙會好涷,its fine,大家都係著長褲,好公平,依家天氣咁熱又唔見你俾男仔任何彈性校服措施,又唔提早換季,我覺得女仔待遇好過男仔,你好似間接歧視男仔,違反咗性別歧視條例wo。 我同老師投訴咗好多次都冇用,我真係想去平機會投訴同上報

閱讀更多

Guest

#NSS愛情 [Guest] 小妹15歲, 有一個女朋友大概半年 小妹係一個受,好想對方可以主動,自從拍拖開始到依家都維持朋友咁嘅相處關係,手都冇拖過 明白佢可能唔想大庭廣眾做呢啲嘢,但就算我哋兩個人獨處佢都唔會特別主動… 我清楚愛情係要互相付出,係雙向,不過我真係唔識得主動…希望各位可以俾建議我 可能大家覺得好變態,但我好想試吓俾佢揸波…摸吓都好… Sorry for 1999 1/3/2021

閱讀更多

GUEST

#NSS其他 [GUEST] 大佬你地個個都係on9我地有言論自由 你地憑乜嘢叫我地唔可以討論關於banding嘅話題? 自己口口聲聲話banding唔重要 你咁犀利咪去入DGS DBS SPCC HYS QC咯 自己入唔到就話唔重要

閱讀更多

GUEST

#NSS學校 [GUEST] Pls po ig 關於校園欺凌嘅事,想問吓大家意見 是咁的,我嗰班有幾個藍絲同學,佢哋成日比一大班同學蝦,成日整蠱佢地。我知道藍絲做咗好多惡行,應該遭到天譴。但係早幾日,成班同學就去咗搶嗰幾位藍同學嘅嘢食,然後揼咗落垃圾桶,被搶個位當然就好嬲,喺度發脾氣。我有啲睇唔過眼,我問啲同學應唔應該同老師講,因為好似過咗火。不過啲同學話藍絲係抵死,呢啲係應得嘅。我個心好亂,我到底應唔應該同老師講,希望大家俾意見我。感謝🙏🏻 Sorry for 1999

閱讀更多