#NSS個人 [Guest] 我今年12歲,F1女 學芭蕾舞由3歲開始學 到依家唔知點解好似冇咩興趣 覺得咁樣係浪費自己時間 同埋覺得好攰 同啊爸啊媽講過唔想學 佢地又唔聽 讀緊嗰間中學又係每日好多功課好多test 我有次講完自己唔想再跳之後我老母就會扮聽唔到繼續同我講跳舞個時間表 我真係越黎越唔想再跳落去 同佢地坦白完之後又逼我繼續學 我覺得跳舞真係好攰好辛苦 每個禮拜要上3堂(屋企出發仲要搭半個鐘車..) 邊到有咁多時間 依家父母唔聽我意見 我依家可以點做? 我仲可以點同佢地講我唔想再學…? (Sorry for 1999🙇🏻♀️第一次投稿)
#NSS其他 [[男校x女校]] Admin po ig please 🙏🏻🙏🏻🙏🏻🙏🏻🙏🏻 希望你唔好碌過左唔睇…… 致xxxx: 記唔記得我?我係你曾經嘅close friend…… 我哋嘅相遇係打機,當時你第一句講嘅嘢係外星文,我根本聽唔明🥲 之後我哋越嚟越close,見到你相我覺得你真係好靚仔…… 嗰陣我哋成日傾古靈精怪嘅嘢,雖然我已經唔係好記得…… 我唔開心你有陪我…… 當時你淨係聽過我把聲1-2次,我冇乜點聽過你把聲…… 之後你hurt過我,問我乜你冇朋友咩?同xxxx唔係friend咩?我聽到呢句真係有喊…… 我明你唔係有心,你係一個好好嘅人,你最尾仲教咗我嘢先選擇離開我,block我。 我知道無論我點搵你,都返唔到以前…… 而家嘅我淨係想問你一個問題,你依家開唔開心? 我唔知道你有冇女朋友,但係我覺得你又高又靚仔一定唔會單身好耐…… 我唔稀罕太多,我淨係希望你可以喺unblock list unblock我,同我講下你近排嘅情況,雖然我哋一直只係close friend……
#NSS學業 [某位於的學校] 我想講,我真係有努力,但我認真好怕,好怕考試,好怕計時,因為我覺得自己不唔得,我唔知道點算。 當我知道我份嘢會俾人睇倒我就會驚,做唔倒點算?諗吓諗吓就冇辦法繼續諗題目了。 話我緊張嗎?但無可能每次都緊張啊?咁唔合理,係唔係先? 我真係完全唔知可以做啲乜嘢? 叫我努力溫習,我有啊,做pastpaper,都有。 本來是考試驚,之後慢慢練上堂答問題都驚,做功課都驚,我見到考試有時仲會有幻像,見到細個成日發嘅夢閃過,一個細路女喺㗎貨車裡面,坐喺個男人隔離,攞住個公仔,俾人鬧緊。今日上堂我唔識做啲題目,差啲喺全班面前喊咗出嚟。 壓力嗎?我壓力應該唔大,我對自己無咩要求,應該唔會有壓力嘎 可能我都仲係溫習得唔夠? f5 啦,dse點算?
#NSS愛情 [Guest] 毒L人生真係可悲 幾年前未知道原來自己係一個毒L,膽粗粗去同人表白,成功左。係相處既個段時間入面我主動wts佢既次數係少之而少,就算有都係d又尷又廢既話題,雖然佢冇當面向我反映呢個問題,亦有嘗試令我改善,但我都係做唔出咩大改變。之後我地越來越疏遠,不知不覺間變左普通朋友。 去到今日,我同個好得意既女仔同班,可能係我捻多左啦,但係我覺得佢都對我有好感,有時上堂既時候望過去會同佢對視,跟住我同佢都會即刻望向第二度,我出去擺野佢有時都會行埋黎。但係我唔敢同佢表白,一來驚衰左俾人笑9,二來如果成功我又驚好似之前咁因為我冇話題而疏遠,真係唔知我可以點