—類投稿

(non band 1)

#NSS學校 [(non band 1)] 覆返#NSS210224N個貼文啦,老實講你哋間學校的確係唔錯,而你哋嘅成績又的而且確係無可否認嘅好。咁但問題係,學校有冇教過你哋尊重?有冇教過你哋凡事唔可以只睇表面?點解你可以單透過我哋呢班band2 band3出去玩,放學四圍走,講粗口等等呢啲行為就認定我哋冇努力讀書嘅上進心呢?你有乜嘢實質證據可以指控我哋band2 band3嘅學生都係咁呢?咁我哋又可唔可以透過你哋一放學就返屋企呢樣嘢嚟指控你哋唔識處理日常生活嘅各種事呢? 唔係全世界都想同你行一樣嘅路,唔係個個都想做日日對住電腦嘅工作。唔係個個都想擁有大成就。雖然話有學歷係好重要,但係唔該你哋唔好將我哋講到唔知冇學歷冇未來咁樣,我哋都有諗過自己嘅未來係點,我哋都有向住自己嘅目標嚟做嘢,只不過我哋正在發展嘅嘢同你哋唔同咁解啫,自己嘅未來係點樣應該由自己來決定,唔需要你嚟「鬧醒」我哋,多謝一番好意,但我哋拒收。 其實講真啦,唔知點解你哋拔萃出嘅每個貼文,我越睇越覺得你哋係為咗提升自己嘅優越感po出嚟,當然呢個都只係我嘅個人諗法,你哋真係唔覺嘅就下面覆返啦吓。

閱讀更多

Band 1仔

#NSS學校 [Band 1仔] 我真係想問拔萃班人玩夠未😂 得啦知你地間學校叻啦,打字用英文因為你哋慣咗吖嘛,成個香港400幾間學校都唔夠你地勁啦,得未啊名考生? 讀書唔係一切㗎大佬,唔一定係成績差嘅人先覺得讀書唔係一切,有冇睇過蘋果有單新聞有個中大碩士嘅出嚟連保險份工都搵唔到呀?讀書叻第時出嚟就賺到錢嘅話,咁啲老師教授一早發晒達啦屌,我知你哋又聰明又叻讀書又醒啦,但得閒都用個腦諗吓讀書以外嘅嘢啦。 真心有冇聽過咩叫狗眼看人低,真係唔好再post呢啲文喺度搏屌博關注,你估睇post嘅人全部都戇鳩鳩咩?停啦好嗎?日日講Band one有幾勁幾叻幾巴閉,我哋真係知㗎啦,我都唔想博里啦,口水都乾埋講到口都臭啦,名校生你哋咁叻,快啲返去讀你哋嘅書,背多啲課文,背多啲vocab,唔好再出嚟獻醜,我就代你老師俾個叻叻貼紙你啦好嗎

閱讀更多

GUEST

#NSS學校 [GUEST] [某band1的小薯] 見到呢度d人好似對banding,學校呢d話題有較多討論, 亦都不時有唔同持分者出嚟發表下意見。今日我就嚟講下我對呢件事嘅睇法,這僅是個人意見。 首先我想講網絡上面嘅嘢是真是假,大家是需要仔細斟酌的。記得呢個網站投稿係唔需要驗證身份,你求其跳一個身份寫一大篇野,冇人知係真係假,同狼人殺一樣嘅道理。順帶提一提,自稱band1嘅中學,我真心建議你哋唔好再發表一d有關攻擊&澄清嘅言論。我都見到我間學校有人出嚟回應,但我真係覺得你哋作出嘅回應冇必要。你哋只不過係學校嘅學生,唔係校長校董,去回應別人嘅攻擊並唔係你哋嘅職責。你係有話語權,但你要記住,你嘅言論係人哋眼中就代表緊你嘅學校。所作出嘅回應只會引起社會關注&某類人嘅憤怒,令到其他嘅人更加睇唔起你。清者自清,不要再作出如此丟臉的行為吧。 其次,我必須講banding同學校唔可以定義一個人。之前我都睇到有post講過類似嘅觀點而我係非常贊成嘅。相信大部分睇緊嚟個forum嘅人都係學生,更何況我哋呢個世代已經同以前嘅年代唔同,唔一定話要dse攞晒5**,入到個好學科就稱為成功人士。宜家網絡咁發達,你做youtuber instagrammer出咗名,自己起公司做CEO你睇下有冇人敢叫你做社會廢物啊… 更何況現今社會上有不少成功CEO都不是名校畢業的,只要有上進心,有夢想,你就已經站在起跑線上。不被人定義和標籤,也是我覺得所有人都需要學習的吧。時代在變遷,思想也是需要隨著潮流而改變的。 雖然我是band1學生,但我從不會看不起比自己低banding嘅學生。你要人尊重,自己就必須放下身段才能使人順服,單靠本事和口才是萬萬不能的。當然這也是大多名校生的通病,要改那種傲性是很難的,但最基本的,請把最基本的素養做到。作為香港人本是一件自豪的事,不要為了這些無謂的事而爭論,請大家做一個有文化的人。希望看完這篇言論的你能放下偏見,向社會證明你是可用之才。我期待著多年後的你不被社會定義,還望這個社會多一點善意、包容。 我知道我嘅言論無可能得到所有人嘅支持,亦到總會有人係評論話我係偽君子,講廢話。我只想說有批判性思考是好的,但要合理這個社會才會進步。 我唔會抗拒大家diss我,隨便評論。 無論點到好今年考dse嘅人大家都要一齊加油! 多謝大家一直睇到呢到!

閱讀更多

KC

#NSS學校 [KC] Admin 我冇圖但 post ig plz 官校? 小弟係初中生,就讀呢架自稱“傳統名校”。傳統就真係好傳統,不論喺歷史上,制度上,或者係啲風氣。但“名校”就見人見志。畢竟上次出狀元都係好似14年果陣,dse成績都麻麻地(尤其LS,如果用番英文教應該會好好多,但而家都唔存在啦,所以冇所獲),而且banding仲不斷跌緊,其實都幾驚第時佢會變band2,變到好似聖類斯同埋rc咁(抱歉只諗到呢兩個例子)。 所以如果你覺得kc唔係名校嘅話,咁我為我喺名校secret投稿嘅行為講聲sor。 *如果您有經歷到以下我所講嘅事件,我只好說,如有雷同,實屬不幸。* 今日講嘅,就係,呢間學校嘅制度同教師問題。 首先,制度上,可能係因為呢間係官校,啲outdated嘅官僚體制搞到咁嘅境況。 (來open day嘅小朋友千祈唔好俾啲紅磚衣包裝呃到,因為的確好靚,英國佬啲design真係太正,怪得打仗果陣日本仔都攞嚟養馬啦) 校長可以話係被架空。你覺得佢有權咩?佢只係喺度俾edb調嚟調去,坐幾年屎塔都未坐熱就又俾人調走。班老屎忽就梗係唔show你啦,un下un下逗納稅人啲人工唔好咩,況且佢係地頭蟲,你覺得實際上係啲seafood大權啲吖定係校長大權啲吖。所以就算個校長想改革諸如此類嘅就收皮返去耕田算啦。 但以我觀察,呢位先生酷似一個移動廣告。成日嘿嘿嘿咁笑,對住學生同家長又係咁,錢又籌唔到。(人哋庇理羅士夠係官校囉,咪一樣籌到錢)。大佬,啲projector又殘,visualizer又成日接觸不良,窒下窒下,部電腦又殘,network又慢(zoom一下就可輕鬆體現出此問題),少少嘢啫,提升硬件唔得?難道一個傑出校友都冇?冇人肯慷慨解囊? 講到it 同籌錢嘅問題喇。 IT先。學校話要發展IT,AI呢啲。咁點解唔開放3樓圖書館側邊嘅stem room呢?我可以話俾你哋聽,我唯一一次行入去,見到佢開門嘅時候係喺我f1 open day先入過去,一次。可能高少少form有用過,我唔清楚呢方面。但點解你又唔開俾人用呢?電腦堂背少啲垃圾ict,極端啲,就去少啲“社工”演講,因為呢啲係“特別學習時段”,所有堂都要讓路。咁點解呢啲無謂嘅“學習”唔可以攞去用其他更有用嘅嘢呢。f1,2係有少少時間去學呢啲嘢,但實在太少時間,我認為。總有時間窒到一兩堂出嚟俾我哋學吓嘢。想做就一定得架啦係咪,你得嘅。 籌錢方面。呢間學校嘅pta認真垃圾。成班友喺度圍爐,自稱自己係“家長與教師學校之間嘅橋樑”,咁點解佢哋係家長有問題嘅時候會話 “呢啲係你哋同學校嘅事,唔關我事”。收皮啦咁我哋交會費俾你仲乜,不如摺咗佢就算。你又仲咩要做主席呀副主席呢,唔想做咪唔好做囉,又冇錢收,又冇人用槍指住你,係咪先。

閱讀更多

Guest

#NSS個人 [Guest] — 你好想忘記呢段難以啟齒嘅回憶,但至今仍歷歷在目。 –有次朝早起身,屋企人心血來潮諗起我三年前我考得差,我俾人扯住頭髮,將頭當係槌仔砰砰聲咁撞落地。我俾人撞到個額頭瘀曬,諗返起都覺得痛。事後屋企人同我講佢控制唔到自已情緒。 –我小一小二個陣11Xcm高,屋企人會擺我係張辨公室櫈,以後大大力踏我落地,我可以飛到成米遠。呢個方法個膝頭哥勁痛。 — 我小學時老師見我隻手成日傷痕纍累,又有疤。佢問我點解成日整親,我呃佢話我踩單車整親,其實係我俾人打既傷囗。我好驚冇咗父母,又或者有時真係我錯。 –基本上我成個小學生涯都係咁過,中學好少少頻率冇咁密。好多事不能錄盡。有啲真係唔想提,好似俾人打到頭流唒血,掟菜刀(死好彩冇掟中既經歷。我覺得自己有些毫不孝,不境佢地原意係為我好。有時我會發惡夢俾人打,然後有人話係我錯。唔開心既經歷會喺腦海不斷重播。 (現實中識我嘅人切勿相認啊屌!!! 好L長 sor for1999) 圖Link: https://ibb.co/jLx1vr5

閱讀更多

GUEST

#NSS學校 [GUEST] 【拋磚引玉】 Band 1學校較大機會令學生更有效了解一個理想社會係點 Band 3學校較大機會令學生更有效了解一個現實社會係點 出到嚟做嘢 兩者絕對有相輔相成嘅關係 因為唔知現實係點 你唔會同個社會溝通到 唔知理想係點 你唔會知咩先叫進步

閱讀更多

GUEST

#NSS愛情 [GUEST] 是咁的,小妹有個男朋友,佢有個「家姐」同「呀妹」,小妹其實好介意。佢家姐係我哋嘅小學師姐,有時我同男朋友鬧交,佢都會去揾佢家姐傾。之前我去搵佢家姐,佢家姐話好忙,就比我男朋友佢IG嘅PW,比佢入佢個AC到覆咗我先。佢聲稱已經登出左,但係佢應該儲存左密碼,所以個AC仲係佢IG入面。而佢嘅呀妹,係佢嘅中學同學。我男朋友喺中學都幾受歡迎,係打籃球都有成班女圍嗰種,甚至有個女仔跟蹤佢放學。佢平時會叫佢細妹妹頭,之前仲氹佢細妹去瞓覺,話:乖乖乖~快啲去瞓啦~ 我唔知係我疑心太重,定係真係唔正常,所以希望大家可以比啲意見小妹🙇🏻‍♀️ Sor for 1999

閱讀更多

GUEST

#NSS學業 [GUEST] GUEST 小妹今年form 2,英文每次都唔合格,但是自問成日睇雜誌報紙同聽好多新聞所以reading同listening都ok但係呢啲只係train到自己reading同listening嘅skill就學極都學唔到人哋啲文筆,跟住上網去搵下d expressions睇下有冇啲啱但發個全部都係高中dse嗰啲議論文嘅expressions,初中大多數寫 film review, 說明文(例如food waste problem, plastic bag problem etc… ), story ,同埋網上面有好似搵唔到有得賣(全部高中冇初中), 想問下大家有冇方法除咗補習可以改善到writing?🙏🙏🙏🙇‍♀️🙇‍♀️🙇‍♀️

閱讀更多

GUEST

#NSS家庭 [GUEST] 希望po ig,第一次投稿所以唔太識寫 件事就咁,今日上完幾節課放小息,出黎食個包咁.我老母發撚晒癲咁話我24小時對住部電腦,我呆撚咗,佢話我又唔顧住個身體,成日係度打機打機,但係我打都係打半個鐘,因為依家F.2好多野做所以就打少啲.我有同佢解釋又時做功課要用online materials,佢又話係藉口,自己本身成績都唔算差.都唔知佢係咪更年期到所以咁.網課係要用電腦架啦,我控制唔到. 我究竟可以點做?唔撚理佢?求意見. Sor for 1999

閱讀更多

Guest

#NSS學業 [Guest] Hello大家好呀!小妹今年form 3選科,自己本身對音樂幾有興趣,有學過鋼琴,有考過樂理,想揀音樂,但係學校原來冇音樂比你讀😭😭 想問吓有冇過來人? 係咪可以自己出去讀㗎?係咪要學校簽字先得㗎?仲有想問音樂係咪要考你樂器演奏(例如鋼琴丶古箏嗰啲)? sor for 1999

閱讀更多