#NSS個人 [Guest] 大家好，小弟今年f4, 末來想做科研人員，同埋大學讀science, 不過我好掙扎究竟係咪真係要去做。 我由f2開始對science產生極大嘅興趣，一上science堂就會好開心，因此當時下定決心大個要做科研人員，大學要讀science, 而家嘅electives係phy chem bio m2 今年我讀得好開心，因為無論係面授定online, 我日日都有得上我最鍾意嘅science/數學堂，而且冇咗我唔擅長嘅中西史，我嘅平均分同全級排名都升咗唔少 (我當然知我讀理科，全級排名高唔代表真係勁)。 講完背景，而家講我嘅掙扎。 1）請科研人員一般係請碩士，我覺得我冇能力 根據我學校多年嘅數據，每年都有>95% f6學生入大學，大概50% f6學生入三大，再睇埋dse成績報告，對照番我f1-4嘅全級排名，係穩入任何一間大學嘅普通science (我明白到時會有變數，所以呢個只係參考)。 就當我真係入到任何一間大學嘅普通science, 我覺得以我嘅能力好難入到碩士，因為science school好多人，咁多人爭。得學士學位，想做科研人員真係難過登天。 2）香港科研資源少，而且冇乜人重視 如題，就算真係有人請我做科研，都冇資源，做乜鬼啫，就當我老闆好人，咁呢個社會重視咩？做科研都要有人重視你啲理論/產品/技術先得㗎！加上工時長，人工低，呢份工真係唔係幾好。 正因為科研人員呢份工辛苦得嚟又低回報，唔少science畢業生都選擇做老師/索性做啲唔相關嘅職業，不過呢個真係我嘅夢想。我應該試吓先，定係去做啲實際啲嘅職業？請大家比啲意見我
#NSS其他 [Guest] Re: #NSS2204021 想講講我對 #NSS2204021 內容同版主的想法。 首先,我睇完第一段已經覺得版主好自戀😂邊有人會話自己鍾意嘅男神好想同自己表白,不過表唔到😅 仲要話自己樣靚身材正😖係要幾自戀+自我中心先講得出😎之後話個男仔比佢fol就一定係鍾意自己,咁佢真係可以去check下個男仔ig係咪淨係得佢一個女仔fol,如果唔係,咁個男仔咪鍾意好多人lol siu4🤣 之後去到第3段話佢每次見到個男仔出story都一定會reply,不過佢reply嘅內容真心好空洞同埋好有一種夾硬俾反應嘅感覺😉(例如:哈哈哈哈啊啊啊啊,好搞笑啊啊啊啊…)然後去到後尾話個男仔已經冇再覆佢message,我覺得係咪應該收手因為真係我自己覺得咁樣係會令我覺得好假,同埋如果我唔睬你你仲喺度send嘢過嚟我會覺得你好討厭😒仲話咩唔覆佢係因為怕佢擔心係因為愛佢,又乜又密！有自信係好但係過分自信就成件事唔同晒㗎啦小姐🤥(同埋其實佢啲疊詞係咩料呢🥴 跟住第4段話睇唔到個男仔story,但係啲friend見到其實一定係個男仔blk咗佢,但佢仲話係咩ig bug,其實講句衰嘅,你真係收得皮,個男仔blk得你,一定係要對你有一定嘅討厭程度先會咁做lol🙄 最後我想講位版主,我真係希望你可以唔好咁自戀同埋將你嘅自信度降低,如果唔係真係自己攞嚟衰同埋瘀🤮
#NSS其他 [GUEST] 大家真係要識得保護自己，唔好好似我咁🥲 ［長文慎入］ 想回應 #nss220402e 先抱抱樓主，辛苦你了🫂🤍 呢篇最主要係想講吓我嘅經歷，希望可以少啲人受害。 呢位阿sir真心恐怖，小妹之前都有喺佢嗰度補過，飽受性騷擾半年之長，相信有其他苦主比我更耐🫂（唔好問我點解當時唔quit，依家諗返起真係覺得好蠢，當時我完全唔夠膽出聲，好驚好驚，唔識分呢種行為係性騷擾定只係我過分敏感，亦都唔敢同其他人講，覺得係一件好羞恥嘅事…） 由第一堂開始，佢就已經挨到個身勁埋，但當時我仲細，唔夠膽出聲，而且補習社嘅空間唔大，再加上見到佢對其他同學都係咁，佢哋都冇出聲就以為係正常。 係之後嘅每一堂，佢教書嘅時候都會拱到勁埋，借啲意身體接觸🤢 過多一排，佢甚至變本加厲，有時貼實晒個身，手臂幾乎要掂到我胸口，但我真係唔知要點出聲… 咁小妹最主要想講下其中一次性騷擾，亦都係令到我最唔舒服、最有陰影嘅一次。經過嗰次之後，我甚至有一排好厭惡自己，喺度諗究竟我做錯啲咩，點解咁輕易就俾其他人掂我身體，覺得自己好核突。 咁嗰堂我一直都解唔開啲數，個阿sir就嚟料，佢拱到勁埋不特止，仲無啦啦幫我按摩，係度捏我背脊同肩頸位，同我講話咩放鬆吓，唔好咁緊繃，cls，我嚇到完全唔敢郁、唔敢出聲，當刻腦海一片空白，淨係覺得勁唔舒服，好噁心… 雖然只係持續左5、6秒，但對於我嚟講嗰幾秒嘅時間過得勁漫長…完全唔知要點反應… 可能大家覺得只係好小事，但一個正常嘅教師係會做出咁嘅行為㗎咩？ 當下雖然有其他同學喺度，但佢居然仲夠膽做出呢啲咁過火嘅行為，真係教畜嚟，之後我都冇再去嗰度補過，意識到唔可以再俾佢為所欲為，因為真係好恐怖好恐怖，已經對呢間補習社有陰影。 我都理解其他同學當時唔出聲，我明白呢啲情況好難出聲，自己都因為膽怯而啞忍呢位阿sir嘅仆街行為，其實大家都唔敢同阿sir講。 咁既然佢係教數嘅，咁我都講吓佢教書嗰方面啦，咁開頭佢都正正常常嘅，見到我唔識會過嚟幫我，但去到後期，一堂半個鐘，佢幾乎冇理過我咁，由得我自己喺度操數，就算有嘢想問佢，佢都好似唔想理咁，得助教過嚟幫我，我好肯定佢當時係得閒（不過值得感恩嘅係被性騷擾嘅次數少咗，鬆咗一口氣🥲🙏🏻🙏🏻🙏🏻） 同埋同埋，嗰度啲助教好好人，係正常嘅教師，唔似得利sir咁仆街，嗰度嘅助教值得更好，希望佢哋可以搵到其他更好嘅補習社去做 我之所以同大家講我嘅經歷係希望大家唔好好似我咁，遇到呢啲情況嘅時候要勇敢講出嚟🥲🙏🏻 而家諗返起真係覺得當時好蠢，好後悔冇好好保護自己，或者如果我當時一早出聲嘅話，就唔會發生後續嘅事件，亦都唔會有咁多同學受害。 最後我希望大家（不論男女）真係要識得保護自己，遇到呢啲事情嘅時候真係要勇敢地講出聲，及早制止，同埋向其他人尋求幫助（雖然我好似冇資格講呢啲，當時嘅我都唔夠膽出聲） 當佢嘅行為令你覺得唔舒服嘅時候已經算係性騷擾，唔好好似我咁忍呢啲衰人，你越忍佢，佢只會越嚟越過分，呢啲人渣係需要受到法律嘅制裁。 利家恆真係不配做教師，啲學生憑咩俾你摸身摸勢、憑咩俾你侮辱，希望佢間博斯教育可以快啲收皮，請不要再禍害人間😇🙏🏻
#NSS愛情 [SSSHK（最好唔好將個簡稱post出來piz）] 我鍾意左一個女仔6年，宜家係中4，佢小學同我同班咗六年（全班直升），唔係真係覺得佢好靚，亦都唔係有啲咩特別嘅地方，但係到而家但凡諗到佢個樣或者佢個名個人都會有悸動，可惜佢暑假去左英國，幾個星期前我仲發現左佢原來有男朋友，我而家乜都唔想，只係想佢長長久久，我已經冇好似癡漢咁再幻想同你任何嘅未來先瞓得著，更加唔會好似變態噉空氣講嘢幻想係你，這六年期間你根本就唔知我鍾意你，不過算啦，我嘅道德唔允許我就鍾意你，就係噉，多謝大家睇到呢度THX~ 祝你幸福😝
#NSS其他 [GUEST] 小妹14歲喺一間band1a嘅學校讀，雖然話係名校但係有壓力就完全唔關考試功課嗰啲，因為我係只求合格嘅人啦。 本人係bi嘅喺一月嗰陣同咗一個喺我哋級幾出名(即係popular girls)嘅女仔表白，個人認為鍾意一個人係唔需要佢一定要鍾意我。當時我表白只係希望佢知道我鍾意佢完全冇其他意思，我係喺考試温書嗰陣同佢講而佢當時都有問我係咪prank，而佢應承咗我一定唔會同任何人講。點知第二日有人send咗screenshot比我問我係咪真係鍾意佢，當時認真嚇咗一跳所以即刻dm問佢，當然佢初初係否認但係最終我send埋screenshot問佢點解，佢仲要講返我哋之前嗌交嘅嘢and po ig公審我，仲要就嚟唱我(走咗嘅人都知😃)同埋block我。 一月開始到而家我差唔多晚晚失眠晚晚發惡夢成日喊勁emo好辛苦好傷心。好後悔點解會同佢表白，如果我唔同佢表白我而家仲做緊開心果? 完全冇哂動力，ig都唔po story(之前成日spam)，由一個勁外向勁開心嘅人變成一個勁內向勁emo嘅人。 真係勁大壓力，成日頭痛胃痛搞到要食止痛藥。勁頹日日都好攰，日日都喺到埋怨。我真係唔知點算，又唔敢同屋企人講，淨係日日同friend講(辛苦哂😭)，勁迷茫，好想get over佢但係唔成功，我可以點😭😭 sorry for 1999, 辛苦哂and唔該admin🙏。
#NSS其他 [GUEST] 小妹今年F2，一直俾一件事煩到個心好亂，成日都諗起呢件事令到我覺得好後悔。 件事係咁嘅，小妹喺小學四年級嗰陣識咗個朋友，先叫佢做A，A唔鍾意班上面一個同學（叫佢做B），因為我係A嘅朋友，所以A唔鍾意佢，我就覺得我都唔鍾意佢（我地冇打過人，但係每次同佢講嘢個語氣都唔好，宜家諗起唔知算唔算排擠）嗰陣我已經覺得咁樣做唔好，但係因為我當時係A嘅朋友，所以覺得佢講咩我都要撐佢，附和佢，差唔多成年都係咁。 但係到咗五年級我同A分咗去唔同嘅班，A就冇再同我講過嘢，我搵佢佢都唔理我，而因為有相同嘅興趣，我同B做咗最好嘅朋友，直到小學畢業，我覺得我地嘅關係都好好，但係小學一畢業唔夠幾個月，B就突然刪哂我同佢之間嘅所有聯繫方式，點搵都搵唔到佢，甚至連社交軟件都拉黑咗我，嗰陣真係成個人呆住哂，明明話好疫情完咗之後就一齊出去玩。 幾日之後佢突然拉番我其中一個聯繫方式出嚟，講咗句sorry，我同佢講：有咩事你可以同我講，但係唔好突然拉黑我。之後佢再冇覆過我。 過幾個月之後我決定去搵佢傾吓，解決呢件事，我喺WhatsApp度搵佢，但係佢直接扮成自己爸爸，問我係邊個，我當時100%肯定嗰個人係佢，無論係語氣、用詞、定係emoji，都係佢平時最習慣用嘅，但係佢點都話唔知我係邊個，嗰陣嘅我覺得，既然佢係都要扮唔識我嘅話，點問都唔會講㗎啦，咁不如就唔再搵佢，費事佢又覺得我煩，於是我地就一直冇再聯絡，冇再傾計。 唔知點解，呢件事過得越耐，我就越容易諗起，如果嗰陣我冇同A一直排擠佢，我地會唔會到宜家都仲係朋友呢？特別係呢幾個月，身邊識得越多人越覺得對唔住佢，如果嗰陣我再成熟少少，有啲自己嘅想法，有冇可能 就唔會跟住A一齊對B講出嗰啲唔好嘅話呢？ 因為呢件事最近冇乜胃口食飯，覺又瞓唔好，做咩都冇精神，係度諗呢件事，好想同佢道歉又唔敢去搵佢，請問我宜家應該點做？ 感謝Admin❤️
#NSS家庭 [GUEST] 長文慎入 我真係好憎我阿爸 小弟今年F3，我阿爸同阿媽以前喺同一間公司做嘢，當時阿爸每個月嘅人工大概有六萬蚊左右，阿媽每個月就有大概四萬蚊。所以以前屋企嘅所有開支都係由阿爸出，而阿媽就負責儲錢。但係喺我四年班嗰年，阿爸俾公司炒咗，導致屋企有一段時間少咗一大部份收入。自從阿爸失業之後，所有嘢都係阿媽出。由於阿爸搵唔到一份有固定收入嘅工，所以去咗保險公司賣保險。但係賣保險呢份工冇固定收入，有時人工好高，有時零收入。只可惜我阿爸唔係一個會積極搵生意嘅人，佢個人好被動，所以大部份時候佢都得好少收入。而家屋企除咗我嘅學費同埋少部份支出之外，所有嘢都依然係阿媽出，包括去超市買嘢，食飯錢，我嘅補習費等等。阿媽就嚟五十歲，佢預計自己得六十歲命，雖然佢呢個估計冇任何根據，但係如果係真嘅話，我大學畢業之後咪得返三年時間陪佢？阿媽講過佢本來想四十歲退休，但係因為阿爸失業，搞到佢冇得退休，到而家五十歲都仲要做嘢。最可惡嘅係，阿爸唔俾阿媽退休，佢話就算阿媽俾公司炒咗，都要跟佢去賣保險。我覺得佢真係痴撚線，要自己老婆做嘢做到死為止。而家阿媽為咗攞一半嘅糧嚟儲錢，連個蛋糕都買唔落手。可能有啲人會覺得蛋糕係奢侈品，喺咁樣嘅財政狀況之下唔應該買。但係我想講，如果阿爸爭氣啲，努力啲搵錢，我哋又使乜過咁樣嘅生活呢？之前佢去麥當勞買嘢食，佢想買一個十四蚊嘅包，雖然佢最後都係買咗，但係後來佢同我哋講返，話本來佢心諗可以食六蚊一個杯麵，點解要食十四蚊一個包？佢就係因為有呢種咁知足嘅心態，加上佢覺得有老婆幫佢俾晒所有嘢，仲使乜努力搵錢呢？ 純粹發洩，sor for 1999
#NSS愛情 [ABC school ] 大家點睇女仔表白 我鍾意左個男仔，好想同佢表白，但係我又覺得，如果佢係鍾意我，佢一早到表白左。 等左幾個月前排我終於都同左佢表白，佢都話鍾意我，我地仲一齊左，但係我就成日覺得，因為係女仔表白，男仔又有咩所謂，有得食唔同唔食，有人同佢吹下水，打下機，講幾句甜言蜜語，就搞掂。 雖然話一齊左，但我成日覺得，只係悶，想除時揾人陪下，如果真係鍾意我，就一早同我表白，使咩等我講，大家點睇 利申，小女中二