#NSS學業 [YWC] Admin pls po IG 致各位應屆DSE考生: 加油呀各位師兄師姐!雖然我地未必同校,但只要係香港人,就係我地嘅中六師兄師姐,我知你地有壓力,但除左努力溫書之外,都要記住要有足夠嘅休息呀!溫到有啲累就唞唞,打輔機,睇條片,令自己放鬆下,之後溫書自然落力啲啦! 有壓力係好嘅,但唔好令自己有太多,呢排就開始早啲訓,有精神溫書,補習,自然會喺考試表現最好嘅自己啦! 到最後無輪結果係點,只要您問心自己盡左力,就唔需要自責同後悔。祝睇緊嘅中六師兄師姐考試順利! 加油! 如果睇緊嘅你身邊有應屆DSE考生嘅話,不妨喺適合嘅時機為佢地打一打氣,有時唔洗講咁多,搭一搭佢地嘅膊頭,講聲加油,就好足夠。 香港人加油,呢段時間辛苦了🙏🙇🙇 一個中一嘅師弟敬上 圖Link: https://images.squarespace-cdn.com/content/v1/5832cd565016e1750802344a/1511138664692-CBFAR6G4O670KYYJ60W7/ke17ZwdGBToddI8pDm48kDkFNFwYs0xobyMCsPI9qsZZw-zPPgdn4jUwVcJE1ZvWQUxwkmyExglNqGp0IvTJZUJFbgE-7XRK3dMEBRBhUpw3d3eGbSSkcQoIQ7kq356bxSG_SoO6Ng-TjudM2-V_WxVCu5fEZAEazT3OQvcSvLk/7%E5%91%A8.JPG
#NSS其他 [GUEST] 唔知有無人同我一樣,成日喺度摸/抆頭髮。 大約一年前,開始有咗成日摸啲頭髮嘅習慣,一摸到啲好畸形嘅頭髮,就忍唔住抆,呢啲頭髮嘅觸感真係好奇怪,但又會令你上癮。 自己頭髮本身真係唔多,又因為個肺炎令我開始嚴重熬夜,自己都知道啲頭髮少咗好多,但又控制唔到自己,連紥頭髮都唔work😢。 上癮嘅程度係,喺度做緊功課,但又會喺度摸頭髮,明明仲有一分鐘就deadline,我都可以繼續摸。 希望一啲同我一樣經驗嘅人可以分享下你地係點解決,真係唔想得嗰十幾歲就禿頭😭。 Sorry for 1999 圖Link: https://ibb.co/t2yJ0nz
#NSS個人 [GUEST] 小妹今年F2,呢啲嘢唔知同邊個講,所以先喺度投稿,純粹想發洩情緒,希望大家唔好介意。(長文)(表達能力唔係咁好,唔好意思) 我份人超級怕生,每次要人哋主動同我講嘢,連諗點回答都會超級緊張,但係非常慶幸識到一班fd,就開始咗好開心嘅中學生活,亦都好快適應到。不過好快就開始停課,就開始少搵佢哋。(順便一提,小學fd都淨係keep到一兩個,都好少聯絡,所以除咗Hi bye fd,10隻手指可以數得晒我所有fd。) 上年F1停課嘅時候,嗰半年超少搵fd(係因為好驚佢哋嫌我煩,幾熟都好,我都好少主動搵人,同埋我成日講嘢,佢哋都會已讀晒我,所以我唔敢搵人),根本冇點同人交流過,變得更加怕人,變得孤僻咗。雖然佢哋都話當我好fd,但係我都超級冇安全感,覺得佢哋只不過都真係當我係過客,下年就已經唔會再fd。 升到F2,我啲學業好快跟得返,成績都尚算可以,不過喺今年呢班識唔到啲咩fd,同F1啲fd仲有來往,但係冇咩進展,都唔多傾偈。 返學嘅時候都會好開心,因為可以同fd相處,唔使自己一個,但係每次返屋企之後,特別係夜晚,情緒就會唔知咩事,成日諗好多,例如:「其實係咪個個都唔鐘意我,包括父母,啲人成日都嫌棄我,明明喺朋友面前我都唔會展露唔開心嘅一面,點解佢哋成日都唔係好理我,明明我咁在乎佢哋,點解佢哋好似完全唔care我,如果我死咗,啲人係咪就會關心我?佢哋就會後悔唔珍惜我?啊,唔好,可能而家死咗佢哋都唔會有feel,唔好死住..我人生唔可以就剩係得咁樣,唔可以令父母傷心,我相信未來應該變好?..」 相信大家睇到呢度都覺得我係一個好無聊、好低能、好自私嘅人,但係其實我都唔知點解,明明我都冇遇到啲咩挫折,但係最近差唔多日日都諗埋呢啲嘢,情緒都超級唔穩定,唔開心永遠都唔會同人講,仲成日擔心未來,自己又冇咩特長同興趣,成績又麻麻地,會唔會讀唔到好嘅科,會唔會冇工要我,會唔會變成露宿者,出街會唔會俾車撞死,會唔會孤獨終老等等。 有時都覺得自己可能有情緒病,但係真係唔想睇醫生,好驚自己真係有病,阿媽一定好傷心,朋友會嫌棄我,同埋而家好多人都唔鍾意啲有情緒病,覺得呢啲人都只不過係扮嘢,博同情。但係我維持左呢個現象已經差唔多一年,好攰,情緒成日控制唔到,明明唔想喊,都可能無啦啦冇原因咁爆淚,想快啲冇事。 成日都好無助,唔開心唔知可以搵邊個,所以就將啲嘢寫晒喺度,而家心情好返啲。多謝亦都對唔住睇到呢度嘅你,多謝你咁有耐心睇到呢度,對唔住吸收左咁多負能量,同埋睇咗一篇九唔搭八嘅文。希望在座所有人,都可以開開心心咁生活。 Sorry for 1999
#NSS個人 [Guest] Hello,我係 #nss201226g 嘅po主,今次又係想嚟放負,大家唔想睇嘅話可以直接略過。 如大家所知,已經有學校開始復課,而我學校都復課,不過淨係妟晝兩堂(唔知返嚟做乜🙄) 之前都有講過我係學校無端端比一個男仔間斷性咁搞足兩年(騷擾+言語侮辱)但偏偏我有朋友係同佢好friend,仲要覺得佢係好人,將之前發生嘅嘢調轉嚟講。言歸正傳,而家復課個陣係走廊、班房見到佢都會好驚、會自發性咁喘氣(唔係不自覺地)甚至乎聽到佢把聲都會驚、會震,要拮自己手拮到痛先慢慢深呼吸,冷靜到(zoom個陣都會咁)同時都好憎佢,憎佢點解話一個女仔係雞(唔係我)都可以有咁多朋友。我而家真係唔知點算好,先開左學2日已經咁,如果唔係冇小息,我一早去咗廁所界手🥵 上一篇文都有話我會用間尺界手,而呢個問題係聖誕假就嚴重左(?)個時有份VA work做得差左,另一個同學多我好多分,我就同普通人一樣分,而我得失心好重,於是乎就造就左第一次界手。之後上咩堂都好易喊,尤其VA堂,但因為zoom所以睇唔到。而且因為冬天著長袖衫,所以可以遮住傷痕,我冇話會界到流晒血,但一定會見血(啲疤痕唔會太深太耐,一個半星期都會淡得7788🤟🏻),好似咁樣先舒發到我內心嘅痛。12月到而家,睇返相簿我都界左5,6次(笑) 1月個陣考試,原本溫左好耐嘅科跌得好勁,整體成績都退步左,我真係好驚好驚會揀唔到想讀嘅科(其實我已經諗好左,如果最後係啲我0興趣嘅科就會自殺,因為我知升到高中真係要靠興趣先讀到,唔係嘅話會好辛苦) 加上而家疫情+香港已經淪陷,令到我更加絕望,移民係冇望,又冇BNO,完全唔想留係到,唔知點生存係呢個環境到,到時中肺炎死咁不如自殺算😂 另外,都有好多屋企原因例如我阿媽之前成日帶佢男朋友上嚟我屋企,佢講嘢又大聲又係咁講粗口又係我屋企食煙,成日發表自己嘅「偉論」(深紅)真係好黑人憎,好憎佢。同阿媽因為咁鬧交之後佢就少左上嚟,變咗我阿媽去佢到過夜。我阿哥又返工返到朝早先返嚟,呢段時間(5pm-5am)都得我一個係屋企,令到我覺得自己係冇人要咁,所有人都當我係累贅(而家就係咁)所以呢段時間我成日界手。 講左咁多,我而家都係有興趣嘅,會做想做嘅事,見到鐘意嘅明星都會開心,會想笑,但係一唔開心就真係會好唔開心,變到好易喊。我知情緒好唔穩定,但係我覺得未係病咁嚴重,所以冇去見精神科醫生。我同過一個一樣有精神病嘅朋友略略講過我而家點,佢推薦我去見社工,但我都拒絕。見左社工咪代表會比屋企人知?!所以我而家諗住睇定啲先,希望遲啲可以好返少少啦,sorry for 1999,個腦load得好慢。