—類投稿

#NSS個人 [Guest] Admin po IG please Re #NSS220402a : 你好，賤人。我雖然唔係俾你欺凌嗰個，但我都俾人欺凌左至少6年。你知道你傷害左人？咁你做嘅時候做咩唔帶個腦？諗多少少嘢會死？？ 一開始係小學2年班，開始改花名，3年班開始小圈子，4年班開始杯葛，5年班開始連老師都唔會處理。你地做呢啲野既時候有冇諗過對方嘅感受？有冇諗過假設對方有咩事嘅話係咪你會承受得起呢個責任？我知，好多人會諗：講句嘢啫，有咩大不了；唔同你玩啫，有咩大不了之類既。 但有冇人同你講過，我曾經諗過係2x樓跳落去一了百了。呢個責任你付得起？ 去到中學以為係一個新開始，點知都係有幾個小學既人，你既花名只會繼續跟住你，只會繼續有深嘅人加入嚟欺凌你。你有冇諗過，你既一句說話可以帶嚟咁多傷害？ 我自認我好好彩，我屋企人肯相信我被人欺淩，肯聽我講，同我去睇心理輔導。我終於係呢啲陰霾入邊走返出嚟，我承認我而家過得好快樂，因為有支持我嘅人。但每當我諗返起你地呢啲咁嘅人嘅時候，我都係會在意，在意你地所做嘅嘢 。 所以，即使你講對唔住又如何？純粹為左自己好過。你講完之後，我地只會回想返個段最可怕嘅回憶。建議您，如果要道歉嘅話，先去體會下我地俾人欺凌既感受，謝謝。 Sorry , 如有1999，非正字請體諒。有些少激動，唔好意思。亦唔該晒admin，各位留言會好好哋睇的。

#NSS愛情 [GUEST] 係咁嘅，我今年中三，之前有拍過三次拖，全部都係人地表白先嘅，我都好鍾意人地。 一開始係單戀，但之後發現人地鍾意我之後就突然厭惡佢，甚至一啲鍾意嘅感覺都冇，搞到佢表白嘅時候，我為咗令佢唔為難就勉強接受，導致三次都不歡而散。 其實我一直都好內疚，我唔明點解會有呢種反感嘅感覺，係咪我心理有問題？麻煩幫幫我解決🙏 Admin辛苦曬

#NSS學校 [Liy] 小妹今年中二，小六時識左六個朋友，其中一個仲係由細識到大，佢都同我frd，小六有一次有分組project ，要六個人一組，咁就會多咗一個人出嚟㗎啦，咁我嗰陣時希望嗰個人唔係我，老師話可以分組時，我有行過去搵我嗰六個所謂嘅朋友，點知我仲未行到去，佢哋已經分好組，而我嗰個由細識到大嗰個朋友見到我都冇話要邀請我入去，之後我就企喺佢哋對面，望住佢地，佢地都有望我，但係望左幾秒之後佢地就繼續自己傾偈，之後我企喺對面望住佢地，喊左出來…自問自己都冇做過啲咩對唔住佢哋嘅事，又冇得罪佢哋，唔係好明點解咁對我，到而家我覺得呢件事對我來講有d陰影，搞到我唔敢識咁多朋友 Sor for 1999 （表達能力唔係咁好😅 Thx admin

#NSS個人 [GUEST] 見到有關食煙個post，有人話食煙減壓係藉口，我想講幾句(段)。同時我煙齡尚淺，只能講出少部分人心聲，歡迎留言補充。 但講之前我簡單介紹吓自己先，我係應屆dse考生，女，已成年，有食煙習慣但都係一星期唔過十支，我係有意維持呢個數字嘅。我覺得煙好臭，大多數時間都會執返煙頭抌垃圾桶，會盡量去沒人/人少嘅地方食，唔做火車頭。 我咁介紹自己唔係想令大家覺得我有公德心或者幫食煙嘅人洗白。而係想講唔係個個食煙嘅都係四圍害人嘅賤格自私精，總有人係有盡量為人設想但又想暫時離開煩惱向煙草訴苦。但係我都明白有好多人因為飽受煙味折磨而生活質素下降，我明白，無理據亦無意去說服。 言歸正傳，咁究竟點解唔用其他方法減壓，寧願傷害自己？通常人地講嘅其他方法係指聽歌,做運動,打拳,打機,同朋友傾訴之類。作為有壓力就想食返支煙嘅人嚟講，我可以斷言：以上冇一種方法優勝過食煙。當然你地講所講嘅方法確係都比食煙健康，你知，我知，食煙嘅人都知。但點解絕大部分食煙嘅人都選擇繼續食煙而唔係用上述方法代替呢? 除咗有尼古丁令人上癮嘅加持外，仲因為嗰啲正面嘅減壓方法比起食煙喺即時效果上嚟講仲要遜色。請容許我用返上述方法解釋：首先，我唔想有晒時間嘅感覺。雖然我成日都晒緊自己時間(例如仲有廿日考dse我仲係半夜打呢篇廢文)，但係我想食嗰陣已經感到壓力，我仲喺唔想浪費時間嘅時候浪費時間只要令我更焦慮。想聽音樂解減，咁就會放下手頭上嘅嘢好好享受音樂，我都相信唔會一兩首歌就減到壓，起碼半個鐘。我好多嘢做唔切就嚟癲很大壓力點算？乜都唔做聽半個鐘音樂。我肯我個腦都唔肯啦，因為就算係我鐘意嘅歌都只會令我覺得好吵好煩。咩做運動打拳傾計都一樣，唔啱mood為做而做就只會煩上加煩同埋浪費時間。相反，一支煙慢慢食可能只需兩分鐘。 其次，我懶。我好懶。我精神上好攰，就算仲有體力都唔想四圍郁，因為冇動力。做運動留返係得閒又精力充沛嘅時候做先有效率。又頹又攰嗰陣有呢啲時間我不如瞓返陣。做咩我做做吓嘢無啦啦要搞到自己又臭又多汗又攰又肌肉痠痛。我長期係屋企都算啦，打工仔點算？可能你會話 冇人叫你一有壓力就去做，咁我要忍幾耐？攞起包煙同火機，出門口吹吓風靜吓個人反而冇咁多嘢搞，甚至只係轉個環境用最舒服嘅姿勢坐係路邊嘅凳度食返支都幾chill。 再者，我無錢。我嘅case嚟講每個月用係煙度嘅嘅錢除返開其實唔多，大概係有三,四日唔記得食平民早餐嘅價錢。其實話晒仲算學生，買嗰刻點都有啲肉赤嘅，不過係我自己選擇，就算我要掉錢落垃圾桶都係自己承受返後果，冇人搶我錢。唯一好撚黑人憎係要俾稅政府，真係好似搶錢咁。(sorry for 1999)但相比起join打拳plan,gym嘅會費平好多。我亦都唔想浪費錢係聽歌app度，因為一唔用就有壓力同內疚感，好似晒咗咁，但煙仔唔會唔食就消失！ 最後，呢段係針對同人傾訴係比食煙更有效減壓呢個說法嘅。好簡單，我唔想講。唔係人人都可以對朋友打開心房，都唔係人人有呢啲朋友。一個願意接納你嘅負面情緒，唔會打斷你講自己嘢，唔會講你嘅嘢俾人聽，知道你需要解決辦法定安慰，唔會講難聽說話，唔會有價值觀衝突嘅朋友。咁或者可以同陌生人傾？嗯聽落唔錯，但我唔知人地係咪真係想聽。反正我又唔想講，不如都係食支煙仲好啦。 煙的確好傷好臭，甚至我望到啲老煙剷，我唔明白點解佢地仲生存到，但我而家需要佢，因為食煙嘅感覺係無可取代(*除咗草)，用文字形容唔出，我硬要形容嘅話大概係喺我沙漠行緊嗰陣有人用噴壺噴水落我塊好乾嘅臉咁，都係冇水飲但係我會好過啲。不過我又希望我身邊嘅人可以多啲珍惜自己，呢世都唔好食。我亦知道我終有一日會用完青春嘅本錢，食煙嘅缺點變得肉眼可見，我遲早都係會選擇搣甩佢。不過就當我係咁短視啦，為咗而家可以令我好過啲，我暫時會繼續同煙仔做朋友。 *好個人嘅個人意見 半夜失眠打嘅，有啲迷迷糊糊，可能部分文句不通，希望睇得明🙏🏻 sorry for 1999 and 語境不一 and 文筆差 and冇懶人包

#NSS個人 [guest] 我好攰。最近好想睇心理醫生，其實都有一段時間，如果要講幾時唔開心嘅話，大概就係f1最後一個月嗰陣，我依家f2。 以前hea溫都可以考100名以內，依家係想溫都溫唔入腦，好想努力，但係我發覺我記性差咗好多，以前最鍾意食，依家其實好肚餓，但係就係冇食欲，咩都食唔落。對所有野都冇晒興趣，每次唔開心都會鎅手，因為呢個係我唯一嘅發洩方法。之前有一次鎅到成隻手都係，唔誇張，二十幾條，依家有幾條留咗疤痕，因為嗰陣都鎅得幾深下。仲有一個好大嘅問題，就係我每日無論幾晏瞓覺，都係五點幾六點幾就醒，仲要係瞓唔返嗰隻，幾時一日時間好長，下午嗰段時間都會好眼瞓，但係就係瞓唔到。我以前日日都係八點幾九點幾先起身，眼瞓隨時就瞓得著。 阿媽話我自從升上中學之後變咗好多，我好慶幸我有個好阿媽，但係我覺得我好對唔住佢，阿媽阿爸喺我小學嗰陣離咗婚。 好想睇心理醫生，阿媽話我心理好似有問題，朋友都勸我睇醫生，我唔知點同阿媽講，琴晚喊咗成晚。我都唔知點解我會變成咁。 sorry for1999

#NSS個人 [guest] hello(⁎⁍̴̛ᴗ⁍̴̛⁎)想透過我嘅經歷去同大家講欺凌係可大可小，唔好貪得意去欺凌一個人。 我而家中二，好細個好細個就有長有病，做過手術，去到小四嗰陣原本好地地一個朋友簡稱a，a知道左我個病之後就開始排擠我，傳一啲謠言話我係怪人，唔好同我玩，我個病會傳染，呢啲謠言好快就令全級都知道左仲排斥我，a仲同其他人講話同我玩嘅人全部都會好似我咁，之後分組嘅時候都冇人會同我一齊，老師安排我去邊組邊組嘅人就會當我透明。 呢啲事去到小五都冇改變過，反而嚴重左，佢地開始細細力咁打我，潑水落我到撞我，推我到樓梯口先停，最記得就係我次次去廁所嗰陣都會俾人開左個廁格。 呢啲事去到小六都係咁，同過訓導講但換黎嘅係叫我唔好捏造事實。小六之前我冇同屋企人講過，因為當時我覺得佢哋為我嘅病已經好攰好辛苦唔想佢哋再為我呢啲事而麻煩，但係一切嘅影響都太大，始終都發現左。初初只係撘緊巴士返學嗰陣會驚，之後會肚痛出手汗，後黎我每晚都發惡夢，唔肯返學。屋企人就揾左學校社工，我先一五一十同佢講，但嗰陣已經差唔多畢業都幫唔到啲咩，佢唯有叫我排期睇精神科，本來要排到23年架，不過中一嗰陣我情況好差，係咁介手仲企跳之後就入左院，就係咁我患上左社交焦慮症、抑鬱症、邊緣人格障礙、PTSD，而家久唔久仲會幻聽聽到欺凌者把聲叫我去死。 欺凌嘅後果可以好嚴重，而對受害者造成嘅傷害都係一世，雖然我唔敢講全部人都係一世，但我黎講係，係一世嘅陰影，所以希望咁多位喺欺凌之前諗清楚，唔好貪得意，有時候大家無心嘅一個行為動作都可以係欺凌。

#NSS愛情 [［GUEST=]] 第一次投稿💦💦如果寫得唔太好，請見諒🙉 （長文慎入） 小妺今年F3,15歲，自問自己生得唔靚女，而且唔聰明。話說小學嗰陣鍾意左個男仔好耐好耐，大概有3年。小學嗰陣，4，5，6年級都同過佢同班，同埋一齊坐過，初初開始嗰陣對佢冇乜感覺，覺得佢幾nice,普通同學咁。但係有一次，嗰時已經係5定6年級（太耐之前唔係好記得//sorry)佢上堂嗰陣成日同我玩，又會教我做功課，又成日氹我開心，嗰時我feel到自己已經開始對佢有少少好感。又有一次，我因為係學校病左，老師叫佢帶我去醫療室休息，佢拖住我隻手，帶我去醫療室，我嗰刻好緊張，但係唔過幾秒佢就放開左佢隻手（因為俾人見到）。 再有一次，我6年級嘅時候，有一次我病到超辛苦（小學成日病lol)嗰時我已經瞓咗係醫療室張床嗰度，然後佢幫我執書包，又拎書包落去比我，仲好nice咁安慰我，叫我快啲好返，嗰刻我已經對佢心動左，之後每日都一定會諗住佢。但係之後，班上面有個同佢好friend嘅女仔成日同佢玩，嗰陣時我超妒忌嗰個女仔，然後成日望住佢嘅一舉一動，但係冇辦法，佢哋真係好好朋友，之後班上面有幾個女仔都知道我鐘意嗰個男仔，佢哋成日問我「你鐘意佢邊度」我因為太怕羞所以冇講。 6年級嗰年，學校因為有份project要做，我終於拎到佢嘅電話號碼，嗰日返到屋企之後，我超興奮（阿媽都知我鐘意佢）之後就同佢傾偈同講電話.. 小學畢左業之後，我哋已經好耐冇傾過計，只係我周不時，見到佢ig story同佢講一兩句野，然後都升上唔同嘅中學，但係到依家呢刻，我都會諗住佢，雖然係佢心目中我冇乜特別嘅地位，但係只要見到你過得開心我已經好幸福.. 最後想問一下大家意見//點樣先可以同佢繼續做朋友🥲（本人太怕羞，唔係send咩比佢好，btw,已經好多年冇同過佢講嘢，多謝大家睇到呢度🥺

#NSS愛情 [GUEST] 急！！求求各位巴打絲打幫小妹諗吓有咩計仔可以令 到鍾意我嘅女仔同我死開。佢好想同我表白，但表唔到 個女仔f3，佢話自己樣靚身材正，係普遍男仔鍾意嗰type嚟。佢 話佢暗戀咗我好耐好耐好耐，暗戀咗2個禮拜咁啦，話我完全 係佢鍾意嗰type！！！然後上個禮拜，終於成功比佢搵到我ig！ 佢一定係鍾意咗我啦！今次死梗啦！ 自此之後，每逢我一po story，佢都會reply。就算係repost memes，佢都會 reply「哈哈哈哈哈哈哈哈哈哈哈哈哈哈哈哈哈 哈哈哈哈哈」 「好好笑呀哈哈哈哈哈哈哈哈哈哈哈哈哈哈哈哈 哈」 「哇你真係好搞笑哈哈哈哈哈哈哈哈哈哈哈哈哈哈哈哈 哈」 。頭幾日我都有like 佢msg嘅，諗住敷衍下佢咁啦。 因為我次次po story佢都會痴左線咁黎reply我，我就決定唔po啦，以為佢會就咁停止，點知佢之 後日日都會 dm我「你點啊啊啊啊啊啊啊啊啊啊啊啊啊啊」 「你唔好唔開心啦啦啦啦啦啦啦啦啦啦啦啦」 「你做咩呀呀呀呀

#NSS學校 [GUEST] 是咁的 小妹今年F1統一派位黑仔派左去第7志願 一間沙田區band2c嘅學校 自問成績band1c-2a 當初叩門都有叩過band1c嘅學校（即係我想而家轉嗰間）但係遺憾地叩唔到 咁算啦 唯有喺band2c嗰間讀 睇吓成績點 好就轉 – 跟住開左學冇耐 10月尾就統測 咁我記得嗰陣都幾盡力溫書嘅 之後出到嚟嘅成績都算ok 全班第4 全級第6 平均分76.92 班主任都講過如果我keep到呢個成績嘅話下年都係入返A班 不過當然啦 升返A班梗係容易 轉校先難 – 再之後12月就考試

#NSS個人 [No school ] Sorry for 1999!!!!🙇🏻‍♀️ 是咁的唔知大家細個有冇去過補習社 我喺小學校一 二年班因為成績唔好就已經比家長安排左去補習社 我補習社入邊有分開三個班 A班係for中學生係男老師 B C班係for小學生一男一女老師 我比人分左去C 係個男老師”教”我 我入左去依間補習班冇耐 個老師安排左我去坐角落位 個老師就鐘意趁冇人見到 就喺度摸黎摸去 依個都只係開始 嗰時我一二年級 都唔清楚依啲野 自己都冇同家長講 但後黎我愈來愈大