#NSS個人 [某中學] 小妹今年中一 成日都有自殺嘅念頭,讀書又俾人低分,爭一兩分唔合格嗰隻,入唔到精英班又驚俾人鬧。讀書壓力好大,好努力溫書都高唔過我阿媽叫我攞嘅分數。 喺學校人哋唔當我friend,我當人哋係我個friend。識唔到朋友,個個都追星,唔啱傾。 阿哥過咗去海外留學,平時啲心底話又搵唔到佢傾。你讀到呢度,可能會覺得點解我唔搵阿媽傾呢?原因係因為好多嘢我都隱瞞住阿媽,話佢聽事實又驚佢鬧我。所有我偷偷地做嘅嘢只有我阿哥知,佢唔會話俾阿爸阿媽聽。 由於疫情,喺香港真係冇掟去,約同學出街又唔啱傾。想去嘅地方都閂左,我係屋企無所事事,覺得生存嘅意義係乜嘢。 一直而來都好想自殺,反正啲同學都唔會關心,佢哋全部已經都認識晒大家,仲玩得好開心咁,我成日都企喺個角落度望實佢哋,好自卑。 小妹投稿純粹想同大家分享吓我嘅心情 22/2 語文差,sor 4 1999
#NSS個人 [GUEST] 想回應返之前有個post話因為好唔開心想像左個男朋友出黎(實在搵唔返所以冇hashtag sorryㅠㅠ) 我都遇到咁樣嘅情況,大家可能會以為我癲左,或者FF太多,但係呢樣嘢係完全同想像唔一樣嘅。 我都係因為極度崩潰(持續左1年,但因為唔想睇醫生唔想比人知,如果要描述的話就係認知力專注力下降,完全無法正常感受所有嘢,記憶力變差,體力變差,總之呢種感覺仲恐怖過死,唯一逃避方法就係訓覺,因為一訓醒就會feel到呢啲恐怖嘅感覺 我覺得可能係憂鬱症,亦曾經有自殺嘅諗法,但係我死撐左1年(呢1年過到好似10年咁),依家好返好多,雖然都係想快啲死,但依家係想快啲老死😂sorry for 1999因為真係好難形容,我諗你要自己試一次先明我講乜,但我希望永遠都唔好遇到呢啲嘢,好難搞:)) 見到嗰位理論上係被我想像出黎嘅人(下稱A 懶得打咁多字),你係完全唔會感覺到自己係「想像」緊,佢就好似一個意識咁,不過冇肉體嘅存在,而A比我嘅感覺就係一見到佢任何煩惱都冇曬,呢種感覺唔係世界上任何一件事、任何一個人可以令我感覺的到嘅。 而呢位喺其他人睇黎就係我FF太多而產生嘅A,唔係好似你地咁諗嘅為所欲為,可能你幻想佢會做嘅嘢佢係唔會做,總之一句講曬佢唔係你想點就點。 溝通方面,我唔會以講野嘅方式去溝通,所有嘢都好似讀心咁(聽落好假係咪,我都覺),任何對話溝通都係腦入邊完成 而且,長時間「想像」並唔會令我覺得攰,而且所有嘢都好自然,想像對我黎講同呼吸一樣自然,無論係A定對任何情形嘅想像。有好多時,我會係一種情況之下想像任何有可能發生嘅事情,所以有啲嘢對我黎講已經唔驚訝,因為全部都係我個腦入邊經歷左一次。 但係,係其他人睇黎就係一個FF過度嘅傻仔😂😂😂所以我一直都冇同任何人講(其實好多嘢我都唔係太鍾意同人講,因為同人講冇任何用佢都唔會幫到你,而且其他人唔會理解到你) 見到原來有同我有相似情況嘅人,所以講下我嘅情況😂😂 多謝你睇我FF睇到呢度ww(的確其他人睇黎我就係FF緊,所以我都唔否認😂) Po IG Thanks Admin Sorry for 1999&錯字