#NSS個人 [frd] 話說我個frd 佢返排俾佢老母 叫返大陸探親戚等等 咁佢自己本人都唔想返去 更加唔想隔離 但係佢老母死都要佢返 佢本人都有講過唔返 話佢自己可以照顧自己

#NSS學業 [[GUEST]我覺得自己好冇用] 小妹今年中四，我覺得自己做咩都好似唔係好得，無論點努力讀書，我嘅成積都不如理想。我覺得自己好失敗， 雖然人人都會做錯野，但係我原諒唔到自己，好辛苦，我覺得自己好冇用。我好想去放鬆下，我好想去一個安靜嘅地方，我想去一個冇人嘅地方休息….有冇啲方法可以幫到我，我真係唔想俾人覺得我好廢，咩都做唔好嘅人。 第一次投稿 Sorry for 1999 thx admin

#NSS其他 [GUEST] 我好擔心我朋友😣希望大家可以用少少時間睇下🙇🏽‍♀️ 事緣係咁，未停課之前 有一日老師用ipad上堂時唔覺意show晒我朋友(下稱A)既個人資料出嚟……全班都見到份資料上面寫住佢有憂鬱，焦慮同思覺失調。我當時見到A眼濕濕成個人都震晒，嗰日後面既堂A都無上，我估計係去左社工室，因為A平時表現都係好樂觀 低b嗰類人，我哋班好多人都係度討論，我都唔敢相信佢會有啲咁既病…… 隔左兩日之後A終於上返學，本身以為佢會好低沉，但佢望落好似比以前仲開心仲癲，好似完全冇事發生過咁 ，其實佢咁樣反而令我有啲擔心😮‍💨雖然我冇經歷過，但正常反應都應該唔會係咁興奮掛🤷🏽‍♀️我哋講嘢A笑得最大聲，仲要係勁浮誇嗰隻，即使後期大家上網課見唔到面， A係ig都出勁多post，表現得勁雀躍。 雖然我有問過佢女朋友，佢話A平日冇咩大起伏，但我硬係覺得佢好似係到強顏歡笑咁😔

#NSS個人 [九龍區學校] Hi 想黎發洩下(順便請大家幫我睇下可以點唉 就咁嘅小妹今年中三 有個女仔朋友a同佢中一識 3年黎都同班 咁我地同幾個老師都Frd嘅 私底下有grp嗰啲咁啦 但係有時相處係上黎

[HK某一間中學] 想問下有冇人係喺UK讀緊書或者係讀緊寄宿學校。想問下有咩學校推薦同埋UK寄宿學校嘅生活，有咩要注意。 例如自唔自由，放假有冇得出街 如果去有咩係一定要帶過去 帶iPad定MacBook好 仲有其他問題嘅可唔可以詳細講，唔該晒！ 我會用細Acc DM搵你哋

#NSS學業 [Guest] 整notes同唔整notes, 成績會唔會爭好遠？ 小妹今年f2, 讀band 1A學校，舊年成績全級頭25%，今年呢就未派成績表，咁我一向都冇寫notes嘅習慣，不過好多同學都有寫，啲學霸甚至個個都寫，所以我諗緊係咪有呢個需要 咁我其實唔係冇整過嘅，舊年geog mid-year exam有寫過，不過份notes整咗好耐，我又唔係幾識寫，份notes仲廢過本書，所以我最後都係溫返教科書，仲要剩返好少時間溫，最未geog

#NSS個人 [GUEST] 大家好呀，我近排有個煩惱，唔知點搞好…件事就係咁嘅，我唔知點解成日下意識講大話。我指嘅大話唔係為咗隱瞞嘅謊言，而係我會做咗博取關注，而製造事端。 我唔知做乜，只要無聊或者根本唔知點解嘅情況下，就會自動開WhatsApp/Instagram，同朋友講我有事，可能係無啦啦話我好嬲/好唔開心，之後呃佢哋我俾屋企人鬧。又或者係，我會同佢哋講我受傷，講到自己好慘咁。現實中，根本冇發生過呢啲事，但係我好似為咗引起關注咁，講大話搞事。 我唔知自己係幾時開始有啲咁嘅下意識行為，我亦都好驚朋友發現我嘅真面目。我想藉咗呢個’習慣’，但係我又會忍唔住去挑起事端。我覺得自己好虛偽，好奇怪，我唔知我究竟點解會變成咁樣一個，充滿謊言嘅人。我唔想成為咁嘅我，但係我好似已經成為咗。

#NSS家庭 [GUEST] 我真係好憎我阿爸 我阿媽因為病咗所以辭咗職，而屋企又要供阿哥去外國讀書(我阿媽供，我阿爸冇比過任何費用)所以我屋企嘅經濟就雪上加霜，我阿爸又只係每個月畀$1000家用，根本就唔夠洗。我小學嗰個呈分試考衰咗，派咗去一間校風超級差嘅學校，但係我阿媽又唔想我入去學壞又唔肯畀我讀直資，所以就叩咗一間離屋企好遠嘅一間學校，一個月車費都要$800。而我阿爸就一直係喺度話自己嘅嘢自己搞，使咪要家長操心。 喺中學度，我好爭氣，成績都一直有頭五，但係我阿爸就一直話band 3 咋嘛，頭五又點啫？ 再後來，我拎到全級第二，佢又話band 3 第二又點？

#NSS社會 [Guest] 近期多咗好多有關打針嘅post,利申喺暑假打咗bnt。我認為打唔打針係睇個人意願，一方面唔應該只因為政府叫你打，就盲目打，同時唔好因為政府要你打字盲目唔打。見到有啲人認為omicron輕過流感，而且打針有機會有嚴重副作用，所以選擇唔打，但係同時都要考慮假如冇打針中左總會有少部分係會有好嚴重嘅作用，所以實際上打定唔打都係搏。假如自己同身邊嘅人唔算成日接觸人群嘅話，咁打都冇意思，但假如係成日接觸到人群嘅話，就盡量考慮下打。

#NSS社會 [GUEST] 想問下 究竟依格仲會唔會有人係香港讀law或者political嘅嘢 同埋依格仲想係香港讀law嘅人究竟係抱著咩心態去讀？事源依兩年社會體制都已經敗壞成咁 讀黎有咩意義 定係有啲人可以為左鐵飯碗可以出賣良知去幫正苦做嘢？ 我冇惡意 只係好奇想問下🙇🏻‍♀️🙇🏻‍♀️

#NSS愛情 [Guest ] Admin plz po ig🙇🏻‍♂️ 話說呢小弟今年dse。由於自己啲中文不嬲都麻麻哋，所以上年暑假之後搵咗個私補，幫我補習嘅係個大我四年嘅阿sir(下稱w)。我大慨一個星期補三、四次，每次都係我上w屋企。我同w都有打網球，所以大家好快熟咗frd咗。補咗四個月左右，開始有啲唔尋常 ;-; 小弟本身係bi仔

#NSS學業 [GUEST] 想問下補bio嘅話Scarlett Chu/Andy Tse邊個好？上面爬咗好多文，但係好少見到有人比較兩個🙇🏻‍♀️🙇🏻‍♀️（利申F4，成績還好而且記嘢都ok，唔係唔肯溫個啲，不過想識啲skills同埋清下concept） 聽人講Andy Tse個樣有啲惡，不過有朋友係個度補之後有進步。Scarlett Chu就搵到好少資料，淨係知佢啲notes好精美，而且都好似幾好？第一次補大型補習社想謹慎啲，唔要打手！！ （有其他大型補習社推薦都ok）thanks!!!!

#NSS其他 [何文田某間中學] Title: 何文田同學小心啲 話說1月12號星期三(sorry咁遲先投)我同兩個frd放學行落斜路嘅時候，突然有個男人着藍色衫啡色褸行埋嚟搭訕，喺到話「咁早放學嘅」「你哋幾年級」，開頭我都無乜所謂，可能佢想搵人傾下計，係咁咦敷衍下佢，之後就行快兩步撇甩佢，點知佢追上嚟，突然之間嗌我咩唔好打咁多飛機，我o晒嘴唔知點應佢。之後我行埋一邊綁鞋帶順便俾佢行先，雖然個男人冇停低等我哋，但係佢邊行邊另轉頭，睇下我哋落嚟未。佢見我哋唔太show佢，佢就行快兩步撩前面隔離學校一男一女，唔知個男人同佢哋講咗啲咩(應該係啲唔太好嘅嘢)，佢哋就即刻行得勁快，之後個男人見又冇人睬佢又另轉頭睇下我哋到未(我幾驚個怪叔叔突然跑返上嚟亂噏呀😖…好彩最後都冇…)

#NSS學業 [Guest] 真係好想各位揀咗科嘅俾下意見🙏🏻 小妹今年中三，已經煩咗揀科好耐，本身其實已經有啲頭緒同決定，但係一直都有好多其他人俾意見話我咁揀唔太好。 自己本身想揀Bio Chem同Geog，但係好多人都話呢三科都係多嘢背到死，咁樣揀只會連累我本身成績唔差嘅Bio。上網search過Bio係比較多出路，本身諗住棄Chem，但係好多大學都係偏好兩科理科一齊揀曬，雖然自己Chem都唔差，但係Geog係我真係有多啲興趣讀，但係Geog喺香港嘅出路比較少，其他科方面自己嘅興趣就無咁大。 所以想問下各位如果我照揀Bio Chem同埋Geog係唔係真係咁差，我知道最後都係要我自己決定，但係真係好想問下各位師兄師姐嘅意見🙇🏻‍♀️ sor for

#NSS其他 [GUEST] 《迷宮》 我好像跌進了一個巨大的迷宮裏。 牆很高，我無法看清外面的世界，只有把頭抬高才能勉強地看到抱著白雲的天空，很藍，很美。 迷宮很複雜，高高白色的牆包圍著矮矮小小的我，到底怎樣才能找到出口啊？ 我踏前一步，薄薄的霧緩緩出現遮擋了我的視線，我試著再踏前一步，霧更濃了。我置身一片白色中，不知所措，我不知道該怎麼做，我不知道前方的路該怎麼走，我想把霧撥開，可我卻無法觸碰它。 不知道啊。 霧沒有自己散去，我仍然停留在原地，腳像是拴上千斤重的鐵，使我邁不開步，亦不想動。再抬高頭，天空依然蔚藍，白雲依然掛在天空，一切照常。我不明白，為何他們就在我的上方，他們低頭便能看到我的痛苦，但他們沒有，他們沒有伸出手，帶我離開。 對啊，我是如此的渺小，我不過是世界上的一粒塵埃，又怎會有人去在乎一粒塵埃會飄向何方，會落在何地，是生是死？

#NSS個人 [GUEST] 小弟今年form 5 學校裏面有啲關係好好嘅朋友 平時傾計話題都好夾 但其中一位朋友時不時會講起我住嗰區嘅居住環境 話我住嗰條邨多白卡佬 「XX(街道名)真係垃圾地方 劣🤮🤮🤮」去形容

#NSS社會 [GUEST] 都過左兩年，其實大家點解仲要咁驚武漢肺炎？究竟係啲咩令到你地過左咁耐，依然認為疫情係咁嚴重？仍然戴住嗰死人口罩？真係諗唔通睇唔透。我知你班防疫撚開始打啲好公式嘅答案㗎喇，唔洗急喎我慢慢答你🤗 最常見到嘅不外乎1.「中左招惹埋屋企老人家點算啊」、2.「後遺症好嚴重啊，會肺纖維化」、3.「你望下美國死幾多人，就係因為唔戴口罩啊」、4.「變種病毒好恐怖，確診數字全球上升啊」等等嘅廢話，我一個一個咁答你。 1. 既然你咁驚惹埋比同自己住嘅老人家，咁你返到屋企有冇戴口罩？面對面食飯有冇戴口罩？有冇全家分開自己一個人咁食飯？你好似無咁做喎，咁其實你係咪想惹比你屋企啲老人家啊，咁不孝咁自私㗎，為左自己要食飯除低口罩。同埋你有冇鎖你啲老人家係屋企唔比佢出門口，你知㗎啦出面世紀大瘟疫啊，依兩年佢有冇同你依嗰孫仔孫女出街飲茶食飯啊，防疫破口喎，食飯要除口罩，點算好啊，肯定惹曬啲病毒比屋企人啦😵😵 1. 後遺症真係好嚴重，嚴重到C朗中招後仲可以跑得咁快。當日比黃藍大家庭通緝嘅李運強先生所謂確診後無接受任何醫治底下成功逃出醫院。就連侵爺咁老中左招幾日就無事，容光煥發。仲有好多好多確診左嘅人都係好似流感咁病一個禮拜就如常生活，無袁總統所提及嘅跳唔到幾多cm同嗰肺以後唔會康復。 2. 其實嗰口罩本身就阻擋唔到武漢肺炎，都唔知你班人其實究竟做乜。美國紅色州份之前取消防疫政策，確診數字係比藍色防疫州份少人確診。我諗唔明點解仲有咁多防疫撚迫人戴口罩。「啊我點知你有冇確診啊，戴返好嗰口罩啦又唔係要求啲乜」照你依嗰邏輯，如果你係男人我都可以叫你鎖住自己條撚，我唔知你會唔會強姦人，做多一步啫唔係要求啲乜。咁樣係唔合理㗎嘛，法律都有話「無罪推定」，你依家就「確診推定」。講真如果我對面條友無戴口罩對住我咳到噴口水，我贊成你私了佢啦，哇大佬啲口水飛曬埋黎塊面，咁對面好明顯病緊梗係可以叫佢戴口罩啦，好影響緊我阿嘛。再者，係你叫一個無病徵嘅人戴口罩嗰陣，你有冇了解過佢有冇病所以導致唔戴得口罩？皮膚敏感，心臟疾病，呼吸困難等等，你無了解就批鬥人唔戴口罩最自私嘅係你，你係無顧及他人嘅情況底下強迫人地服從你嘅命令。講真你覺得口罩有用點解仲要其他人戴啊，你自己戴住咪得囉。

#NSS愛情 [GUEST] 如果只係一時嘅感覺，咁我寧願我哋冇開始過⋯⋯ Hello大家好，我就係嗰個恐怖情人，#NSS211107B嘅樓主！咁一個月前我呢段關係就正式結束咗啦⋯⋯ 雖然真係好唔捨得，不過我依家都嘗試放低，雖然有啲難啦，哈哈。 如果你冇睇過之前嗰個post，我建議你睇咗先再睇呢個po。 咁喺一個月多啲之前，我就發現佢好似唔太對路，覆message等成日佢先覆，我唔搵佢佢電話都唔打個俾我，咁我就進行左呢個「三日唔理佢計劃」睇吓佢會唔會主動黎搵我，但係三日過咗去佢完全一個message都冇，我唔想亂諗嘢，所以我就去搵咗佢個friend問吓佢係咪好忙，好多功課要做，但佢個friend話冇乜，而佢個friend都覺得好可疑，建議我打電話俾佢。雖然我嗰陣時已經有個不祥嘅預感，但係我都鼓起勇氣打咗個電話俾佢，而佢第一句「喂」嗰陣時我已經feel到佢嗰種冷淡，好似唔係好想同我講嘢咁，但係我都繼續：「喂，你呢排好忙啊？做咩唔搵我嘅？」佢又冷漠咁答我一句：「唔係好忙啊，我都唔知點解唔想搵你。」然後講咗少少嘢之後佢就提出左分手，佢比我嘅垃圾理由就係因為我喺佢好唔開心嗰陣時不停搵佢，佢覺得有人陪佢好開心，但係而家好似冇感覺，所以就想分手⋯⋯不過佢都想要返少少時間諗吓，所以就約咗係聖誕節之前傾掂佢。 我約咗佢香港時間10:00am傾嘅，但係我因為嚟到加拿大嘅時差問題，所以我就睇錯咗時間，遲咗一個鐘，雖然我有錯，但係我想問點解佢呢一個鐘裏面完全冇搵過我？咁到我call咗佢嗰陣時我就問佢點解唔搵我，而佢就話：「我見你冇搵我咁我咪以為你唔想同我講嘢囉。」喂大佬呀，我約咗你就唔會放你飛機啦，如果唔係我約你嘅意思喺邊度啊⋯⋯ 就算我真係唔搵你，咁我諗一個正常人應該都會Send個message問吓掛？咁我哋開始講正經野嗰陣時，我就唔希望氣氛太尷尬所以就用咗我平時開朗嘅聲線同佢講嘢啦，而唔知點解佢喺度笑？？？咁耐以來第一次向我笑⋯⋯ 我到而家呢一日我都好想知道佢做乜笑⋯⋯

#NSS愛情 [GUEST] 小妹今年中六，話說我係中四嘅時候鍾意咗一個男仔，但係我覺得自己配唔起佢（自問自己個樣10分裏邊得6-7分，又係肥肥地個種）所以一直都冇同佢講😅我同佢幾乎冇傾過計（鍾意佢係因為佢性格好好）。上星期五放學嗰陣時，佢企左喺樓梯前面同朋友傾偈，見到我落樓梯，就擰轉左塊面。。。我想問下，其實佢係咪好唔鍾意我😅（自問同同學相處得好好，都冇聽到同學話我性格有咩問題）講真果下真係好唔開心🙁今日放學行樓梯又見到佢喺前面，我全程都揼低咗個頭行，好驚望到佢啲表情😭其實純粹係我唔自信，覺得佢唔鍾意我，定係佢真係唔鍾意我？（指同學嗰種唔鍾意）我好肯定佢嗰陣時係望到我，先擰轉左塊面！ 而且，我唔係得把口話鍾意人哋。我真係有努力過㗎……我為令佢留意到我，減肥已經瘦咗7kg。但係覺得好奇怪嘅係，其實我覺得佢都有少少鍾意我（或者係好感掛）之前都以為係自己自戀得滯，以為人哋都鍾意我。但係我身邊啲朋友都係咁講，仲有一啲同班但係唔係好熟嘅同學，問我哋係咪男女朋友關係。因為佢上堂嗰陣時成日望住我。所以我就唔明，點解嗰陣時見到我會拎歪塊面？😭 小妹自認文筆好差，希望各位可以高抬貴手😂 （唔知係咪咁用）以及希望各位可以俾啲建議我🙏 sorry for 1999

#NSS個人 [Guest] Admin pls po ig thx 小妹鍾意左一個男仔一排，但最近發現佢好似唔係單身，之前一路都無發現係因為佢身邊一直圍住好多女仔，又同佢唔算好熟，淨係知大家叫咩名，一年內傾計嘅次數一隻手數得曬，但因為有次佢幫過我手，經過個次之後，我就視線就一直離唔開佢，但最近經過一啲細微位感覺佢好似唔再係單身。我唔想再留意佢，但係視線就一直飄左去佢個度。大家有無方法可以幫我忘記佢。 Sor for