#NSS學業 [GUEST] 唔知有冇人同我一樣會做數做到喊。 小妹我係一個數學好差既人，只要題型轉左少少就唔識做，如果要我解落去就會用左錯既方法去計。試過私補，我覺得效益唔大，都係唔識既數先問，問題係我題題都唔識，無從入手。亦都試過大型補習社，我覺得進度有啲太快，唔係幾跟得上，雖然比起私補我係學到更加多野，但係到自己操數，係地獄既開始。 一揭開啲練習題，頭幾條冇乜問題，再難少少真係唔掂，繼續做落去，眼淚停唔到流落黎，我一度逼自己去計，最後真係計唔出。嗰種絕望失敗感勁強烈，慢慢開始我驚左數學，我知數學係主科，逃避唔到，總有一日會面對。究竟係唔係得我一個做數做到喊？定仲有其他人都係咁？ Sorry for 1999

#NSS愛情 [GUEST] 大家覺得一對情侶嘅發展速度大約應該係點？ 即係一齊咗幾耐先攬攬錫錫叫正常/好啲？ 例如一齊咗一個月先接吻，大家覺得太快定太慢定係正常？ Sor for 1999🙇🏼‍♀️ Post IG

#NSS家庭 [GUEST] 點解屋企人思想咁守舊？中學時期一定唔可以拍拖.

#NSS社會 [guest ] hii今日我主要都係分享吓有關倉鼠嘅事 可能你會覺得倉鼠係無辜 其實我都係咁認為 只不過倉鼠帶有delta病毒 到時佢惹到你你就唔係咁講啦 其實我都明白倉鼠係無辜 但係政府又有啲咩辦法？

#NSS個人 [Guest] 小妹F2 成日都有人話 真心朋友一兩個就夠 慢慢發現原來自己一個都冇 我比較內向 好少主動同唔識嘅人講嘢 有時好想同人傾下偈 但係人哋講咗啲嘢嗰陣

#NSS學校 [TKOGSS ] 本人今年F5，選修的其中一科為旅款。 F4開學時同旅款老師都傾得埋，上堂又有趣。到F4上學期考試完後，老師承諾我們帶我們去海洋公園，但最後因安排不到時間去，我認為下次有得去，就let it go 。 F4下學期考試完後，老師又承諾我們帶我們去海洋公園，但最後因沒有旅遊車往返，老師話又怕我們自行去會有人身安全，所以又無得去，我再次認為下次有得去，就沒多加理會。 暑假時，老師話為了補償我們上兩次的失約，再次承諾會一定在暑假帶我們去海洋公園。之後她又話身體不適，所以活動又要取消。這也是我最後一次信她。

#NSS愛情 [DGS] https://www.hk01.com/%E7%A4%BE%E6%9C%83%E6%96%B0%E8%81%9E/727933/%E6%95%99%E7%B7%B4%E6%B6%89%E9%9D%9E%E7%A6%AE14%E6%AD%B2%E5%A5%B3%E5%AD%B8%E5%93%A1-%E8%A8%93%E7%B7%B4%E5%BE%8C%E4%B8%8A%E9%85%92%E5%BA%97%E6%8C%89%E6%91%A9%E6%91%B8%E8%83%B8-%E7%A8%B1%E4%B8%8D%E7%9F%A5%E6%8E%A5%E5%90%BB%E7%8A%AF%E6%B3%95 https://news.mingpao.com/ins/%E6%B8%AF%E8%81%9E/article/20220124/s00001/1643018981587/%E7%94%B7%E7%94%B0%E5%BE%91%E6%95%99%E7%B7%B4%E6%B6%89%E8%97%89%E8%A9%9E%E6%8C%89%E6%91%A9%E9%9D%9E%E7%A6%AE14%E6%AD%B2%E5%A5%B3%E5%AD%B8%E5%93%A1-%E8%AD%A6%E8%AA%A1%E7%A8%B1%E8%88%87%E4%BA%8B%E4%B8%BB%E5%85%A9%E6%83%85%E7%9B%B8%E6%82%85 https://hd.stheadline.com/news/realtime/hk/2301884/%E5%8D%B3%E6%99%82-%E6%B8%AF%E8%81%9E-%E6%B6%89%E8%97%89%E6%8C%89%E6%91%A9%E9%9D%9E%E7%A6%AE%E5%A5%B3%E5%AD%B8%E5%93%A1-%E7%94%B0%E5%BE%91%E6%95%99%E7%B7%B4%E5%90%A6%E8%AA%8D%E9%99%BD%E5%85%B7-%E7%AF%A4-%E4%BA%8B%E4%B8%BB-%E6%AD%A3%E5%B8%B8%E4%B8%8D%E6%9C%83%E6%9C%89%E7%94%9F%E7%90%86%E5%8F%8D%E6%87%89 https://hk.on.cc/hk/bkn/cnt/news/20220124/bkn-20220124155506198-0124_00822_001.html 大家小心!!!

#NSS其他 [對不起] 對不起, 很後悔沒有跟你說再見, 現在, 你已離開, 看著趟着的你, 我不禁流下了我多年沒流的眼淚, 我已不能再看你燦爛的笑容, 我很後悔,

#NSS社會 [GUEST] 見到有關倉鼠嘅話題好似好熱烈，小妹都好想喺度提出自己嘅見解😉 既然有病嘅倉鼠可以拎去人道處理，點解唔將有病嘅人類都攞去人道處理一下？😇 純屬娛樂，切勿認真，多謝大家。 （btw知道我係邊個嘅同學麻煩唔好爆我出嚟, thanks 😉😁)

#NSS學業 [HTC ] 小妹今年F2，自問喺學校考得還可以，大概係級30內。 近來有打算轉校嘅諗法，有諗過要轉去MCS，但係少少擔心去到果一邊會適應唔到，仲有F3會跟成績分F4讀乜嘢，好驚轉到去嗰一邊啲成績keep唔到最後搞到分科分到好差⋯⋯ 如果我繼續留喺上智，我而家嘅成績係可以揀到理科⋯⋯ 但係我亦都想挑戰下自己去MCS等等嘅學校，令到自己個profile 第時靚少少，移民方便啲，但係一個唔該分科分差咗去咗讀中史點算⋯⋯ 我真係唔係中史嘅材料 雖說唔知MCS會唔會想收我呢舊垃圾，但都想問下讀MCS嘅朋友仔覺得自己學校點樣

#NSS個人 [GUEST] 我好鐘意睇動漫、漫畫等等，睇見個d cosplayer（角色扮演者）真系覺得好犀利好好睇，所以我一直對cosplay（角色扮演）好有興趣，而家有翻d私己錢就想試下cos一d簡單嘅角色，因為冇任何經驗所以我就去google cosplay需要知道d咩，然後我見到個關於cosplayer嘅討論區就按入去睇，點知入面d人全部都唔系cosplayer，係度講一d偏見，仲要系好噁心，話cosplayer都係唔檢點嘅人，有d人仲評論話要識d咁嘅cosplayer，我睇左幾眼就唔想睇，開始諗都系唔好cos，一係唔知係咪個個都咁諗，二係萬一我撞到d咁嘅人真係死火。而家我就好糾結，想知道正常人對cosplayer有咩諗法，同埋我到底要唔要試下🤧

#NSS個人 [Guest] 你哋會唔會有時突然之間會好驚好驚，但係又唔知自己驚咩，仲有啲呼吸困難個感覺就好似有野壓住自己咁。

#NSS學校 [九龍某女校] 見到有啲學校谷針谷到傻咗我覺得自己好好彩🥺 我自己一直都冇打針亦都冇諗住打，學校又冇要求一定要打，真係好好💜 之前2019反修例，我哋學生都有啲聚集嗌口號等等，學校都冇理，而家要升旗都好明顯係被逼，同埋有啲老師都唔怕非直接諷刺偉大的黨(對住而家啲f1就咪啦😬) 唔知大家嘅學校2019同而家嘅態度係點呢(ฅ´ω`ฅ)

#NSS其他 [GUEST] 小女最近就追緊j-pop 但係買album嗰陣發覺無乜關於j-pop嘅野啦 所以我想問下其實香港有冇人追j-pop🤣 可以一齊分享吓：）

#NSS社會 [guest] 我唔知係乜嘢原因令到你地會咁冇腦，亦都唔明呢個垃圾無能政府同埋共產黨有咩好支持。 香港本身係一個好好嘅地方，無論地理位置定經濟，全部都可以令到香港人好驕傲。 – 19年社運，我地係爭取民主自由，前線係攞命去搏，而唔係你地口中暴徒，請了解清楚真相。警察又做咗乜嘢，亂開槍、白衣人、推跌孕婦老人、販毒、偷嘢 等等。呢啲狗種行為講都冇人信係警察。好多人犧牲咗好多嘢，本身講好嘅一國兩制五十年不變，依家乜都冇曬。 – 去到今時今日，所謂國安法，我地已無力再爭取，只能忍氣吞聲。政府壓榨市民，冇人出聲，新聞自由？執笠。點解咁都會有人支持，去到死我都唔會諗得明。 –

#NSS學校 [CFSS] 各位師弟妹7完未😅

#NSS社會 [guest] 標題：本土人 直擊主題，今日係想講下香港現今紅色政治下嘅「本土人」。隨著一分一秒過去，紅色主義因為黃色保衛者冇辦法保衛國土而滲入本土，紅旗丶愛紅教育丶唱紅軍進行曲等，縱使「本土人亅經常話自己嘅意識係好堅定，但本人唔柒係咁撚樣認為！ 的而且確，盲目抵制紅色主義一定唔係明智嘅舉動，但BC2019年，一個地方嘅志願軍奮力抵抗，為咗加強成效，行為同盲目抵制係冇乜分別，嗰個地方嘅民眾即使婉如一盤散沙都願意作出不同舉動保衛自己嘅地方。好可惜，兩個學堂作為根據地接連淪陷，紅色主義律法亦都滲入該地。 一開始嗰個地方嘅人都好反對，甚至有熱心民眾捨生取義，但隨著時間的推移，信念嘅火炬已經逐漸凋零，曾經嘅嗰一批民眾不少已經被紅色主義潛移默化，唔信嘅話就睇下面嘅幾個例子。 就以當地政府同民眾之間為例，政府因為自己的過失而封鎖了某個地方，有民眾闖咗入去，就好似嗰一個足球場投稿咁樣，當中嘅黃色保衛者固然有表達不忿，但佢地之間的一部分人就認為因為樓主違反規定而做錯。喺呢一度我想同大家講一句嘢：「依家唔係要睇有冇犯法，而係睇嗰條法律有冇道理！亅封鎖足球場固然係合理防疫要求，但係而家就成為咗政府因為己身過失而犧牲嘅替罪羔羊，當中嗰一班亦為因為違反規定就錯嘅人似乎係咪忽略咗呢一點？ 再者，嗰個地方學校就有每星期升掛一次國旗之要求，學生當然深深不忿，而當中兩名學生嘅舉動令我最為深刻。當中一名學生堅稱自己十分不滿，BC2019年開始就成為了黃色保衛者,2020年如是，但在BC2021年卻表示只要心中信念猶在就可，BC2022年竟然在升旗時主動上前幫手。另外一名學生在 BC2019年十分支持紅色主義，但在2020年開始醒覺，BC2021年更一度嘗試抗爭，升旗時無不反抗，BC2022年已立志奮守家園，不論成功機會渺茫，仍然搏盡無悔。情況就如當今學生，對社會發生咩事都係聽咗就算，慢慢地，紅色主義得以長驅直進侵入。 第三，思想。抖音丶獨特的普通話風格等都是紅國之獨特文化，嗰個地方嘅人都好抗拒，但係呢一個現像已經逐漸消失。「我恨紅色黨而不是紅國」丶「你確定日常生活真係可以唔用任何一樣紅國嘢？亅丶「鍾意紅色嘢係人哋嘅思想，你冇權阻止喎～亅某程度上我係認同嘅，但係似乎係呢一班有咁樣嘅思想嘅人已經畀紅色主義潛移默化……今日或者佢哋會咁樣講，聽日或者就會成為第二個例子第一個學生咁。有咁樣嘅思想嘅人我想問你哋一個問題，紅國軍隊再次進軍本地，你哋身為黃色保衛者仲願唔願意保護家園？

#NSS學校 [Guest] 是咁的，我學校有個中文老師，喺度教咗幾年，不過我哋班第一年上佢嘅堂，結果搞到全班超憎佢，但係又冇方法投訴，跟住就講吓佢有咩咁過分。 首先，佢每堂都用一啲好文青嘅語言，例如「交妥」「胡來」，咁我哋班真心覺得冇乜問題，只不過係覺得有啲難聽姐 但係跟住，就開始引起民憤。首先佢喺實體課嘅時候成日會喺WhatsApp比功課，最重要係，嗰日下晝四點俾，要即日晚上用WhatsApp私訊形式交返，咁我就想問如果嗰日啲同學有事冇得用手機，或者咁啱要出街做嘢，做唔到功課，咁點呢？最過分嘅係，佢話啲睇唔到WhatsApp嘅同學，係「唔屬於呢個時代」，咁如果一啲學生唔係太富裕冇手機，或者咁啱手機壞咗，咁係唔係就唔屬於呢個時代呢？ 第二，佢係編排測驗同功課嗰度直情係「胡來」，佢可以喺測驗之前嗰一日比三份功課聽日交。仲有，佢可以喺測驗之前嗰兩日先話要測驗，仲要個測驗係佔平時分好多，叫人點溫得切呢？ 第三，轉返Online嘅時候，佢照常咁Assigned 功課，但係當我哋交完功課之後，佢就逐個同學話文件命名錯誤（份檔案冇嗰份功課嘅名)、掃描模式錯誤（要文件模式，唔可以相片模式)。最離譜係佢話Scan嗰陣唔可以影到張枱，咁我想問點樣影響你改功課呢？最關鍵係呢啲指引佢完全冇講過，之後用咗全堂嚟逐個同學喺度話 第四，因為我哋學校啲功課係佔平時分，而係上一次考試之前，老師話仲有幾個男同學未交功課，而佢更加話如果佢哋之後唔交返份功課，所有男同學都會少1分平時分，係所有，你冇聽錯。咁其實準時交功課嘅男同學錯咗啲咩？ 第五，佢超級重女輕男，當一個女仔同一個男仔同時冇帶書（兩個成績差唔多），佢叫個女仔坐低，淨係講一句下次記得帶；而相反，個男仔俾人叫咗去班房後邊企左成堂……..

#NSS學校 [Guest] 是咁的，我學校有個中文老師，喺度教咗幾年，不過我哋班第一年上佢嘅堂，結果搞到全班超憎佢，但係又冇方法投訴，跟住就講吓佢有咩咁過分。 首先，佢每堂都用一啲好文青嘅語言，例如「交妥」「胡來」，咁我哋班真心覺得冇乜問題，只不過係覺得有啲難聽姐 但係跟住，就開始引起民憤。首先佢喺實體課嘅時候成日會喺WhatsApp比功課，最重要係，嗰日下晝四點俾，要即日晚上用WhatsApp私訊形式交返，咁我就想問如果嗰日啲同學有事冇得用手機，或者咁啱要出街做嘢，做唔到功課，咁點呢？最過分嘅係，佢話啲睇唔到WhatsApp嘅同學，係「唔屬於呢個時代」，咁如果一啲學生唔係太富裕冇手機，或者咁啱手機壞咗，咁係唔係就唔屬於呢個時代呢？ 第二，佢係編排測驗同功課嗰度直情係「胡來」，佢可以喺測驗之前嗰一日比三份功課聽日交。仲有，佢可以喺測驗之前嗰兩日先話要測驗，仲要個測驗係佔平時分好多，叫人點溫得切呢？ 第三，轉返Online嘅時候，佢照常咁Assigned 功課，但係當我哋交完功課之後，佢就逐個同學話文件命名錯誤（份檔案冇嗰份功課嘅名)、掃描模式錯誤（要文件模式，唔可以相片模式)。最離譜係佢話Scan嗰陣唔可以影到張枱，咁我想問點樣影響你改功課呢？最關鍵係呢啲指引佢完全冇講過，之後用咗全堂嚟逐個同學喺度話 第四，因為我哋學校啲功課係佔平時分，而係上一次考試之前，老師話仲有幾個男同學未交功課，而佢更加話如果佢哋之後唔交返份功課，所有男同學都會少1分平時分，係所有，你冇聽錯。咁其實準時交功課嘅男同學錯咗啲咩？ 第五，佢超級重女輕男，當一個女仔同一個男仔同時冇帶書（兩個成績差唔多），佢叫個女仔坐低，淨係講一句下次記得帶；而相反，個男仔俾人叫咗去班房後邊企左成堂……..

#NSS社會 [GUEST] re #NSS220124E 長文慎入！小妹第一次投稿 打嗰陣嬲到手震 所以可能有啲打錯 希望各位體諒 睇到篇嘢嗰陣真係火都黎埋，所謂嘅價值其實由頭到尾都係人類賦予俾動物，動物有冇價值並唔係由我地決定。再講，動物係人類嘅財產？佢地對於人類有價值就可以留低，而冇價值就要死？對於每一個人黎講，動物嘅價值都唔同，憑咩你要決定所有動物嘅價值？就算係人都好 每一個人都係無價，係冇可能用數字去定義每一個人嘅存在，而動物都係一樣。