#NSS家庭 [Guest] 我今年f2，呢排疫情嚴重咗，老竇老母係咁逼我打針。學校又成日發通告，因為呢件事成日同佢地嗌交，就嚟比佢哋逼到想跳樓，差唔多晚晚都因為呢件事喊，想知可以點算，我真係唔想打針。

#NSS愛情 [Ltfc] Um… 其實我唔知點講好 Steve其實我中意你 我知你柔道好勁 仲係港隊 係我襯唔起你 但我淨想你知你身邊有一個人係好中意你🥺

#NSS社會 [[GUEST]] 最近動物權益的問題頻生, 不足半年便有野豬襲擊人類、賽馬受傷及近日倉鼠疑似傳染病毒, 而被人道毀滅。有人抱着生命平等的想法, 對人奪取生物生命的行為怨聲載道, 更笑言人若襲擊他人、受傷或染疫, 亦需人道毀滅。我對此等將人與動物相題並論的想法嗤之以鼻, 人本來便與動物不同, 不論二肢站立以騰出雙手或大腦發達而提升智慧,

#NSS個人 [GUEST] 係噉嘅，本人現正處於一個好迷茫嘅狀態……希望各位俾啲意見 人係會成長架，細個嗰陣任何做過嘅尷尬事都可以話係童言無忌，好快就冇人記得，自己都唔會耿耿於懷。隨著年紀成長，我發現一言一行都要自己負責，隨便講一句說話，都可能會惹嚟圍攻又或者得罪人，好容易就落下笑柄，又或者會麻煩到人，而且我仲成日做呢啲尷尬事，一時心血來潮或者情緒湧現隨便做一個決定，都好似惹到成身蟻噉，或者可能係我諗太多，總之搞到我而家好迷茫，做每一個決定好似要承受好多風險，完全唔知算，好想逃避，甚至不願社交。 而且我慢慢發現自己抗壓能力，耐性都好差，而且好在意他人想法，好似如果有人鬧我一句，我可以有超多內心戲,諗多咗，然後唔開心成日。又或者我做咗一件事，只要一有人話我做得唔好，我就會即刻自責，然後想盡辦法補救。同埋有時候搞極都搞唔掂一單嘢，就會崩潰到喊，有時候可能只係好細嘅一單嘢，比如解唔到條數，都會喊，有時我自己都唔知自己喊啲乜，有乜好喊。 再者唔知係唔係因為自卑，加上成日做埋曬啲糗事，得罪人，又對唔住自己，結果成日都同人講sorry,sorry彷彿變成咗我嘅口頭禪,講到人哋都覺得我煩。身邊嘅好朋友，又冇乜幾個可以做樹窿，同佢訴苦，佢覺得好煩，但係又好容易唔開心，啲負能量冇地方發洩。 就好似眼前一片模餬，搵唔到方向，跌跌撞撞，無人可依…… 我應該點算？ 點樣訓練自己嘅抗壓能力？ 點樣令自己敢於面對選擇？

#NSS愛情 [Guest] 小妹今年f4 喜歡一個Chem 啊sir 話說佢係隔離級班主任 之後我一直都有向隔離班打聽佢嘅事 一直都打算畢業表白 前幾日，佢有意無意透露佢有女朋友 好似仲話諗住會結婚

#NSS學業 [VC] #NSS220119e Title: 再分享下我想drop通識嘅心路歷程 大家好,我係一個禮拜前話想drop通識讀公社嘅樓主。 本來想公佈問卷結果,但因為投稿冇得放hyperlink,手機app又冇得copy條link,所以搞到回覆數量極低,得個位數,所以就唔公佈啦。 不過啲comments都好一面倒,叫我唔好drop通識,好好珍惜讀通識嘅機會,又話公社科冇我想像中咁易,而且好洗腦,所以都知道大家嘅睇法。 其實我都知係自己問題,不過喺度一直逃避,唔想面對。初中嗰陣,我好期待讀通識,到F.4上學期仲搞得掂,但自下學期開始,啲嘢就深咗,又開始要做卷二嘅題目,要喺極少資料下寫千字文, 所以就搞唔掂啦,嗰陣好多功課都諗唔到,結果遲交,咁啱下學期嗰陣,教育局宣佈將通識科改為公社科,於是我就開始萌生drop通識嘅念頭。

#NSS個人 [No] 我係一個F.1嘅學生，九月先啱啱升上中學所以冇乜friend。但喺12月嘅時候識咗個對我好好嘅friend。但係之後佢出poo成日都同男友一齊，唔理我。我諗住搵我堂妹（我同阿妹同我一間學校）但佢又話我唔理佢。咁我應該點做呢，求幫忙！

#NSS社會 [GUEST] 小弟見近日喺呢個page關於動物議題爭辯甚為激烈，欲於此表達一下意見。 – 對於倉鼠生命嘅價值，我相信大部分人唔會否定。至於若有人覺得為人類嘅利益而隨意大規模屠殺倉鼠係合情合理，則只能夠話係有啲冷血。 – 我講隨意，係因為政府做屠殺倉鼠呢個決定，係真係十分隨意。當初下令屠殺倉鼠，根本未有充分嘅證據確定倉鼠會傳染病毒畀人類。況且檢測並非冇可能，你同我講冇錢，ok，冇錢你又買50架特別用途咩咩車返嚟？睇嚟国家安全始終比倉鼠呢啲「低賤」嘅生命重要。 2500 條命呀，2500 呀pk

#NSS學校 [kslo] 件事係咁嘅，我今年中二，遇到個堪稱我人生中最pk嘅老師，佢有好多「事蹟」嘅，我就列舉幾件啦 第一件事就係佢每次畀考試範圍，都好唔準確，有次佢話成課嘅課文問答都要背，但另外幾班嘅人收到嘅範圍淨係要背3題，問佢點解佢竟然話因為我哋係精英班，認為我哋有能力背多啲……. 第二就係佢教書真係唔得，之前考試前一日佢話佢有啲嘢想補充返，結果所謂「補充返」係教返之前本來應該要教嘅修辭……佢仲要上堂成日浪費時間做啲冇意義嘅嘢，例如話背默一篇唔使考，冇乜教過嘅文言文，又例如話檢查我地用嚟擺功課嘅file咁樣。 唉總之佢好有病但我仲有成個學期先可以擺脫佢，諗起都想喊。

#NSS家庭 [Family] 屋企出現咗好大問題…… 交代下背景先媽媽係護理員 爸爸係的士司機 一切都由一月一號嗰晚開始 嗰晚媽媽係我爸爸手機見到其中一個乘客msg我爸爸 話「X先生 明天來接我」 咁我媽媽就即刻去問我爸爸係邊個啦

#NSS愛情 [Guest] 上年七月同咗個女仔一齊，但… 我一開始認為自己唔配，論學歷背景都唔夠佢好，有咩我都盡量滿足佢。 但係我享受唔到一絲快樂，喺學校定online都係每次由我打開話題，佢唔會主動同我傾偈，除咗問我攞textbook answer/notes，其餘時候佢好少text我。我成日質疑自己有冇嘢做得唔好，所以經過我深入嘅了解，我知道佢鍾意睇IG嗰啲愛情語錄，我就決定隔一兩日就會send俾佢，希望可以同佢多啲傾偈，但係每次佢只會回覆相似嘅留言，吹多兩句關於學術性嘅嘢，個conversation就完咗。我自問係咪有嘢做得唔好，所以一見到佢出story有嘢打開話題嘅我都會text 佢，我嘗試分享多啲關於我嘅daily life，佢的確嗰排同我吹多咗兩句。 但係之後我發現佢個close friend，加咗某幾個異性friend，加佢嘅原因竟然係成日擦佢鞋，話佢身材正。我唔明白點解會咁。

#NSS學校 [長沙灣**已經就黎唔係band1**嘅男校] 不公不義，係本校被普遍學生認為嘅代名詞。 “家醜不可外揚”，我都覺得我作為該校嘅學生，冇必要將自己學校嘅醜事講曬出黎，但係近來見到NSS入面不斷有post喺度討論自己學校，我都覺得，係時候要”宣揚“吓本校。 談論下本校嘅老師先，其中以訓導主任問題最大。佢多次聲稱本校校訓為(四字成語)，訓示我地呢班人都應該要保持呢種精神，唔好令到自己變爛仔，仲要脅我地唔想讀書咁咪過去隔離(band3B學校)讀囉，仲喺度話搞到本校就黎跌落Band2完全係我地嘅風氣問題，上堂唔認真，喺度嬉皮笑臉。講住咁多，先唔好談及佢係唔係間接攻擊緊該band3學校，呢位訓導主任做嘅野，就真係只有“訓”，個“導”係完全冇出現過嘅，佢有佢一味講，實質做過D咩? 係冇啊! 難道佢覺得只係用一把口就可以令到貴校起死回生? 簡直係天方夜譚。 再談論下本校嘅secret，是的，本校都係有設立secret嘅。但係其作用，自從唯一嘅新admin上任後，有一個post名為”不公不義(5)”嘅控訴post就即刻比該admin移除，唔知道係因為咩原因，總之喺唯一嘅新admin上任前該post係依然存在嘅。嗰一個post主要係講下本校嘅prefect實在係愚蠢嘅存在， 包括:

#NSS學業 [某普通中學] 以下呢篇嘢純粹寫嚟想呻吓，唔介意各位comment下我嘅諗法(不過唔該各位請Diu細力啲…) 小女我今年中五，由細到大都唔係好識點讀書，其實應該話我根本讀書冇咩天份，成績只係普普通通……尤其係中文，真係差到冇得再差，唔怕老實講，我真心覺得出年中文DSE應該 lv2，而其他科都只係啱啱合格多啲，得英文四分卷成績都OK。 但係偏偏我想將來大學想讀嘅嗰一科最少都要30分，其實我都唔肯定如果攞31、32分佢會唔會收我……因為我見好似好多人都係攞住35分以上入去……但係基於我能力有限，所以將個target set住30分先。我計過條數，至少都要兩科有5*，一科4，其餘記一定要有5（順帶一提，個一個學科係用best 6嚟計）其實暫時我對大學收身認識都唔係好高，所以都唔係太清楚呢一科係唔係淨係會收一啲高分嘅人，例如係35分以上。 就係因為我好想入呢一科，而呢一課要求嘅分數都好高，再加上我而家成績未如理想，所以一直都好大壓力……由F4開始就已經進入一個完全專心備戰DSE模式，好多人都話中四仲可以玩，但係我真係唔敢……好怕自己成績真係唔達標……依家一諗到距離DSE淨係剩返一年時間，真係好驚……真係好驚自己到時候攞住張放榜紙會即刻跳樓，更加驚嘅係呢幾年嘅努力白費晒…… 好抱歉我冇寫想讀邊一科出嚟，我驚寫咗出嚟之後會有人發現我係邊個，我唯一可以講嘅係我想讀嘅係一科醫療科。

#NSS學校 [GUEST] 今日想同大家講下我地學校(某小西灣區中學)管理層嘅處事手法，唔係迪士尼個啲無謂野。 如有雷同，實屬巧合 話説我係考試期間被人係學校課室偷左銀包+電話，於是就馬上同老師講啦，咁啲老師就開始問我案發過程/時間咁，問完之後，啲老師就第一時間叫我千其唔好同其他人講我被人偷左野呢件事。企圖壓一壓低件先，之後訓導組同我阿媽溝通/跟進嘅過程，亦都唔係直接對話/提供調查過程，而係再通過中間人轉述同溝通，於我被人偷左野嘅2日後，我地嘅班主任就特別係我地班出左公告，大意係叫大家要保管好自己個人財務，以防有意外嘅損失，大概過左5-6日左右，學校訓導組就話已經揾到偷野個個人，但係就冇同我/我家長講個人嘅身分，只話係坐我附近嘅低年級同學。咁問返個條友嘅動機，佢就話本意係打算畀返我，幫我保管先，但係太緊張就放學一下跳左上巴士等好荒謬嘅理由，我全部屋企人都唔信呢個係真相，然後學校方面就話會再調查跟進，但係當我update班主任啲最新手機位置，佢就話「都可以繼續update嘅，但其實都係咁㗎啦」。咁前幾日，學校就突然通知左我家長，我本身以為係有新進展，原來係打算就咁結案，老師就話：「其實都冇話真唔真相，都問左位同學好幾次，大致上都係咁」，就打算close file，然後我阿媽就話想要返個調查報告，然後班主任又話要問返學校因為呢啲嘢都係internal document。 想問一下大家認為呢間學校管理層處事手法如何?

#NSS其他 [GUEST] re #NSS220128A 小弟其實係基督徒，而我亦都有收過嗰類嘅信，但係想提一提你其實嗰類信好多時都唔係真正嘅基督教教會寫嘅，而係一啲假嘅基督教會寄出。而大多數教會都會講叫人唔好理呢啲信。希望大家唔好誤會Thanks 🙏🏻

#NSS學校 [葵青區某間中學] 想請問有冇人清楚點遠離friend? 因為我有個frd好雙面,好假… 佢同佢啲friend鬧完我,之後又來搵我傾偈當冇事 最近幾日都一直主動搵我講嘢 佢好影響到我… 識咗佢之後 我變咗 原本比較正面

#NSS個人 [港島某間中學] 學校啲同學/老師令我失去歸屬感。 我是一個香港/英國混血兒，如以下文字不通都是因為我屋企大部分講英文，少講廣東話。 我係我嗰級唯一嘅混血兒，每次傾起有關英國嘅嘢，人人眼神都即刻啄住我：「有邊個想去英國讀書？攞visa可能有難度，但係知道某位同學（我有英國國藉加護照）唔會有問題，IELTS都唔使讀。」咁樣單獨咗出嚟好尷尬！我好運，但係可唔可以正常啲？ 我嘅中文程度又唔高，要比其他同學更加努力先追到一般程度，正統做個香港人。（我聽過中文能力≠係唔係香港人，但我諗自己，如果連正式溝通都搞唔掂，講嘢停停滯滯，讀中文又慢死但英文反而完美，我點有資格可以叫自己係土生土長嘅香港人？我係呢度出世，但都覺得自己唔屬。） 同學仲衰。歷史堂學鴉片戰爭，提起英國的過錯又望住我。討論不平等條約，我仲記得有人問過我：「咁你究竟係支持香港定英國？」我嗰陣時真係想喊出嚟，你眼中係咪淨係睇到我嘅國籍，有冇諗到我同呢啲以經死咗嘅英國人完全沒有關係？仲夠膽笑出嚟。我花咗好多心機認同我係香港人，我唔係格格不入嘅，我屬於香港。一句就就咁樣打倒。 當然，呢個唔係單一例子。呢個淨係我抽出嚟其中一個事件，令我深切地感受到不歸屬嘅事件有好多。無論係聽唔明人哋嘅笑話定點，學校所想產生嘅寬容、歸納感反而無。我就係心靈上越嚟越孤單。對唔住。

#NSS學業 [GUEST] 我唔知自己想點 我由鄉村小學入到一間九龍band1b-c 我自己以為去到嗰度會追唔上人地 點知中學啲人仲哀過小學嘅啲人，自問自己我又唔覺自己得成績好勁，最多咪有幾分8-90分然後又係冇一科炒。但好似喺中學名列前茅 我宜家都幾desperate去轉校，係想入1A or possibly 名校

#NSS學校 [Canossa College] 希望Admin可以揀中之後post ig 我今年f5，其中一科選修係VA。 大家都知道art既sba份量好大，好多時捱通頂都做唔晒 但教我地VA個老師居然叫我地係1月前要交兩份Sba 最新個份仲要係聖誕假之後先交 我地學校1月初到中後段又要考試

#NSS愛情 [Guest] 小妹係F3學生，係小四參加cadet 嘅時候試咗個師兄，稱佢為a，嗰陣時a好nice ，我嗰陣時仲細，唔知，當咗a做我呀哥，但係a P6 畢業我哋就冇再聯絡，直到上年8月佢生日，搵左a，漸漸就同a熟咗，我都鍾意左 a .。嗰陣時幾乎日日都同a call，仲表咗白但係佢拒絕左，我同