#NSS個人 [Guest] 想問吓大家有冇生暗瘡嘅煩惱？ 本人由中一開始生暗瘡，中途因為自己生暗瘡而喊過好多次。本來唔係好介懷，但係當你啲朋友全部都唔生暗瘡皮膚好好，影相嘅時候得你個額頭係紅咗一片，會感到好自卑！跟住而家食飯嗰時要除口罩，每次都係食飯前一刻先會除，然後想快啲食完帶返個口罩去避免俾人睇到啲暗瘡！ 仲有每一次見到啲家長佢哋又喺度講「哇又嚴重咗喎！我推介你去睇某某醫生/你用呢隻藥啦會好返啲㗎！」每一次表面上同佢講「多謝多謝」但內心其實好hurt囉 !其實嚴重咗都唔關你事啦係咪！你冇必要咁樣講出嚟好冇（生慣暗瘡嘅人都會明㗎啦）同埋最煩嘅係啲人成日都問我「點解你會生暗瘡嘅？」我都好想知呀唔好成日都問我啦！我點解生關你咩事姐！你估我好想㗎！重有生暗瘡嘅時候， 好多嘢都唔食得。想食辣野炸嘢嘅時候又要忍住口！特別係你啲朋友係你身邊食嘅時候，成日引誘你食！令到我成日忍唔住望到自己個樣就想喊！ 最後想問大家一個問題想知道男仔係點樣睇生瘡嘅女仔㗎？
#NSS學校 [黃大仙區清水灣道某名校] 啱先喺nss見到一篇投稿，冇記錯應該係 #NSS210928G，唔知點解好似見到曾經嘅自己，講真，睇到嗰篇文嘅時候我真係好緊張，好驚樓主遇到唔好嘅結局。 話說中一嗰陣時，入到精英班，裏面學嘅嘢深過普通班好多倍，我底子唔好，所以會比其他人辛苦更多。我係一個唔太識社交嘅人，全級淨係識到一個朋友，每次grp project我都係剩低嗰一個，其實依家諗返起，記憶已經有少少模糊，但係我好記得中一嘅我過得幾辛苦。 第一次pj，我同我唯一嘅frd嘅frd組埋一齊，但係嗰陣時唔知點解個個都好排斥我，pj要交嘅前一日，佢哋將所有工作推曬俾我，仲講到好似理所當然咁，當然我‘寡不敵眾’，最後差唔多都係我一個人做晒。之後我唔小心唔見咗另一個pj需要嘅工具，佢哋成組人一齊鬧9我，話我freerider，但係其實嗰個工具可以再問老師攞多個，而且唔係急住用，我唔明白點解可以將件事講到咁嚴重。 第二次pj，我又係剩低最後一個。話說我嗰陣時有個好憎我嘅人，但係我完全唔知道點解，我唯一知道嘅係佢同我唯一嘅frd好frd。因為搵組員嗰一日佢冇返學，所以我就焗住同佢一組，但係佢完全唔想同我溝通，我ig dm佢，第二朝我就聽到佢同另一個人講 ‘哇你睇下，我就專登唔理佢！’
#NSS學校 [赤柱嗰間好大嘅中學F5學生] 話說學校喺完咗assembly之後，將我哋form冇打針嘅人用PowerPoint列哂出嚟，冇打針嘅人要留哂喺個hall到，大家都知咩事。嗰吓真係好嬲，點可以將個人嘅私穩亂咁post哂出嚟，學校咁樣做完全冇尊重過學生嘅私穩。之後當然就開始逼針啦，原因一：可以上全日課；原因二：可以上全日課；原因三：可以上全日課。咁究竟打針係為咗上全日課定係為咗我哋嘅健康？依家隻疫苗技術咁新，面咗世唔夠二年，我打咗會對我長遠嘅健康有咩影響？同埋政府啲專家都話有機會會導致心肌炎，又話咩淨係需要打一針，減低患上心肌炎嘅機率，咁其實都已經證明咗有安全隱患。如果係學校因為想上全日課，而我走去打針，我最後出咗事，咁點算？我冇信心，同時都好驚。我本身喺學業方面都已經好大壓力，依家仲要搞埋啲咁嘅嘢，加上我老豆老母又係逼針專家，我依家想同屋企人分享同表達吓自己意見又唔得，返到學校，又係咁，我真係未試過咁大壓力。可能逼針嗰堆人可能真係想我哋好，但我都想表達嘅係，你心目中嘅好，唔一定係我心目中嘅好，我有我嘅選擇權去揀打唔打，選擇一個我認為最適合自己的決定，希望學校可以尊重返學生嘅選擇權同私穩。 圖Link: https://drive.google.com/file/d/1Mpoj5fCKQRg4r7nnfsvOFgmPvxNZh_HX/view?usp=drivesdk
#NSS家庭 [LKPFC ] 小妹今年中三，由上年開始已經覺得自己心理上有啲問題，但我冇同屋企人講。因為我覺得就算我講咗，佢哋都會認為我喺度搵藉口。但我發現我好似越來越嚴重，每日返學都會肚痛。其實我想好好同佢哋坦白，但由於我父母唔係住喺香港我自幼就同公公婆婆住。本來我會去探下佢哋，可惜因為疫情已經好耐冇見，我有因以前嘅一啲事而唔敢同主動佢哋講野。 直至近排我鼓起勇氣同佢地坦白，話我想去睇醫生，本先我以為佢哋會同意。結果我老竇只喺同我講咗啲安慰嘅說話，大概係你有咩事要同阿媽阿爸講，呢啲說話冇問題。但先前因佢哋曾經否決過我嘅想法，令我對佢就好似最熟悉嘅陌生人。其後我都有同佢表達過我想去睇醫生嘅想法，但佢都係話我好健康你冇病。其實我心裏面真係覺得好委屈好辛苦，每次想同佢哋講都要諗好耐。本身可以講心事嘅人已經好少，一個手掌都綽綽有餘。究竟係我諗太多定係佢哋把我想像得太好？ Sorry for 1999
#NSS個人 [GUEST] 係咁嘅，小妹今年F3，個頭勁多細毛毛(baby hair) 話說我由細細個幼稚園嗰陣去到小5都係扎低辮，不過去到小6就開始扎高辮返學，都係普通想換吓新髮型。不過每次我朝早扎完個頭已經會有啲毛毛彈出嚟，啲毛毛想綁埋囉條馬尾度又唔夠長，重新扎過又再彈出嚟，咁重扎咗成幾次隻手都開始攰，咁都唔緊要啦咪搵嗰啲夾 夾住先囉，就咁出門口。原本以為問題解決咗，點知當有少少風或者跑幾吓，啲頭髮又自動彈返出嚟 我每個小息都必定要去廁所睇吓啲毛毛狀況如何 ，不過嚟個都未係最嚴重，真正嚴重嘅就係體育堂，我嘅死敵。每次玩閃避球啊跑圈嗰啲就係我朝頭早辛辛苦苦夾到啲毛毛唔再彈出嚟個陣形全軍覆沒嘅時候，每次體育堂完咗去廁所洗手嘅時候照吓鏡，我個頭真係亂到嚇死人，仲要加埋啲汗，我個音(or八字瀏海)就會好似兩塊芭蕉葉咁樣喺我是兩邊面上面，跟住我就超級唔想返班房，覺得我宜家個樣一定會俾人笑(因為我自己都覺得好笑) 。唔係講笑，有時候真係會有個衝動想直接剪啲毛毛走 剪短到見唔到嗰隻。咁其實我個人真係覺得扎高辮係好睇啲嘅，咁所以都唔想因為啲毛毛而扎返低辮。跟住再講返宜家啦，我啲毛毛一直都仲係嚟個狀態，不停彈出嚟，我成日返學放學見到其他女仔扎嗰啲馬尾又順又冇毛毛就會超級羨慕，好像變到好似佢地咁…..