#NSS愛情 [不便透露?🙈] 是咁的，小妹上年開始識咗個女同學， 佢之前坐我隔離，我哋每日都有好多共同話題好多嘢傾，甚至連放學之後返到屋企都會call傾計，每次都可以幾個鐘無間斷咁傾，得閒會約出街。 咁我其實細少少嘅時候已經知自己可能係bi，咁我細個就冇諗咁多。但係我暑假嘅時候有一次同佢傾計唔小心扯咗上去感情方面，跟住攞咗少少料，佢話佢自己都唔確定自己性向(?)，話之前有親戚問佢佢都話鍾意男仔，但私底下答我就同我講佢自己都有可能係bi。 咁我就發現我自己鐘意咗佢啦總之。 但係有一日佢同我講，佢可能下年年尾或者後年會移民，嗰陣有少少唔開心咗一陣，不過都有同佢講會掛住佢呀之類，咁佢覆我都好似氹我咁啦，就話唔緊要約多啲出嚟之後都會返嚟嗰啲。基本上有時我哋啲對話都會好sweet? 可能係熟咗同佢撒嬌嗰種。 咁我應該點做？想同佢表白覺得畀人拒絕可能又會hurt，就算佢應承咗冇耐佢又要移民… 咁想問下我應該點做啦。

#NSS社會 [GUEST] 真心講句，有冇人覺得用黃藍去分政見好on9？ 香港政治光譜其實有好多派別 eg本土派有民族自決派同獨立派 而熱城就係修憲派(不過同射完精之後嘅精子一樣唔重要) 而所謂嘅泛民就係指溫和/激進民主派或自決派 基本上本土派同泛民主派嘅目標同出發點唔一樣。用“黃”去統一本土派同泛民主派根本就係將兩樣矛盾嘅嘢放埋一齊，猶如pizza加菠蘿、打邊爐落芫荽。 入正題，小弟係本土派嘅民族自決派(不過目的都係香港獨立)，成日見到網上面有人用“黃就一定要支持泛民”。咁大家又知唔知道班販民老屎忽賣港賣咗幾多年？14年割勇武蓆、投票缺席、捉鬼、入中聯辦、白頭佬71阻止義士等等。而大家最愛嘅蘋果日報，喺理大嗰日直播義士點走，結果就係令義士俾狗咬。仲有肥佬黎公然自認打壓本土派。 我打咁多字就係想大家了解下香港嘅政治歷史，唔好再相信班政棍，咪再用二元法去分政治光譜。仲有唔好過分期望外國插手，自己香港自己救。

#NSS個人 [GUESTT] 是咁的，小弟14歲，F4，讀男校。 F2時候daddy帶我去割包皮，我以為係body check，所以ok咗。 去到先知係咩，所以冇辨法挨咗一刀。 割完之後覺得自已條J好怪，所以2年冇用學校廁所尿兜，驚俾人睇到笑我。 其實割咗x係咪正常？ 會唔會俾人笑？ Sor

#NSS個人 [GUEST] 是咁的，小妹前嗰排打咗一個叫做HPV嘅疫苗。係一個防止女性子宮頸癌嘅疫苗。 聽講支針係粗過普通疫苗…咁我係一個怕痛嘅人。打完第一次之後，我已經唔想再打，因為我覺得痛…（以前被狗咬，要打四支針，我都覺得唔痛。）睇得出HPV支針係真係粗過其他針…… 咁幫我打針嗰個護士（唔知係咪）同我講仲要打多兩次…… 我宜家好驚…我知可能有d人會唔理解我，冇辦法，可能我皮膚比較敏感？ 講咗咁多，就係想睇下有冇人知下次打嗰陣點先冇咁痛？Thxxxx sorry for 1999

#NSS個人 [hks] 求po thx 有無人有同感？深夜嘅時間係最正嘅me time！想做啲平時唔敢係屋企人面前做太耐嘅事，即係睇下漫畫，動漫，煲劇，睇youtube，總之就放下肆咁啦。但係！我屋企人好鍾意同我鬥遲訓！成日得正係我對面煲劇，跟住我就同佢鬥遲訓😥通常都要鬥到12點佢先肯訓，跟住我就係佢面前扮多幾個鐘乖乖女。跟住就係12點幾後好攰咁享受下自己爭取嘅me time ，跟住害我1/2點先訓，第日精神不足！ 依家學生哥想有個me time都難，點算！唔好勸我放棄me

#NSS愛情 [Guest] (可能有啲長sorry🙇🏻‍♀️)小妹今年F.2最近同咗個大我兩年左右嘅師兄一齊，其實我哋並唔熟但係傾咗幾次計，知道都對對方有feel就自自然然一齊咗，我黃嘅而佢係藍，佢小學喺大陸讀書中學先落嚟香港讀，咁我諗唔同立場唔踩到對方底線都冇衝突，但係佢又打簡體又用書面語(平時現實見面就唔會用普通話或者書面語講嘢)我係咪應該同佢溝通下，就算立場唔同但係希望佢可以用繁體同講口語？？ 然之後到佢父母方面，佢因為上年成日打機搞到成績跌咗少少俾人收咗電話，佢阿媽要佢一月個試考上全級頭五先俾返電話佢，呢方面我理解父母都仔女成績好，但係佢平時用完電話搵嘢之後，佢阿媽竟然仲要check佢電話。咁都算佢屋企離學校都唔係好遠，但以我嚟講都要行十幾分鐘，佢阿媽要佢二十分鐘內到屋企，遲咗仲會鬧又唔聽佢解釋，而家中學邊可能準時放？老師拖一拖都五至十分鐘，再搞下呢啲搞下嗰啲都要五分鐘啦😓。佢阿媽仲要喺佢間房裝cam，平時用iPad同我傾偈仲要偷偷哋用唔可以俾佢阿媽知。佢阿媽平時仲要唔俾佢出街，話要溫書乜剩。咁事源前幾日我同佢拍拖件事俾佢阿媽發現咗，佢阿媽就收咗佢iPad同打咗佢一鑊，原本都已經淨係可以喺學校小息同有個課外活動見下，今日開開心心咁諗住個課外活動可以見兩個鐘興奮到死，點知佢小息同我講，佢阿媽知道咗佢拍拖之後唔俾佢參加任何課外活動要等個試考得好先可以參加返。。。 我啲frd叫我同佢分手搵個自由啲嘅，但係我好真係鍾意佢唔想分，想等佢考埋一月個試先算，我應該點算好😭😭 多謝睇晒成篇嘅人，有錯字或者語句唔通暢請多多見諒🙇🏻‍♀️，如果真係有咩問題屌細力啲😭都希望揀到我🙏🏻

#NSS愛情 [某女校] 其實自己依家同一個同性拍緊拖 但係我有時又會諗自己係咪真係鍾意同性 我知拍拖之後先諗呢樣野好賤格 不過我都係想搞返清楚自己嘅取向 我見到女朋友嗰個會好開心 乜嘢上堂返學嘅煩惱都好似冇曬 見到佢send相俾自己 我睇到都會係度笑

#NSS個人 [GUEST] 小妹今年f2，之前俾老母經濟封鎖😿，所以就諗住睇下賺唔賺到錢，嗰啲咩有會費嗰啲我一律冇信，結果見到個免費兼職叫代充，我心諗既然都係免費應該都無乜嘢好呃，所以我就做咗。 代充就係佢比張信用卡我綁同埋客戶嘅遊戲帳戶，登入咗之後攞佢比果張卡比錢，結果做做下俾人封咗課金嘅功能，即係做唔到代充啦。 然後我基本上每個禮拜都問佢可以幫我解未（解嘅方法係需要張卡嘅資料，要相）然後佢初頭就話喺外地，然後慢慢就連訊息都無覆，中間有同佢哋嘈過，最尾直情比佢踢走咗😭，我試過喺網上尋求方法，結果我試咗之後佢而家好似永久封鎖咗果個功能😭😭 唔知有冇同我一樣嘅苦主有解決方法，課唔到金嘅意思係直情連Spotify嗰啲都課唔到😭😭 （嗰啲人係喺台灣，而且用line溝通 都希望各位唔好中伏😭比起俾人永久封課金功能我寧願俾人呃幾十蚊😭😭 sorry for

#NSS愛情 [GUEST] Pls po IG thx 小弟今年中二，我嗰班有個由中一識嘅女同學，平時都有傾偈。 而最近，我嗰班掉位，我坐課室左邊，佢就坐右邊，中間差成5行，不過係同一排。我就發現佢成日望住我，因為我掉轉頭同同學傾偈嗰陣都見到佢望住我，我好似比人監視咁。 而我問過我啲朋友，不過佢哋竟然話佢應該鐘意我，但係我又follow唔到佢IG… 所以想問下各位，到底個女同學係咩事？

#NSS學校 [GSS] 我唔想佢越陷越深.. 講返背景先，小妹而家f2，f1嗰陣識咗個best frd，感情都好好 f2我升咗上精英班，佢就跌咗去最差嗰班 本來頭一兩個禮拜都好地地，直到大概過咗一個月， 佢就識埋啲mk妹mk仔，10句有9句粗口，日日放學都係去D唔三唔四嘅地方玩，成績一落千丈，返學個書包唔係裝書，而係裝D衫褲鞋襪，方便放學去玩 勸過佢幾次不過都係畀佢鬧返轉頭，同佢傾計又畀佢人身攻擊， 我真係好想幫助佢，但又覺得自己好多管閑事，

#NSS個人 [某間女校] 互相鍾意對方，但係兩個都係女仔，唔可以喺埋一齊。 一直都係曖昧緊，但係我同佢都唔敢講啲感情出嚟。某日我真係頂唔順跟住就問咗佢喺埋一齊，佢就話好 不過之後冇沒變化，仲感情好似俾之前更加冷淡。過咗一段日子我就同佢講我唔想繼續，即使唔開心都好，我覺得佢忘記晒啲感情先至對佢好。我哋兩個都好唔開心，不過佢話鍾意我有點，佢做唔到日日都關心我。我想要嘅唔係你嘅關心，而係你。我想你陪住我，我想日日都見到你笑。而家每日喺學校見到佢都要扮唔在乎佢，不過我次次都會諗起以前嘅事。

#NSS愛情 [Guest] Admin please post IG 小妹中二，有個男仔兩年都同班，我覺得我係有少少鍾意佢，大家平日喺學校有時都會主動搵對方，喺whatsapp亦好啱傾，我平時搵佢嗰陣唔會覺得尷尬，不過有時一班同學一齊玩 (包佢) 嗰陣，啲同學會輕輕ship吓我哋咁，佢哋話我次次都面紅，但係我又分唔清自己究竟係因為俾人ship而覺得尷尬，定係因為比人講中咗而覺得尷尬，其實我的確對佢有啲好感，不過未去到日日夜夜都諗住佢嗰種，平時亦唔會成日提起佢，我有啲frd真係鍾意男仔嗰陣會有好多唔同嘅「奇怪」行為，不過我全部都冇，只係鍾意同佢一齊玩，一齊傾偈，同埋分組 (非2人一組)

#NSS愛情 [某女校] 是咁的，我發現自己好似唔只鍾意異性。 話說幾星期前小妹上緊堂嗰陣，我左右兩邊嘅同學傾緊計，傾傾下講左句肉麻嘅嘢，但係只係佢兩個嘅對話無意中俾我聽到，只係咁簡單，但係我個腦就唔知搞咩，句說話一直係我個腦到。然後冇幾耐，我覺得自己對其中一個女仔嘅感覺唔同左，已經唔係普通同學、朋友嗰種感覺，而我以前係好肯定自己鍾意異性。宜家我分唔清自己係咪真係bi，完全冇idea 發生緊咩事。最近同佢講野都會心跳加速同好緊張，可以點分自己係咪真係鍾意左佢？

#NSS愛情 [GUEST] 其實鐘意人究竟係一種點樣嘅感覺。 會點樣發現 點樣肯定 點樣面對 唔肯定好感係因為日日傾計產生嘅依賴 定係心動 唔肯定佢對我有冇同樣嘅感覺 唔肯定會唔會有結果

#NSS愛情 [Guest] 我有幾個朋友，而家好似中意咗其中一個，佢都好似中意我，我應該點?想進一步，但係又驚會無咗呢個好朋友。

#NSS其他 [Guest] 令到朋友俾屋企人鬧，都係聽人講嘅，自己就梗係有啲唔開心…我又真係幾鍾意佢….我應該點做😭

#NSS愛情 [Guest] 小妹今年中四，有個前度，我哋係因為有個女仔嘅時分手。咁呢一樣嘢都唔係重點啦，重點係，今日小妹喺IG出咗新post，其實佢都唔止係第一次㗎啦，我六月同佢分手，之後佢成日都like完又unlike。大佬呀，你唔like咪唔like囉，使唔使次次都like完又unlike啊！唔好以為我睇唔到先得㗎，各位，我可以點做？

#NSS個人 [Guest] （親手推開了自己很喜歡的人) 是咁的, 小妹今年就f5 一直都中意有一個不嬲都幾有好感嘅師兄。同佢本身係frd, 由f2見證住佢交過3任女友, 上年就同最近嗰個分咗。其實我身邊啲朋友都知佢有少少渣, 即係佢會周圍係網上同女仔搞曖昧, 有時又會同女同學聊性咁。其實當我知道佢係咁,

#NSS個人 [GUEST] 小弟自細開始打乒乓波，自然有睇開乒乓波比賽，咁係人都知中國乒乓波運動員好勁，佢哋有唔少都係我偶像，除咗中國乒乓波運動員，我亦好鍾意台灣嘅林昀儒，日本嘅張本智和等等，當同學問起我有冇睇奧運，又鍾意邊啲運動員嘅時候，我次次都口窒窒，唔夠膽話自己鍾意中國運動員，其實我知道運動同政治扯唔埋，不過我又唔知班同學會唔會接受，請問大家覺得我應唔應該老實同佢哋講我鍾意邊個運動員？

#NSS學業 [guest] 小妹今年中四，我覺得國民教育呢一科好難，可能我自己冇乜興趣呢科，都已經上咗咁耐堂但完全唔知老師講乜，搞到每次功課幾乎一題都唔識做，下星期二就有test真心遇咗今次會fail，我一向成績都唔係好標青，但又唔算好差，我唔想dse因為肥咗呢科入唔到大學。到底有咩方法可以令我去容易d明白？🙏🏼 Thanks admins🙏🏼