#NSS學業 [Guest] 小妹今年中五，讀緊兩個electives，但都係讀到一篤屎咁，望吓自己喺其他學校讀嘅朋友都讀三/四個electives都仲讀得好好，我有請教過佢哋，佢哋話冇咩特別技巧。我又嘗試過請教屋企人同親戚喺以前嘅會考年代係點樣讀書，希望可以得到少少啟發，但最尾都攞唔到啲乜嘢。 每一次睇吓自己咁嘅死樣都覺得自己好失敗，有時仲想死咗就算。 想問大家，你哋點樣分配自己嘅時間？ 多謝咁多位嘅意見！ Sorfor 1999 圖Link: https://ibb.co/smHdVSm

#NSS個人 [GUEST] 小妹我有個好大嘅問題 就係同人講野唔敢望對方隻眼ㅠㅠ 又細到大都係咁 好驚人地望住我 我又唔敢望住人 同朋友都唔得(꒦ິ⌑︎꒦ີ) 望幾眼就好尷尬 成個人唔舒服

#NSS學校 [港島一班中學] 小妹今年中五，冇拍過拖，唔知個男仔係咪鐘意我 同一班，成日上堂會對望，開頭就冇點擺喺心，但隨住對望嘅次數越黎越多，就開始有少少避忌。最近，佢仲同我對望嗰陣，對住我笑，嗰隻笑有唔係假笑，而係發自內心嗰隻先。同埋，佢會上上下堂無啦啦望我（我扮唔知）。早一兩個禮拜，我唔舒服落左醫療室，返班房嗰陣，佢係咁望住我。 我唔知自己係咪諗多左，話曬自己又唔靚又冇身材，講出黎都笑死人，又或者單憑呢啲事我唔可以判斷佢係咪鐘意我，但係我好似有少少鐘意左佢。我地平時冇乜交流，係幾乎冇，但係佢會主動同我講野（雖然都係普通野），但我嘅感覺佢會係好好相處嘅人，因為其實男仔同女仔少啲傾計，所以我先咁諗。 我又唔知係咪我冇拍過拖所以先有咁嘅諗法（對愛情嘅憧憬），想問下大家點睇？ 多謝大家聽我up

#NSS家庭 [[GUEST]] admin求吓你po ig 係咁嘅，話說有一日我同我屋企人一齊去食飯，然後我阿爸影咗張相，我覺得我個樣好核突，諗住delete咗佢，然後順便喺recently deleted 嗰度永久刪除咗幅相。然後就喺個recently deleted 個album發現咗兩段片。係我阿爸同另一個女人上床嘅片。我當時見到又要扮冷靜，但我真係好驚，好唔開心，唔知點算。我同阿爸關係一路都好好，我一路都好鍾意我阿爸，但係我又接受唔到條片嘅內容。我不嬲都當我阿爸係絕世好男人，但係就咁毀咗對佢一切嘅想法。我冇辦法開口同屋企人講。因為我真係唔想頭家就咁就散。我好愛屋企，喺睇到呢段片之前，其實我覺得自己好幸福。但我而家真係唔知點算好，我話咗比屋企人聽，我爹哋媽咪就一定會離婚。因為我阿媽係嗰種好少嘢就會好唔開心同好激動嘅人。其實我得14歲，真係唔識處理呢啲事。有冇人可以幫下我… sorry

#NSS個人 [[GUEST]] admin please po iggg （女仔請進） 大家好 小妹今年已經14 有個好大嘅煩惱

#NSS愛情 [guest] 點樣可以改善自己容易暈船嘅問題？

#NSS個人 [GUEST] Admin pls post ig🙏🙏 小妹係位05年嘅女校生，我155cm但咁其實一直冇乜理自己身高嘅問題。最近第一次拍拖同咗個178嘅男仔一齊，一開始冇諗咁多但係有時睇返啲相好似..我有啲太矮。佢好似唔介意但我覺得有啲對唔住佢，大家覺得會唔會好大問題同埋btw我16歲仲有冇可能高啲😞😞 thank you admin!!

#NSS個人 [沙田區某中學] 麻煩admin IG同fb都幫手出post🙏🏻🙇🏻‍♀️ 是咁的，小妹上個星期四（16/9）約14:00-14:30期間喺恆安邨唔見咗個銀包，當晚報咗案至今仍未搵返。本住一絲希望，睇下會唔會有有心人還返畀我😭🙏🏻 銀包款式如圖，係紅色嘅曼聯銀包。 裏面有約$500現金、身分證、學生證、學生八達通、至少8張同朋友影嘅即影即有，仲有閃電十一人第三季鬼道嘅球員證。啲即影即有相對我嚟講真係好重要，希望有人可以畀返我😭😭🙏🏻🙏🏻🙏🏻 最後一次見到銀包係喺恆安街市門口嗰間買腸粉燒賣嘅時候攞出嚟，之後自己手上攞住啲大型（？）用具同埋落住大雨，然後唔記得有冇放返好個銀包就拿拿臨上咗朋友屋企。一直去到恆安邨對出嘅87K巴士站，上埋巴士先發現自己唔見咗銀包。 當晚有再去行返嗰啲地方但都搵唔到，有問過腸粉舖都話唔見😭 我會喺post樓下留言返，如果搵到嘅話麻煩聯絡返我😿🙏🏻

#NSS個人 [GUEST] 我真係好辛苦。 自從疫情開始，我就唔知自己做緊啲咩，每日都覺得好攰，唔想做任何嘢。我完全睇唔到自己未來嘅路，亦都唔知人生到底有咩樂趣。我好討厭自己每日都係咁，上堂個思緒唔知飄咗去邊，明明我已經好努力想聽書，同埋我發覺自己各樣能力都好似越來越差，例如表達能力同理解能力，我唔知去到我DSE個年會點，如果仲係咁我唔會有任何出路。 我唔想自己再咁糜爛，我做過好多嘢，想令自己嘅情況有改善，但係我發覺全部都冇效果，就算有都係微乎其微。我只會變得越來越令人討厭，越來越想了結自己。我真係唔知點算，我知我自己而家講嘢1999，好纍贅，但係我真係好痛苦，做咩嘢都冇好結果，成個廢人咁，冇優點，大食懶，生活日日都差唔多，每日都好想今日快啲完，真係好攰。所有人都話中學生活好過以後好多，但係我而家已經就嚟頂唔順，點面對將來？每一日訓覺前同起身前我都諗緊，到底幾時到我死，死神幾時嚟收走我。功課又多，壓力好大，每日都最少12:30訓，五六個鐘又起身，唉。 有冇人圍爐取暖，或者有咩建議，感謝。 （admin post IG pls）

#NSS學校 [Guest] 純粹發洩吓，當故仔聽完就算。 是咁的，唔知呢度有冇讀DSE同我差唔多遭遇嘅VA學生，小弟自問喺art方面嘅天份好好，對作品或者自己嘅能力都非常執着，但係唔會自大（因為以前比校外畫畫老師屌醒咗）。咁話說DSE要做四份S BA，每一份要做一份作品+研究工作簿。第一次接觸SBA，我懷着好興奮嘅心態去做，咁一開始老師就俾咗啲YouTube片我睇，睇完之後雖然都係一頭霧水，但係返到屋企我有好認真咁研究點做，係咁睇以往攞5嘅作品。返到學校，我就被老師睇我做嘅第一頁研究工作簿（創作意念），其實我都預咗會唔收貨，只不過冇諗過佢會同我講要寫個人反思（嗰頁下面有個人反思），心諗：你究竟有冇認真睇㗎。當然口就唔係咁講啦，就好有禮貌咁問佢要點改啦（始終佢係評分嗰個呀嘛，邊夠膽窒佢），然後佢就好含糊咁同我講點做。之後我返屋企重做，第二日我返嚟又比佢睇，佢就話都係唔啱標準，咁好天真嘅我就問佢標準啦，然後佢話要多啲重點，整齊啲。點知幾日之後，上堂嗰陣佢自己睇我本嘢，然後話我做得好好，但係問題係我根本冇改過… 之後都一直發生類似嘅情況，然後我就係咁撞牆，係咁重做，到而家我總共重做左一次作品（重做嘅理由係以我嘅能力可以做得更好…），同埋三次研究工作簿（每一頁都重做），重做唔係問題，只不過唔收貨又唔講理由，但係唔講理由我又點知點做ah，搞到我越做越氣餒。只不過冇辦法啦，佢去評分嗰個，唔通我現場返枱又唔會高分啲咩，所以唯有乖乖地繼續重做囉，我想要5** 講到呢度，其實我老師份人係幾好嘅（親近人個種）但係能力就真係…差…少少囉～如果有類似經歷嘅人，我就只可以同你講聲加油，雖然唔識你，但係我會精神上陪住你。 最後多謝埋睇到呢度嘅人啦，如果有錯字就體諒吓，祝你地又開心愉快嘅一日

#NSS個人 [Nss ] 我想知我其實係咪真係多管閑事。 (文筆好差，希望大家可以睇埋落去) 我有一個識咗兩三年嘅朋友，今年中二唔同班，但我哋都係好friend。學校早排舉辦左個活動，要全級着運動服返學參加活動，但係後尾取消咗，所以嗰日就按返平時時間表。校方叫咗班主任通知同學，同埋貼通告喺白版。但係我個friend嗰一班，班主任好似唔記得咗通知。前一晚我個friend問我聽日要着啲咩衫，使唔使帶書。我就同佢講返學校取消咗，諗住叫佢順便通知埋佢同班同學，但係結果佢答我：我唔要，我同佢哋又唔熟，冇義務通知佢哋，我冇咁大愛。嗰陣時我真係唔知點答，佢的確講得冇錯，佢的確冇義務通知。但係呢幾日我都好囉囉攣，其實我係咪真係太多管閑事。我想問吓大家如果遇到呢啲事會唔會通知埋其他人，定係好似我個friend咁樣覺得自己唔需要通知。　

#NSS家庭 [SPSS] admin plss po ig😭因為投稿勁多次都未見到有po我嘅投稿T_T 是咁的 我老豆好鍾意飲酒 佢依家60幾歲 有糖尿病佢係屬於嗰隻一飲酒醉嘅類型

#NSS愛情 [GUEST] 我識左一個男仔三年 最近先發覺自己好似鍾意佢 但係琴日同嗰個男仔傾計就話俾我聽佢鍾意我其中一個好好嘅朋友 不過其實都唔奇怪 佢鍾意嗰個女仔又高又瘦又靚女 又溫柔 試諗一下假如係我我都係揀佢而唔係自己 好彩嘅係我地平時呢堆人都係十個八個一齊玩

#NSS個人 [ilc] 小妹今年f3，懷疑自己有情緒方面嘅疾病… 是咁的，小妺自問一直都係一個比較自閉嘅人，有心事通常唔會同人講…而係其他人面前都表現得很樂觀。近半年發現自己負面情緒越來越多，課業壓力，人際關係，少數可以傾訴嘅人慢慢離開，覺得自己有啲撐唔住。 有時候會諗吓諗吓喊咗出嚟，好討厭自己，又控制唔到食量導致增肥，睇住自己身上大把大把缺點真係好傷心，現實又越嚟越糟糕，覺得自己好軟弱無能，加上性向等等等等問題，更加開始自殘… 有同伴侶傾訴，而本身小妺自己有比較多嘅抑鬱症朋友，睇住佢哋比自己辛苦好多嘅樣，覺得自己無資格嫌三嫌四，成日懷疑自己只係抗壓力低… 想求助一下大家，我應唔應該去睇一下心理醫生？

#NSS社會 [GUEST] 大家會唔會覺得身高155cm嘅女仔好矮？

#NSS個人 [Guest] 唔知大家身邊有冇啲friend會成日講爛gag, 我知,有時候講幾個唔係啲咩大問題, 但係可唔可以唔好成日講, 有時候普普通通問條問題,之後都可以夾硬加個爛gag落去, 唔好笑都算啦, 講咁多呢啲無謂嘢究竟係為咗乜？ 有時都唔知笑定唔笑好, 笑又只不過係假笑,

#NSS家庭 [nil] 我真係好憎自己阿爸阿媽。 即管話我唔孝順，我依家覺得咩冇所謂啦。 考試差全班第一名幾分，攞第二，佢哋話我點解唔努力啲攞滿分，我真係好攰。佢哋又話我成日唔做家務，但我平時可以幫佢哋做嘅嘢都做晒，只係佢哋睇唔到。成日迫我做一啲我根本唔想做嘅嘢，小學嗰陣話我生得高叫我去籃球選拔，但我嗰陣連拍波都未識，搞到我瘀到一個點；佢哋話我頭髮長，我話我大個啦唔想剪咁短，結果係喺salon門口阿爸好大力捉住我隻手唔俾我走，我心諗我都去到中學啦，自己個髮型都冇得揀。最好笑係佢話過幾個月就會生番長啦，我心諗我依家就係唔鍾意呀嘛。返學校又要俾人笑，返到屋企又要俾人鬧，我真係唔知我喺呢個世界做緊咩。明知未來一樣痛苦，何不早早了結。依家淨係諗到兩個辦法，一係我離開呢個世界，一係令佢哋離開我嘅世界。

#NSS愛情 [GUEST] 首先交代一下背景，女校黎嘅，性格好易熟，之前就直，但係最近好似鍾意左班上嘅一個女仔。 係咁嘅，我一開學就識左前面個個女仔，本來都係當frd，但係有一次因為我地Science堂嘅做實驗俾一位同學搞到手指起曬水泡，佢好care我，姐刻就幫我處理傷口個d，之後我就講笑咁話想要攬攬，點知佢真係攬左，仲要攬好耐，之後一同佢對視就好怕醜，見到佢同其他frd一齊玩自己會呷醋，但係對其他frd就冇呢d feel，佢有陣時亦都會攬住我，我朝早特登早翻就係為左同佢傾多陣計，究竟我係真係鍾意佢，定係沉船？

#NSS個人 [Guest] 小妹F2, 有個煩惱，第一次投稿，如果有啲咩講得唔清楚請見諒 話說我有個小學老師幫咗我好多，我本身中文唔掂，就自然唔鍾意中文啦，不過去到小五，由呢個老師教我中文，老實講佢啲堂幾悶，不過去到10月某一堂，我唔知點解突然覺得佢啲堂好有趣，身邊啲同學就嚟瞓着嘅時候，我都好認真咁聽書，嗰堂之後，我好似鍾意咗佢，嗰陣太細，根本唔知咩叫鍾意人，嗰陣我好想幫佢做嘢，小六仲自薦做埋科長，小六課室喺6樓，作文堂要揾人落1樓簿櫃攞作文紙，我每次都舉手話要去，連早會我都會揾吓佢喺邊，為咗唔令佢失望，我每次考試測驗默書都好用心溫書，仲有好多其他嘢，呢度當然寫唔晒。而家上到中學，佢教過我嗰啲答題技巧我仲記得，攞到好成績，本身諗住返小學探吓佢，講聲多謝，點知次次都唔見佢，而家好掛住佢 F1嗰陣對一個阿sir有差唔多feel, 行為都一樣，成日揾佢喺邊，好想幫佢手，想用好成績令佢記得我等等 我而家諗返，我好似真係鍾意咗呢兩個老師，又好懷疑自己係咪純粹對佢哋有啲好感，如果大家試過鍾意人，知唔知道我究竟係咪鍾意佢哋？唔該幫吓我thx Sor for

#NSS個人 [GUEST] Halooo,小妹今次嚟投稿係想問吓如果一個好耐冇聯絡對我好好嘅補習老師，我想約佢哋出嚟但唔知點開口，我好想約佢哋食下飯Shopping等…，因為事關我以前補習有個老師真係對我好好，但自從佢大學畢咗業辭咗職之後我同佢就好少聯絡，都係得閒傾一兩句咁，佢以前幫我補習嘅時候去到某啲節日我都會買禮物送俾佢，佢又會請下我食嘢咁，嗰陣時同佢真係幾friend，但自從佢辭咗補習呢份工之後，我同佢嘅聯絡真係少咗好多，我好想約佢出嚟，想好似以前咁同佢咁friend，不過我同佢嘅年紀差9年，大家覺得有冇機會可以間唔中約下佢咁樣？我又應該點樣開口？