#NSS學業 [GUEST] 小妹今年啱啱F4，有一科揀咗讀BAFS，想問吓BAFS係咪真係好伏🥲因為學校嗰阿Sir都教得幾快吓，幾日就已經教晒1個Chapter。我自己就第一個Chapter跟唔到但係第二個Chapter暫時跟到，嗰阿Sir又話後面幾本書嘅Chapters之間係有關係嘅。想問吓後面會唔會越學越難搞到完全跟唔上🙇🏻‍♀️ Sorry for 1999🤧 麻煩晒Admin審核

#NSS家庭 [[GUEST]] 唔知你哋老豆係咪咁,反正我老豆係 – 話說小妹今年中二,近呢兩年都疫情多咗時間留喺屋企自然都會對屋企人多咗。 – 我老豆就成鬼日帶埋啲負面情緒翻嚟,喺出邊有唔如意嘅事就返嚟喺度黑面(本身個樣都已經生得惡ga la)黑面都唔係一個問題,鬧我嗰下先係。明明我就冇做錯野佢就硬係搵啲微不足道嘅事嚟鬧我。 – 譬如我喺間房度出嚟去廁所,佢就叫我早啲訓。當時我冇答佢直接衝咗去廁所

#NSS個人 [Guest] 見到有啲人話唔鍾意喺外國讀書，但係我係相反，我好想去外國讀書但奈何屋企冇錢，所以想睇下有冇人係同我一樣同埋想睇下你地係點睇去外國讀書依樣野 ？

#NSS學校 [香港玉華中學] 成班都係大陸人。 交代一啲資料先：F1新仔，我住嘅地區都幾近大陸邊境。 其實一開始上適應堂嗰陣都正正常常，個個都係講廣東話冇人講普通話。不過開學之後佢哋就開始露出真面目啦，佢哋大部分時間都係用普通話(除咗上堂嗰張冇)同埋有幾個人嘅廣東話真係巧唔正，有勁濃嘅大陸口音。 然後我同佢哋溝通嘅部分係：我用廣東話佢講嘢佢就用廣東話應返我，其他人同佢哋交流嗰陣就用返普通話。 然後有時候去其他課室上堂嗰陣聽到一啲高form我嘅ching都係講普通話🤯 真係好懷疑除咗我同我個friend兩個人之外form1仲有幾多個人係真香港人而唔係「腥香人」… 同時亦都有好重嘅無力感，我仲要對住呢班大陸人幾年…… 到底可以點樣做???

#NSS學校 [GUEST] 第一次投稿，見諒下。本人依家中四，今日唔小心send錯野去學校既group仲要嫌個老師煩，並且唔係即刻del左，而家好尷尬仲要有啲驚驚哋，可以點做

#NSS其他 [guest] 有一次我見到我個friend鍾意咗佢嘅班主任嗰篇，就諗起我個friend，因為佢都超鍾意某老師啦，我就send咗俾佢睇，跟住佢居然話我淨係想做某老師隻狗….? 嚇到我呆撚咗O撚晒咀 我應該點算好😖 點樣先可以令到我個friend佢佢老師屋企做隻狗…?

#NSS家庭 [GUEST] 話說呢幾個月屋企日日都嘈到拆天，啱啱又係咁，所以就打呢篇嘢嚟發洩下。 大概半年前(？或者九個月前，工人姐姐突然有啲事返左印尼，咁啱請唔到新嘅，而6月嗰陣嫲嫲又走左，媽咪見我同細佬都已經大個左照顧到自己就冇諗住請個新嘅，所以而家家務都係由媽咪嚟做，當然我哋都有幫手分擔下，但係由細到大一直有工人姐姐照顧，好多嘢都唔係好識，有時可能仲越幫越忙，搞到媽咪成日都好嬲.. 媽咪一至六都要返工，份工好唔定時，有時早有時夜，之前可能到我哋瞓左(大概12點幾)都未返到屋企，而家叫做好啲通常都10點半前返到，但係因為工時長返到嚟又要做家務做到好燥，所以我、細佬同爸爸都做左佢嘅出氣筒。 我哋都明白佢真係好辛苦，但係成日都鬧鬧鬧，乜都鬧一餐鬧到隔離鄰舍都聽到哂，講嘅嘢又好過分… 成日話我同細佬白痴冇用乜都唔識，書又讀唔好真係唔知生嚟做乜等等好hurt嘅說話，呢排我自己嘅情緒都幾唔穩定，成日一個匿埋喺廁所喊，有時嬲得滯會打或者踢啲嘢發洩，再唔係就用指甲或者其他嘢拮自己手腳，其實有時真係會諗點解自己咁冇用乜都唔識，想結束自己生命，但係自己份人又細膽，根本做唔出呢啲嘢。。 媽咪佢唔止鬧我同細佬，有時連爸爸都鬧埋一份，例如拖拖下地無啦啦話爸爸返到嚟淨係識得攤喺度，但其實佢返工都超辛苦，做嘢做到手痛腳痛腰痛，成日都整傷，爸爸通常都會唔出聲，有時候真係頂唔順就會好大聲咁鬧返轉頭，呢啲情況雖然好少發生，但如果真係咁嘅話事後成個屋企就會好靜好尷尬，完全冇人出聲。 亦因為咁爸爸媽咪最近嘅關係變得差左，成日為錢而嘈，有時真係好驚佢哋會離婚…我知佢哋為左頭家應該唔會咁做，但係佢兩個畢竟係因為有左bb先至會結婚，所以好多嘢我都好擔心。。 身邊有唔少朋友嘅父母都離左婚，同後母/後父一齊生活，關係都唔多好，我真係唔想屋企變到咁…

#NSS個人 [Guest] 小妹而家F1, 有冇人都好似我而家咁食完粥會好肚痛、肚痾，同埋作嘔？究竟發生咩事，有冇人知點解？ sorry for 1999 admin pls post

#NSS學校 [GUEST] 想問下大家學下有冇啲咩奇怪校規(๑•﹏•) 以我哋自己學校為例: 唔畀著除咗黑色以外嘅皮鞋（Dr Martin 嗰條黃色邊都唔得） 唔可以紮髻,因為會導致攣髮 唔可以帶任何手繩（包括紮頭髮用嘅後備橡筋,一律會當成飾物）

#NSS個人 [GUEST] 我覺得我對一個唔應該嘅人產生左感情… 我今年F4，由中二開始，因為課程跟唔到嘅問題，再加上有好多課外活動，我有好大壓力，有一段時間係不斷自歹戔(割月宛)去紓緩壓力(我知道咁樣係錯)，當然，呢件事係冇人知嘅，因為我本身係一個好驚同人social嘅人，即係社交恐懼，所以我冇乜friend。 咁係F3嘅時候，教我哋數學係一個新嚟嘅男老師(簡稱L)，佢唔係好高，不過個樣唔錯，而且教書好好笑又學到野，所以係我哋班人緣好好。我記得係開學之後數學第三堂，佢派notes，咁我坐喺第一排就自然要接份notes啦，我嗰陣時都係有繼續傷害自己嘅行為，所以我隻右手可以話係有好多傷痕，為咗唔俾人發現，我每日都會着校褸，無論個天氣有幾熱。好死唔死，因為F2冇買過新嘅校褸，暑假期間又高咗好多，導致件褸好短，我隻手一向上伸，近手腕嘅傷痕全部都露晒出嚟，我已經好快拉返件褸(所以其他同學冇見到)，但係我見到L望住我隻手呆咗，自然我一落堂就比佢叫放學留低。放學之後佢就帶咗我去一間班房，不斷詢問點解我要咁樣傷害自己，問我點解咁睇唔開，佢甚至可以講出我隱藏喺心入面嘅情緒！我差啲以為佢係心理醫生XD，咁當時我情不自禁咁樣同佢講咗好多嘢，因為我從來冇試過有人咁關心我… 作為一個父母偏心細佬，遭受過幾次朋友背叛，成績不太理想的女仔，我從來都冇收到關心，只有責罵同忽視，我對呢啲早已經麻木，只會不時傷害一下自己。L嘅關心就好似一道光芒咁改照亮咗我嘅世界，好似一個知音人咁陪住我，但嗰陣時我仲未知道呢個感覺係咩。係呢件事之後，我哋嘅關係好好，好多時候會喺IG WhatsApp傾偈，佢亦都成日關心我問候我，我甚至有幾次發夢夢到佢。我成日都以為呢個係代表老師同學生之間嘅感情好 … 直到學年尾，我有一次碌IG嘅時候，見到L po左一個新post,見到佢攬住一個俾人用emoji遮住咗塊面嘅女仔，下面寫住拍拖兩周年快樂，我先知道原來佢係有女朋友，唔知點解，我睇到個post嘅嗰一刻，我個心史無前例咁痛。係經過一個月嘅暑假洗禮，我終於知將自己對佢嘅感情已經變咗。好不幸地，我今年嘅數學又係俾佢教，但係明白左自己所愛嘅我，已經好難去用學生嘅感情去對作為老師嘅佢，我同佢年紀相差九歲，我亦都好清楚佢冇可能對我有感情(畢竟人哋咁愛佢嘅女朋友)，但係我好驚有朝一日佢離開我(佢離開學校或者我畢業)嘅時候我會重蹈覆轍，傷害自己。我應該點樣去處理呢份感情？

#NSS個人 [Guest] 是咁的,最近小妹有d人生疑難想問下大家🤦🏻‍♀️希望大家比d意見我參考下🙇‍♀️交代返,小妹今年f4,係Band1A-B嘅學校讀,揀咗Chem Bio IcT三科,讀書唔算太叻,Ard 35-40名到.本身有項運動又細玩到大,我都好鍾意好enjoy,有團火去盡力去練,都有參加下d比賽咁。 但我最近收到港隊嘅offer,我可以話20%興奮80%擔心,我覺得自己根本唔deserve呢個offer。我自己知自己事,其實香港有好多運動員都勁過我,體能好過我,但我係連比賽都仲未有信心去贏嘅時候,純粹係因為港隊個教練有教我,所以推薦咗我上去。但其他有能力嘅人只係差個機遇,我就好似搶走咗其他人嘅機會,覺得自己唔deserve呢個機遇。 再者,港隊訓練辛苦應該嗰個都知,星期1-5一放學就要去練,夜晚7-8先完。我唔怕捱,但係我知我入咗港隊就要放棄學業,而我又唔想咁。Chem Bio都係要好畀心機溫+要背好多嘢,根本係唔會溫得切書。同埋我自己係Aim DSE

#NSS愛情 [Guest] Post ig plssss 表白≠冇遺憾 但想問吓，如果一個鍾意咗好耐好耐嘅人，佢準備移民，應唔應該表白？

#NSS個人 [GUEST] 其實點樣算r frd？咩行為就係r緊frd? 我畀以前嘅朋友話過r frd，而家佢已經同我絕交，我好希望可以令佢知道我真係冇心去r人.. 為咗方便睇叫佢做A 我想知係咪唔可以同朋友嘅朋友變熟? 以前因為同班我認識咗A嘅朋友，我好開心識到佢嘅朋友同一齊玩，但係A有同我講佢覺得過我r 佢嘅frd。

#NSS學校 [GUEST] 小妺今年中四，鍾意咗個班主任，但係一個cycle得一堂係佢教，好少機會見到，我要點先可以引起佢嘅注意？admin post pls THX

#NSS個人 [GUEST] admin po ig thanks 小妹原本Form5 但係因為抑鬱 Form4開始斷斷續續冇返學 我唔知道我之後可以點算

#NSS其他 [[GUEST]] 請問大家係點樣對付呢啲咁嘅人？ – 小妹我有班由細玩到大嘅frd 佢地個個都好外向 好sporty 成績都好好 唯獨我好內向 唔鐘意做運動

#NSS愛情 [chc] 希望可以揀到呢篇啦🙌🏻 我同我男朋友成日鬧交，但我地又好愛對方，想改善現況但又唔知點做好 我同我男朋友差兩年（我中三佢中五）我地係上年十二月一齊嘅，但我地完全唔熟（識咗15日），一月有分開過但最後都係復合咗，復合之後一開頭係完全冇鬧交，但又唔似普通熱戀期D情侶一樣 睇電影行街食飯，就好似網戀？就算出嚟到好怕羞唔敢拖手/開話題，我地係由今年三月先開始熟，熟咗之後就即刻進入熱戀期（超級熟）日日同佢出街拍拖，到咗今年五六月開始我地開始差唔多日日鬧交，全部都係D小事，但又成日小事化大，鬧咗好多次大交（鬧到要分手果種）但最尾都冇分，果陣時都已經好愛對方，之前試過係佢考試果陣鬧交，搞到佢考試成績唔好要補考，我果陣真係好後悔，好對唔住佢，覺得自己影響到佢，我都有同佢提過分開，因為我覺得自己成日影響到佢又令佢心情唔好，我驚影響埋佢嘅前途，但佢係都唔分手，話分咗手更加影響佢，但之後我地都有繼續鬧交，最近更加係日日兩三次，我同佢都唔想咁樣繼續落去，想改變現況，但又唔知點開始改變好 sor for 1999🙌🏻

#NSS愛情 [GUEST] 是咁的，小妹今年15歲，同男朋友異地戀，但係最近我感覺到自己好似有D接受唔到佢，定係新鮮感冇咗？我自己都唔知。 / 我初初都仲接受到佢on9/成日做多餘嘅嘢，慢慢地我就接受唔到啦。 / 我有諗過分手，但係我又唔想有罪惡感，而且唔知點講好。 / 我知我好自私，但我真係唔知點算好，求各位比下意見我。 Sorry

#NSS個人 [Guest] 求admin po plz🙏🏻🙏🏻 我真係好絕望，想求大家救下我。 以下我講嘅嘢係真嘅，而且我真係好苦惱好絕望，希望大家會真係認真留言。 呢件事係我上年暑假發生嘅，突然間有一日左手隻中指突然間唔知做乜，即係握成拳頭嘅時候會有啲唔順，不過都係呃到拳頭嘅，隨着時間慢慢咁過，到開學嘅時候都係有啲唔順咁握到拳頭，不過隻手指就會開始痛，而且我也拍手指嘅習慣，因為手指開始痛就都冇再拍。然後我一直都以為唔拍就會冇事，所以就冇理到。 結果竟然唔係我預期咁，我隻手指越嚟越痛，到最後連拳頭都握唔到，我阿媽一開始以為我玩嘢所以都冇理到我，但過咗四個月我仲嗌緊手指痛，佢先迫於無奈咁帶我睇中醫，當時我以為我手指終於可以唔再痛，結果敷左一個月藥，都冇任何好轉，我阿媽就係咁同我講「唔好咁心急啦，啲藥效唔會咁快發揮㗎」 當時我就諗住再等吓啦，結果等多一個月都係冇任何好轉，隻手指真係越嚟越痛。最後我阿媽帶咗我去睇家庭醫生，醫生就問我有冇撞到隻手指，我係一個超級宅女，真係可以成日攤係張床唔郁嗰隻，然後佢又問我係咪瞓覺嘅時候撞親，但係我兩邊長都係放咗公仔，所以冇可能咁容易撞到，最後醫生就話我可能係篤魚蛋，最後比一個矯正器我帶，嗰舊嘢我帶咗差唔多四個月，都係冇好轉。

#NSS個人 [Guest] 有冇人同我一樣勁容易喊，臨瞓前會，朝早都會，上堂冇比老師鬧都會，小學有一次唔小心咁樣，老師捉我去睇社工。有咩解決方法。