#NSS愛情 [其實佢心裏面係點樣諗我？] 我係04女，我會理解自己為雙性戀，我分別都同過男同女拍拖，係一年幾之前我同男朋友分咗手，我陷入左一個低谷期，當時我覺得自己好似乜都無晒，身邊最重要既人無左，變到得返自己一個人好孤獨。就係呢個時候，我身邊出現左呢個女仔，本身呢個女仔已經有男朋友，都拍左就快兩年。我哋係一齊讀書，friend搭friend認識，係我呢年幾低谷期都係靠佢撐住我，當我遇到唔開心既事，佢一定會第一個聽我訴苦，加上我哋話題好多，好多共同嗜好，所以就變得越嚟越熟。時間耐左，我覺得自己好似鍾意左佢，當佢同佢男朋友一齊個時，我會有失落感，我會唔抵得，我知道我咁諗係唔啱，此終佢都已經係人哋女朋友，佢男朋友都追左佢好耐先一齊到，我宜家諗呢啲野係好過分，不過我真係阻止唔到自己個腦，我真係鍾意左個女仔，我好想係佢身邊陪佢笑陪佢喊，想佢有啲咩唔開心都同我講。係我哋相處既時候，自然會有好多身體接觸，相信好多女仔都會係咁，有時會拖手翹手，甚至十指緊扣，我哋都會做，雖然看似好普通，但係我同佢都唔係同任何朋友都會咁樣做，又或者可以話冇咁自然會做呢啲嘢，所以令到我覺得我喺佢心目中應該都有一個位置，但其實我知道佢唔鍾意女仔，佢亦都有口頭上講過想像唔到同女仔一齊係點樣，嗰一下我係好失望，成個人都灰左，我知道同性戀/雙性戀係好多人心目中都係異類，甚至排斥，雖然佢冇咁樣做，但係我都知道我應該要隱藏我鍾意佢嘅事實，絕對唔可以俾佢知我鍾意佢，我好驚佢會離開我，我唔想我同佢之間多左一層隔膜。可能有陣時我都會忍唔住表露左我嘅唔開心，見到佢同佢男朋友相處，就會有種妒忌心，我會選擇唔出聲，靜靜地，可能佢太易睇得穿我，但係我都好驚佢知道因為我鍾意佢所以我先唔開心，正正係呢一個時候，係我同佢單獨相處個陣，佢突然拖住我隻手，其實到底佢咁樣做係咩意思，我個心真係好亂，我完全唔知我應該點樣去看待佢，佢係當我係朋友？定係啲咩？到底佢係咪睇穿我？但係冇理由佢會知道我鍾意佢，不過又唔抗拒同我接觸。我知道佢對我同對其他朋友唔一樣，但係我怕只係我一廂情願，係咪我諗多咗？
#NSS學校 [GUEST] 小妹我家境唔算好，luchtime個陣我啲frd都係出去食，但我諗住慳得錢就慳返屋企食。所以我個frd就约咗其他人，之後佢哋關係越嚟越好，慢慢疏遠我，小息個陣都唔主動揾我，係我主動揾佢哋。有時仲返過嚟話我唔同佢哋玩。 我嗰frd有次問我仲咪唔出去食，我就笑笑口同佢講我冇錢（因為我其實有啲自卑屋企家境比佢哋差）。然後佢就好似開玩笑咁指住其他人話我就同有錢人玩㗎喎。聽到其實好hurt（平時佢都講啲幾hurt我心既話但咁次係最嚴重），然後就反應俾佢睇，但佢就開玩笑帶過。 我唔知仲要唔要同佢玩，但佢其實之後都有约我出街，玩得都幾開心。而且我同佢係最熟，其他人我都唔係好熟，冇點傾過計。
#NSS個人 [不透露] 就係我有次放學搭升降機翻屋企。個lift比較細，珊門又珊得快。我先企入最入面，等人地入來。我呢個距離係禁唔到製嘅，我見個大叔(唔識睇年齡，大概50-60)企我呢邊我要讓位俾佢，同埋佢個熟人就係出面我就諗住等佢禁，加上當時疫情我一向都係等人禁lift。部lift要珊嘅時候我就豫疑左一陣，禁開門個陣個門應該剛好店到佢。入到來一路指住我鬧:「禁開個門都冇肯吖?(同熟人講)宜家D後生仔真係…咁鬼自私…」我冇理佢 我就覺得我執邊有個女學生，你個熟人又係出面佢哋都冇幫你禁。只因為我臨急幫你禁就將責任推落我到。我想講唔係老人家就可以當D學生係酒店服務員咁幫你禁lift囉。(幫老人家禁lift係應該，但我點都係唯一幫佢嗰個。)大家點睇?
#NSS學校 [Guest] 小妹今年f4，感覺自己冇一個最好嘅朋友，全部都係hi bye frd。 呢段時間維持咗好耐，學校最好嘅朋友有三個，有一個就同班，兩個就唔同班，我哋有一個group咁，佢哋三個中一同班，而我係中三先同佢哋開始friend嘅。因為四個人，所以通常好難全部一齊約，我同其中一個入邊係最friend(簡稱A)，而另外兩個佢哋經常一齊玩咁。 不過A最近識咗兩個同班同學，見到佢哋經常一齊出去食飯，去迪士尼等等，會覺得勁唔開心，而我有時都會同其他同學出去食飯，不過始終唔係話好熟，自問朋友都幾多，不過真心，認真當我係bf真係少之又少，成日見到佢哋三個各自約其他朋友出去，真係勁唔開心 同埋有時喺學校我同佢哋傾傾吓，佢哋又有其他朋友過嚟傾，嗰陣時就會覺得好似我插入左佢哋咁，成件事勁尷尬，通常都係返課室自己坐下，或者搵其他friend傾偈。 我係佔有慾太強定點，感覺可以傾心事嘅朋友真係好少🙏🏻 (Sor
#NSS學校 [某屯門區中學] 小弟由form 2開始對間學校冇乜好感，但係今年一開學就攪到我(相信其他同學都係)好嬲。 臨開學嗰陣學校出通告話正門同埋有蓋操場裝修，要封到去10月，我一直用正門嚟進出校園，而呢樣嘢令到全部人要用後門，就係因為咁，每朝早好多人都要排成幾分鐘先入到校園，成條隊長到阻住其他學校嘅人番學。 入到去要出示體溫表，之後上樓梯嗰陣又要過一部大型體溫量度機先，而喺第一個禮拜，嗰部機唔知點解sense唔到我體溫，部機隔離企咗一個好似係學校嘅IT，嗰條友係咁叫我上上落落條樓梯，sense咗幾次先sense到，玩咗我成五分鐘好心佢set番個平時啲餐廳用嘅嗰啲嘟手嘅量度機(正門兩樣野都有)，好彩哩個禮拜開埋新翼嘅樓梯(新翼同主大樓互通)，嗰邊淨係用嘟手嗰種。 到咗放學，樓梯就會化身做繁忙時間嘅屯門公路，六級人塞晒喺一條樓梯，好彩有小部份好似我咁醒嘅高form識得行新翼嗰條樓梯，唔係嘅話我真係會發癲，但係「好景不常」，開學後一個禮拜，唔知乜水棟咗塊板喺條樓梯最後一段，上面寫住「此樓梯暫時封閉」，條友真係當我哋班高form流個喎，以為我哋唔識移開小小塊板嚟過。 唉，我真係希望正門快啲裝修完，然後咁「大型」嘅裝修唔好再喺我畢業前出現。
#NSS個人 [[GUEST]] 我而家f3，唔知點解啲朋友成日都覺得我驕傲，但係我自己feel唔到。我記得f1嗰時啲成績勁差所以啲朋友對我嘅印象都唔係幾好，但係有一段時間突然間知道自己未來想做乜所以就嘗試認真讀書。依家啲成績相對比之前進步咗，但係就會比啲朋友話扮叻、為咗引人注意而取得好成績、得個外殼、成日都有得補習所以先有咁樣嘅成績等等。事實我真係有補習，目的喺想更加掌握學過嘅嘢同埋嘗試學新野所以我先會去，而唔係為咗可以有更多野show。有一次數學堂嗰時我朋友好似聽唔明書，然後我就嘗試將我學過嘅嘢講比佢聽，希望佢理解，但係最終都係俾人無視，可能係因為覺得我想趁機show下。同埋一次聆聽考試，個老師話分卷好容易攞滿分，但係我攞唔到，於是我就同佢哋講我好傷心因為份卷本身就咁易但係我攞唔到滿分(老師話份卷容易)。然後佢哋就叫我唔好用低調嘅方式晒成績。我唔知道呢個係我嘅表達方式有問題定係佢哋睇我唔順眼。