#NSS其他 [Guest] 是咁的，我有個抑鬱症好朋友。 直入正題啦）咁我同呢個朋友都識咗幾耐，一直關係都唔錯，但係幾年前佢屋企發生咗啲事，令到佢成日都唔開心，患上咗抑鬱症。 咁我本身都覺得冇乜嘢嘅，我仲諗住幫佢渡過呢個難關。但係大約半年前佢就開始無端端發脾氣，成日打打下機就無啦啦cut call，出出下街就唔出聲，好多雞毛蒜皮嘅事情佢都可以喊或者發脾氣。 咁佢本身都係一個開朗嘅女仔嚟嘅，我相信係因為呢個病而令到佢咁樣。但係最近我發現同佢做朋友真係好辛苦，但令一邊我又好唔捨得佢，唔會想同佢絕交，而係想幫佢克服呢個病，雖然我知咁樣好矛盾，但係呢個係事實。 我本身情緒都有啲問題，雖然稱唔上係「病」，但係成日都好失落，連我自己都覺得死係一種解脫，我成日都喺度諗好似我諗嘢咁負面嘅人又點會幫佢，所以我選擇一路陪住佢，做佢嘅樹窿。加上我一個好敏感嘅人，有時候佢唔開心又或者我激嬲佢嘅時候，佢又會ig bio 唔tag

#NSS愛情 [Guest] 純粹想問吓拍拖點同屋企人講 是咁的，小女今年f3，啱啱同左一個男仔一齊，但因為完全冇戀愛經驗，所以唔知同唔同屋企人講/點同佢哋講。 希望大家俾啲意見🙏🏻🥲

#NSS家庭 [香城中學] 長文慎入🙏 我媽媽耳朵有點問題，我從來沒有嫌棄她，有時候我説的話她沒有聽清楚，我説了三四遍，她覺得我吾尊重后，又鬧我。我明白佢既感受，但每一次我都要俾佢鬧，對於我係咪有D吾公平呢？我一直覺得11:00訓冇咩問題，但我老豆老母日日叫我9:30訓，我真係接受吾到。有一次，我老豆叫我去揾一個大既十字螺絲批，我完全吾知佢D工具係邊，佢就話我發鷄盲。我老豆老母一鬧我就系「你甘冇用，不如你跳落去la」，「我真係吾想見到你，你死左仲好」，「我好後悔生左你」，「你睇下人地，非洲個D人，十歳已經識煮飯la，睇下你🙄」我好似根本吾應該出現係呢度，我既出現就係災難…. sor for 1999

#NSS其他 [GUEST] 自我介紹: 此人為八婆 所以先知道咁多秘密 嬤嬤真係好慘 & rest in peace:(

#NSS學校 [GUEST] 朋友關係 我個班啲人數比較多，因為我哋學校得三班，每班都有30-40個人，我個班男多女少，女仔分咗幾個圈子，係我個圈子就比較同一班男仔friend啲，成日男女都會一齊玩 係我今年同一個女仔frd咗，成日一齊去街，但自從佢有咗男朋友，就成日同佢條仔去呢度去嗰度，有時同佢單獨出街，去完之後就成日都話要揾佢，其實我都唔介意，因為本身我同佢條仔同埋佢啲friend都算frd，所以都唔會話太介意，但近排就成日佢哋成班自己出街，唔會揾我，係可能有時去某啲地方先會叫我，其他係完全唔會 本身我自己班frd開有三個女仔，其中一個就係上面我講個個，第二同三個個就嚟要飛英國，但原本班男仔都好唔鍾意佢哋，所以就同條女講唔好咁近佢，但我個人認為佢哋真係對我好好，所以佢哋走咗之後我都唔知點算好 而家係班上面我淨係得返佢一個女仔frd，但佢淨係識揾佢條仔，我好驚比人邊緣或者比佢哋講我壞話 真係唔知點算好

#NSS個人 [GUEST] #ReNSS210815F 小弟之前向過 貴專頁投稿，表達自己大學想讀動畫嘅意願。屋企人睇到篇帖文之後就搵咗小弟傾小弟嘅學業。呢度先講下自己預備作品集嘅進度。小弟因爲好遲先至決定自己呢個志向（中五下學期），之前除咗學校視藝堂之外平時完全無畫過畫，而小弟亦自認平時一啲都唔自覺勤力，學校功課都係「臨急抱佛腳」，唔到交之前嗰日都唔會開始做。小弟知道自己已經遲過其他想讀藝術嘅人好多開始學畫畫，希望可以喺剩低嘅一年裏面儘快練好基本畫功，練得幾多得幾多，至少足夠自己完成作品集。而小弟自認自己喺練畫畫方面都唔會自覺，如果無人哋督促鞭策嘅話，可能到咗文憑試放榜仍然未開始練畫畫。所以小弟喺今年五月成功說服屋企人，畀小弟喺今個暑假喺一間畫室上電繪班，同喺另一間畫室上素描班，希望有人推動小弟之後，自己可以有系統地學習畫畫。 但係宜家，屋企人要求小弟專注學業，力求喺來屆文憑試中考過大學收生要求，唔畀小弟開學之後繼續上畫班。小弟好擔心「斷纜」之後，會無咗動力抽時間自己練畫畫。雖然屋企人應承咗小弟考完文憑試之後就會畀小弟重新上返畫班，想幾密集就幾密集，但係小弟都唔係心甘情願，原因如下： 小弟問咗屋企人下年嘅文憑試幾多號開考，渠答小弟四月二十號。（而小弟後來上網查返都真係呢日開考）小弟霎時間即刻大發雷霆，對屋企人發脾氣。小弟緊係知道呢個唔關屋企人事，但係小弟當刻好嬲考評局，但係完全無能力反制，所以選擇咗遷怒屋企人。小弟當時心諗：考評局，你真係完全無理會過考生（包括小弟）嘅感受。你又是將考試日期延後咗一個月。咁你遲咗開考，我哋咪遲咗考完？（廢話sorry）你知唔知道，我哋考完試之後，有啲會同朋友去外國旅行放鬆下（如果到時疫情完全消失咗嘅話），有啲會報名上外文班，希望到時喺大學修minor時，個GPA唔會俾人拉低，有啲會上網查資料，準備定大學面試題目。而對於小弟來講，呢個就係最後畀小弟趕製完份作品集嘅機會，簡直係一分一秒都要好好把握。但係宜家考評局你要小弟遲考完，係唔係即係少咗一個月畀小弟做作品集呢？小弟查過浸大電影學院嘅官方網頁，但係渠無講幾多月面試，所以小弟唯有當係放榜之前就會面試。如果最壞情況，間浸大係文憑試一完咗就面試，小弟係唔係就會完全再無時間衝刺呢？ 而嶺大嘅就重衰。渠十二月七號就會截止報名，而且份作品集要喺報名時就一併交上去。（如果今年度同上年度一樣嘅話）喺停咗畫班嘅情況下，小弟覺得自己喺截止日期之前可以完成到份作品集嘅機會好渺茫。咁嘅話，小弟就會少咗一個選擇。 小弟意願係想開學之後繼續上畫班，因爲小弟知道自己仍然未培養到自己練畫畫嘅習慣嘅，而小弟覺得繼續上堂會幫助到我養成習慣嘅。但係小弟始終做唔到以行動證明畀屋企人睇，自己上畫班嘅同時，係唔會影響自己喺學校嘅進度嘅。所以都無奈地聽屋企人話停咗畫班。 （呢段純分享，只係抒發自己感受，希望大家唔好鬧我）當然，小弟知道好多中學生都係自學畫畫，無喺出面上過堂。但係小弟有嚴重沈迷上網，每日一放學返到屋企都會即刻渣住部電話上Facebook、ig呢啲社交平臺，上到流連忘返，樂不思蜀，就算做功課都係邊拿住電話邊做，更加唔會記得要練畫畫。最近小弟都開始嘗試每日落自修室，喺無網絡嘅環境下做功課。（我每次落自修室都唔會帶手提電話或者其他上網裝置落去嘅）希望我可以堅持落去，畀自己有方法專心做晒所有學校功課啦！唉！總括來講，小弟就係畀得太多藉口自己唔行動，然後到咗最後一事無成時就會後悔。

#NSS學業 [[GUEST]] 我今年升中六，但係我到而家科科都仲係唔掂。而家有補習maths, 而我其他core都想補。中文有4底，英文4 但係想追5**， LS 想追5。但係我又驚我補完之後冇乜進步。我自認自己唔係一個懶嘅人，但係唔知點解啲溫書方法永遠都唔係好有用。 想問吓大家補core 係補咩課程好啲同埋抵啲？同埋有冇咩溫書方法可以令我背啲嘢背得熟啲？

#NSS個人 [香城中學] 是咁的，小妹發覺自己呢排唔多妥，學業已經搞到我好大壓力，跟住家庭關係又比壓力我（老豆老母成日得閒就鬧9我，但係間唔中又要問我佢哋好唔好🙂），近年都係咁，跟住呢就唔知係咪壓力太大（成日唔開心，狂生暗瘡+甩頭髮，以前冇），成日發啲detail嘅殺人夢（我殺人），而且我係完全唔驚，仲好enjoy（我以前少少血腥嘢都接受唔到），仲好鐘意睇the purge，好鐘意睇人被殺。 問題就嚟啦，我早排搭車，我居然幻想用鐵鏈去勒死司機，仲幻想係條街度用刀殺死所有路人。 我都唔知自己發生咩事，幻想殺人係可以令到我開心，我好驚我他朝有日真係想實行，心理好似越來越變態，有冇方法可以令我正常返。 sor for 1999

#NSS個人 [Guest] 小妹今年14歲,升f3 身高比同齡人矮(152cm) 身邊啲同性同學、朋友大部份都至少160+ 聽過人講話嚟左m之後會高得好慢, 小妹升中一暑假個時已經嚟咗, 之後好似只係高咗5cm 但本身父母都唔算矮分別係160/175 再加上我以前唔鍾意做運動,又夜瞓

#NSS愛情 [GUEST] 小妹今年17歲，我有一個男仔frd，我同佢由小五開始就識，我一直當佢係好兄弟，我地平時都會打下交，一齊出街，但係完全唔會似打情罵俏咁，我同佢嘅關係可以話係‘朋友之上，戀人未滿’。 近排佢有咗女朋友，咁佢就見到我同我個frd好似好親近咁，就叫我個frd同我絕交，因為佢覺得我地太親近，同埋有咗女朋友嘅男仔唔應該同其他異性有接觸，仲話要佢de曬ig啲異性followers。但係其實我對我兄弟完全冇任何意思，真係當知心好友咁，我哋通常有啲唔開心嘅事都會同對方傾，我都好樂意幫佢開解。 我成個中學生涯得嗰幾個frd，但係其實都係hi-bye frd，所以如果佢同我絕交，咁我真係會冇晒朋友，而我自己就唔係嗰啲好鍾意周圍識frd嘅人，加上我好唔識同人地傾偈，所以我唔想冇咗呢個咁好嘅frd。 講真我唔係幾明喎，點解有咗女朋友就唔可以有其他異性frd？只要對對方冇任何意思就得啦。我自己就係A0黎，對拍拖呢啲嘢唔係幾熟悉，其實我都明白有咗女朋友，同frd相處嘅時間一定會少咗，如果你話你呷醋，想我哋少啲做容易令人誤會嘅互動，其實我ok㗎喎，但唔至於絕交呀嘛？ 我可以點做先可以令我個兄弟嘅女朋友接受到，又可以繼續同我兄弟做frd？ 多謝大家🙏sor for

#NSS學校 [九龍區] 唔好意思第一次投稿(=ﾟωﾟ) 我覺得我自己越來越似lesbian👀 喺學校見到d短頭髮嘅女仔尤其是cool cool地個種👀會有一種想留意下觀察下的衝動(=ﾟωﾟ) 觀察耐咗之後就越嚟越鍾意，想不斷了解，但係我比較怕識人，所以只係屈住。 對住會有好緊張嘅感覺(=ﾟωﾟ)我想問一下我呢d係咪同性戀傾向？？？因為我一直都有懷疑同時又對男仔無乜感覺。。。。 利申小女今年form3 Sorry

#NSS個人 [GUEST] 近呢一年唔知點解個人成日諗嘢都好負面，少少嘢都可以無限放大，例如打po機輸咗都可以好唔開心，搞到個人keep住好down同頹，有時甚至會半夜喊出嚟。冇人會鍾意一個黑口黑面嘅人，我知我女朋友同frd都唔會想同個咁嘅人相處，所以我想知點樣可以令個人保持正面同開心，唔該大家🙏🏻

#NSS家庭 [GUEST] 前幾日同朋友食飯，講到呢個話題，突然有啲感受/睇法。   小弟我屋企嘅管教甚嚴，小學冇乜機會可以同朋友出街玩，遠至OP迪迪尼，近至屋企樓下。而每一次問屋企人可唔可以同朋友出街，佢都好似審犯咁審我，同邊個去，去邊，去幾耐，連朋友嘅電話號碼都要交低。   高小嘅時候身邊嘅朋友都開始會約出街玩，放學會去付近嘅商場玩，食野……我由細細個開始已經被教導放咗學要即刻翻屋企，但其實放咗學之後我好想同朋友去玩。   因為咁，我開始諗出一系列嘅方法去呃我屋企人。放咗學同朋友去付近嘅商場，如果畀屋企人見到嘅話就同佢講我去文具店。自己作一個早啲嘅集合時間或者遲啲嘅放學時間就係為咗約同學一齊翻學放學…… 咁當然唔係次次都成功啦，有時都會畀同學嘅呀媽篤爆……

#NSS個人 [Guest] 小弟有學鋼琴,同而家呢個老師都至少學咗4-5年 起初都還好,去到呢一兩年越嚟越頂唔順 只能話係性格不合，我本身性格比較文靜, 希望學嘢嘅時候個老師會專心教, 而且我好容易因為人哋講嘅一兩句而影響心情 好希望自己可以做得更好,得到老師認同。 而小弟嘅任教老師同我性格剛好相反，好豪爽 口沒遮攔，講嘢好直接，而且好鍾意講人是非

#NSS學業 [GUEST] 小弟今年升中六 中文麻麻地，其他科目都唔錯 而家諗緊下年香港讀大學好定係去英國好 因為本身性格比較內向，驚去到英國識唔到朋友會孤伶伶一個😔 同埋另一方面擔心自己DSE失手，驚過唔到去讀😢 所以想請教下各位去左英國讀大學嘅人究竟自己去到英國會唔會真係識唔到朋友，同埋如果中文真係炒左會唔會過唔到去英國🙏🏼

#NSS其他 [guest] 唔知大家有冇試過被best frd block 過story 其實都發生過好多次,有時睇佢highlights 見到啲我冇睇過嘅story,另外因為我有2個ac 都fol 左佢但有時其他ac

#NSS社會 [Guest] 事先聲明，冇一張政治光譜可以完全正確咁表達一個人嘅政治觀，上面嘅圖只係一個大概。 正文： 唔好再講「左膠」兩隻字啦好嗎？成日見啲人攞隻字黎鬧人但係其實連隻字點解都唔知，見到唔鍾意嘅就鬧人左膠，支持BLM叫左膠（順帶一提，好多香港人反對，純粹因為佢哋喺Trump嘅忠實fans，鬧佢地點暴力點過份，但其實用同一樣嘅標準嘅話，我哋係咪應該反對下自己？），支持Biden又叫左膠，因為Biden其實係張圖裏面仲係右上添，所以你個左到底係點樣左法？更加唔使講，支持Biden好可能都只係唔鍾意Trump多啲。甚至有好多根本唔關左右嘅事都會鬧人左膠，真係好好笑。例如Johnny Depp，條友好慘俾人家暴，依家仲要搵唔到工。然後大家就鬧Hollywood左膠，但個問題根本就唔係Hollywood左唔左，而係佢哋講就一套，做就另一套嘅偽君子作風，我真係唔知點解有人可以扯到左唔左度。你要鬧嘅唔係人哋左膠，而係人哋偽君子。然後，最痴線係有人竟然敢講：「美國依家係左膠當道。」無可否認，gen z大部份都偏左，企業出於商業考慮，對外形象都係左派。之但係你知唔知？美國最左嘅政治人物Sanders，都冇我一個香港普通左派學生咁左，佢位於張圖(-1.5,-2)左右嘅位，我(-2,-3)。美國大部份政治人物嘅政治光譜都係右翼，有啲甚至接近納粹。政策偏右係偏到點呢？除咗奧巴馬在任期間，佢哋連基本嘅醫保都冇，一個撞傷入醫院，唔好彩可能已經洗返你成千銀。佢哋視為socialism嘅嘢，係歐洲可能只係common sense，例如醫保。 所以結論就係，你自己都唔知隻字點解就唔好隨便攞嚟用啦。然後成日覺得啲人太左，係左膠，會唔會只係你太過保守？ PS:我估應該會一堆人鬧我死左膠，well

#NSS學業 [Guest] 我今年就去左UK讀Year 10，咁必修科就一定要修讀一科外語，但係我之前未讀過，驚之後讀吾切，想問吓通常幾耐可以讀識曬？thx a lot 🙏 ig plz

#NSS家庭 [guest] 究竟呢個世界係咪真係冇一視同仁呢樣嘢 – 小妹呢排成日都俾人鬧，但係其實我真係唔明點解唔呢個世界咁公平。明明我家姐同我做嘅嘢一樣，甚至佢更加過分，但係俾人鬧嘅永遠都係我，有時真係覺得好委屈，大家都係佢個女，點解佢永遠都唔使比鬧。有一次我問我阿媽，點解家姐同我做寄嘢都係一樣，而佢就唔使俾人鬧。佢答我：「家姐自己會有分寸㗎啦」，其實係唔係我嘅問題，點解佢好似一路都針對我咁？ 大家可唔可以俾少少意見我🙇🏻‍♀️🙏🏻

#NSS其他 [GUEST=] 我屋企唔算有錢,阿媽人工得萬四,阿爸人工就唔穩定,可能有陣一個月有二萬,有陣四萬咁,咁我仲有一個細妹同細佬 我因為放學後要補習所以要出街食飯,每個月有700零用錢,而且我有追星 idol cb都會買專輯,通常如果1 set有4個ver咁我淨係會買2本 阿媽都會睇我成績而會額外加小小錢比我 但係佢每次買嘢送我同比錢我嗰陣,我都會有啲內疚感 唔知大家會唔會有咁嘅感覺