#NSS個人 [Guest] 我一直都有個問題好困擾，就係唔敢開口叫人還錢。 小妹15歲有返partime，早排出咗糧然後就諗住約frd去海洋公園玩，我負責買飛嘅，然後去到嗰日我就同嗰frd講咗句：「飛錢呢？」佢就笑笑口講咗句話：「陣間去到請你食飯。」咁我當佢係諗住請我食op入面嗰啲餐廳當無數啦？畢竟入面啲餐廳都貴㗎嘛。然後最後喺op食嘢都係食啲小食，唔係入面啲餐廳（兩個人加埋總數唔超過$100，AA返都係$40幾左右咋喎） 但係我又開始恐懼，對收人錢真係勁冇底氣，明明對方確確實實係要比錢我嘅，但係我成日都唔好意思開口問人拎，但係我認為筆錢都唔算小數目（而家op飛$360@1）加上自己有返工，真係知賺錢辛苦，一張飛都差唔多兩日人工。 可能會有人話，frd唔好計較咁多啦，咪當請佢囉，但係我真係唔太捨得，自己份糧都未點用過，同埋我本來就唔算有錢，事先都冇話過請佢去之類嘅嘢。我應該點樣先可以克服追人數嘅呢個恐懼？同埋呢$360應唔應該追返以及如何開口？求解答🙏🏼 Sorry for 1999

#NSS愛情 [GUEST] 投稿嘅呢一刻，心情好複雜… 同佢一齊左半年，佢係我初戀，佢之前拍過一次，喺埋一齊之後我好認真咁拍拖，頭三四個月我哋好少嗌交，好甜，但係之後..佢變左 從一開始識佢拍拖前好純嘅乖乖女，到後嚟變左差唔多每日都飲酒成三四點先瞓，雖然話鐘意一個人唔一定要有理由，但係我鐘意嘅係佢嘅性格 我以為自己可以接受到咁嘅嘅佢，但原來唔得，最尾兩個月我哋成日因為好小事而嗌交，期間佢同我提過好多次分手，我知佢未到真係想分開嘅時候，所以我挽留過佢氹返佢好多次，但最後我已經分唔清我到底仲鐘唔鐘意佢，所以我哋好自然咁分左手 分左之後我為左可以忘記哂所有嘢，所以del哂全部聯絡方式，其實係一時衝動..(我都有後悔過 過左4個月，我以為自己已經可以放低佢，點知佢咁啱喺過左七夕嘅凌晨4點突然add返我(佢話自己飲左酒，先發現原來我仲係唔捨得佢 同佢傾左一陣，原來佢同我分開之後拍過好幾次拖，有男有女(我都係女，全部都好快分左，佢搵返我我都幾開心，但係我知我同佢唔會有結果，所以就叫佢del我，而佢都照做左(啱啱發生嘅事 唔知點形容呢刻嘅心情，好複雜，雖然已經唔鐘意，但都係好唔捨得..唔知你會唔會睇到呢篇嘢，但最後都想同你講幾句:

#NSS個人 [GUEST] Admin pls post ig thx🙏🏻 小妹09，知道自己最想做醫生，對其他職業不感興趣，因為屋企人都成日問我大個想做咩，我冇答佢哋，因為最大嘅問題係我成績真係太差…但我真係好想做到自己想做嘅嘢，我做醫生唔係為錢，而係由細到大我幫到人嘅成功感就會好大，可以開心幾日，我想做醫生係為咗呢樣，但我呈分試加埋嘅成績只係band2B…希望大家唔好笑我呢個成績都想做醫生🙏🏻我承認我係真係想做，所以我以呢個成績搏咗一間band1C學校，真係入咗，我希望係較好嘅學習環境可以俾我信心、堅持去做呢件事…我亦都唔知應該點樣溫書，因為我阿媽對我要求唔高，小學來講全部都係佢協助我溫書，佢協助我加埋補習都只有2B…本人背書還好，但係數學真係好差，最高分都只有78，英文理解能力好差，writing還好，英文大概分數65-75，中文都係麻麻哋但合格，大概75-80，但我真係對醫學好有興趣，好鍾意研究，但我知道做醫生一定要有狀元嘅水平，我實冇，所以有冇啲方法可以令到我達成到呢個夢想，我真係唔識點樣溫書🙏🏻

#NSS個人 [Guest] 呢一年黎我有好多時候會好depressed/emotionally numb 短嘅話係持續幾日長嘅話可以長達1-2個月 之後就會有幾日感覺上冇咁差 但唔知點解嗰段時間會好想令自己down啲 會想翻去嗰種好難受嘅感覺 但明明我好討厭呢種感覺…我覺得我好變態 唔知點解會想折磨自己…有冇人知係點解會咁？我唔知點算..我由細到大都唔太識表達自己，對人都冇咩信任所以都唔敢同人傾..我好想變返正常但又好想繼續折磨自己..我究竟可以點做？

#NSS個人 [GUEST] 自慰。 相信很多人對此都會很反感。 但 對不起 這是人類生理需要。 小妹今年15歲 好多人都開始拍拖啦 其實有性慾有咩咁出奇喎

#NSS家庭 [guest] 小妹今年f1升f2，今年好似慢慢踏入緊反叛期，但係因為啱啱升中學，識咗啲新嘅friend，唔知係父母對反叛期無咩概念定係點，佢哋成日都覺得係我啲friend影響咗我。我相信好多人都會經歷反叛期，但係點解我阿爸媽就係唔可以理解同接受自己個小朋友既反叛，我明白每一個家長都想自己個小朋友聽自己話，但係佢哋無唸過其實我地日日比佢鬧都唔好受。 佢哋永遠都覺得自己啱晒，少少唔聽話都唔可以，亦都完全唔聽自己仔女嘅意見，其實咁樣大家都好辛苦。 sorry for 1999 有冇方法可以令到大家嘅關係好啲🙇🏻‍♀️🙏🏻

#NSS家庭 [guest] 我阿妹真係好難教😭我初中，阿妹高小，一直都好自我中心，但最激氣係佢成日都唔認錯。 有一次佢亂撳屋企個電子鎖，觸發警報，之後我話佢唔可以亂玩電子鎖。阿妹即刻話「我幾時有呀？」，跟住就話「你冇證冇據話乜我呀？」過咗一陣又話「關你乜事？」，我話我想教好佢，然後佢反駁我話「我唔使你教！」跟住我勁嬲，鬧佢「你D咁嘅人冇人會同你做朋友」，跟住仲串返我「大家咁話！」。 呢啲事情日日都有，同佢講道理嗰陣就嬉皮笑臉咁串返我，真係好想即刻打佢😡 另外，我每次問佢打機打到第幾 level，佢都話「關你乜事？你係唔想我超越你個 level 啫？」，玩緊嘅時候又唔畀我睇，話我想佢輸，真係唔明佢咩心理。 我見其他妹妹都好乖，好聽大佬講，大家有冇應對方法？🙏

#NSS愛情 [狗男友] 有一日我同一個男仔起埋一齊咗 就係嗰一日嘅夜晚 佢所謂嘅「女同學」就無啦啦同佢講：「我有功課唔識呀 我哋聽日一齊做呀」利申個女同學係知道我已經同呢個男仔一齊咗 咁然後我男友就好直接亦都好積極咁答應咗佢 咁我當時都冇多諗啦 我就同自己講同friend一齊做功課好正常啫 但係

#NSS愛情 [Guest] Hello，介紹翻自己先，咁我就同葵涌某間band1A學校，今年升f4，暫時A0。 是咁的，我係form two用咗一個由小學一年班開始到而家都同班嘅男仔表白，嗰陣時我鍾意咗佢四年，又係我嘅BFF，但係佢就答我話呢啲嘢遲啲先諗啦，可能去到高中再諗，如果有緣，先再講啦。但之後都有約過出街食飯、玩等等。咁我而家升f4，仲係同佢一班，咁我應唔應該再同佢表白呢？（f2-f3呢段日子都要做過一啲比較曖昧嘅行為，我覺得咋，唔知佢點諗）再加上嗰陣時佢又好似冇明確咁拒絕我，又好似冇新歡（以我嘅角度黎睇），但我驚俾佢拒絕會變到好尷尬，再加上上次表白失敗幾時有班friend又喺度笑我，（屋企人亦都希望我讀好書先唔好拍拖住）我驚今次又係咁。但我真係好鍾意佢，份人成熟又生得高，咁好嘅男仔邊度搵呢，我真係唔想放棄佢，希望大家俾啲意見我🙏🏻 Sor for 1999🙇‍♀️

#NSS家庭 [Guest ] 有冇人好似我咁呢排好鍾意一直宅喺家，跟住俾屋企人鬧？ 大概就係由疫情開始，因為冇得出街，一直要喺屋企，以前我好鍾意出去玩嘅，但係疫情開始就變到好鍾意宅係屋企啦。咁而家疫情都可以講係比之前好咗少少，阿爸阿媽就經常叫我出街或者補習前出去商場行吓，但係我唔想因為已經習慣咗喺屋企。跟住就成日鬧我就喺屋企成日望住部電腦唔理任何嘢，唔出街接收任何嘢。 咁個問題就喺度啦，阿爸阿媽成日鬧我，我都唔耐煩，咁咪諗住去附近行吓，但係我嗰區真係冇嘢好行。屋企附近剩係得幾個商場而且啲舖頭基本上都一樣(好似係因為同一間地產公司)對於我嚟講附近其他區係有多好多嘢玩嘅，但係我可以自己一個人喺區內活動已經係一件好奢侈嘅事嚟，所以唔使諗去其他區啦冇可能㗎呢樣嘢。 咁阿爸阿媽就同我講話可以同我一齊去其他地方行吓，但係我想行嘅地方佢哋根本上就唔想去，因為我本身係一個追星嘅人，有得出去行咁就梗係去信和或者有得買追星嘢嘅地方啦，例如旺角。咁阿爸阿媽梗係唔願意啦主要原因係真係太遠加上佢哋唔想我沉迷追星，咁所以我又一直留喺屋企，跟住佢哋又鬧，形成咗一個惡性遁環⋯⋯ 所以我喺度就想問吓大家係咪都好鍾意宅喺屋企，同埋我可以點做

#NSS學校 [GUEST] 是咁的 近排比一個同學bully 其實好早就開始bully我 但係近排嚴重咗好多 個同學見到我所有嘅柒事都會po上佢IG story 唔知點解 我已經block咗佢

#NSS愛情 [GUEST] 小妹讀女校嘅，平時都識唔到男仔，一年前參加咗一個出面嘅興趣班，有一個男仔大我一年，我雖然同佢冇乜點傾過計，但係佢平時上堂答問題令我覺得佢怕怕羞羞好得意，同埋都睇過佢除口罩嘅相都幾靚仔，所以對佢有少少好感 但係我有一日搵到佢ig，見到佢fol咗一個簡體字嘅hashtag(佢淨係fol咗一個hashtag😂，而我自己係極度唔鍾意人用殘體字，所以都唔想自己鍾意佢，但係每一個星期我見到佢又忘記咗佢用殘體呢件事，同埋唔知係唔係我自己自作多情，好似成日見到佢望住我，我又心動…但係我知道我自己同佢係冇可能，我點先可以唔再鍾意佢 sorry for 1999 diu細力啲🥲

#NSS個人 [guest] admin pls post ig 打唔打疫苗？點算好？ 是咁的 小妹今年中二 學校要求要有70

#NSS學校 [Guest] 小弟升F2, 呢排諗緊好唔好繼續join學校啲club 咁暑假都就嚟完，係時候準備吓返學，舊年因為疫情，好多club都冇招募，只係得3個club有宣傳，分別係女排、英劇同男乒，咁我對英劇有興趣，於是嗰陣就俾咗電話號碼個會長，成年得一次meeting，咁疫情呀嘛，都冇辦法，咁我又覺得幾好玩，如果得嘅話下年都想繼續join, 不過F2應該會忙少少 如果為學業着想，就梗係應該quit，不過我想繼續參加嘅原因除咗係因為自己有興趣之外，係因為我好享受嗰種一班人一齊努力嘅感覺，無耐之前，教電腦個阿sir叫咗我同埋另外幾個同學參加模型車比賽，雖然佢冇逼我哋參加，但係其他同學都唔肯參加，如果連我哋幾個都唔肯嘅話，真係冇人幫學校去比賽，為咗學校，我哋咪去囉，咁砌架車基本上冇乜問題，不過有一個車轆一直都唔郁，於是我哋搞咗好耐，最後終於郁，架車識郁嗰陣，我真係好開心，嗰種感覺係從來都未試過有嘅，我就係因為追求呢種感覺先想繼續參加英劇，平時睇動漫，見到嗰啲人不斷努力，去追求某樣嘢，我一直都唔明，而家終於明啦 我讀b1A學校，F1全級排名2x/13x, 喺度讀書絕對唔輕鬆，以學業為重當然係最好嘅，不過我真係好想參加英劇，我哋學校英劇最多參加到F4, 咁我究竟應該而家quit,

#NSS個人 [guest] 小弟14歲 唔知點解好怕出街 出到去見到差唔多年紀嘅異性就會突然好大壓力 但係喺學校又唔會出現呢種情況 請問有冇方法可以解決？

#NSS家庭 [Guest] 其實le 我就覺得自己冇錯lo 小妹今年F.4升F.5 咁功課都唔少㗎啦 入返正題 我呀爸就home office 緊

#NSS個人 [Guest] 小妹05，今年暑假嗰陣經常全屋企人出去食嘢，屋企人唔得閒就叫我出街獨自堂食，叫我盡量唔好外賣，因為唔環保。 但係我又唔鍾意出街獨自堂食， 覺得坐得唔係幾舒服， 因為其他食客會望住我食嘅，好似好孤獨咁😅 家人好少煮嘢食，同埋我現在都唔太識煮嘢(好多嘢仲學緊去煮，算係幾乎不會煮嘢食)， 其實我諗過當家人唔得閒嗰時自己煮嘢食，不過我有啲同學而家已經識煮好多餸，所以有啲自卑。 其實我係咪唔太應該出街獨自堂食？ 同埋我係咪太遲學煮嘢食啊？

#NSS個人 [GUEST] 強烈要求! 青蛙青蛙跳🐸

#NSS個人 [guest] 今年16歲，鍾意左一個人2年。 有時覺得自己幾仆街，因為鍾意一個人，下稱B，而憎一個識左幾年嘅「閨蜜」，下稱A。 我同B識左無幾耐，就比A睇穿左我鍾意佢。我自己都認左。B同A係識嘅，A成日post story曬佢同B嘅對話，但係佢地兩個都係因為我先識嘅，我見到A嘅story成日都會呷醋，甚至有次po story 寫話自己呷醋，A會來問我係咪因為自己令到我呷醋，之後say sorry。雖然我無明確咁同佢講答案，但係我諗佢應該估到。（我自己太容易呷醋）但係之後佢都係無停過繼續曬佢地啲對話，佢地仲會加啲心心係彼此啲訊息度，好曖昧，仲成日send長文比佢，之後又要曬出來，最近我feel到B好似鍾意A，真係好難受，所以開始討厭A，我知道自己好仆街，明明唔關A事，又要憎佢。但係睇住佢地兩個越玩越close，又成日單獨約出街，我個心真係好難受。其實我自己都認為A嘅性格有啲難頂，成日笑我死肥妹，（佢都算靚女）但係依家表面都要扮同A好friend，因為我驚其他人會話我仆街，話我八婆，A又會咁樣而唔開心，成日出埋D黑色嘅ig story,跟著又會周圍嗆衰我（我之前諗住同佢嘅友情可以越來越淡，之後成日唔覆佢ig

#NSS個人 [guest] admin po ig please 🙏🙏 是咁的，我個人人緣本身就唔係好，好多心事但唔敢揾社工家長，所以嚟投稿 自細做咩都好，莫名比人討厭，行埋去D人到佢哋自動彈開唔同我玩，我都唔知自己做錯咩…我只係想做個朋友啫…比人憎仲要比人蝦，噪又話煩靜又話詭異，成個小學生涯冇friend,真係好辛苦。 上初中為咗唔比人蝦成個人要幾癲得幾癲，最後的確有幾個friend但比人印象好差，不過至少好好地度過咗。