#NSS家庭 [Guest] 是咁的，我今日聽屋企人同佢哋朋友講，舊屋可能就嚟冇人租，咁嗰度每個月大概都要三萬，加上新屋呢度每個月要三萬+水電煤5000，自問屋企環境唔差，但係阿媽做嘢有唔開心嘅事，準備辭職，如果真係咁我阿爸唔知頂唔頂到,有追開韓星，佢哋專輯又唔係幾平，我成績又唔好，所以只能買少啲追星嘅嘢，完全諗唔到有咩可以幫到佢哋…….睇到佢哋工作壓力好大，呢個暑假我就日日廢，功課抄得就抄，退步咗勁多，咁呢啲都係我自作孽，呢啲嘢又未至於可以開放到同朋友講，感謝您睇到呢度，純粹抒發情緒🙇🏻sor for 1999

#NSS愛情 [hmtgss ] 「關於我鐘意咗我隔離位嘅事」 (To. F3 .坐我隔離某男生) 我知你應該睇到呢個post，所以我先投稿。事源我上年10月尾鐘意咗你，我到而家仲記得你次次都問我借筆記，堂堂都訓覺，假期成2點先起床，其實你真係好L麻煩，工作紙我幫你影印， 櫃桶我幫你執埋， 我有時懷疑你當我係工具人。但諗諗吓，其實我都成日點你做野，

#NSS個人 [好煩] 因為打唔打針呢個問題，已經同屋企人嘈咗好耐，我到依家一針都冇打過，我要返學丶有自己嘅生活。正苦要逼有咩辦法？日日係屋企，頭髮又冇得剪，堂食唔去，我ok架，唔通通日日stay at home咩，連做運動舒壓都唔得，我好大壓力。 加上冇私人空間，連書都溫唔到….. ，租study room又要一筆錢，來回都3hrs, 樓下己經係library, 大佬我要考

#NSS愛情 [你係我男神🥰] 我好鍾意你LMC,我5同你同校（雖然你男校），但你迷人嘅身高(14x-15x)踢波好型，豬腩肉般嘅肚臍好sexy,但係希望肥啲會好啲，肥嘟嘟咁矮得得咁，好似肥仔小朋友好cute. 希望你會注意到我係邊個，有朝一日我會表白😘🥰🥰希望你應承我啦,你小心點😏，同埋我係gxx 🤫我愛你小肥！

#NSS學校 [GUEST] 題目：VA 作文做乜鳩 小弟今年F3，宜家放緊所謂嘅暑期，對於學校今次嘅政策有所意見， 據某啲比較friend嘅老師透露，校長「建議」所有學科係假期都應該起碼比一份功課，加上有啲科本身功課比較多，搞到功課量多到爆炸，有大約30份，仲多功課過正常暑假，當中仲有幾份project，好多同學做到痴線。 我明白有人會覺得係我自己懶，但係當中有啲功課真心令人匪夷所思。 第一，上面提及校長嘅建議，令有啲本身冇咩功課嘅科出嘅功課好低能，有啲科就係做書嗰啲廢嘅練習，抄下ppt啲野落note就當一份，甚至有一科係叫我哋做一份未教過嘅工作紙，我都明白某啲老師嘅辛苦，夾硬係冇功課嘅嘢都搵啲功課出嚟，其實校長逼學生做啲冇意義的功課對學生學習有咩幫助，我寧願做多幾份起碼有啲quality嘅功課。 第二，老師可唔可以早啲set個功課出嚟，可唔可以唔好係假期中間無啦啦掉份功課出嚟，事先冇講過，然後就淨係比兩日我哋做，仲要唔只一次，原本plan好曬個plan完全被打亂。 第三，有冇人試過VA要做作文？？？功課中要求學生寫一篇150-200字（英文）嘅文，講下自己嘅性格特點，雖然對於我嚟講就冇乜難度，但係真心，VA作文？後面就話要按你嘅性格特點design一個protfolio,

#NSS愛情 [Spkc] 睇得人哋post 多 有讀後感了 分享一下一個唔係好尋常嘅女朋友（我 雖然我唔知道係我唔尋常，定係未遇到真愛，但係大機率都係前者 Sorry for 199

#NSS個人 [GUEST] 想請教下各位靚女 是咁的 小妹一直都想試下啲比較貼身嘅上身衫 喺屋企都有自己著嚟欣賞 但係就唔夠膽著出街（驚比人笑 點樣先可以大膽啲著出街 另外都想問下應該幾歲著正常嘅bra?

#NSS學業 [Guest] 請問大家啱啱升中一係咪都咁大壓力㗎呢？ 小妺今年啱啱升中一，近排都唔係好瞓得着，成日都會諗啲功課又未做晒，冇時間溫書，英文又唔係咁好。其實成日諗住呢啲我都好大壓力，但係我又控制唔到自己咁樣諗。我父母都冇比好多壓力我、逼我讀書，有時會同我講吓道理。我自己都好明白讀好啲書對自己好，但係我本身個人好容易分心，同埋有啲懶，一諗住做功課或者溫書就忍唔住去做其他嘢。 請問大家有冇啲方法令到自己集中啲，同埋令到自己冇咁大壓力？ Sorry for 1999🙏

#NSS家庭 [Guest] 小妹今年中二，屋企人平時都管得幾嚴，例如同friend出街要5點前返屋企，同邊個出街同去邊度都要同佢地交代清楚先會比我去。但係呢啲問題都唔算太大，最令我困擾嘅係佢地每晚要我11點前訓覺同埋唔比我擺部電話入房。 小學嗰陣我仲會好聽話，每晚10點半訓，但係上到中學之後發現身邊嘅friend都係好夜訓，同埋啲功課做唔切。而家放假我同friend夜晚會call下打下機咁，去到11點嗰陣我阿媽就會衝入我間房叫我訓覺，如果我遲咗少少訓，佢就會黑我面或者收我部電話。我有試過同佢溝通下，但係佢每次都係話「11點已經好夜啦，你唔訓覺有咩做？」「人地個個都係咁㗎啦」或者直接扮聽唔到，但係其實我都係想有返啲私人空間姐。而家我每晚都係偷偷地攞部電話入房，等全家人訓哂先出去擺返佢。 其實我覺得眼訓自然會去訓㗎啦，我都咁大個人點解仲要管住哂？平時返學要我11點前訓我都可以理解，但係我唔明點解放假都要咁。 Thx admin and sorry for

#NSS其他 [Guest] 乜追求夢想真係好on9咩？ 其實今日同我老豆傾完之後我就喺到諗呢個問題，乜追求夢想真係有錯咩？人各有志，就係因為人有夢想所以生活先變得有趣。如果樣樣都講現實，凡事但求實事，乜嘢都要100%嘅話，咁生活又有咩樂趣呢？ 講翻我嘅夢想，我嘅夢想係想做一個單車手，想做一個進軍環法/環意/環台嘅單車手，但係你同我講話我要現實啲，依家讀書緊要。乜我做單車手真係好唔現實咩？ 喺朱成玉嘅《有趣即有用》裏面話:「生而有趣，才是有用地活着。日子交付我們的手裏，就是讓我們珍惜和點亮的。」既然追求夢想係有趣嘅，何樂而不為呢？ 又喺殷海光嘅《人生的意義》裏面講到:「在各位現在這種年齡大家都有夢。胡適說，人生 應該有夢，否則人生不是太不豐富嗎？現在你們都有理想，但出了社會便可能不同了。那時各奔前程，各種打擊，各種現實的考慮，都可能使得你把崇高的理想收歛 起來。這就是現實在考驗我們的道德力，我們的理想性，我們對真對善對美的追求是否迫切。」 夢想，其實唔係取決於夢想嘅大小，而係取決於社會嘅價值觀同壓力以及人對於追求夢想嘅渴望。一個人之所以有趣，係因為佢有夢想；一個人之所以有生存落去嘅想法，係因為佢有夢想。夢想就係決定人之所以為人嘅一個特質。

#NSS個人 [GUEST] 其實被愛嘅條件係咪一定要靚？ 小妹個樣生得唔好，算係放喺人羣入面就會注意唔到我嗰種😢 但自認個性格都算唔錯，個人都幾樂觀。身邊好多朋友都話我係開心果，同我相處會覺得好開心、好輕鬆，同埋識得安慰人，需要我既時候都好可靠，但係始終啲朋友嚟得快，去得快，真正交心嘅朋友只有一兩個。 之前有交過一任男朋友，佢唔開心嗰陣我會氹佢，會講笑話，會帶佢去食佢鍾意嘅嘢，平時會發一兩句關心嘅說話，因為佢平時好忙，所以就算好想同佢傾計，都會留私人空間比佢做自己嘅事，唔想打擾到佢，而且我知道如果佢想搵我嘅話，佢就會主動同我講嘢。我唔捨得對佢發脾氣，所以我地之間都好少嗌交。佢有問題要問我嗰陣我都會儘量比建議佢，希望可以幫到佢。自認呢個女朋友嘅身份都算做得唔錯，但係唔到一年，佢就同我提咗分手，然後唔夠一個禮拜，就同第二個女仔喺埋咗一齊，後嚟聽朋友提起，佢新交嘅女朋友好靚女，但係對人嘅態度好差，成日都睇唔起人地。 唔通樣貌真係重要過性格？😢 辛苦哂Admin 早啲休息❤️

#NSS個人 [GUEST] here’s the story 我係一個普通嘅高中女仔，現實生活中完全冇拍過拖或者鍾意過身邊嘅人。我一直都冇真正確認過自己嘅性取向，所以自己會默默定義為直。但係！高中之後開始有身邊朋友come out咗，呢個時候開始我先真正接觸到bi/les 嘅人。 慢慢，我發現咗啲嘢！我一直以嚟鍾意過嘅全部明星都係女人，仲諗返起細個睇卡通對入面嘅女性角色有一種特別嘅感覺但係講唔出，而家發現可能係被吸引嘅感覺。睇明星嘢或者tv show嘅時候見到靚女發現自己居然有幻想過同佢哋一齊。

#NSS愛情 [GUEST] 我係女仔，今年form 4，鍾意咗一個好朋友，佢都係女仔。 我哋識咗差唔多10年。我同佢係小學同學一齊升同一間中學，又喺同一個squad，成日一齊放學一齊食lunch。我近排先發現自己係bi，冇同任何人講過，跟住發現自己對佢有啲同其他朋友唔同嘅感覺。好想同佢一齊，佢好得意，好上進。form 1嘅時候佢同過另一個女仔一齊，佢都有話自己係bi。 最近，佢話佢鍾意咗一個男仔，但係個男仔去咗英國，所以我都冇覺得唔開心，不過佢應該冇咁快move on。佢成日都同男仔傾計，但係我都係唔係好肯定要唔要試下追，同埋而家仲有唔到兩年就dse，佢成日都要補習，屋企其實都管得好嚴。另外，佢都唔知我係bi。 我哋其實online好少傾計，我又唔知點開話題。淨係喺學校先見到會講嘢，所以而家都幾個月冇講過嘢。 點算，唔肯定要唔要追😭

#NSS個人 [GUEST] 小妹而家中一，好迷惘，唔知應該點算。 少負面長文sor for1999 小妹喺上一年好幸運咁入到一間band 1a女校，越嚟越唔知道自己可唔可以駕馭到，覺得壓力好大， 自己本身小學成績唔差但係唔知幾時開始好多負面情緒湧上嚟，加上有一位自己著依賴嘅好朋友移民亦都令學習動力下降。上到中學一開始都順利，但係唔知點解硬係覺得好多無形壓力湧上嚟，我喺學校入面根本唔可以做到自己，我的確識咗唔少嘅朋友，同佢哋玩都好開心，但係我喺佢哋面前我係覺得好唔自在， 學校同屬或者唔熟嘅朋友之間嘅social並唔係我鍾意嘅但係冇辦法，咁其實朋友或許都唔係咁重要我明白。我成績唔好， 小妹都有自知之明入呢間學校係意料之外，所以自己都唔係好在意要的成績，但父母都一直對呢個好有要求，但係令到小妹比較反感係佢哋會一直對我嘅成績有個要求，又會有時候笑我：「不如搵間band3學校算啦你都讀唔到囉。」我唔知應該點樣回應。

#NSS學校 [GUEST] whatsapp最憎的回答 我唔憎人地已讀不回，或者佢地忙緊或者心情唔好。我都有試過放工放學都覺得好想摺埋。 但我最憎係wts有人成日用尼個符號「？ 」 我同佢講新年快樂。 佢答：？ 有時佢問我嘢，我答佢。 佢答：？

#NSS個人 [GUEST] 幸福唔係必然 小妹今年中四，讀緊band 1學校。本身日子過得無咩問題，生活ok，但係第5波疫情搞到阿爸上個月失業。 阿爸係我地屋企嘅經濟支柱，本身薪水都算ok，日常起居無問題，仲會有多餘添。平時唔駛慳住洗，有時想買嘢屋企人都比。但係當阿爸失業就變得好唔同，佢當份工係寄託，依家無咗自然會頹廢，但係我地又唔想追問佢，唔想做成無形壓力。阿媽有做野，但唔可以剩係靠佢過日子。自己都有補習，最近更補多咗一科，補習費本身已經唔細，依家仲大咗。假日，工人姐姐唔係屋企，阿媽就只可以買兩餸飯返黎我地食，買餸要慳住慳住，搭最平嘅車。無辦法，係要捱。呢個時勢，搵工仲難，我地都唔expect阿爸咁快有得返工。 好彩阿爸失業係”暑假”開始，起碼我成個假期留係屋企無出街，車錢飯錢慳返，又要消費券，可以減輕啲負擔。但係就黎復課，平時搭車返學車費唔平，又會日日同frd出街食飯嘅我，依家諗一個禮拜出面食一次飯已經好多。行街就唔駛諗，因為我唔想加重阿媽負擔。但係，好驚frd會發現我嘅轉變，我會好介懷，由以前咩都msw到依家要慳住，我唔想同frd講我依家嘅狀況。 我間學校小學要比唔平嘅學費，可能係咁，學校周圍都係有錢家庭，屋企唔係高薪厚職，就係做生意，個個同學朋友都大洗，好似無經濟問題咁，就算係疫情都無阻，所以我諗無人係體驗緊我依家嘅狀況，亦都可能未體驗過，根本唔會明我嘅感受，又因為係家事，都唔想外揚，所以屋企嘅現況無人知。有時又諗之後見住朋友們可以無拘無束咁消費食飯，少不免都會有羨慕同埋自卑嘅感覺，有時都會情緒起伏，幾晚係度諗點解撞著係我遭殃，但係只可以收埋係心度，就算係屋企人我都無傾關於我嘅心聲，阿媽已經有幾次同我申訴，明白佢嗰種艱苦，所以我唔想加重佢嘅擔心，唔想佢知ks我因為呢件事唔開心，就係咁，收收埋埋咗個幾月，每次諗都會喊得更犀利，但我唔知有邊個可以傾訴，無助。 我知呢件事根本無得怨天尤人，只可以話係命運嘅安排，或者係每個人都要經歷患難，我嘅患難就係屋企家境突然唔好，壓力大，所以想同大家講，幸福唔係必然㗎，可以無啦啦有一日過簡單生活都有困難，依家有飯食有學返有車搭嘅你，係好好好幸福，唔好申窮，記住要好好珍惜，因為今日唔知聽日嘅事，無嘢係必然。 我知道自己唔係最差嘅case，可能本身社交圈子都係啲朋友家境富裕，所以先搞到自己唔覺意比較，產生自卑，但係打擊還是有的。依家只可以心存盼望，祈禱希望奇蹟出現，等阿爸可以有返咁快工作，阿媽就唔係咁大壓力，過返啲好嘅生活吧！

#NSS個人 [GUEST] 睇到呢個post嘅讀者希望你哋珍惜身邊嘅朋友 我細個嗰陣係一個好唔識表達自己嘅人 所以身邊只有一個朋友 佢係一個台灣男仔 雖然大家唔係同一個性別 但係過往嗰10年幾我哋都係好好感情 因為我每個暑假同聖誕都會飛過去台灣搵佢 去到近呢一兩年我開始識諗

#NSS個人 [GUEST] 想問下點樣可以生高啲 今年15歲 166左右 我喺網上搵到好多方法去增高 但係我試過例如早啲瞓咁樣 就之後就發覺搞晒啲嘢之後都係12.1點左右先瞓 又或者係跳繩之前有一排試過跳但係跳跳吓都係跳唔高 想問吓大家可以有咩方法可以令自己生高啲

#NSS個人 [GUEST] sry for 1999 🙏🙏🙏 大家好，小弟今年F4，雖然讀左幾年書，但有嘅朋友真係唔多，政府又話復課之後無打針又無得上pe堂，音樂堂，又要坐邊邊，但自己一針未打，而我身邊D朋友都打齊兩針，依加我好驚失去我D朋友，我應唔應該為友誼放棄堅持，同埋真係有幾多人一針都未打？ thx admin

#NSS個人 [GUEST] 點解佢咁有錢……（長文慎入） 小妹今年f3屋企好窮,爸爸係做waiter嘅，媽媽係家庭主婦。因為父母想我讀好啲書，所以送咗我去讀名校，生活過得好清貧但還算勉強過得去。 我有個同班朋友超有錢，佢阿爸係上市公司老闆，阿媽係意大利model，佢係貨真價實嘅頂級富三代。 佢身材好，人又靚女，成績好好，仲要精通各種運動、樂器同語言。日日返學放學有司機接送，仲要每日唔同車款，總之都係豪車。佢用嘅嘢更唔使講，書包Hermès, 文具限量版，波鞋係巴黎世家。我真係好羨慕😞 成日喺ig見到佢post去高級法式餐廳食嘢嘅相，喺豪宅裏面嘅各種日常生活，同外國一線明星嘅合照⋯⋯ 因為疫情學校一停課，佢就一定會搭私人飛機出國（佢有去過義大利、法國、瑞士），唔知點解仲可以唔使隔離，可能係因為有黑卡的緣故⋯⋯最離譜嘅係佢學校恢課前一日先會飛返香港 之前佢生日請咗我同其他同學一起慶生，坐遊艇去綠蛋島玩，之後去佢係山頂嘅屋企，真係好大，我屋企都冇佢廁所大（之後查咗嗰間屋苑竟然係twelve