#NSS家庭 [GUEST] 話說上個禮拜係房到睇youtube，冇啦啦下面有啲痕，咁間房又得我一個就伸隻手入條褲到r 啦，點知咁啱youtube 就播個唔知咩宮廷game 嘅廣告有個女仔着到好暴露又好挑逗咁講嘢，點知又咁啱我呀媽開門入嚟，嚇到我即刻好大動作咁縮手，佢應該都睇到我電腦啲嘢，仲講咗句唔阻你啦就好快出返去。 而家我呀媽每次入我間房都特登敲門仲要大大聲嗌「仔，我入嚟架啦」先入我間房。其實入嚟前敲門係好事，但係我就唔知點解覺得好聚財咁。 我真係好想解釋清楚但係又唔知點開口，唔通同呀媽講我嗰日唔係打緊飛機呀你諗多咗啦咁？ 我真係淨係睇緊YouTube 咋！！！！！
#NSS個人 [GUEST] 原來我嘅佔有慾同疑心咁犀利。 小妹係上個月同男朋友開始拍拖。但係問題好快就開始咗，我逐漸發現原來自己嘅佔有慾同疑心好犀利。 首先，我連佢同同性朋友去玩都會唔開心。明明佢唔係淨係顧住佢啲朋友，一直盡量平衡兩邊。係我生日，情人節，同唔舒服，佢一定會係我身邊。就連禮拜六，日都幾乎係一日陪我，一日同佢啲朋友。佢對我咁好，我理應係好開心同有安全感先係，但係我就會好唔開心，好想霸住佢，要佢無時無刻都係我身邊。對佢嘅同性朋友都係咁惗，異性朋友更加唔使講，上述嘅感覺可以話係以倍數增長。但係，人有異性朋友係一件好正常嘅事，我自己都有，加上佢又唔係單獨同佢地出街，每次都有佢啲兄弟。我真係唔知點解我會有依啲感覺。 第二，我嘅疑心真係好犀利。明明佢每次同朋友去街都會同我講，仲會簡單講吓去邊同做咩。但係，我仲會懷疑佢，覺得佢口不對心。照道理，我應該係好放心先係。 我一次都冇表達到我嘅惗法，因為我知道自己嘅惗法好唔正常，反而會比到壓力佢。但係，隨著拍拖嘅日子增加，依啲感覺就一直累積，好驚自己唔知邊日同佢鬧交，會忍唔住爆曬出嚟。 究竟有咩方法可以改善我依個問題？
#NSS學校 [LTPSS] 事關我係呢間學校嘅alumni，前幾日見到啲師弟師妹(s4 and s5) 出story話學校補課安排。睇完之後真係覺得好過份，成個半鐘堂又冇乜休息時間。佢老味到底講緊嘅暑假係咪真係要chur盡佢呢，低form就唔使補課，高form就俾條仆街校長郭xx 玩死曬。我明白到form 4, 5 補課係必然嘅，但唔係日日囉。試問下 online learning 已經係攰到爆，仲要對住個screen全日，校長覺得好玩但係班老師同學生覺得唔好玩呀嘛。呢間學校啲高層同校長就真係一個二個都係仆街嚟㗎，超級鍾意玩撚死曬啲學生先至安樂。有陣時我都會覺得老師好慘，因為佢哋要奶校長鞋底。都係嗰句如果啲師弟師妹睇到，祝你哋好運
#NSS個人 [Stgss] 我最憎嘅人就係我啊爸爸媽媽,我憎佢哋生我落嚟,更憎佢哋生埋家姐。 我無名㗎,班PK日日係到「xx妹妹」,佢哋淨係識家姐,我讀嘅幼稚園小學中學都係因為家姐係入面讀我先讀,我根本唔鐘意啲學校,我有一段時間係超唔想返學,日日朝頭早係到哭話唔返學,就算遲晒到都照迫我返學屌你老母。 當初我爸媽話讀家姐間中學佢哋方便啲,跟住係咁迫我入去,冇問過我㗎,入到去之後我考差咗就鬧我都唔適合哩間中學,仲咩仲讀,wtf? 我依家f1同同學仲未好熟,我班同學都好L賤,有事就揾我冇事就88,仲要搵親都係問家姐嘢,有次我同學見到家姐之後同我講:「你家姐好靚啊,靚你好多,你又樣衰又哨牙…」返到屋企我同家姐講,佢就同我講:「我咁靚,難免嘅」老師成日話:「唔係比較但係你家姐哩方面好你好多」佢大1我幾年一定叻過我㗎仆你個街 佢哋搞到我覺得自己好廢呀,有時成日個腦自己都會出現自己比人好殘忍咁殺死嘅畫面,訓覺合埋眼就聽到老師同學係咁叫我個名,我依家係屋企上zoom都載口罩或者搵頭髮擋住自己塊面,我好想死,我想係自殺之前玩多陣姐,跟住就去死,點知條煩膠仲日日係到鬧我,仲cut wifi,搞到我交唔到功課比人鬧,食屎啦！