—類投稿

#NSS學校 [No] 我忍夠我班主任所以想喺度發洩吓 覺得我算有資格因為佢會做我六年嘅班主任 1）真係好唔識講嘢 同我講有老師邀請我去參加academic 聯課 有日無端端講係因為想我睇看啲人點讀書所以先叫我入（語氣係：你要多謝我因為我俾咗機會你睇人點讀書） 明明係其他老師邀請我入關你咩事 2）行為好唔合理 -學校會除咗口罩喺課室度行 -Zoom會開mic係咁吸鼻涕 -上zoom唔記得熄咪講學生壞話 -佢會坐喺張凳度叫我哋坐地下（係班房練習啦啦隊） -有任何班際比賽死都要贏，明明都攞咗第一仲要喺度話我哋態度有問題，因為練習嗰陣時勁似軍訓，明明隔離班都好和諧，大部份都係採取學生意見，而呢個老師就要我行我素，唔俾學生出意見，根本唔俾學生有領導能力同自己思想。 3）思想有問題 我有兩個好好嘅男性朋友 兩個男性朋友都做過佢嘅學生 都俾佢講過我哋兩個有嘢 話我哋唔檢點嘅同時同個未婚阿Sir每日食同一個飯 不斷同啲學生講講唔好同我個friend玩 （我個friend佢只係串過佢） 4）經常表現同男老師親密 佢30幾歲未婚，成日靠近男老師（真並非有色眼鏡） 最經典嘅一次，上堂嗰陣電腦有問題搵咗一個IT人嚟整，真係永生難忘佢喺度講「我真係好蠢呀咁都唔識」「真係麻煩晒你啦咁遠落嚟」

#NSS學校 [no] 忍夠班主任所以想發洩 1）真係好唔識講嘢 同我講有老師邀請我去參加academic 聯課 有日無端端講係因為想我睇看啲人點讀書所以先叫我入（語氣係：你要多謝我因為我俾咗機會你睇人點讀書） 明明係其他老師邀請我入關你咩事 2）行為好唔合理 -學校會除咗口罩喺課室度行 -Zoom會開mic係咁吸鼻涕 -上zoom唔記得熄咪講學生壞話 -佢會坐喺張凳度叫我哋坐地下（係班房練習啦啦隊） -有任何班際比賽死都要贏，明明都攞咗第一仲要喺度話我哋態度有問題，因為練習嗰陣時勁似軍訓，明明隔離班都好和諧，大部份都係採取學生意見，而呢個老師就要我行我素，唔俾學生出意見，根本唔俾學生有領導能力同自己思想。 3）思想有問題 我有兩個好好嘅男性朋友 兩個男性朋友都做過佢嘅學生 都俾佢講過我哋兩個有嘢 話我哋唔檢點嘅同時同個未婚阿Sir每日食同一個飯 不斷同啲學生講講唔好同我個friend玩 （我個friend佢只係串過佢） 4）經常表現同男老師親密 佢30幾歲未婚，成日靠近男老師（真並非有色眼鏡） 最經典嘅一次，上堂嗰陣電腦有問題搵咗一個IT人嚟整，真係永生難忘佢喺度講「我真係好蠢呀咁都唔識」「真係麻煩晒你啦咁遠落嚟」 ，仲要係勁嗲嗰種（佢個樣唔符合）

#NSS個人 [guest] 唔知有冇人都係咁樣？ 小妹16，打完兩針復必泰，政府就話淨係需要打一針。 但係距離我第二針已經過咗半年，我又未夠18冇得打第三針，日日打過去佢個熱線都冇人聽。 有冇人都係咁，可以點做🙇🏽‍♀️🙇🏽‍♀️

#NSS其他 [No] 真係唔好意思又要麻煩你哋🙏🏻🙇🏻‍♀️ 由於朋友關係佢真係唔想po真係好對唔住🙇🏻‍♀️ 所以班主任嗰篇麻煩唔好出真係對唔住麻煩晒🙏🏻 辛苦你地了🙇🏻‍♀️🙏🏻 圖Link: 沒有

#NSS學校 [GUEST] 遇網絡欺凌唔好忍 依個係我親身經歷 亦唔怕講 當事人睇到唔緊要 你係施暴者 就要預咗做錯嘅事比人公審。 P6嘅暑假期間 我同一個同學(簡稱A)關係好好 日日都一齊打機 期間打機嘅過程都好快樂 大家唔會互相責罵 直至佢識咗堆新frd(簡稱B) 我同佢哋原本都係好frd 一齊玩第五人格依啲game 但慢慢A同佢哋有矛盾 比佢哋開grp私鬧 基於做frd嘅原則 我都冇點考慮就即刻幫佢鬧翻轉頭 但傻眼在於 A之後居然同欺凌過自己嘅B 日日一齊玩 關係勁親密 仲比我發現佢地玩原神

#NSS社會 [GUEST] 今日想講下香港政府，發表下對香港政治的睇法，順便發洩一下自己的情緒，如有任何錯誤說法，希望大家屌細力啲。 希望admin po ig pls 今日指=20220223 今日派財政預算案，今年又係派消費卷啦，根據往年經驗（即係舊年），不論居民身份（香港非永久性居民可以拿一次過特惠津貼當係拿消費卷），每個成人都有10000今次。我本人唔反對派消費卷，但係次次派消費卷都要派俾新移民、香港非永久性居民，我就唔同意啦。 第一，基本上所有庫房的錢都係有納稅人俾出來的，而且基本上係有香港永久性居民俾的，新移民好多時候都冇點樣俾稅，但係我地香港永久性居民就要將我地啲稅收分埋俾佢地。我唔反對將消費卷派俾有納稅的香港非永久性居民因為佢地有份為庫房貢獻，就應該有份一起分錢，我唔反對。 但係，講到個啲冇俾過稅的香港非永久性居民，佢地好多時候都可，以拿政府福利，例如綜援（都係用我地納稅人的錢，仲要唔係我地永久性居民，憑什麼可以拿）。而家仲可以好似獅子開大口拿埋個啲消費卷，其他國家都冇咁的情況啦！ 況且，點解唔俾香港永久性居民的未滿18歲子女，要俾香港非永久性居民呢？我地父母有份俾稅，自然我地都應該可以拿啦！好似三年前咁，派4000蚊個時，佢都只係 俾香港永久性居民，而唔係香港非永久性居民，點解今次金額仲多，你地都要派俾佢地呢？ 點解政府寧願派俾香港非永久性居民多過香港永久性居民的子女：（ 尋日，我地偉大的行政長官，鄭阿毛個女，林鄭月娥話要提早暑假。 我相信大家同我一樣都係驚訝和憤怒。 冇啦啦要我地去做全民檢測，咩事啊？根本係浪費庫房裡面啲錢。 而且你要徵用學校去做檢測、隔離、打針。而家搞到我地一班學生哥要提早放暑假陪個政府癲，最後俾我地的補償就係補放2星期真正暑假。我明白政府的良心用苦，但係我覺得你而家根本係擾民。我寧願你提出alternative option：學校繼續上網課，dse押後，拒絕任何人回校上課，然後再俾啲老師拎曬啲嘢走。咪得咯！ 而家咁樣，我地全部say no，但係一個政府聽唔到我地的聲音…

#NSS學校 [荃灣區中學] 希望大家可以幫幫我。我宜家係荃灣區中學入面讀緊中三，我發現我好鍾意特別某幾位老師，F老師成日上堂同我哋玩，我好鍾意佢，但佢係某一班中六嘅班主任，成日自己整小禮物俾佢地，我見到會好唔開心，覺得點解我無。我成日都好想同佢講多啲野增進感情，見到佢同其他學生friend又會唔開心，但我地都係女，我有男朋友所以一定唔係鍾意女，我究竟點解會有咁嘅心態？

#NSS學校 [GUEST] 是咁的，上年11月尾小妹係SU度預訂左本手帳。(SU紀念物嗰啲) 話明預訂、而且都知師兄師姐學業忙可能要時間處理啲貨(當時有3-4樣小物開放購買)，咁但係手帳呢啲嘢應該係For你新一年用架嘛？🤔所以我當時以為2022前可以收到貨。 於是我就等⋯等完又等⋯ 1月中先醒起自己買左呢本嘢未收到，見到收據個日期先發現過左咁耐，但係過左幾日學校就緊急停課，改上網課。 睇返SU IG po出黎既review，手帳設計有印埋2022日曆，亦都幫你寫埋2022既日期(記嘢嗰啲位？幫你寫埋幾多號星期幾咁😂) 而家都就黎3月，林太又話放暑假，而SU一直冇更新過呢批紀念物究竟幾時發放/退錢，試過搵佢地IG問但係冇人覆，唔通我本嘢真係要成為”紀念物”?2022過左一半先可以開始用？lol 純粹想講下呢件事+唔知大家覺得應該點處理😂 Sorry for 1999🙏🏻希望admin po IG

#NSS個人 [GUEST] Admin po ig thx🙏🏻 小妹今年15，成日覺得自己胸形好奇怪。下面嗰半正正常常係脂肪嚟嘅，軟冧冧咁，但係上面嗰半就好硬+冇咁拱。因為我覺得上面嗰半摸落去似係肌肉，所以我懷疑上面嗰半好硬嘅原因係因為我由發育時期開始就有運動訓練，會做好多體能。 我喺google見到話做胸肌嘅體能可以令到個胸結實+大啲，但係我驚做嗰啲體能會令我個胸嘅脂肪流失，令個胸更加細。 同埋我淨係A cup, 著泳衣嗰陣個胸望落去基本上同平胸冇分別，因為上面嗰半嘅胸係唔拱嘅。 各位姐姐知唔知有咩方法可以令個胸形正常啲或者大啲？唔該晒

#NSS家庭 [Guest] admin辛苦晒！po ig thxxxx💖 呢個問題不停喺度困擾住我 希望大家可以俾啲建議🥲🙏 超長文傎入 可能有啲亂 先同大家道個歉🧎‍♀️ 真係想搵個地方去發洩一下自己嘅情緒 講返我自己先啦，我今年14歲，讀緊一間都算幾top嘅中學，係屋企嘅single child，屋企環境都算唔錯。 事緣係咁ge，小學一年班開始我爹哋失業，我媽咪就決定辭咗個工人（之前個工人夜晚俾我用電話），就叫我爹哋全職照顧我，我媽咪就負責做嘢搵錢，但係我爹哋係一個可以話係非常恐怖嘅家長，佢鍾意喺雞蛋裏面挑骨頭，小學頭嗰兩年佢都算正常，只係有事我唔合格嘅時候佢先會鬧我，但係小學三年班開始佢唔知發咗乜嘢顛，我考80幾分佢都會不停咁樣打我同埋鬧我，有時仲會因為一啲好unreasonable 鬧我打我，佢都會用一啲好極端嘅方法來懲罰我，好似叫我罰企11個鐘唔俾我食嘢唔俾我飲水唔俾我去廁所咁樣，佢仲會要求我唔俾我自己溫書，一定要佢陪我溫先可以，但係佢陪我溫嘅結果就係我每一日朝頭早6:00起身溫書溫到夜晚10:00先可以休息，食飯15分鐘去廁所計時一分半鐘，我細個嘅時候仲覺得佢係為我好先會咁樣對我，但係可能因為我比較早熟，反叛期來得好早，我四年班就開始日日同佢嗌交，但係嗌交嘅事源都係佢喺度無理取鬧，好似佢話佢自己準備去沖涼但係我就好想去廁所，咁人有三急好正常啫係唔係啊，係嗰陣時佢會拉我出嚟跟住喺度鬧我仲會打我，我：wtf？？？我究竟做錯啲乜嘢？ 好多時佢都係因為呢啲好無理取鬧嘅理由當我挑起呢場交，再唔係就我考低過佢嘅預期分數，但係佢預期分數係95分，95分唔容易考😂🥲，我小學成績真係算唔錯🥲🥲，至少我高小嘅時候科科都有A呀，我就咁樣喺佢嘅控制底下渡過左六年嘅小學生活。 到咗中學，如佢所願我升咗去一間Banding好好嘅學校，但係佢到咗中學佢都要求我考全級頭10，佢仲變本加厲咁樣去鬧我打我，中學我終於可以開始自己返學，但係佢嘅要求係每次放學都要打七次電話俾佢，但係我屋企同學校嘅距離都算幾近，佢係要求我出校門打一次電話去到地鐵站再打電話上車再打電話落車再打電話去到某間shop再打電話去到屋企樓下嗰個出口再打電話去到屋企樓下嗰個閘再打電話，我真係頂唔順囉，由學校返屋企講緊30分鐘都唔使嘅路程，冇人會喺光天化日底下拐人（？ 我真係頂唔順佢嘅控制 我就開始唔理佢，佢都開始唔理我，我原本覺得咁樣都算唔錯我終於唔使受人控制，但係我開始越嚟越唔開心，我爹哋唔理我輪到我媽咪去理我，我媽咪唔會打我，但係佢每一句講嘅嘢都好似一把刀咁樣插入我個心。 跟住到2020年嘅12月14號，我好記得嗰一日，我媽咪真係唔知發咗乜嘢顛突然間衝左入嚟我間房將碟晚餐成疊冚落我塊面嗰度，跟住佢就走咗出街，我嗰陣時真係好委屈好想死，第一次自殘就係喺呢一日，冇幾耐就被學校社工發現咗，就拉咗我去睇醫生，確診咗抑鬱症同埋焦慮症仲有PTSD。 我係2021年一月確診咗，之後嗰半年我都冇點樣返過學，日日就留喺屋企發霉，毫無意外我留咗班，因為我成個下學期根本就無返過學，我媽咪都唔同意我入醫院。 （呢度講一講返我媽咪，我媽咪係一個對我爹哋非常之癡迷嘅人，非常非常非常之愛我爹哋，佢堅信因為我哋係基督徒所以結咗婚就係結成一體，永不分離，就算我爹哋點樣打我佢都係企喺我爹哋嗰一邊，總之就永遠覺得都係我唔啱我先會俾人打） 我就咁樣渾渾噩噩渡過左中二嘅下學期，到咗新學年，雖然我仲係中二，但係我開始有膽返學，雖然都係會成日唔開心，我媽咪仲係用佢嘅語言去攻擊我，我爹哋雖然冇打我，但係佢都會成日喺度吟吟沉沉講得好大聲話我點樣唔好果樣唔好，總之就好撚煩啦 到咗11月我情況開始急轉直下，日日都喺度界手自殘，係冇1分鐘我係開心嘅，咁樣渡過左兩個月，到咗一月我返學校考試嘅時候，社工就見到個情況真係非常之唔好，都唔理我媽咪嘅意願，拉咗我入醫院，雖然喺醫院會有啲唔習慣，但係唔使見到佢哋兩個感覺真係非常之無敵勁好。 住院一個禮拜之後，精神科醫生終於嚟睇我，我媽咪同埋我姑媽我爹哋都嚟咗，醫生同埋心理學家都覺得我呢個情況已經係屬於重度抑鬱症，已經唔再適合住喺屋企，留喺屋企只會令我情況更加唔好，剩係得兩個選擇，一係去家舍一係比親戚收留你，咁啱我表哥去咗外國，我姑媽就收留左我。